Dagblaðið Vísir - DV - 26.06.1992, Blaðsíða 14

Dagblaðið Vísir - DV - 26.06.1992, Blaðsíða 14
JU--- FÖSTUDAGUR 26. JÚNÍ 1992. Útgáfufélag: FRJÁLS FJÖLMIÐLUN HF. Stjórnarformaður og útgáfustjóri: SVEINN R. EYJÓLFSSON Framkvæmdastjóri og útgáfustjóri: HÖRÐUR EINARSSON Ritstjórar: JÖNAS KRISTJANSSON og ELLERT B. SCHRAM Aðstoðarritstjórar: HAUKUR HELGASON og ELlAS SNÆLAND JÖNSSON Fréttastjóri: JÖNAS HARALDSSON Auglýsingastjórar: PALL STEFÁNSSON og INGÓLFUR P. STEINSSON Ritstjórn, skrifstofur, auglýsingar, smáauglýsingar, blaðaafgreiðsla, áskrift, ÞVERHOLTI 11, 105 RVlK, SlMI (91)63 27 00 SlMBRÉF: Auglýsingar: (91 )63 27 27 - aðrar deildir: (91 )63 29 99 GRÆN NUMER: Auglýsingar: 99-6272 Askrift: 99-6270 AKUREYRI: STRANDGÖTU 25. SlMI: (96)25013. Blaðamaður: (96)26613. SÍMBRÉF: (96)11605 Setning, umbrot, mynda- og plötugerð: PRENTSMIÐJA FRJALSRAR FJÖLMIÐLUNAR HF., ÞVERHOLTI 11 Prentun: ARVAKUR HF. - Askriftarverð á mánuði 1200 kr. Verð í lausasölu virka daga 115 kr. - Helgarblað 150 kr. íslenzkur skáksigur íslendingar náðu sínum bezta árangri í skák frá upp- hafi, miðaö við styrk móts, á ólympíuskákmótinu í Manila á Filippseyjum, sem lauk í fyrradag. íslenzka sveitin varð í sjötta sæti, á eftir sveitum Rússa, Úsbeka, Armena, Bandaríkjamanna og Letta. Þetta er geysigóður árangur, þar sem Sovétríkin hafa skipzt upp í hin ýmsu lýðveldi, sem senda sérsveitir og raða sér mörg hver í efstu sætin. Miðað við fyrri tíð mætti segja, að árangur íslendinga nú samsvari þriðja sætinu, á eftir „Sovétríkj- unum" og Bandaríkjunum. íslendingar hafa oft náð mjög góðum árangri á ólymp- íuskákmótum. Þeir voru fimmtu í Dubai árið 1986 og áttundu í Júgóslavíu 1990. DV valdi skáksveitina „menn ársins" 1986 eftir árangurinn í Dubai. Fyrr á árum má nefna glæsilega frammistöðu íslenzkrar sveitar á Kúbu og í Argentínu. Þátttökuþjóðir eru vel á annað hundrað á ólympíumótum síðustu ár. Frammistaða íslenzkra skákmanna hefur löngum glatt hjörtu landsmanna, og íslendingar hafa vakið verð- skuldaða athygh annarra þjóðá. Margir einstakir ís- lenzkir skákmenn hafa gert garðinn frægah, og má þar nefna Friðrik Ólafsson og Jóhann Hjartarson. Þeir kom- ust í fremstu röð einstaklinga á kandidatamótum. Fyrir htla þjóð eins og íslendinga er einkar hugljúft, þegar sveit, skipuð fjórum aðalmönnum og tveimur vara- mönnum, nær jafnlangt og varð í þetta sinn. Afrek af þessu tagi eru uppörvun fyrir skákhstina hér á landi, og þau grípa hugi landsmanna eins og önn- ur afrek, svo sem þegar íslendingar eiga heimsmeistara í bridge, sigurvegara á stórum handknattleiksmótum eða jafnvel „sterkasta mann heims" eða „faUegustu konu heims". Við eigum nú þegar sex stórmeistara í skák og höfum reynt að gera vel við þá. Við höfum nær því jafnmarga stórmeistara og hin Norðurlöndin samanlagt. Á ólymp- íuskákmótinu náði varamaðurinn Hannes Hlífar Stef- ánsson, sem er um tvítugt, þriðja og síðasta áfanga að stórmeistaratitli. Hann skortir þó að svo stöddu nokkur ELO-skákstig til þess, að titilhnn verði staðfestur, sem gæti orðið um næstu áramót. Annar íslendingur, sem keppti sem varamaður á mótinu, Þröstur Þórhallsson, er skammt frá stórmeistaratifh. Þetta ólympíumót var vafalaust sterkasta ólympíu- mótið frá upphafi, og jafnframt er ólympíusveitin ís- lenzka hin sterkasta, sem við höfum sent frá byrjun. Frammistaða íslendinganna var jöfn og góð og enginn veikur hlekkur. Keppt var á fjórum borðum, og hlaut sveitin um 60 prósent vinningshlutfall. Tiltölulega