Dagblaðið Vísir - DV - 02.10.1993, Side 8

8
LAUGARDAGUR 2. OKTÓBER 1993
Vísnaþáttur
Marga
hefur
stund mér
stytt
„Það er kunnara en frá þurfi að
segja hversu hagmælskan og leik-
urinn við mál og rím átti ríkan og
veigamikinn þátt í því að varðveita
málið hreint og tært. Alþýða
manna kunni full skil á hinum
flóknustu reglum ríms og brag-
fræði án þess að hafa átt þess nokk-
urn kost að afla sér vitneskju um
shkt af lestri fræðibóka. Áhugi ís-
lendinga á rimuðu máli hefur frá
öndverðu verið vökull svo það mun
furðu sjaldan hafa hent að snjöll
staka, sem tveir menn eða fleiri
kunnu, hafi glatast."
Þannig komst Sigurður Jónsson
frá Haukagili að orði í formála
fyrsta bindis Vísnasafns síns en
Vísnaþáttur
Torfi Jónsson
þau voru þrjú og komu út í Reykja-
vík á árunum 1973-75. Hann var
samstarfsmaður minn um hríð,
vinur um áratugaskeið og einn
hinna ágætustu manna sem ég hef
kynnst á lífsleiðinni. Og engum hef
ég kynnst sem kunni slík ógrynni
af vísum sem hann og frá honum
er obbinn af þeim vísum kominn
sem birst hafa í þessum þáttum.
Og enn sér varla högg á vatni.
Fyrsta stakan að þessu sinni er
eftir Steingrím Baldvinsson, skáld
og veiðivörð í Nesi í Aðaldal, sem
Sigurður mat mjög mikils:
Allt sem þjóðin átti og naut,
allt sem hana dreymir,
allt sem hún þráði og aldrei hlaut
alþýðustakan geymir.
Jón S. Bergmann lögreglumaður,
sjómaður og kennari:
Stuðlafoll og fagurt lag
friða öllum stundir.
Séu trölla tök í brag
taka fjöllin undir.
Marga hefur stund mér stytt
stakan dável gerða.
Eftirlætis yndi mitt
er og mun hún verða.
Halldór Helgason frá Ásbjamar-
stöðum í Borgarfirði nefnir þessa
vísu sína Tónrof:
Gegnum íslenskt aldafar
er sú reynsla fengin:
Þar sem engin vísa var
vantaði tón í strenginn.
Guðrún Ámadóttir frá Oddsstöö-
um í Lundarreykjadal orti til Ein-
ars Þórðarsonar frá Skeijabrekku
í Borgarfirði þegar hann varð sjö-
tugur í mars 1947:
Óðsnilld fengin anda kær
endist lengur dagsins prjáh.
Maður enginn unnað fær
óforgengilegra máli.
Jón Friðriksson Hjartar íþrótta-
kennari (f. 1916):
Mér er kátt við unað óms,
ör og sátt er lundin,
þegar máttur máls og hljóms
myndar háttinn bundinn.
Steindór Sigurðsson rithöfundur:
Þegar bítur brjóstið stál
breyskra hugrenninga,
vaka eins og vor i sál
vísur íslendinga.
Haraldur Hjálmarsson frá
Kambi:
Stökur minar hlaupa hratt
um harðar grandir.
Menn kveða þær og stytta stundir
og stundum tek ég sjálfur undir.
Bragi Jónsson, bóndi í Hofgörð-
um á Snæfellsnesi (Refur bóndi í
Hoftúnum):
Dvalins glóð ei dvínar góð,
drótt sá óður kætir.
Eru ljóðin íslands þjóð
andans fóðurbætir.
Þá kemur vísa sem talin er ort
1949 og aö höfundur hennar sé ung-
skáld þess tíma:
Þegar við hugsjónir leita ég lags,
og langar að punkta þær hjá mér,
þá byrjar helvítis hringhendan
strax
að hrönglast í kjaftinum á mér.
Þormóður Pálsson frá Njálsstöð-
um í A.-Hún. orti í kunningjahópi:
Andann hefur ítök skort
ef að þrýtur gaman
þá sem hafa áður ort
ævintýri saman.
