Dagblaðið Vísir - DV - 06.05.1993, Blaðsíða 27

Dagblaðið Vísir - DV - 06.05.1993, Blaðsíða 27
FIMMTUDAGUR 6. MAÍ 1993 39 Menning Larry Drake leikur Flissa lækni. Hann er hér á myndinni ásamt einu fórnarlambi sínu. Kvikmyndir Gísli Einarsson Laugarásbíó - Flissi læknir: Hláturinn lengir lífið Þótt Dr. Giggles sé hvorki frum- leg né spennandi þá er hún með skárri hrylhngsmyndum sem hafa komiö í bíó undanfarna mánuði sem segir kannski meira um það hvers lags myndir hafa verið að berast hingað. Dr. Giggles er enn einn brjálæð- ingurinn sem eltist við ungt fólk, drepur það á eins frumlegan hátt og mögulegt er og segir nokkrar vel valdar setningar á meðan. Dr. Giggles byrjar myndina á því að flýja frá geðveikrahælinu sem hann er eflaust búinn að vera á meirihlutann af ævinni. Hann á harma að hefna í smábæ einum þar sem pabbi hans var læknir. Þar ræðst hann að dæmigerðum hópi táninga sem fá nokkur dæmigerð táningaatriði áður en þeir fara að týna tölunni. Dr. Giggles er með fulla tösku af skemmtilegum morð- tólum og hefur undirbúið alveg sérstakan dauðdaga fyrir hvern og einn. Myndin er dáhtið óhugguleg því læknirinn er hinn versti fantur og myndin dregur ekkert undan__________________________ læknisfræðilegum tilraunum hans á hinum lifandi. Húmorinn verður því grátt gaman eins og það á að verá. í hryllingsatriðunum er yfirleitt meira gefið í skyn en beinlínis sýnt en þó eru einstaka atriði sem ganga eins langt og hægt er (brellurnar eru mjög góðar). Larry Drake (Benny í L.A. Law) gerir lækninn nógu sannfær- andi klikkaðan en fórnarlömbin eru afskaplega venjuleg, það venjuleg að maöur á í fyrstu ekki von á að þeirra bíði eins hrottalegur dauðdagi og raun verður á. Dr. Giggles (Band. 1992). 95 min. Handrit: Manny Coto, Graem Whiffler. Leikstjórn: Coto. Leikarar: Larry Drake, Holly Marie Combs, Cliff DeYoung, Glenn Qulnn, Ki- eth Diamond. Hnyttni um lífid ogtilveruna Bókaútgáfan Skjaldborg hefur gefið út fimm smábækur með skemmti- legum ummælum úr ýmsum áttum um lífið og tilveruna. Eru þær greini- lega ætlaðar til gjafa. Ein er um hjónabandið, önnur um foreldra og börn, hin þriðja um hstina að lifa, hin fjórða um konur og kærleika og hin fimmta um kossa, ást og afbrýði. Bækurnar eru allar prentaðar og bundn- ar í Singapore en Torfi Jónsson sá um útgáfu fjögurra þeirra (umsjónar- manns er ekki getið í einni). __________—_^______ Brosa má að mörgum athuga- semdum í þessum bókum. „Þegar konur kyssast, minnir það mig allt- af á hnefaleikara, sem takast í hendur, áður en bardaginn hefst," sagði bandaríski orðsnillingurinn H.L. Mencken í bókinni um kossa, --------------------------------------- ást og afbrýði. „Að reyna að útskýra vald ástarinnar er líkast því að bera ljós út í skólskin," sagði Robert Burton. „Nokkrar stórfenglegustu ástar- sögur, sem ég hefi kynnst, hafa aðeins haft einn þátttakanda," segir