Alþýðublaðið - 24.06.1967, Blaðsíða 4

[£Q£gte)
Ritstjórl: Benedikt Gröndal. Simar 14900—14903. — Auglýsingasíml:
14906. — ASsetur: Alþýöuhúsíð vi0 Hverfisgötu, Rvík. — Prentsmiðja
Alþýðublaðsins. Simi 14905. — Áskriftargjald kr. 105.00. — t lausa-
sölu kr. 7.00 elntakið. — Útgefandi: Aiþýðuflokkurinn.
WILLY BRANDT
WILLY BRANDT, utanríkísráðherra Vestur-Þýzka
‘lands, er velkominn gestur á íslandi. Heimsókn hans
til íslands sem og hinna Norðurl'andanna er það, sem
kalla mætti pólitíska kurteisisheimsókn.
Meginerindi Brandts til Norðurlanda er að ræða
við forystumenn þeirra xun heimsmálin og þá alveg
sérstaklega horfur á friðsamlegri sambúð þjóða í
Evrópu. Utanríkisstefn-a Vestur-Þjóðverja hefur ver-
ið stíf og ósvegjanleg um árabil, enda eiga þeir við
að etja harða andúð kommúnistaríkjanna í Austur-
Evrópu og tortryggni í þeirra garð er mögnuð austur
þar. Nú hefur Willy Brandt losað um böndin, skap
að nýtt andrúmsloft með nýjum viðhorfum. Hann
hefur skilið sína samtíð, fundið hvenær rétt var að
leita nýrra leiða. Sérstaklega hefur hann viljað bæta
sambúð Þjóðverj'a og þjóðanna í Austur-Evrópu og
hefur hann þegar náð nokkrum árangri á því sviði,
þótt stefnubreyting hans hafi einnig mætt andspyrnu
þar eystra.
Norðurlönd hafa sem heild sérstöðu í stjómmálum
Evrópu. Þau höfðu allt kalda stríðið nánara sam-
’band við Austur-Evrópu en flest önnur Evrópuríki
og sum þeirra, sérstaklega Finnar, eru þar mjög kunn
ugir málum, eins og að líkum lætur. Það er af þess-
um ástæðum, sem Willy Brandt ræðir við norræna
stjórnmálamenn. Má gera ráð fyrir, að Norðurlanda-
menn muni ávallt fúsir til að leggja lið hverri tilraun,
sem gerð er til að bæta sambúð Evrópuríkja og draga
úr líkum á nýjum ófriði. Tvær heimsstyrjaldir ættu
að vera meira en nóg á einni öld.
Þótt sleppt væri stórpólitískum vandamálum
mundi untanríkisráðherra Vestur-Þjóðverja heim-
sækja Norðurlönd til þess eins að viðhalda góðri sam
búð við granna sína í norðri. Þetta hlutverk er Willy
Brandt kært, því að hann dvaldist landflótta í Nor-
egi og Svíþjóð á annan áratug, talar norsku og hefur
orðið fyrir miklum áhrifum af norrænum þjóðfélags-
málum og menningu.
Þýzkir jafnaðarmenn voru lengi fastheldnir á gaml
ár kreddur og kenningar og seinir að laga þær eftir
dðstæðum nútímans, eins og jafnaðarmenn hafa gert
í nálega öllum löndum. Þó fór svo, að þeir tóku upp
nýjar leiðir með Godesberg-stefnunni svonefndu og
fylgdu þar mjög fyrirmyndum frá Norðurlöndum. Á
hirum nýja grundvelli hafa þeir náð meiri árangri
•en fyrr í Þýzkalandi, og vonir þeirra til að vinna
meirihluta í kosningum eru taldar mun meiri.
Willy Brandt er fulltrúi hinnar nýju kynslóðar
'þýzkr-a jafnaðarmanna. Hann er opinn fyrir þróun
t'ímans og vill leita nýrra leiða til farsælli framtíð-
ar. Þrátt fyrir ýmsa erfiðleika hefur hann unnið sér
miklar vinsældir og tiltrú, ekki aðeins í Þýzkalandi
lieldur viða um heim.
4 24. júní 1967 - ALÞÝÐUBLAÐIÐ
Boeing 727 þotan kemurtil landsins ídag
Við óskum Flugfélagi íslands h.f. og landsmönnum öll-
um til hamingju með þennan nýjasta og glæsilegasta
flugfarkost fslendinga.
Allar hverfilknúðar flugvélar í eigu Flugfélags fslands
hf. og Loftleiða hf. nota ESSO TURBO OLÍUR á hreyfl-
ana. Fyrsta þotan, hin nýja BOEING 727, notar ESSO
TURBO OIL 2380.
OLÍUFÉLAGIÐ H-F.
Klapparstíg 25/27 Keflavíkurflugvelli
Reykjavík. Sími 24380 Sími Keflavík 1481.
+ ÞINGVELLIR.
ÞAÐ er næstura sama hvaða góðvið-
risdag maður kemur að Þingvöllum á sumrin, þar
er ævinlega margt um manninn og um helgar, er
þar bókstaflega krökkt af fólki, þegar vel viðrar.
Gallinn virðist vera að verða sá, að þjóðgarðs-
svæðið, eða sá hluti þess sem er auðveldlega að-
gengilegur fólki er of lítið. tþví sé veðrið gott um
helgar er hvergi hægt að finna sér laut til að
drekka kaffisopa, nema þá að koma mjög snemma
dags.
Virðist því fullkomlega athugandi, að stækka
þjóðgarðssvæðið og einnig mætti að skaðlausu gera
þar ýmsar ráðstafanir fyrir ferðafólk, svo sem að
fjölga sorpílátum, gera fleiri tjaldsvæði og ganga
betur frá þeim og setja upp útináðhús á að
minnsta kosti tveim stöðum, þar sem jafnan er
mest um tjöld og umferð ferðafólks. Þetta þyrfti
ekki að kosta nein ósköp, en yrði áreiðanlega vel
þegið og metið.
Þá vantar mjög á að eftirlit sé nægilegt með
góðri umgengni á þjóðgarðssvæðinu og setja þarf
upp reglur um það hvar mönnum er heimilt að
veiða og hvar ekki.
★ VINSÆLL STAÐUR.
UM það xarf enginn að efast að að-
sókn ferðafólks á Þingvöll á enn eftir að fara vax
andi, þótt ýmsum þyki nú nóg um. Með vaxandi
bifreiðaeign á umferð þangað enn eftir að aukast
verulega, og gera þarf ráðstafanir til að mæta því.
Það virðist því miður svo, að þeir sem ráða fyrir
þessum stað, hafa næsta lítið gert þar til úrbóta
fyrir ferðafólk, og verður þar að verða skjótleg
breyting á.
Þessi staður má aldrei komast' í niðurníðslu
vegna slæmrar umgengni eða slóðaskapar við að
búa sómasamlega að ferðafólki, sem þar kemur
eða á leið um.
Þingvellir eru þjóðareign og þar verður að vera
þjóðarsómi að öllum framkvæmdum, þótt svo
hafi ekki verið til þessa því miður samanber sumar
bústaðavitleysuna við þjóðgarðinn. Vonandi verð-
ur ekki haldið lengra á þeirri braut, og er þar þó
þegar komið of langt. — Það verður að fara að
hefjast handa og sinna Þingvöllum betur en gert
hefur verið til þessa, ef ekki á illa að fara í
framtíðinni, og niðjar okkar, sem í dag lifa munu
litlar þakkir kunna okkur fyrir að spilla þessum
þjóðhelga stað. Karl.
Áskriftasími Alþýðublaðsins er 14900