Þórarinn Bjarnason, járnsmiður
í Reykjavík (1877-1966), bráðsnjall
hagyrðingur, gerir ekki mikið úr
afrekum sínum á þvi sviði:
Vart er feit mín vísnaskrá,
veldur þreyta og leti.
Gróðurreit ég engan á
í sem leitað geti.
Hagyrðingurinn og vísnasafnar-
inn Sigurður J. Gíslason frá
Skarðsá í Skagafirði, kennari og
síöast skrifstofumaður á Akureyri,
kveður svo um afrek sín í ljóða-
gerð:
Þótt ég geri stöku stöku
stöku sinni,
því ég ekki sinni að sinni,
sinni bara vinnu minni.
Laugardaginn 11. maí 1911 var
Magnús Hjaltason (skáldið frá
Þröm) leiddur út úr klefanum Ná-
strönd á Skólavörðustíg 9. Hið
fyrsta sem hann síðan gerði var að
fara suður í kirkjugarð að leiði Sig-
urðar Breiöfjörðs. Þar kvað hann
vísuna:
Hingað sný ég fæti fyrst,
forlagarúnum vafinn.
Meistarinn í ljóðahst
hggur héma grafinn.
Torfi Jónsson
Matgæðingur vikuimar
Svissneskt buff
- að hætti Sissýjar frænku
„Mamma var dugleg við að gera alls konar tilraunir
með matargerð, okkur systkinunum til mikillar hrell-
ingar. Við vorum hálfhrædd við þessar tilraunir henn-
ar en það kom þó fyrir að ein og ein hitti í mark. Þetta
er ein af þeim,“ sagði Guðný María Siguröardóttir,
húsmóðir í Kópavogi, sem er matgæðingur helgar-
blaðsins þessa vikuna. Hún býður upp á rétt sem kall-
ast einfaldlega svissneskt buff.
„Mamma fékk þessa uppskrift hjá Sissý frænku sem
er ömmusystir mín,“ segir Guðný María. „Hún hefur
notiö talsverðrar hylh á mínu heimili."
Hráefni
í uppskriftina þarf eftirfarandi:
6 sneiðar innanlærisvöðvi af nauti, skorinn í sneiðar
á þykkt við lærissneiðar - eða 6 lambalærissneiðar
salt
nýmulinn svartur pipar
milt simiep
tómatsósa
hveiti.
Aðferð
Sneiðarnar era kryddaðar með salti og pipar. Þær
eru síðan barðar létt með buffhamri báðum megin.
Þá eru þær smurðar vel beggja vegna með Slotts-
sinnepi eða öðra mildu sinnepi. Sneiðunum er nú velt
upp úr hveiti, settar á pönnu og brúnaðar vel báðum
megin til að loka þeim.
Þær eru nú settar í eldfast mót eða ofnskúffu og kjöt-
krafti stráð yfir, ca einni matskeið. Einnig er pipar
bætt út á. 1-2 bollum af tómatsósu er hellt yfir kjötið
og hálfum desihtra af sinnepi bætt út í. Þá er hveiti
stráð yfir réttinn, um það bil hálfum bolla. Loks er
vatni hellt yfir svo að það fljóti næstum yfir kjötið,
þó ekki alveg.
Rétturinn er nú látinn mcdla í ofni við 175 gráður í
1-1 'A tíma. Með þessu er borin fram kartöflustappa
og steiktur laukur.
„Það þarf kannski að hræra aðeins í sósunni með
gaffli,“ sagði Guðný María. „Hún verður reyndar aldr-
ei eins og sósa úr potti heldur fremur ójöfn. En hún
er mjög bragðgóð. Þetta var ein af tilraunum móður
minnar sem oft var beðið um.“
Guðný María Sigurðardóttir, matgæðingur vikunnar.
Guðný María sagðist sjálf hafa gaman af að reyna
eitthvað nýtt en það væri sama sagan á hennar heim-
ili og hefði verið á bernskuheimih hennar - fólkið
væri hálfhrætt við aha tilraunastarfsemi í eldhús-
inu.
