Dagblaðið Vísir - DV - 23.11.1988, Blaðsíða 2

2
MIÐVIKUDAGUR 23. NÓVEMBER 1988.
Fréttir
Guðmundur Hermannsson yfírlögregluþjónn um ólæti við skólana:
„Unglingarnir ætluðu
í hasar sín á milli“
- þessi síðasta helgi segir mjög ljóta sögu
„Þessi síöasta helgi segir mjög
ljóta sögu: íkveikja í Fossvogsskóla
og svo þessi læti við Ölduselsskóla.
Ég held þó að ástandið sé ekki svo
frábrugðið því sem það hefur verið.
Það hafa komið upp tilfelli með
rúðubrot og önnur skemmdarverk
við skólana undanfarna vetur."
sagði Guðmundur Hermannsson
yfirlögregluþjónn í samtali við DV.
Á föstudagskvöld kom til mikilla
óláta við Ölduselsskóla. Þar söfn-
uðust saman nemendur úr Öldus-
elsskóla og Seljaskóla. Vitað var að
nemendur úr Seljaskóla fóru í þeim
tilgangi að lenda í einhvers konar
átökum við nemendur Öldusels-
skóla sem voru að koma af skóla-
dansleik. Lögregla var kvödd til en
þurfti að yfirgefa vettvang þar til
fleiri lögregluþjónar komu til að-
stoðar þar sem nemendur beggja
skólanna sameinuðust gegn lög-
reglunni.
Aðvörun fyrr um kvöldið
Guðmundur Hermannsson segir
að lögreglan hafi farið af vettvangi
fyrst og fremst til að forðast að lög-
reglan lenti í átökum við ungling-
ana. Upphaf lögregluskýrslu vegna
þessa máls hljóðar svo:
„Laust fyrir klukkan ellefu á
föstudagskvöld var kallað eftir að-
stoð á skólalóð Ölduselsskóla. Það
var kennari sem óskaði aðstoðar
lögreglu. Kennarinn tilkynnti að
ólæti væru á skólalóðinni og verið
væri að brjóta rúður. Lögreglubíll
var sendur að skólanum vegna ól-
áta í unglingum. Fyrr um kvöldið
hafði borist viðvörun til lögregl-
unnar frá kennara í Seljaskóla um
að unglingar þaðan heföu í huga
að gera aðsúg að nemendum Öldus-
elsskóla - en þar var þá haldinn
skóladansleikur.
Þegar lögregla kom á staðinn
voru tvö til þrjú hundruð unglingar
við skólann og var mikill æsingur
í þeim. Þegar lögreglubíllinn stans-
aði þyrptist mikill hópur unglinga
að honum. Fóru nokkrir þeirra upp
á vélarlok og þak bifreiðarinnar og
virtust ætla að reyna að losa þann
búnað sem þar er. Ökumaður bif-
reiðarinnar ákvað að reyna að
forða bifreiðinni frá skemmdum og
ók á brott...“
Síðar kom lögreglan og þá fjöl-
mennari og tók hluta af unglingun-
um með sér.
Unglingarnir ætluóu í hasar
„Það sem gerðist var það að ungl-
ingarnir ætluðu í hasar sín á milli.
Þegar löggan kom hættu þeir við
allt og hófu að gera at í löggunni.
Það hefur borið á því nokkra vetur
að krakkar úr einum skóla hafa
verið að gera at í krökkum í öðrum
skólum. Hitt er annað aö töluvert
er um að rúður séu brotnar í skól-
um og ekki vitað hverjir eru þar
að verki. Ég veit ekki hvort þetta
er meira en áður - en það hefur
verið eitthvað um þetta af og til
áður. Þetta er þó frekar að breytast
yfir í aðsúg og þá hljótast stundum
af meiðsl. Skemmdarverkin voru
algengari áður fyrr. Þau fylgja
þessu reyndar enn.
Þó að kennarar séu á vakt er ekki
hægt að ætlast til þess aö þeir ráði
viö neitt ef verður múgæsing. Það
verður einhvern veginn að ráða
fram úr þessu - en ég veit ekki
hvernig,“ sagði Guðmundur Her-
mannsson yfirlögregluþjónn.
-sme
/
Margrét Þóra Baldursdóttir flórburamóðir:
Fæ fjórburana
heim eftir um
hálfan mánuð
„Það er ekki svo léttað lýsa tilfinn-
ingunni þegar ég hélt á þeim öllum
fjórum í fyrsta skipti. Maður varð
að hafa allan hugann við það að
halda á þeim,“ sagði Margrét Þóra
Baldursdóttir, hamingjusöm fjór-
buramóðir, við DV eftir að hún hafði
haldið á fjórburunum sinum öllum
saman í fyrsta skipti.
Margrét Þóra er nú heima hjá sér
í Mosfellssveitinni en með annan fót-
inn niðri á Landspítala.
„Ég fer á fæðingardeildina tvisvar
á dag til að gefa þeim. Ég hef ekki
nóg fyrir þær allar en legg eina á
bijóst á dag. Þær þrífast mjög vel
stúlkumar og ég reikna með að við
sameinumst heima eftir um hálfan
mánuð.“
- Hefurðu áttað þig á þessu öllu
saman, nú þegar þær eru orðnar
þriggja vikna gamlar?