bezt- ur var árangur Hannesar Hlífars, sem hlaut um 78 pró- sent mögulegra vinninga. Fréttir birtust nokkru fyrir þetta ólympíuskákmót um, að mjög vafasamt væri um þátttöku íslenzku sveit- arinnar í mótinu vegna fjárhagsörðugleika. Sem betur fór, tókst að bjarga málum í tæka tíð. Hið opinbera hef- ur á tíðum komið samböndum eins og Skáksambandi íslands til hjálpar, þegar um fjárhagsörðugleika hefur verið að ræða. Þar má nefna Bridgesambandið og Hand- knattleikssambandið. Við setjum metnað í að verða skákþjóð áfram, og þessi mál verður að leysa þannig að opinberir aðilar styrki sambandið, þegar við slíka erfiðleika er að etja, enda ekki um stórar fjárhæðir að ræða. Skákþjóðin getur leyst málin með þeim hætti, þar sem um ræðir meðal annars mikilvægt æskulýðsmál. Haukur Helgason. Itzhak Shamir. - „Hann einangraði þjóðina og fékk almenningsálitið í heiminum á móti Israel vegna óbilgimi og ósveigjanleika", segir m.a. í grein Gunnars. Símamynd Reuter Enginn syrgir Shamir Itzak Shamir er gamall hermdar- verkamaður, hann var félagi í mestu öfgasamtökum gyðinga á stjórnartíð Breta í Palestínu, Stern- hópnum, sem meðal annars átti sök á morðinu á Bernadotte greifa, þeg- ar hann reyndi að miðla málum miUi gyðinga og araba áriö 1947 og auk þess myrti Sternhópurinn hundruð manna í árásum á arabísk þorp fyrir og eftir sjálfstæðisyfir- lýsinguna 1948. Stefnan beið ósigur Shamir var á sínum tíma eftir- lýstur og fór huldu höfði. Það er ef til vill vegna þessarar reynslu sem hann hefur allra manna mest þrástagast á því að meira og minna öll samtök Palestíumanna séu hermdarverkasamtök, hann er að flýja sinn eigin sk'ugga. Nú þarf hann þess ekki lengur, hann hefur loksins verið sigraður í kosningum. ísraelskur almenningur hefur los- að sig við hann og nú loksins er von til þess að skriður komist á friðarviðræður Palestínumanna og ísraelsmanna sem ekkert hefur miðað í síðan þær hófust síðasta haust. Stefna Shamirs í málefnum Pa- lestínumanna, landnámið á her- numdu svæðunum og þvermóðsk- an gagnvart Bandaríkjunum, verndarengli ísraels, hefur beðið ósigur, allur almenningur vill breytingu. Hún á að koma frá Itzak Rabin og þeirri stjórn sem hann mun mynda ásamt vinstri flokk- um, en illu heilli ekki án þátttöku eins eða fleiri flokka heittrúar- manna, sem munu hér eftir sem hingaö til að öllum líkindum hafa stjórnina í hendi sér, þrátt fyrir sáralítið fylgi. Það var Rabin sem var leiðtogi Verkamannaflokksins en Peres tók við fyrir kosningarnar 1977, þegar flokkurinn tapaði fyrir Likud í fyrsta sinn frá upphafi. Þá var Likud undir forystu Menachem Begins, en Shamir var arftaki hans og ennþá ósveigjanlegri en Begin. Nú hefur Rabin hefht fyrir þær ófarir Verkamannaflokksins. Úr- slitin eru persónulegur sigur hans, hann tók fyrir skömmu við forystu í flokknum á ný af Shimoni Peres. Rabin er alls ekki jafh frjálslyndur og Peres en hann hefur samt á sinni stefhuskrá að hætta landnámi á hernumdu svæðunum og veita Pa- lestínumönnum aukna sjálfstjórn. Samt vill hann ekki leyfa þeim að stofha sjálfstjórnarríki. Hann vUl bæta sambúðina við Bandaríkin og einbeita sér að uppbyggingunni innan ísraels, en leggja minní áherslu á að halda þeim landvinn- ingum sem ísraelsmenn hafa náð í styrjöldum sínum. Hann hefur jafnvel verið til viðræðu um að af- henda Sýrlendingum meginhlut- ann af Golanhæðum, sem hafa þó verið formlega innlimaðar í ísrael. Kjallarinn Gunnar Eyþórsson fréttamaöur endalausum erfiðleikum