Dagblaðið Vísir - DV - 05.05.1992, Blaðsíða 4

4
ÞRIÐJUDAGUR 5. MAÍ 1992.
Fréttir
Forráðamenn Atlantsflugs og Flugferða-Sólarflugs í hár saman:
Klögumálin
ganga á víxl
Atlantsflug hefur nú rift öllum samningum við Sólarflug um farþegaflutninga
í sumar.
Deilan milli Atlantsflugs og Flug-
ferða-Sólarflugs snýst ekki bara um
greiðslufyrirkomulag fyrir leiguflug
heldur einnig um endurgreiðslu
vegna olíuverðs og greiðslu á flug-
vallarsköttum.
„Aðalmálið er þó flugvélaleysi og
lendingarleyfaleysi á þeirri vél sem
okkur var boðin,“ segir Guðni Þórð-
arson, forstjóri Flugferða-Sólarflugs.
„Við gerðum samning við Atlants-
flug fyrir allt sumarið um leiguflug.
Síðan kom það í ljós með vorinu að
þeir voru ekki færir um að standa
við samninginn vegna þess að flug-
vélin, sem lendingarleyfin voru veitt
út á, var farin til Víetnam. Hingað
kom júgóslavnesk vél sem var hægt
aö fá lendingarleyfi fyrir í nokkrar
ferðir ef Atlantsflug gerði upp ein-
hver gjöld frá síðasta ári í Kaup-
mannahöfn og London. Þetta þótti
okkur svo ótryggt að viö greiddum
þeim nokkur fyrstu flugin inn á
tryggingareikning í viðskiptabanka
okkar með óafturkallanlegum fyrir-
mælum um að bankinn greiddi Atl-
antsflugi um leið og þeir fram-
kvæmdu þjónustuna."
Greiddi ekki staðfestingar-
gjöld
Halldór Sigurðsson, framkvæmda-
stjóri Atlantsflugs, sem rifti samn-
ingi sínum við Sólarflug í síðustu
viku, vísar fullyrðingum Guðna um
flugvélaleysi á bug. „Guðni greiddi
ekki staðfestingargjöld samkvæmt
samningi. Þar sem hann ætlaði að
fara að sameina og fella niður ferðir
miðað við upphaflegan samning og
gat ekki sagt til um hversu margar
flugferðir yrðu í maí var ákveðið að
taka hingað vél á tímagjaldi. Það
þótti betra en að koma með flugvél
hingað heilan mánuð sem kannski
stæði meira og minna. Það er rétt að
við þurftum að sækja sérstaklega um
leyfi til að fljúga inn á Danmörku þar
sem vélin var erlend. Við skulduðum
litilræði frá því í fyrra og það var
gert upp um leið og við fengum leyf-
ið. Þetta stóð ekki í vegi fyrir einu
né neinu.“
Júgóslavneska þotan, sem Atlants-
flug ætlaði að nota í flugið fyrir Flug-
ferðir-Sólarflug, er farin utan en eig-
in vél Atlantsflugs kemur til landsins
25. maí.
Guðni vill fá endurgreiðslu
Guðni kveðst hafa staðið í deilum
um langt skeið við Atlantsflug um
endurgreiðslu vegna Persaflóaverðs
á olíu fyrir allt síðastliöið sumar.
„Verðið lækkaði og nemur sú upp-
hæð, sem við eigum að fá endur-
greidda, um 9 milljónum króna.“
Halldór Sigurðsson segir það rangt
aö Guöni eigi rétt á endurgreiðslu.