Guðný María benti á Brynhildi Sigmarsdóttur hús-
móður sem næsta matgæðing. „Hún er vjnkona mín
og góður kokkur. Ég læt hana prófa ýmislegt fyrir
mig því fjölskyldan hennar er tilbúnari til þess en
mín. Ég veit að hún lumar á ýmsu sem kitlar bragð-
laukana," sagði Guðný María.
Hinhliðin
Stefni að því
að verða betri
- segir Sverrir Þór Halldórsson matreiðslumeistari
Ægir Már Kárason, DV, Suðumesjum:
„í framtíðinni stefni ég að því að
verða betri í því sem ég er að fást
við,“ segir Sverrir Þór Halldórsson
matreiðslumeistari. Hann er annar
tveggja eigenda veitingastaðarins
Þotunnar í Keflavík og sýiúr á sér
hina hhðina í dag. Sverrir Þór er
einnig menntaður hótelstjóri frá
Danmörku þar sem hann dvaldi í
nokkur ár. Hann hefur ferðast mik-
ið um heiminn og fengið óteljandi
hugmyndir á ferðum sínum sem
komið hafa honum til góða í starfi.
Fullt nafn: Sverrir Þór Hahdórs-
son.
Fæðingardagur og ár: 2. maí 1956.
Maki: Á lausu.
Börn Engin.
Bifreið: BMW-glæsikerra, árgerð
1984.
Starf: Veitingamaður.
Laun: AUtof lág.
Áhugamál: Starfið, ferðalög og
mannleg samskipti.
Hvað hefur þú fengið margar réttar
tölur í lottóinu? Fjórar.
Hvað finnst þér skemmtilegast að
gera? Vinna og ná að gleðja aðra í
gegnum vinnuna.
Hvað finnst þér leiðinlegast að
gera? Að bíða eftir óstundvísu fólki.
Sverrir Þór Halldórsson.
DV-mynd Ægir Már
Uppáhaldsmatur: ViUibráð.
Uppáhaldsdrykkur: Coca Cola.
Hvaða íþróttamaður finnst þér
standa fremstur í dag? Körfubolta-
sniUingurinn Jordan.
Uppáhaldstímarit: Samúel.
Hver er fallegasta kona sem þú
hefur séð? Ólöf Rún Skúladóttir,
fréttamaður á Sjónvarpinu.
Ertu hlynntur eða andvígur rikis-
stjórninni? Hlynntur.
Hvaða persónu langar þig mest til
að hitta? Hinn eina og sanna Don-
ald Trump sem rekur hótel og
spilavíti og að geta lært eitthvað
af honum.
Uppáhaldsleikari: CUnt Eastwood.
Uppáhaldsleikkona: Michelle Peiff-
er.
Uppáhaldssöngvari: Rod Stewart.
Uppáhaldsstjórnmálamaður: Erfitt
að gera upp á mUh góðra manna.
Uppáhaldsteiknimyndapersóna:
Fred Fhntstone.
Uppáhaldssjónvarpsefni: Góðar
kvikmyndir.
Ertu hlynntur eða andvígur veru
varnarhðsins hér á landi? Hlynnt-
ur.
Hver útvarpsrásanna finnst þér
best? Brosið á Suðurnesjum.
Uppáhaldsútvarpsmaður: Hah-
grímur Thorsteinsson á Bylgjunni.
Hvort horfir þú meira á Sjónvarpið
eða Stöð 2? Ríkissjónvarpið.
Uppáhaldssjónvarpsmaður? Eirík-
ur Jónsson á Stöð 2.
Uppáhaldsskemmtistaður: Þotan í
Keflavík og Amma Lú.
Uppáhaldsfélag í íþróttum: Kefla-
vúc og Akranes.
Stefnir þú að einhverju sérstöku í
framtíðinni? Að verða betri í því
sem ég er að fást viö.
Hvað gerðir þú í sumarfríinu?
Slappaði af og náði að hlaða upp
fyrir veturinn.