Alþýðublaðið - 27.07.1967, Blaðsíða 4
Rltstjórl: Benedlkt Gröndal. Simar 14900—14903. — Auglýsingasíml:
14906. — Aösetur: Alþýöuhúsiö við Hverfisgötu, Rvík. — Prentsmiðja
AlþýÖublaðsins. Siml 14905. — Áskriftargjald kr. 105.00. — t lausa*
sölu kr. 7.00 eintakið. — Útgefandi: Aiþýðuflokkurinn.
Detroit
■ UNDANFARNA DAGA bafa geisað í Bandaríkj-
'unum stórfelldari kynþáttaóeirðir en nokkru sinni
fyrr, ekki í einni borg heldur mörgum, stórum og
smáum. Neistar af smáatvikum hafa orðið að stórfelld
um sprengingum. Tugir manna hafa fallið, þúsundir
særzt og stórborgir eru eins og eftir loftárásir.
Þessi átök eru hin alvarlegustu síðan Þrælastríðið
var háð fyrir rúmlega öld. Hinar 20 milljónir blökku-
manna í Bandaríkjunum virðast nú staðráðnar að
ganga eftir þeim rétti, þeim tækifærum í lífsbarátt-
unni og þeirri virðingu, sem þeim var í rauninni heit-
ið, þegar Abraham Lincoln veitti forfeðrum þeirra,
þrælum, frelsi.
í áratugi miðaði hægt í öllum framfaramálum
blökkumanna. En nú síðasta aldarfjórðunginn hefur
það breytzt. Efnahagur þeirra hefur stórbatnað, skóla-
mál þeirra lagazt verulega, réttindi þeirra aukizt, og
nú nýlega hafa þeir eignazt fyrsta öldungadeildar-
þingmanninn og fyrsta hæstaréttardómarann. Samt
er löng leið ófarin. Misréttið er enn hróplegt, atvinnu-
leysi mun meira en meðal hvítra og tiltölulega fleiri
blökkumenn falla í Vietnam en hvítir.
Vafalaust verða kynþáttaóeirðirnar til þess að
hræða hvíta fólkið, og það er líklegt til að snúast frek-
ar gegn blökkumönnum eftir slík tíðindi. En hitt fer
vonandi ekki framhjá bandarískum ráðamönnum, að
þróun síðustu ára hefur ekki verið nægilega hröð.
Bandarískt þjóðfélag verður að grípa til stórfelldra að
gerða, sem jafna metin milli kynþáttanna, sem upp-
ræta fátæktina, afnema fátækrahverfin. Svo virðist
sem ekki muni veita af allri athygli og öllu þreki
amerískra stjórnvalda til að leysa þetta risavaxna
þjóðfélagsvandamál.
De Gaulle
DE GAULLE Frakklandsforseti hefur verið í opin
berri heimsókn í Kanada, boðinn þangað í tilefni af
'aldaraimæli ríkisins. Hefur hann nær eingöngu heim-
sótt þau landssvæði, þar sem Kanadamenn af frönsku
bergi brotnir eru búsettir. Hefur de Gaulle í ræðum
sínum ýtt mjög undir stjálfstæðishreyfingu þessa
fólks og þar með blásið á elda, sem lengi hafa reynzt
Kanada hættulegir.
Þessi frarrkoma forsetans er stórfurðuleg og liinn
grófasíi dónaskapur í garð gestgjafa hans. Franski
hluti kanadisku þjóðarinnar nýtur þess frelsis, sem
mest er til, og mundi hvorki gera sjálfum sér né öðr-
um gagn með því að kljúfa ríkið. Framkoma de Gaull-
es minnir mesí á Hitler og þýzka nazista, sem ráku
þá stefnu að allt fólk af þýzku bergi brotið væri hluti
af briðja ríkinu.
ÚTSALA HJÁ ANDRÉSI
HERRADEILD UPPI (II. hæð).
Karlmannaföt
Stakir jakkar
Stakar buxur
HERRADEILD NIÐRI (I. hæð).