„Það var gerður samningur fyrir-
fram. Við settum til öryggis þak á
eldsneytisklásúluna vegna ótryggs
ástands þannig að ef eldsneytið færi
yfir doflar á gallonið þá máttum við
rukka til viðbótar. Það er ekki þar
með sagt að hann eigi að fá eitthvað
endurgreitt ef eldsneytið hefur verið
eitthvað annað en dollar. Við þurft-
um aldrei að hækka og reiknuðum
eldsneytið hveiju sinni á því verði
sem það var.“
Guðni segir Flugferðir-Sólarflug
ekki skulda Atlantsflugi greiðslu fyr-
ir flugvallarskatta eins og Halldór
Sigurðsson hefur haldið fram. „Við
stöðvuðum greiðslu á hluta af flug-
vallarsköttum. Síðar fengum við
rukkun fyrir flugvallarskatta sem
eru hluti af lendingargjöldum flug-
véla sem alltaf eru inni í leigunni á
Bretlandi. Við stöövuðum greiðsluna
þar sem við áttum mörgum sinnum
meira inni hjá þeim.“
Fyrirsláttur
„Þetta er fyrirsláttur hjá Guðna,"
segir Halldór. „Ég gekk svo langt að
ég fékk útskrift á reikningum frá
bresku leiguflugfélagi, sem flaug hér
þrjár ferðir 1990, og ég sýndi Guðna
hana. Það koma fram nákvæmlega
sömu skattar og við erum að inn-
heimta hjá honum. Það sem er tengt
farþegum sjálfum er aldrei inni í
lendingargj öldum. “
Guðni segir nóg framboð af flugvél-
um fyrir ferðaskrifstofu sína en
kveðst núna leigja í eitt og eitt flug
í einu á meðan beðið er eftir fastri
vél. Þetta geti þýtt breytta brottfarar-
tíma.
-IBS
DV-mynd Ægir Már
Skemmdir í uppistöðum Regnbogans:
Kom mjög á óvart
- segir flugvallastjórinn
Ægir Már Kárason, DV, Suðumesjum;
Komið hafa í ljós skemmdir í uppi-
stöðum listaverksins Regnbogans
sem stendur við Flugstöð Leifs Ei-
ríkssonar. Virðist sem sprunga hafi
myndast efst í listaverkinu og valdið
því að vatn hafi komist inn í uppi-
stöðumar og hafa þær bólgnað upp
niður undir jörð.
Einnig hafa komið fram sprungur
í glerinu og er talið að það hafi
sprungið við ísetningu, en það munu
vera um 10 gler og kostar hvert gler
á milli 10 og 15000 krónur.
í listaverkinu eru 313 rúöur, og
engar eins, og í undirstöðurnar fóru
100 rúmmetrar af steypu. Hefldar-
kostnaður við listaverkið mun vera
á milli 20 og 25 mifljónir króna.
„Það hefur einhver titringur komið
á listaverkið og einnig hefur vatn
komist inn á mifli, hvemig sem það
var hægt. Það er búið að hleypa því
út og komast í veg fyrir það, að ég
held,“ sagði Pétur Guömundsson,
flugvallarstjóri á Keflavíkurflug-
velli, í samtali við DV.
„Á þessu stigi málsins er ég að bíða
eftir úttekt og tillögu varðandi þessi
vandamál og hvernig hægt er að
leysa þau sem hafa komið upp. Það
er ekki hægt að finna sökudólginn
fyrr en að því loknu en það mun
koma í Ijós innan fárra daga.
Þetta kom mjög á óvart þar sem
þetta er hannað af sérfræðingum og
lögð mikil vinna í og má nefna að
þeir fengu allar mögulegar tölur í
sambandi við vindhraða, veðráttu og
fleiri þætti málsins. Það er ekki fyrir
neinn leikmann að spá í þessa hluti,
einfaldlega að bíða eftir úttektinni
frá þeim sem stóðu að tæknilegum
þætti málsins og hvemig ber að leysa
það,“ sagði Pétur.
Verið er að vinna við aö helluleggja
umhverfis verkið og stilla ljóskast-
ara sem munu lýsa þetta glæsilega
listaverk upp en það er eftir listakon-
una Rúrí.
v
Nemar barðir og rændir
Flestir kunna vel að meta þær
lífsins lystisemdir að snæða ljúf-
fengan málsverð á góðu veitinga-
húsi og jafnvel dreypa á eðalvíni í
leiðinni. Matreiðslumenn okkar
hafa mjög sótt í sig veðriö á síðustu
árum og góð veitingahús bjóða upp
á fjölbreytta rétti. Þjónar og þjóna-
nemar oft kurteisir og viröast
kunna vel til verka. En nú er kom-
ið í ljós að ekki er allt sem sýnist
á vertshúsunum hvað sem glæstu
yfirbragði líður.
