Dagblaðið Vísir - DV - 09.04.1994, Blaðsíða 21
LAUGARDAGUR 9. APRlL 1994
21
Tökur á sjónvarpsþáttunum „Skandinavia!'' langt komnar:
Gaman að sj á landið sitt
með útlendum augum
- segir Valgeir Guðjónsson
„Þetta er hreint ævintýri því það er
svo gaman að sjá landið sitt með út-
lendum augum. Þarna eru á ferðinni
toppmenn í kvikmyndagerð sem
hrífast af öðru en við höldum að
muni hrífa þá. Erindi þeirra hingað
að þessu sinni var að ná vetrarmynd-
um. Það var eins og við manninn
mælt, snjór var nógur og við fengum
dásamlega fallega sólardaga. Það
hefur hvílt mikið lán yfir þessum
tökum því að við höfum verið fund-
vís á gott efni og veðrið hefur leikið
viö okkur.“
Þetta sagði Valgeir Guðjónsson
þegar DV spurði hann um ferðir
bandarískra kvikmyndatökumanna,
sem voru hér á landi nýverið til að
festa á filmu það markvert sem fyrir
augu bar. Hópurinn vinnur að gerð
sjónvarpsþátta um Norðurlöndin
fimm sem hlotið hafa heitið „Skand-
inavia!“. Þeir verða sýndir á PBS
(Public Broadcasting Service) sjón-
varpsstöðvunum í Bandaríkjunum.
Þetta er net 300 stöðva, sem nær yfir
öU Bandaríkin og alla þéttbýlustu
staði Kanada að auki. Þættimir
verða sýndir á svæði sem um 300
milljónir fólks byggja. Þeir verða lík-
lega 15 talsins og hver þeirra verður
sýndur 3-4 sinnum á öUum stöðvun-
um. Þegar aUt kemur saman verður
því um að ræða 12-15 þúsund sýning-
ar á þáttunum. Gert er ráð fyrir að
ísland sé með fimmta hluta og er um
að ræða samfellda sýningu, eingöngu
á íslandsefni, í 40 sólarhringa.
Kynnir þáttanna mun ekki spiUa
fyrir vinsældum þeirra. Hann er
Walter Cronkite, einn frægasti sjón-
varpsmaður Bandaríkjanna. Hann
er löngu löggilt gamalmenni, 77 ára,
en er feiknarlega eftirsóttur og vísar
níu verkefnum af hverjum tíu frá
sér, að sögn Valgeirs.
Furðuspurningar
Aðspurður um tilurð þessara þátta
sagði Valgeir að þar væri á ferðinni
svolítið skondin saga. Þegar banda-
rísk kona, sem starfaði sem ráðgjafi
í ferðaiðnaðinum í Danmörku, sneri
heim til Bandaríkjanna, fór hún að
fá aUs kyns furðuspurningar um
Norðurlöndin. Hún fékk þá hug-
mynd að svara þeim með stórvirkum
hætti. Henni og þeim sem með henni
vinna tókst það sem hefur verið
reynt áður en ekki gengið, að koma
slíkri þáttagerð af stað. Og það sem
meira er, nú sér fyrir endann á gerð
þeirra.
Valgeir á stóran hlut að þáttagerð-
inni því að hann er framleiðandi á
íslandi, auk þess sem hann sér um
tónhstina.
„Þetta atvikaðist þannig að ég hafði
samband við þetta fólk til að athuga
hvort það gæti notað tónlist eftir
mig,“ sagði hann. „Við Eyþór Gunn-
arsson erum að gera tónlist á banda-
rískum samningi og mér datt í hug
að þetta gæti verið vettvangur tU að
koma þeirri tónUst á framfæri. Þeir
voru að leita að einhverjum fil að
halda utan um verkið hér heima.
Þegar ég var búinn að segja þeim
hvað ég hefði fengist við og hverju
ég hefði komið nálægt þá fannst þeim
aö ég hlyti að vera maðurinn. Ég
hreppti því bæði hnossin."
Þrungið
viðfangsefnum
Hópurinn hefur nú að mestu lokið
tökum á hinum Norðurlöndunum,
en á eftir að vinna talsvert hér. Hann
hefur farið víða um land. Mikið hefur
verið tekið í Reykjavík og nágrenni.
farið var austur í Vík, á ÞingvelU, í
Borgarfjörð, norður í Skagafjörð, að
Mývatni, að Kleifarvatni, svo eitt-
hvað sé nefnt. Síðan bíða ýmsir stað-
ir og viðfangsefni vors og sumars.
„Þeir gerðu sér ekki grein fyrir því
að ísland væri svona þrungið af við-
fangsefnum," sagði Valgeir. „En mér
sýnist að með hæfilegri hlutdrægni
þá túlki ég það sem svo að þeim þyki
hvergi hetra að vera en hér.“
Við Norðurá i Borgarfirði.
Það var víða komið við á ferðum bandaríska hópsins um landið. Hér er
Valgeir staddur á þaki Perlunnar ásamt einum kvikmyndatökumannanna.
Við tökur að Varmalæk i Skagafirði. Milli tveggja myndatökumanna standa hjónin Sólveig Einarsdóttir og Björn
Sveinsson ásamt þrem sonum sínum.
Gert er ráð fyrir að kvikmynda-
tökumennimir komi einu sinni eða
tvisvar enn nú í sumarbyijun. Tök-
um mun ljúka upp úr mánaðamótum
júní-júU ef áætlanir standast.
„Ef allt heldur sem horfir munu
þættirnir verða frumsýndir upp úr
jólum, sem mér er sagt að sé ákjósan-
legasti tími til að sýna slíkt efni. All-
ar stöðvarnar munu sýna þá á mis-
munandi tíma og það verður gert
heilmikið í kringum þær sýningar til
að vekja athygli á efninu. Það má því
búast við að þetta hafi í fór með sér
ómælda landkynningu," sagði Val-
geir. „Þarna er ekki verið að bregða
upp glansmynd af þessum löndum,
en heldur ekki að toga fram neitt
neikvætt. í þessum þáttum er verið
að reyna að fanga þessar þjóðir eins
ogþærkomafyrir." -JSS
FERÐIR
ALLA MÁNUDAGA
Auglýsingar og upplýsingar um allt
það helsta sem er á boðstólum í
ferðamöguleikum innanlands sem utan.