hnytt- inn maður, óþekktur. Listin að hfa er vandlærð, eins og fram kemur í verkinu, sem henni er helgað. „í þessum heimi okkar verður maðurinn annaðhvort hamar eða steðji," sagði Longfellow. „Lífið er gáta, - lausnin er á bakhhð þess," sagði sænski kýmnisagnahöfundurinn Storm-Petersen og minnir sú lífs- speki óneitanlega á kveðskap Steins Steinarrs. „Lífskúnstnerar lifa ekki lengur en aðrir - en betur," segir á einum stað, og dettur okkur þá strax í hug hin fræga vísa Jónasar um langlífi og skammlífi. „Sé manni ekki ljóst, í hvaða höfn skuh halda, er enginn vindur sá rétti," sagði róm- verski spekingurinn Seneca. „Við eigum ekki að biðja um léttari byrðar, heldur sterkari bök," sagði Theodore Roosevelt. Skemmtilegastar þóttu mér bækurnar um hjónabandið og börn og for- eldra. „Sérhver maður hefur rétt til að velja sér sína eigin stjórn, dökk- hærða, ljóshærða eða rauðhærða," sagði ónefndur höfundur. „Þegar ég gifti mig í síðasta sinn, var ég orðinn það fullorðinn, að gestirnir köstuðu hormónapillum á eftir mér í stað hrísgrjóna," sagði gárunginn Groucho Marx. „Ungbarn í húsinu er ágætt dæmi um minnihlutastjórn," sagði ókunnur höfundur. „Maður trúir því aðeins á erfðir, að maður eignist greind börn," sagði James Mason. Preistandi er að halda tilvitnunum áfram, en hér verður að láta staðar numið. Þessar fimm smábækur Skjaldborgar hafa auðvitað sínar tak- markanir. Þýðingarnar eru ekki alltaf nægilega liprar og gaman hefði vissulega verið að drýgja þær með tilvitnunum í íslendinga sem sagt hafa margt spaklegt og skemmtilegt um lífið. Sums staðar getur líka að líta almælt tíðindi, Þetta eru þó frambærilegar gjafabækur, hæfilega litl- ar og ódýrar. Nokkur orð um konur og kærleika, Nokkur orð um kossa, ást og afbrýðl, Nokkur orð um lislina að lifa, Nokkur orð um foreldra og börn, Nokkur orð um hjónabandið. Bókmenntir Hannes Hólmsteinn Gissurarson Skjaldborg, án ártala. Afmæli Einar Jónsson Einar Jónsson skipaeftirhtsmaður, Háaleitisbraut 55, Reykjavík, er sex- tugurídag. Starfsferill Einar fæddist í Bolungarvík og ólst þar upp til átján ára aldurs en fluttist þá tíl Reykjavíkur ásamt for- eldrumsínum. Einar stundaði sjó á bátum og tog- urum, fyrst frá Bolungarvík og síð- an frá Reykjavík. Hann lauk prófi frá Stýrimannaskólanum í Reykja- víkl957.- Ári síðar réð hann sig 2. stýri- mann á togarann Karlsefni, varð 1. stýrimaðurþarl961ogskipstjóri 1963. Árið 1965 tók Einar sér hlé frá sjó- mennsku einn vetur en fór svo aftur til sjós og var á hinum ýmsu bátum til ársins 1972. Þá réð hann sig 1. stýrimann á skuttogarann Ögra frá Reykjavík og leysti af sem skipstjóri tilársinsl985. Frá árinu 1985 hefur Einar starfað í landi og gegnt stöðu skipaeftirlits- manns hjá Siglingamálastofnun rík- isins. Fj'ölskylda Einar kvæntist 10.10.1956 Veru Einarsdóttur, f. 21.4.1938 á ísafirði, verslunarmanni. Hún er dóttir Ein- ars