Dagblaðið Vísir - DV - 23.11.1988, Blaðsíða 5
MIÐVIKUDAGUR 23. NÓVEMBER 1988.
5
Þing Alþýðusambands íslands:
Þetla er eins og að
sitja á jarðsprengju
■ - allt í óvissu hjá uppstillingamefhd og flokkamir kölluðu til fimda 1 gærkveldi
„Ég hef aldrei kynnst öðru eins og
þessu. Það er eins og maður sitji á
jarðsprengju," sagði sá gamal-
reyndi pólitíkus og verkalýðsfor-
ingi Guðmundur J. Guðmundsson
viö tíðindamann DV í gærkveldi
um stöðuna á þingi Alþýðusam-
bands íslands. Þá var enn allt í
óvissu um hveijir yrðu í framboði
við kosningar til æðstu embætta
Alþýðusambandsins sem hefjast
eiga undir hádegi í dag.
Ásmundur gaf sig upp
Um miðjan dag í gær gekk Bene-
dikt Davíðsson, talsmaður kjör-
nefndar, í pontu og tilkynnti að
nefndin myndi gera tillögu um Ás-
mund Stefánsson sem næsta for-
seta Alþýðusambandsins. Það var
það fyrsta sem fékkst staðfest um
að Ásmundur gæfi kost á sér. Þá
haföi reiði þingfulltrúa yfir þögn
Ásmundar um þetta efni magnast
svo að menn sáu sér ekki annað
fært en að tilkynna þetta. Menn
höfðu þá líka uppgötvað að „gráa
svæðið", sem svo er kallað, en það
eru fulltrúar sem ekki taka við
skilaboðum frá stjórnmálaflokkun-
um, hafði stækkaö svo að það hefur
aldrei verið útbreiddara á þingi
ASÍ. Sumir telja að óbundnir full-
trúar séu í meirihluta á þinginu.
Margir halda því fram að það sama
sé að gerast á þingi ASÍ og gerðist
á þingi BSRB á dögunum þegar
pólitisku böndin brustu. Þetta fólk
sagðist ekki una því að forsetinn
gæfi ekki ákveðið svar um hvort
hann gæfi kost á sér áfram. Þess
vegna var farið að hta eftir kandíd-
ötum. Þegar það fréttist þótti
mönnum ekki lengur til setunnar
boðið og framboð Ásmundar var
tilkynnt með þessum hætti.
Nokkru eftir að Benedikt sté í
pontu var það farið að leka út að
samkomulag væri í uppstillingar-
nefnd um að með Ásmundi sem
forseta legði nefndin til Rögnu
Bergmann, formann Framsóknar í
Reykjavík, og Þórð Ólafsson frá
Þorlákshöfn sem varaforseta sam-
bandsins. Ragna er krati en Þórður
framsóknarmaður. Þetta þóttu
ekki öllum góð tíðindi þar eð mikil
stemning er á þingi fyrir því að
Þóra Hjaltadóttir og Vilborg Þor-
steinsdóttir frá Vestmannaeyjum
verði varaforsetar.
Kvennasamstaða
Þegar mest gekk á tilkynnti Aðal-
heiður Bjarnfreðsdóttir þeim Bene-
dikt og Magnúsi að hún myndi fara
í ræðustól og skora á konur að
standa saman og þingfulltrúa alla
að kjósa þær Vilborgu og Þóru.
Þetta hafði hún líka gert á hádegis-
verðarfundi sem launanefnd
kvenna á vinnumarkaði hélt kon-
um á ASÍ-þinginu í hádeginu í gær.
Þar fékk tillaga Aöalheiðar og góð-
ar undirtektir.
Svo fór líka að Þórður Ólafsson
mun ekki tilkippilegur að gefa kost
á sér eða var það ekki í gærkveldi.
Ragna Bergmann hafði þá ekki tek-
ið ákvörðun um hvort hún færi
fram. Með þessari hugmynd að
uppstillingu forsetanna var upp-
stillingarnefndin að leysa pólitíska
vandamálið, það er að stjórnar-
flokkarnir héldu sínu.
Þegar séð var hvaða viðtökur
þessi hugmynd fengi var talað um
að þetta væri ekki tillaga heldur
hugmynd. Ákveðið var að uppstill-
ingarnefndin kæmi saman í gær-
kveldi og var raunar búist við næt-
urfundi hjá henni. Þá héldu sumir
því fram að hætta gæti verið á að
uppstillingarnefndin spryngi. Þar
væri ekki full samstaða við upp-
stillinguna.
