Dagblaðið Vísir - DV - 19.07.1990, Blaðsíða 12
12
Spumingin
FIMMTUDAGUR 19. JÚLÍ 1990.
Spumingin
Sjá allir
sömu litina?
Sigrún Gautsdóttir nemi: Nei, ég
hugsa ekki. Það fer eftir fólki. Sumir
eru litblindir.
Elín Bragadóttir nuddari: Það hugsa
ég. Sjálfsagt eru þó einhveijir lit-
blindir.
Björgvin Friðsteinsson bifvélavirki:
Nei, það sjá ekki allir sömu litina.
Ég hef rekið mig á það.
Díana Kristjánsdóttir skrifstofumað-
ur: Nei, það held ég ekki. Það er sér-
fræðinga að svara af hveiju.
Kristján Bjarnason nemi: Örugglega
ekki..Mér finnst augljóst að svo sé
ekki.
Lesendur_______________________dv
/
Mengun og mikillæti
Konráð Friðfinnsson skrifar:
Núna tala menn gjaman um Þjóð-
verja og Japani sem hina einu sönnu
sigurvegara í heimsstyrjöldinni síð-
í ari. Einkum vegna þess að ríkin tvö
J státa af styrkri stöðu í efnahagsmál-
j um samfara mikilli sókn á sviðum
viðskiptalífsins. Á bæjunum þeim
kvað fólkið lifa í allsnægtum. Mis-
jafnt eru þær „allsnægtir" þó túlkað-
ar þar, enda um tvö gjörólík menn-
ingarsvæði og þjóðir að ræða.
Okkur er tjáð að japanskir verk-
smiðukóngar „eigi“ sitt fólk með húð
og hári, jöframir skaffi starfskröft-
um sínum húsnæði og séu verslanir
þær er fólkið sækir gjaman einnig á
þeirra könnu. Má því vísast segja,
að laun púlsmannanna fari aldrei út
fyrir lóð fyrirtækjanna.
Ekki er samt allt gull sem glóir og
öll mál hafa tvær hliðar. Ég tel að
þessi ríki eigi kannski „heiðurinn"
af öðrum og ögn neikvæðari þætti
heldur en þeim er fyrr er hér getið
og snýr aö undirstöðu alls lífs - sjálfu
sköpunarverkinu.
Þessari margþættu lífskeðju spfila
nú jarðarbúar æ meir sökum græðgi,
og sísoltinnar peningahítar, svo aö
þeir geti viðhaldið falskri atkomu.
Afkomu sem byggist í aðalatriðum á
því að selja og selja sem mest, nán-
ast hvað sem er. Þannig hlýst af of-
framleiðsla á öllum mögulegum og
ómögulegum hlutum. - Og undan
þessu stynur náttúran.
Fyrir þessu loka menn bæði augum
og eyrum nema í tækifærisræðum
þar sem kampavínið flýtur og vindla-
reykurinn liðast um salarkynnin. En
nefndir eru sendar vítt og breitt um
heiminn, ekki síst þangað sem þægi-
legt er að dveljast, svo sem í nálægð
góðra baðstranda og afslöppunarað-
stöðu. Fátt bitastætt kemur þó frá
þessum nefndum. Kannski ekki hlýtt
á þær sem skyldi. Úrbætur kosta
peninga sem oft og tíðum má víst
telja í milljörðum króna.
Eftir traustum upplýsingum má
fullyrða að Þjóðveijar spúi meira af
eitruðum úrgangsefnum út í and-
rúmsloftið en nokkurt annað land í
Evrópu eða tæpum 5 milljónum
tonna á ári (1988). Og ástandið hefur
lítið skánað. Handbærar tölur eru
ekki fyrir hendi hvað Japan varðar
en það er umtalsvert að sögn.
Þaö er líklega ekki fjarri sanni að
áðurnefnd ríki séu vel sett í nútíman-
um. Samt er það svo að kerfi sem
gerir fjármagnið rétthærra mönnun-
um fær ekki staðist tímanst tönn.