„Nei, það hef ég eiginlega ekki. Ég
átta mig fyrst almennilega á því hvað
hefur gerst þegar ég fæ þær allar
heim og ég mun sjálf sjá um að ann-
ast þær. En þetta leggst alveg afskap-
lega vel í mig.“
Margrét Þóra og maður hennar,
Guðjón Sveinn Valgeirsson, hafa
ákveðiö nöfn á þær allar og verður
skírt í Lágafellskirkju 11. desember.
-hlh
Fjórburasysturnar una sér vel í fangi móður sinnar, Margrétar Þóru Baldurs-
dóttur. „Þær þrífast allar mjög vel stúlkurnar og ég á von á þvi að við
getum sameinast heima í Mosfellssveitinni eftir um hálfan mánuð. Það
leggst mjög vel í mig að þær komi heim, en þá átta ég mig fyrst almenni-
lega á þessu," sagði Margrét. Foreldrarnir hafa fundið nöfn á stúlkurnar
sem verða skírðar 11. desember í Lágafellskirkju. DV-mynd GVA
Bókun hjá landskjörstjóm:
Þingforsetar meti
forföll þingmanna
Á síöasta fundi landskjörstjórnar
var samþykkt bókun þar sem
stjómin tekur fram að hún leggi
ekki mat á forföll þeirra varaþing-
manna sem áður hafi íengið kjör-
bréf. Þessa bókun er ekki hægt að
skilja öðruvísi en að nú verði ekki
gefin út kjörbréf til varaþingmanna
nema í ákveöinn tíma.
Landskjörstjóm hefur hingað til
eingöngu afgreitt kjörbréf með lög-
formlegum hætti og það hefur
einnig verið hlutverk kjörbréfa-
nefndar á Alþingi. Með þessu er
verið aö árétta að mat á því hverjir
sýni fram á eðlileg forföll verði ein-
göngu hjá forsetum þingsins og
kemur þetta í kjölfar umræðna.
Guðrún Helgadóttir, forseti sam-
einaðs þings, sagöist leggja þennan
skilning í bókunina og reyndar tók
hún fram að þetta væra engin ný
tíöindi.
Bókun sem þessi hefur ekki áöur
verið gerð hjá landskjörstjórn og
sagði Benedikt Blöndal, hæstarétt-
ardómari og oddviti landskjör-
stjórnar, að með þessu væri verið
að ítreka það að það væri ekki í
þeirra verkahring að meta það
hvort varamaöur væri með lögleg
forföll eða ekki. Benedikt sagði að
bókunin væri tilkomin nú vegna
þess að forsetar þings heföu verið
að tala um það að varamenn væra
of margir á þingi.
Þess má geta að bókunin var gerð
á fundi sem tók afstöðu til kjör-
bréfa þeirra Ólafar Hildar Jóns-
dóttur, sem tók sæti Skúla Alex-
anderssonar, og Unnar Kristjánss-
dóttur sem er varaþingmaður
Ragnars Arnalds. Hvorug þeirra er
fyrsti varamaður. í báðum tilvik-
um er um Alþýðubandalagsmenn
að ræða.
-SMJ
Félagsvísmdastofnun:
Framsókn
sækir á
- í könnun 9.-14. nóvember
í könnun sem Félagsvísindastofn-
un Háskólans gerði fyrir Morgun-
blaðið 9. til 14. nóvember kemur fram
að Framsóknarflokkurinn er nú
næststærstur stjórnmálaflokka með
23,3% fylgi. Sjálfstæðisflokkurinn er
stærstur með 29,6% fylgi. Kvenna-
listinn er með 21,3%, Alþýðubanda-
lag 10,6%, Alþýðuflokkur 10,5% og
Borgaraflokkur 3%.
Frá því að Félagsvísindastofnun
gerði sína síðustu könnun hefur
Framsóknarflokkurinn aukið fylgi
sitt verulega en þá var hann með
19,1%. Alþýðubandalagið hefur einn-
ig bætt nokkuð viö sig en Kvennalist-
inn tapar mestu, var með 28,4%.
-SMJ
Grindavik:
Brutust inn og
spenntu upp
peningaskáp
Innbrot var framið í Kaupfélag
Suðumesja við Víkurbraut í Grinda-
vík aðfaranótt þriðjudags. Þjófarnir
komust inn í verslunarhúsnæðið
með því aö spenna upp hurð á suöur-
hlið hússins. Þeir höföu eingöngu
áhuga á peningum og létu önnur
verðmæti ósnert.
Þjófunum tókst með haka að
spenna upp bak á peningaskáp á
skrifstofu kaupfélagsins. í skápnum
voru talsverð verðmæti. Þjófarnir
höföu á brott með sér níutíu og fimm
þúsund krónur í peningum. í skápn-
um voru einnig ávísanir og kredit-
kortanótur að verðmæti samtals um
200 þúsund krónur. Þjófarnir hirtu
ekki um ávísanirnar og kreditkorta-
nóturnar.
Lögreglan í Grindavík vill biðja
alla þá sem urðu varir mannaferða
við Kaupfélag Suðumesja aðfaranótt
þriðjudagsins að láta vita.
-sme
Bllndhæð framundan. Við vitum ekki hvað
leynist handan við hana. Ökum eins langt
tu hægn og kostur er og drögum úr hraða.
Tökum aldrei áhættul |»umfebmr