í Israel sjálfu. Og á allra síðustu árum hef- ur samsetning íbúa ísraels breyst á afgerandi hátt með innflytjendum frá Sovétríkjunum fyrrverandi. Innflytjendur Þaö er tahð víst aö þessir innflytj- endur, alls um 400 þúsund manns eða yfir 8 prósent af þjóðinni, hafi að yfirgnæfandi meirihluta kosið Rabin og þar með fellt Shamir og Likud. Sá meirihluti sem áður studdi Likud var að miklum hluta innflytjendur frá Miðausturlönd- um og Norður-Afríku sem komu til ísraels á sjötta áratugnum. Nú hef- ur samsetning þjóðarinnar breyst með nýjum innflytjendum. En það er samt ekki alveg nóg. Verkamannaflokkurinn hefur „Rabin byrjar með hreint borð og stefnuskrá sem er ólíkt,sveigjanlegri og raunhæfari en Stór-ísraels draumar Shamirs og hans nóta." Allt spáir þetta góðu um framgang friðarviðræðna. Rabin og hernámiö Þetta kann að koma á óvart frá Rabin því að hann var forseti ísra- elska herráðsins í sex daga stríðinu 1967 og æðsti maður þess hers sem hertók vesturbakkann og Golan- hæðir. En Rabin hefur Hka dýpri skilning sem hermaður á því í hverju öryggi ísraels er fólgið og hann ásamt mestum hluta hersins er á þeirri skoðun að ísrael sé nú hernaðarlega tryggara en nokkru sinni fyrr. Engin alvarleg utanað- komandi hætta steðji nú að, ísra- elsmenn hafi efni á að gefa eftir og semja við nágranna sína. - í þessu er almenningur honum sammála. Skoðanakannanir hafa hvað eftir annað síöustu mánuði sýnt mikinn meirihluta andvígan hugmynda- fræði Shamirs um Stór-Israel og þeirri ofuráherslu sem hann leggur á að halda í hvern einasta fermetra lands sem hertekinn hefur verið. Almenningur vill að stjórnin ein- beiti sér aö vandamálum í ísrael sjálfu þar sem efhahagsástand er slæmt og atvinnuleysi vaxandi en láti af þráhyggju sinni um land- vinninga og útþenslu á kostnað Palestínumanna. 'Það er að renna upp fyrir ísraels- mönnum að fámenn þjóð þeirra, sem er innan við fimm núlhónir manna, getur ekki innlimað 1,8 milhónir araba, ef ríkið á að vera framvegis ríki gyðinga. Endalaust hernám og endalaus fjandskapur við nágrannana er uppskrift að ekki hreinan meirihluta, jafnvel með stuðningi Meretz, sem er vinstra bandalag, hefur Rabin ekki nema 57 þingsæti af 120. Hann vantar minnst fjögur upp á meiri- hluta, og þar sem hann hefur hafn- að samstarfi við flokk araba í ísra- el neyðist hann til að leita á náðir eins eða fleiri af trúarlegu flokkun- um. í ísrael háttar þannig til að allt landið er eitt kjördæmi og til að fá mann á þing þarf aðeins 1,5 prósent atkvæða. í framboði voru 25 hstar, af þeim komu 13 listar manni eða mönnum á þing. Einn öfgaflokkur datt út af þingi. Þaö getur því farið svo að þrátt fyrir góðan vilja Verka- mannaflokksins geti þrír eða fjórir þingmenn sett stjórninni stólinn fyrir dyrnar. Þannig hefur þetta alltaf verið í ísrael, en engu að síð- ur hefur Rabin ótvírætt umboð til breytinga. Þær breytingar geta ekki orðið nema til góðs, bæði fyrir ísraelsmenn sjálfa og þá menn ut- anlands sem eru þeim velviljaðir. Shamir kom á sinni stjórnartíð óorði "á ísrael. Hann einangraði þjóðina og fékk almenningsáhtið í heiminum á móti ísrael vegna óbil- girni sinnar og ósveigjanleika. Rab- in byrjar með hreint borð og stefhuskrá sem er ólíkt sveigjan- legri og raunhæfari en Stór-ísraels draumar Shamirs og hans nóta. Því er það að þessar kosningar geta yaldið þáttaskilum ekki aðeins í ísrael heldur í Miðausturlöndum öllum. Gunnar Eyþórsson

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.