Sökum þess er of snemmt að tala um
glæsilegan árangur. Nær væri að
gæta að því hvort mengun á ekki
eitthvað skylt viö mikillæti eða of-
metnað vegna umtalsins um „sigur-
vegara stríðsins“.
Greinarskrif Hannesar Jónssonar um EB:
Ahugaverð
og fræðandi
Þórarinn J. Jónsson skrifar:
Ég set þessar línur á blað vegna
þess að mig langar til að koma á
ffamfæri þakklæti til Hannesar
Jónssonar fyrrv. sendiherra fyrir
greinarskrif hans um Efnahags-
bandalag Evrópu, og ábendingar
hans um hættumar fyrir íslenskt
fullveldi og sjálfstæði, bæði huglægt
og efnahagslegt.
Hann hefur þann hæfileika að geta
gert umræðuna um EB áhugaverða
og fræðandi fyrir hinn almenna
borgara og er óskandi að hver ein-
asti íslendingur, sem einhveija
sinnu hefur á því að leggja sitt af
mörkum til að vemda hagsmuni ís-
lands, sjálfstæði okkar gagnvart öðr-
um löndum, landhelgina, tungu okk-
ar og menningu, lesi greinar Hannes-
ar.
Eins og þeir munu sjá sem kynna
sér skrif hans bendir ekkert til þess
að ávinningur okkar við að binda
trúss við EB sé einhver. Þvert á
móti virðast sumir þeir sem eiga að
leiða samninga fyrir okkar hönd
vera búnir að tapa áttum í samninga-
gerðinni og telja sig vera búna að fá
vilyrði fyrir ívilnunum vegna sér-
stöðu íslands. - ívilnunum sem
hvergi em staðfestar með undir-
skriftum neinna ráðamanna!
Án sérstakra samninga um land-
helgina, íjármagnsflæði, vinnuafls-
flutninga og fleira erum við svo
sannarlega búnir að grafa okkar eig-
in gröf. Eg held persónulega að við
ættum að hlusta á menn eins og
Hannes Jónsson, menn sem hafa
reynslu svo áratugum skiptir af ut-
anríkismálum. Við ættum og að taka
til athugunar aðra þá valkosti sem í
boði em og koma fram í grein Hann-
esar Jónssonar.
Við megum ekki við því aö láta
berast með straumnum inn í framtíð
sem gæti orðið okkur og bömum
okkar óbærileg sem íslendingum.
Mismunur á verðlagningu á flugfragt og yfírvigt:
Vegur þungt
fyrir farþega
Pétur hringdi:
Það er mörgum farþeganum sem
fer með flugi til útlanda óskiljanlegt
hve dýrt það er að vera með yfirvigt
í farangri sínum. - Ég vil taka dæmi
af flugfragt og yfirvigt farþega. Ef
sendur er fiskur í flugi eins og ég
hefi einnig gert kostar imdir eitt kíló
39 krónur (miðað við 100-500 kg).
Farþeginn, sem heldur þó að mestu
uppi rekstri flugsins með fargjöldum
sínum, greiðir hins vegar 513 kr. fyr-
ir kg í yfirvigt farangurs. Mér finnst
þetta ekki ná nokkurri átt. Þetta veg-
ur þungt fyrir farþegann og geta orð-
ið áhöld um hvort ekki borgar sig
aö kaupa annan farmiða þegar yfir-
vigtargjald fer að slaga upp í far-
miðaverð.
Hér þarf örugglega skýringa við og
raunar algjörrar uppstokkunar og
samræmingar á þessari verðlagn-
ingu. Ég get ekki séö hvers vegna það
ætti að þurfa að vera svona miklu
dýrara að fljúga með aukakíló sem
kallaður er farangur en þegar kílóin
flokkast undir fragt. Þetta er kannski
eitt af því sem almenningi er ekki
ætlað að skilja í frumskógi þeim sem
oft er nefndur þegar verðlagningu
flugfélaga ber á góma.