Iðnnemasambandið hefur sýnt
okkur bakvið tjöldin á veitingahús-
unum og þar er heldur ófagurt um
að litast. Nemar eru grættir, barðir
og hæddir af meisturum sínum. Þá
eru nemar stundum látnir vinna í
meira en sólarhring án þess að fá
nokkra hvíld eða greiðslu fyrir yf-
irvinnu. Auk þess fá þeir enga
kennslu í faginu og til að kóróna
allt saman stela þjónar svo per-
sónuafslætti af nemum sínum. Ef
einhver neminn vogar sér að
kvarta undan þessum hremming-
um er honum hótað brottrekstri
og að séð verði til þess að hann fái
hvergi vinnu í faginu. Allar þessar
ofsóknir veröa svo til þess aö nem-
amir liggja andvaka í rúmum sín-
um á nóttunni og geta ekki sofið
af kvíða fyrir að mæta í vinnuna
næsta dag. Þessar andvökur eru
mjög skiljanlegar þegar tekið er til-
lit til þess sem nemamir verða að
þola í vinnunni.
Þeir sem standa fyrir þessum of-
sóknum á hendur nemunum eru
framreiðslumenn samkvæmt því
sem Iðnnemasambandið segir.
Stéttarfélag framreiðslumanna er
hins vegar eitt af aðildarfélögum
ASÍ. Það eru því ekki fól úr röðum
VSÍ sem berja og ræna nemana
heldur félagar í samtökum alþýð-
unnar. Það kann að vera skýringin
á því að Iðnnemasambandið lætur
nægja að fordæma í orði þær bar-
smíðar sem félagsmenn á veitinga-
húsum verða fyrir en láta að öðru
leyti kyrrt flggja.
Hvað gestina varðar hljóta þeir
að gera þá kröfu að farið sé með
nemana niður í kjallara þegar þeir
eru barðir og grættir svo kvalaópin
spilli ekki matarlystinni. Einnig er
rétt aö biðja þjóna um að berja
nema helst ekki í andlitið því alltaf
er nú leiðinlegt að láta ungmenni
með glóðarauga á báðum þjóna sér
til borðs. Þaö er hins vegar öllu
alvarlegri hlutur ef það er rétt að
nemar séu látnir vinna mjög ein-
hæf störf stóran hluta námstímans
með þeim afleiðingum aö þeir læri
ekkert í faginu. Fátt er líklegra til
að spilla góðum kvöldverði á veit-
ingastað en þjónanemi sem heflir
súpunni yfir höfuð gesta eða fær
sér aö smakka úr glösum þeirra til
að prófa borðvínið.
Við sem höldum þessum rekstri
gangandi sem gestir verðum því að
gera þá afdráttarlausu kröfu til
meistaranna að þeir kenni nemun-
um fagið. En hvort þeir beija ungl-
ingana, græta þá og ræna eða ekki
er hins vegar innanfélagsmál hjá
ASÍ. Vilji nemar ekki una slíkum
uppeldisaöferðum verða þeir að
kvarta við Ásmund. Við förum ekki
að blanda okkur í slík einkamál svo
lengi sem gestimir eru ekki barðir
til skaða verði þeim það á að setja
út á þjónustuna eða matinn. Eng-
inn verður óbarinn biskup segir
máltækið og kannski það eigi við
um þjónastéttina líka.
í 1. mai-ávarpi Iðnnemasam-
bandsins er bent á að öll réttindi
verkafólks hafi unnist á vettvangi
verkalýðshreyfingarinnar með
baráttu, svita og tárum. Miðað við
lýsingamar á stöðu nema á veit-
ingahúsum er ljóst að þrátt fyrir
svita, tár og andvökur hafa þeir
enn ekki unnið tfl þeirra réttinda
að fara órændir og óbarðir heim
úr vinnunni. Það ér því ljóst að
Iðnnemasambandið á enn langt í
land meö að ná sömu réttindum og
önnur launþegasamtök sem hafa
náð þeim árangri að vinnuveitend-
ur em löngu hættir að beija félags-
menn þeirra. Alla vega svo orð sé
á gerandi. Nemar á veitingahúsum
hijóta því að gera þá kröfu til síns
sambands að það beiti sér afla vega
fyrir því að nemar fái greitt sér-
stakt óþægindaálag svo lengi sem
barsmíðunum linnir ekki.
Dagfari