Dagblaðið Vísir - DV - 04.07.1990, Blaðsíða 13

MIÐVIKUDAGUR 4. JÚLÍ 1990.
13
Lesendur
„Hver ætti líka að vera akkurinn í því að kaupa nýtt bílnúmer er þess þarf ekki?“ segir m.a. í bréfinu.
Bílnúmerakerfið dýrt og óþarft:
VHjum skrúfa þau gömlu
Ásgeir Sigurðsson skrifar:
Eg las í Tímanum fyrir stuttu að
það tæki okkur íslendinga um 30 ár
að losa okkur við gömlu góðu bíl-
númerin. Eins og allir vita er búið
að taka upp nýtt bílnúmerakerfi. En
landinn er ekki mikið fyrir nýjung-
ar, einkanlega þegar bíllinn er ann-
ars vegar. Bíleigandinn vill hafa sitt
gamla númer og engar reíjar. - Þetta
var því óskynsöm ráðstöfun og auk
þess rándýr og sennilega algjörlega
óþörf í þokkabót.
Við höfum dæmi um að bílnúmer
hafi fylgt sömu ættinni allt síðan bíl-
ar fóru að sjást hér á götum og marg-
ur maðurinn setur það að skilyröi
fyrir sölu bíls síns að hann fái að
skrúfa sitt gamla merki af bílnum
og setja það á næsta bíl sem hann
eignast, eða fá það geymt að öörum
kosti, jafnvel mánuðum eða árum
saman ef hann verður bíllaus svo
lengi.
Þannig er líka komið númeraskipt-
unum að ekki eru nema um 15 eða
16 þúsund ný bílnúmer komin í um-
ferð af um 140 þúsund bifreiðum
landsmanna. En hver ætti hka að
vera akkurinn í því að kaupa nýtt
bílnúmer fyrir nokkur þúsund krón-
ur þegar þess þarf ekki?
En bíðum nú við. Þess verður ekki
langt að bíða að þegar nú er komið
í ljós að flestir vúja ekki skipta um
bílnúmer og kaupa það sem kallað
er „fast“ númer á bíhnn þá kemur
ríkið inn í myndina. Með hvaða
hætti? - Jú, einfaldlega með þeim
hætti að settar verða reglur eða jafn-
vel lög (já, hvað fer hér ekki fyrir
þing?) um að menn skuh skikkaðir
til að kaupa hin nýju númer og sæta
þannig afarkostum! - Vitleysa? Ekk-
ert meiri vitleysa en annað sem hér
eru settar reglur um.
En ef þetta rætist nú (sem við skul-
um vona að ekki verði) þá heiti ég á
bifreiðaeigendur, sem ekki vilja nýju
merkin, að standa saman og neita að
kaupa þau. Við höfum staöiö í því
gegnum árin að skrúfa merkin af og
á aftur þegar við skiptum um bíl og
við viljum, margir hveijir, halda
áfram að skrúfa þau gömlu ef við
þurfum að skrúfa á annað borð. -
En m.a. orða: Var nú ekki hægt að
koma upp inniaðstöðu til að skrúfa
skrásetningarmerki af og á hjá Bif-
reiðaeftirliti íslands hf. úr því verið
var að taka þar aht í gegn? Ég sé
ekki betur en gamli þrífóturinn með
skiptilykhnum og keðjunni sé enn
úti á plani. - En hvað gerir maður
ekki fyrir að fá að halda gamla núm-
erinu?
Stöð 2 í Sandgerði:
Sést sjaldan og illa
Þorvaldur hringdi:
Nú um nokkurt skeið hefur Stöð 2
veriö að auglýsá Frakklandsferðir
og lagt talsvert í kostnað eins og fylg-
ir slíkum auglýsingaherferðum. -
Við sem búum hér í Sandgerði og
nágrenni hefðum heldur viljað sjá
dagskrá Stöðvar 2 við betri skilyrði
en nú er, t.d. með því að fá hér endur-
varpsstöð eöa annað sem bætti úr
núverandi ástandi.
Þrátt fyrir himinhá loftnet og aðrar
hundakúnstir, sem mönnum dettur
í hug að reisa, til að ná Stöð 2 sóma-
samlega er lítil bót að og margir eru
hreinlega hættir að reikna með stöð-
inni og hafa því gefið hana upp á
bátinn, a.m.k. á meðan þetta ófremd-
arástand varir.
Ég vænti þess að Stöð 2 láti kanna
þetta mál frekar hið bráðasta og
dragi þá úr öðrum útgjöldum á með-
an úrbætur fara fram. Kannski er
þetta vandamál ekki einungis bundið
við þetta byggðarlag okkar og er þá
þeim mun frekar átaks þörf til að
koma útsendingarmálum í fullnægj-
andi horf.
Bflar og fótboltar á Miklatúni
Ingimar Sigurðsson skrifar: Reykjavík sem eru óhultir fyrir bíl-
Þeir eru ekki margir reitirnir í um. Til skamms tíma hefur Miklatún
„Frekar vildi ég þó mæta hundum sem kæmu út úr einhverju rjóðrinu en
bílum eins og ég hef gert ítrekað," segir hér m.a. Frá Miklatúni
(Klambratúni í Reykjavík).
verið einn þeirra en „nú er hún
Snorrabúð stekkur“. Að undanfomu
hafa fótboltaáhugamenn nánast lagt
undir sig túnið og einhverra hluta
vegna telja sumir þeirra nauðsynlegt
að komast sem næst sparkvöllunum
í stað þess t.d. að „hita upp“ með
góðum spretti frá bílastæðunum við
Kjarvalsstaöi.