M. Kristjánssonar vélstjóra og Aðalbjargar Bjarnadóttur húsmóð- ur. Þau eru bæði látin. Börn Einars og Veru eru: Þorgerð- ur Jóhanna, f. 24.1.1957, húsmóðir, gift Snorra Harðarsyni sjómanni, búsett í Bolungarvík og eiga þau þrjú börn; Ólafur, f. 6.6.1960, stýri- maður, kvæntur Sólveigu Björns- dóttur, búsett í Reykjavík og eiga þau tvö börn; Hrönn, f. 11.4.1962, húsmóðir, gift Óskari Bjartmarz sjó- manni, búsett á Selfossi og eiga tvö börn; og Jón, f. 2.12.1967, starfsm. hjá Flugleiðum, kvæntur Báru Agn- esi Ketilsdóttur hjúkrunarnema, búsett í Reykj avík og eiga þau einn son. Faðir Einars var Jón Guðfinns- son, f. 11.9.1911 d. 15.12.1979, skip- stjóri. Móðir Einars er Þorgerður Einarsdóttir, f. 21.4.1913, húsmóðir. Ætt Jón var sonur Guðfinns, formanns ogb., Einarssonar, að Litlabæ í Skötufirði, Hálfdánssonar, prófasts á Eyri í Skutulsfirði. Móðir Jóns var Halldóra, dóttir Jóhanns, b. á Rein í Skagafirði, Þorvaldssonar og k.h. Einar Jónsson. Ingibjargar Guðmundsdóttur. Þorgerður er dóttir Einars, for- manns í Bolungarvík, Hálfdansson- ar, b. á Hesti, Einarssonar, b. og hreppstjóra á Hvítanesi, Hálfdáns- sonar, prests og síðar prófasts á Eyri í Skutulsfirði. Móðir Þorgerðar var Jóhanna, dóttir Einars frá Kleif- um, Jónssonar, á Folafæti og síðar á Kleifum, Jóhannessonar og k.h. JóníuJónsdóttur. Einar verður að heiman á afmæl- isdaginn. Svidsljós Gestakokkar á Munaðarhóli Sigiún Bjögvinsdóttir, DV, Egilsstöðum: í Fellabæ á vesturbakka Lagar- fljóts er lítill og vinalegur matsölu- staður með glæsilegu útsýni yfir Lag- arfljót og Egilsstaðabæ. Staðurinn heitir Munaðarhóll en hét áður Sam- kvæmispáfinn. Þeir eru frumlegir í nafngiftum eystra. En hvað um þaö. Á Munaðarhóli er hægt að fá gott í svanginn og í vetur hafa þrisvar komið gestakokkar með framandi rétti frá fjarlægum löndum. Eina helgi í apríl komu tveir eldfjörugir ítalskir meistarar og buðu að sjálf- sögðu upp á ítalskan veislumat. Og meira en það. Þeir skemmtu gestum með ljúfum lögum auk þess sem Árni Isleifs, sá þekkti djassgeggjari, lék dinnermúsik. Allt stuðlaði þetta að því að gestir Ámi isleifs lék fyrir gesti. áttu sannarlega notalega stund á meðan húmið féll á grágrænt fljótið. Eigendur Munaóarhóls, Inga Sigríður þjónn og Hjörtur Frímannsson mat- reiöslumaöur, ásamt Oddnýju Freyju, starfsmanni Munaðarhóls, og gesta- kokkunum. DV-myndir Sigrún Björgvinsdóttir LÁTTU EKKI 0F MIKINN HRAÐA A VALDA PER SKAÐA! ||UMFEROAR Toyota Corolla Touring GLI, árg. 1991, vinrauöur, með öllu. Verð kr. 1.290.000 stgr. M.MC Pajero, bensin, árg. 1987, hvit- ur. Verð kr. 950.000 stgr. MMC Lancor GLX hlaðbakur, árg. 1990, blár, 5 gfra o.fl. Verð kr. 640.000 stgr. MMC Lancer statlon 4WD, árg. 1987, hvitur. Verð kr. 620.000 stgr. ^ bllASÁlA ^^RCyKJAVÍKUR Bílasala Reykjavíkur, Skeifunni 11, s. 67 88 88

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.