Tonflstarmennirnir og systkinin Carpenters:
Á dagskrá
28.
Gunnella Jónsdóttir, kynningarstjóri
á Stáð 2, hringdi:
Vegna lesendabréfs Hjartar Geir-
sonar, sem birtist í DV þriðjudaginn
17. þ.m. ásamt fyrirspum um það
hvort ekki væri hægt að fá að sjá
hina frægu söngkonu, Karen Car-
penter, í sjónvarpi, t.d. á mynd-
bandi, eða tónlistarþátt með henni
og bróður hennar, Richard, og tónlist
Stöðvar 2
júlí
þeirra, vil ég upplýsa eftirfarandi.
Laugardaginn 28. júlí nk. verður
einmitt á dagskrá hjá Stöð 2 kvik-
mynd um ævi og staif Karenar Car-
penter og um tónlist þá sem hún
flutti ásamt bróður sínum. - Þetta
er um 2ja tíma löng mynd og ættu
þeir sem áhuga hafa á henni aö
merkja við dagsetninguna til öryggis.
„Maradona, einstaklega leikinn með boltann". - Hér sést Maradona
(t.v.) etja kappi við þýska knattspyrnumanninn Guido Buchwald.
Vonbrigði með
HM-úrslit
Dögg skrifar:
í DV 10 júlí sl. skrifaði Haukur
Helgason um sigur Þjóðveija yfir
Argentínumönnum í Heimsmeist-
arakeppninni í knattspymu. Ég
varð undrandi á að lesa þá grein
og er ég viss um að ég er ekki ein
um það. Mér og mörgum öðmm
þóttu úrslitin nefnilega vera hrein
og klár dómaramistök, jafnvel að
dómaranum hafi verið mútað af
Þjóðveijum fyrir leikinn.
Argentínumenn eru búnir að
standa sig frábærlega vel, jafnvel
betur en Þjóðverjar. Til dæmis
varði markvörður Argentínu-
manna fjórar vítaspyrnur og verð-
ur það að teljast stórkostlegur ár-
angur hjá þessum unga pilti. Mara-
dona er búinn að standa sig mjög
vel þótt níðst hafi verið á honum í
hverjum leik, felldur hvað eftir
annað en hann alltaf staðiö á fætur
og ekki gefist upp.
Ég býst við að fáir hafi slíkt út-
hald sem þessi frábæri leikmaöur
og skildi því vel vonbrigði Mara-
dona þegar fjóra góða leikmenn
vantaði í lið hans, leikmenn sem
vom í leikbanni, og einnig þegar
tveir góðir leikmenn vom reknir
út af og Þjóðverjar vom tveimur
mönnum yfir. Allt þetta hlýtur að
hafa verið mikil pressa á Argent-
ínumenn.
Mér fannst Argentínumenn eiga
fullkomlega skihð að verða»sigur-
vegarar þótt heppnin fylgdi þeim
ekki fast eftir. Einnig fannst mér
að ítahr eða Englendingar hefðu
átt skihð að keppa við Argentínu-
menn í stað Þjóðverja. Þjóðveijar
léku leiðinlega knattspymu miðað
við Englendinga og ítali.
Ég tel að dómarinn hefði átt aö
halda sig við læknisstörfm en
sleppa knattspymunni. Svona
dómarar gera knattspyrnu leiðin-
lega. Það voru vonbrigði fyrir mig
og fleiri að horfa upp á að Þjóðveij-
um var gefin vítaspyrna að ástæðu-
lausu. Það var greinilegt að Þjóð-
veijum var dæmt í hag en Argent-
ínumönnum í óhag.
Að mínu mati áttu Argentínu-
menn sigur skihnn og Maradona
er og verður enn um sinn með lang-
bestur leikmönnum heims með því
að hann er bæði harður af sér og
einstaklega leikinn með boltann.