Aka þeir þess í stað á brautum sem
ég hélt að væm aðeins ætlaðar gang-
andi fólki og í því tilviki er rétt að
benda á að skýrt kemur fram að
hundar eigi ekki aðgang að túninu.
- Frekar vildi ég þó mæta hundum
sem kæmu út úr einhverju ijóðrinu
en bílum eins og ég hef gert ítrekað.
Ég vil leyfa mér að vekja athygli
borgar- og lögregluyfirvalda á ofan-
greindu ef vera kynni að skilningur
minn á umferð á Miklatúni sé réttur.
Sé hann hins vegar rangur verð ég
víst að beygja mig undir það að það
sem öllu virðist ráða, fótbolti og bíl-
ar, hafi einnig tekið völdin á Mikla-
túni. - Fer þá að fjúka í flest skjól!
SÍNE-félagar
I Bandaríkjunum og Kanada
Fundur verður haldinn í Stúdentakjallaranum
í kvöld 4. júlí kl. 20.30.
Fulltrúi í stjórn LÍN mætir á fundinn.
Nauðungaruppboð
Þriðja og síðasta nauðungaruppboð á eignarhluta Matthíasar Einarssonar,
Ingibjargar Matthíasdóttur og Ragnhildar Matthíasdóttur í 2. .hæð fast-
eignarinnar að Laufásvegi 17, að undanskilinni tveggja herbergja íbúð á
nefndri haeð, en með tilheyrandi hlutdeild í eignarlóðarréttindum, samtals
75% af þessari fasteign, fer fram eftir kröfu Vilhjálms H. Vilhjálmssonar hrl.,
Björns Ol. Hallgrímssonar hrl. og Gjaldheimtunnar í Reykjavík á eigninni
sjálfri föstudaginn 6. júlí 1990 kl. 13.30.
Borgarfógetaembættið I Reykjavík
RAUFARHÖFN
Nýr umboðsmaður á Raufarhöfn
frá og með 1/7 '90
Sólrún Hrönn Indriðadóttir
Ásgötu 21
sími 96-51179
Nauðungaruppboð
á lausafjármunum
I. Eftir kröfu Guðmundar Þórðarsonar hdl. og Magnúsar Norðdahl hdl.
verður haldið opinbert uppboð að Hamraborg 3, norðan við hús, mið-
vikudaginn 11. júlí 1990 kl. 17.30.
Seldar verða eftirgreindar trésmiðavélar í eigu Viðju hf.: yfirfræsari R 9
SCM, SCM s-13 hjólsög og Tegle Tube járningarvél.
II. Eftir kröfu Skúla Fjeldsted hdl. og skattheimtu ríkissjóðs í Kópavogi verð-
ur haldið opinbert uppboð að Auðbrekku 32 C (Löngubrekkumegin)
miðvikudaginn 11. júlí 1990 kl. 17.50. Seld verður J.E. Hall frystipressa
í eigu Hafíss hf.
Greiðsla við hamarshögg.
Bæjarfógetinn I Kópavogi.
Almennur lögtaksúrskurður
Hinn 3. júlí 1990 var í fógetarétti Suður-Múlasýslu og Eskifjarðar kveðinn
upp almennur lögtaksúrskurður vegna vanskilafjár staðgreiðslu opinberra
gjalda með eindögum 15. hvers mánaðar frá febrúar til maí 1990 ásamt
álagi og vöxtum, svo og til tryggingar vangreidds virðisaukaskatts, álags
og dráttarvaxta fyrir tímabilin janúar, febrúar, mars og apríl 1990 með eindög-
um 5. apríl og 5. júní 1990 álögðum á einstaklinga og lögaðila á Eskifirði og
í Suður-Múlasýslu.
Lögtök mega fara fram á ábyrgð Gjaldheimtu Austurlands en á kostnað
gjaldenda að liðnum 8 dögum frá birtingu auglýsingar þessarar.
Skorað er á gjaldendur að gera fullnasgjandi skil nú þegar en lögtök fara
fram án frekari fyrirvara.
Eskifirði 3. júlí 1990.
Svslumaðurinn í Suður-Múlasýslu.
Bæjarfógetinn á Eskifirði.
FLUGMÁLASTJÓRN
Námskeið í flugumferðarstjórn
Ákveðið hefur verið að velja nemendur til náms í flug-
umferðarstjórn sem væntanlega hefst í byrjun vetrar
1990.
Stöðupróf í íslensku, ensku, stærðfræði og eðlis-
fræði verða haldiri í september nk.
Umsækjendur skulu vera á aldrinum 20-27 ára, tala
skýrt mál, rita greinilega hönd, standast tilskildar
heilbrigðiskröfur og hafa lokið stúdentsprófi.
Umsóknareyðublöð liggja frammi hjá Flugmála-
stjórn, á fyrstu hæð flugturnsbyggingar á Reykjavík-
urflugvelli, og ber að skila umsóknum þangað fyrir
1. september, ásamt staðfestu afriti af stúdentsprófs-
skírteini og sakavottorði.
Flugmálastjórn