Dagblaðið Vísir - DV - 13.03.1990, Side 3

ÞRIÐJUDAGUR 13. MARS 1990. ; á
dv Fréttir
Það vilja margir heiðra Fúsa sjötugan, enda er hann einn af ástsælustu
listamönnum þjóðarinnar. DV-mynd GVA
Sigfús Halldórsson sjötugur í haust:
Margir vilja heiðra
höfund Litlu flugunnar
Sigfús Halldórsson, tónskáld og
listmálari með meiru, verður sjötug-
ur 7. september næstkomandi. Marg-
ir vilja heiðra höfund Litlu flugunnar
á afmælisárinu og hefur viðamikil
útgáfa verið ákveðin. í tilefni af-
mælisins verður útgáfa á sérstökum
afmælispakka með bók og hljóm-
plötu og annarri hljómplötu að auki.
Bókaútgáfan Reykholt mun gefa
út stóran afmælispakka tileinkaðan
Sigfúsi. Þar verður myndarleg bók
með æviágripi eftir Jónas Jónasson
útvarpsmann og einnig verður birtur
mikill fjöldi mynda eftir Sigfús. Með
bókinni verður hljómplata með öll-
um helstu lögum Sigfúsar og eins
nýjar upptökur af áður óbirtum lög-
um. Hljóðritanir á þekktustu lögum
Sigfúsar verða bæði nýjar og gamlar.
Bókin og hljómplatan koma út í
einum pak.ka í haust og verða seldar
þannig. Á afmælisdaginn verða
fyrstu eintökin af þessum veglega
afmælispakka komin út og kynnt.
Reykjavíkurborg mun styrkja útgáf-
una með kaupum á ákveðnum fjölda
eintaka.
En það eru fleiri sem vilja heiðra
Sigfús á afmælisárinu. Bæjarráð
Kópavogs hefur nýlega samþykkt að
fela bæjarstjóranum að undirbúa
útgáfu á hljómplötu með lögum Sig-
fúsar. Sigfús hefur verið búsettur í
Kópavogi síðustu áratugi en er bor-
inn og barnfæddur Reykvíkingur.
„Ég er fæddur og uppalinn á
Laugaveginum en hef búið lengi í
Kópavogi. Það má segja að ég hafi
verið með fyrstu mönnum sem gerð-
ust Stór-Reykvíkingar. Annars er
þetta svo samgróið - og svo sér mað-
ur Esjuna úr Kópavogi. Það yljar
manni,“ sagði Sigfús í spjalli við DV
í gær.
Undirbúningur að þessari hljóm-
plötu er rétt hafinn og því lítið vitað
um hvernig hún verður en hún kem-
ur aðeins seinna út en fyrrnefndur
afmælispakki.
Að sögn Sigfúsar á hann mikið af
lögum og því verða plöturnar ekki
eins.
Loks mun Sigfús sjálfur halda stóra
sölusýningu á verkum sínum á
Kjarvalsstööum í september.
-hlh
Landgræðsla:
Aburðarverksmiðjan
býður 20% afslátt
Að sögn Arna Gunnarssonar al-
þingismanns hefur Áburðarverk-
smiðja ríkisins gefið vilyrði fyrir því
að selja verulegt magn af áburði til
Landgræðslu ríkisins með afslætti.
Landgræðslan kaupir nú um 1630
tonn af áburði á ári og miðast tilboð
Áburðarverksmiðjunnar við að veita
20% afslátt á heildsöluverð. Það
verður þó aðeins á þann áburð sem
sem keyptur er umfram 1630 tonn
og bundið við að að minnsta kosti séu
keypt 1000 tonn.
Samkvæmt upplýsingum frá
Aburðarverksmiðjunni hefur sala á
tilbúnum áburði dregist verulega
saman. Er hún nú á milli 53.000 til
56.000 tonn á ári á meðan fram-
leiðslugeta verksmiðjunnar er 70.000
tonn. Telja forráðamenn verksmiðj-
unnar að frekari samdráttur sé við-
búinn og því sé það mikilvægt fyrir
nýtingu verksmiðjunnar að geta selt
meira.
Þetta kom fram við umræðu um
þingsályktunartillögu um að efla
landgræðslu sem þingmenn allra
flokka standa að. Er gert ráð fyrir
því í tillögunni að landbúnaðarráð-
herra verði faliö að hlutast til um að
gerð verði markviss áætlun um að
stöðva eyðingu jarðvegs og gróðurs
á íslandi.