Peysur verð frá kr. 385.—
Nylon skyrtur verð frá kr. 95.—
Straufríar bómullarskyrtur verð kr. 250.—
Sundskýlur, verð kr. 75.— til 125.—
Drengjaskyrtur verð frá kr. 75.—
Auk margs annars á mjög hagstæðu
verði.
DÖMUDEILD:
Kápur verð frá kr. 975.—
Dragtir verð frá kr. 800.—
Kjólar verð frá kr. 695.—
Pils verð frá kr. 350.—
Blússur verð frá kr. 150.—
Nylonsokkar frá kr. 20.—
★ VEIÐIN í ÞINGVALLA-
VATNI.
Hafníirðingur hefur sent okkur
svohljóðandi bréf um Þingvallavatn: „Ég er einn
af þeim mörgu, sem hef gaman af að fara með
stöng og renna fyrir silung í vatni eða lækjar-
sprænu. Ég hef ekki, fremur en svo margir aðrir,
bolmagn eða peninga til að stunda laxveiðar, sem
nú virðast vera orðnar forréttindi hinna riku á
íslandi.
Oft fer ég austur að Þingvöllum
og renni þar í vatnið, þótt sjaldnast hafi maður
af því árangur sem erfiði.
Um liverja einustu helgi í sum-
ar má sjá þar tugi manna, jafnt ungra sem gam-
alla með veiðistengur á vatnsbakkanum. Yfirleitt
hef ég aldrei séð nokkurn mann fá þar nema í
hæsta lagi nokkrar murtur. Ég veit ekki hvað
veldur þessari fiskitregðu, en sumir segja að í
vatninu sé mikið af stórum og góðum fiski, en
hann komist bara alls ekki inn í Vatnsvíkina
eða Vatnsvikið, sem stundum er kallað, þar sem
langflestir eru að veiða. Þeir eru því margir,
sem þarna verða fyrir vonbrigðum, og ef til vill
ekki slzt börnin, sem þarna fá oft að reyna sig
fyrsta sinni við þessa hollu og skemmtilegu íþrótt.
Þetta þarf að breytast, og' hefur
mér í því sambandi dottið eftirfarandi í hug:
★ RÍKIÐ EIGNIST VEIÐI- j
RÉTTINN. I
í
Ríkið á mikið af því landi, sem
liggur að Þingvallavatni, og það er einmitt i
ríkislandinu, sem almenningur kaupir veiðileyfin.
Það væri held ég tiltölulega auðvelt og einfalt mál
fyrir ríkið, að eignast allar jarðirnar og öll lönd
og þar með veiðirétt hringinn í kringum Þing«
vallavatn. Það hlýtur raunar að koma að þessu,
það er aðeins tímaspursmál, hvenær það verður.
En það er sem sagt mín tillaga
í þessu máli, að ríkið eignist allan veiðirétt 1
vatninu óskiptán. Svo verði netaveiði bannfærS
með öllu, en vatnið þess í stað opnað almenn-
ingi allan hringinn til stangaveiða og lánaðip
verði út bátar fyrir þá sem vilja veiða á vatninu.
Ef sérfræðingar telja, að vatnið ekki mundi þola
þá ásókn sem með þessu skapaðist' væri mjög auð-
velt að koma við fiskirækt við vatnið og bæta J
það seyðum árlega eftir því sem þurfa þætti. Má
i því sambandi minna á, að ríkið á myndarlega
fiskiræktarstöð í Kollafirði, þar sem milljónir
seyða eru aldar upp á hverju einasta ári.
Það er löngu orðið nauðsynlegí
að skapa almenningi bætta aðstöðu til að iðka
útilíf og veiðiskap, og ég held að þetta sé tiltölu-
lega einföld og hagkvæm leið til þess. Ég vona
svo að endingu, að þið birtið þetta bréf, áðuc
en sumarið er á enda. — Hafnfirðingur.
4 27. júlí 1967
ALÞÝÐUBLAÐIÐ