Skilyrði Ásmundar
Það skilyrði Ásmundar Stefáns-
sonar fyrir því að hann gefi kost á
sér áfram stendur enn en það er
að Þóra Hjaltadóttir verði ekki
varaforseti. Ef Þóra ljær máls á því
að fara fram er talið víst að hún
nái kjöri. Sumir segja að Ásmund-
ur muni hætta við framboð ef Þóra
býður sig fram en aðrir segja að
hann muni láta kjósa en segja af
sér nái hún kjöri en forseti er kjör-
inn fyrstur. Þess vegna eru menn
með ýmsa aðra forsetakandídata í
huga. Tveir menn eru þar oftast
nefndir: Örn Friðriksson, formað-
ur Málm- og skipasmiðasambands-
ins, og Grétar Þorsteinsson, form-.
aður Trésmiðafélags Reykjavíkur.
Menn voru í gærkveldi hræddir um
að svo færi aö Ásmundur hætti við
enda hafði Þóra þá ekki gefiö af-
dráttarlaust svar um að hún færi
ekki fram.
Þóra er undir mikilli pressu að
gefa kost á sér til varaforseta. Allar
konur á landsfundi Framsóknar-
flokksins skrifuðu undir áskorun
til hennar um að gefa kost á sér.
Hún fékk metkosningu í miðstjórn
flokksins og hún er undir mikilli
pressu frá forystu Framsóknar-
flokksins um að gefa kost á sér.
Síðan hafa konur á ASÍ-þinginu
lagt hart að henni að fara fram og
náði sú pressa hámarki með ræðu
Aðalheiðar Bjarnfreðsdóttur. Þeg-
ar DVspurði Þóru seint í gær hvort
hún hefði tekið ákvörðun sagði hún
það ekki vera, það yrði ekki fyrr
en snemma í dag sem afstaða henn-
ar lægi endanlega fyrir.
Mörgum þingfulltrúum er mjög
illa við skilyrði Ásmundar og segja
það óþolandi með öllu að menn
setji svona skilyrði. Hann eigi eng-
an rétt á að ráða því einn á 500
fulltrúa þingi 60 þúsund manna
verkalýðshrevfingar hverjir verði
varaforsetar með honum eða mið-
stjórnarmenn.
Þá verður boðið fram
í öll embætti
Sú var vissa þeirra sem DV ræddi
við í gær að ef Ásmundur, Þórður
og Ragna yrðu í framboði til for-
setaembættanna yrði boðið fram á
móti þeim með tillögum utan úr
sal. Og ekki bara það heldur yrði
þá ótalinn fjöldi fólks boðinn fram
við miðstjórnarkjörið sem fram fer
eftir hádegið í dag. „Það verður þá
boðið fram í öll embættin," sagöi
verkalýðsforingi í samtali við DV.
Þetta vita foringjar stjórnmála-
flokkanna sem sitja á Alþýðusam-
bandsþinginu. Þess vegna var boð-
að til funda hjá Alþýðubandalaginu
og Alþýðuflokknum í gærkveldi
um stöðu mála. Þá ætluöu foringjar
Sjálfstæðisflokksins að hittast. Ta-
lið var víst að framsóknarmenn
myndu líka hittast en það fékkst
ekki staðfest. Menn eins og Karl
Steinar. Björn Grétar Sveinsson,
Björn Þórhallsson, Magnús Geirs-
son, Aðalheiður Bjarnfreðsdóttir
og Hrafnkell A. Jónsson, svo
nokkrir þungavigtarmenn séu
nefndir. sögðu allir í samtali við
DV í gær að staðan væri svo óljós
að ekki væri npkkur leið að spá um
hvað gerðist. Þeir sögðust allt eins
eiga von á mörgum tillögum um
menn í allar stöður sem kosið verð-
ur um á þinginu. Enginn þeirra
sagðist muna eins mikla óvissu á
ASÍ-þingi og nú. Staðan væri svo
viðkvæm að þingið væri eins og
púðurtunna. Margir þeirra bera
ugg í brjósti um að þessi átök og
sú upplausn, sem ríkt hefur á þing-
inu, geti orðið Alþýðusambandinu
dýrkeypt, jafnvel að það muni enda
sem valdalaus stofnun líkt og
Bandalag starfsmanna ríkis og
bæja hefur verið síðan félögin inn-
an þess fengu samningsréttinn.
-S.dór
um greiðslutímabil.