Árni gagnrýndi mjög ástand mála
í dag og sagði að þjóðargjöfin 1974
■hefði komið að sáralitlu gagni. Þá
sagði hann að því hefði verið haldið
fram við hann að jarðvegseyðingin
hér væri meiri en í ýmsum löndum
Afríku þar sem vandamálin væru
gífurleg.
-SMJ
Hofsós:
Skuldirnar minnka
Eins og fram kom í DV í síðustu
viku var Hofsós skuldsettasta sveit-
arfélag landsins í árslok 1988. Þá
námu skuldir sveitarfélagsins um 1
milljón og 70 þúsund krónur á hverja
fjögurra manna fjölskyldu á núvirði.
Samkvæmt nýuppgerðum reikning-
um fyrir árið 1989 hefur staða sveit-
arfélagsins skánað til muna. Nú
nema skuldir Hofsóss um 580 þúsund
krónum á hverja fjölskyldu á sama
verðlagi. Niðurfærsla á skuldum
hreppsins á síðasta ári nemur því um
490 þúsund krónum.
Samkvæmt ársreikningi fyrir árið
1988 voru skuldir sveitarfélagsins
um þrisvar sinnum hærri en árstekj-
umar. Samkvæmt ársreikningi fyrir
síðasta ár tæki það Hofsós um eitt
ár og átta mánuði að greiða niður
skuldirnar ef allar tekjur rynnu til
þess.
Ástæða þessara miklu breytinga er
fjárhagsleg endurskipulagning sveit-
arfélagsins þar sem lánardrottnar
þess felldu niður og lengdu lán.
-gse
Matvöruverslunin Hafnarkjör að Hafnarbraut 1 í Neskaupstað brann til
kaldra kola aðfaranótt mánudags en veitingastofan Við höfnina, sem var í
öðrum enda hússins, stendur enn uppi þótt tjón hafi einnig orðið þar mik-
ið vegna reyks og vatns. í versluninni brann allt sem brunnið gat og er
tjón eigandans, Bergljótar Bjarkadóttur, verulegt. Þar var talsverður vöru-
lager og nýlegt kæliborð. Slökkvistarf var mjög erfitt þvi að eldur var mik-
ill þegar slökkviliðið kom á staðinn. Útkalislúður brást og gekk seint að
koma boðum til slökkviliðsmanna, þurfti að hringja í þá. í gær unnu sima-
menn að rannsókn þess máls en niðurstöður liggja ekki fyrir, heldur ekki
hvers vegna kviknaði í versluninni.
DV-mynd Hjörvar Sigurjónsson
ráðherra heim-
sækir Japan
Halldór Ásgrímsson sjávarútvegs-
ráðherra fór til Japan á mánudaginn
og dvelur þar fram á laugardag í
boði japanskra stjórnvalda. Ráð-
herra mun í viðræðum við japönsk
stjórnvöld leggja áherslu á aukin við-
skipti landanna. Japan er þegar einn
mikilvægasti markaður fyrir ís-
lenskar sjávarafurðir. Jafnframt
verður fjallaö um samvinnu þjóð-
anna á sviði sjávarútvegsmála, með-
al annars um verndun og skynsam-
lega nýtingu hvalastofna. Halldór
skoðar að auki stofnanir og fisk-
vinnslufyrirtæki. Þá heimsækir
hann íslenska sýningardeild á mat-
vælasýningunni Foodex 90 í Tokýo.
Á heimleið kemur ráðherrann við
á hinni árlegu sjávarafurðasýningu
í Boston. Þrjár íslenskar sýningar-
deildir verða á þeirri sýningu. í
Bandaríkjunum hittir Halldór for-
svarsmenn íslenskra fyrirtækja og
skoðar verksmiðju Iceland Seafood í
Harrisburg.
___________________-JH
EndurskÍRgS
í skamffi>En
Við hækkum bifreiðastyrkinn
ykkar í 200 þúsund krónur
Vegna þátttöku almannatrygginga 1 bifreiðakaupum fatlaðra höfum við
hjá Jöfur hf. ákveðið að hækka styrkinn ykkar um 20 þúsund krónur ef
þið kaupi Favorit eða Peugeot 205
Favorit 136 L
Staögrverð
Styrkur til bifreiðakaupa
Afsl.
Þú borgar
Peugeot 205 jr.
Staðgrverð
Styrkur til bifreiðakaupa
Afsl.
Þú borgar
kr. 264.800
kr. 593.700
kr. 180.000
kr. 20.000
kr. 393.700
kr. 464.800
kr. 180.000
kr. 20.000
JÖFUR HF
NÝBÝLAVEGI 2
KÓPAVOGI
SÍMI 42600