Alþýðublaðið - 17.08.1967, Blaðsíða 4
Rltstjórl: Benedlkt Gröndal. Stmar 14900—14903. — Auglýsingaslml:
14906. — Aðsetur: AlþýSuhúsiö við Hverfisgötu, Kvík. — Prentsmiðja
/Jþýðub aósins. Sfmi 14905. — Áskriftargjald kr. 105.00. — t lauaa-
eöl i kr. 7.00 eintakið. — Útgeíandi: Alþýðuflokkurlna.
ÍHALD - RAUNSÆI
MORGUNBLAÐIÐ hefur með tveim ritstjórnar-
greinum tekið að sér forustu í baráttu gegn íslenzka
sjónvarpinu, baráttu til að hefta eðlilega þróun þess,
binda hendur þess og minnka þá þjónustu, sem það
getur veitt sjónvarpsnotendum. Þessa stefnu kallar
Morgunblaðið „íhald-raunsæi.c<
Hingao til hefur Morgunblaðið þótzt berjast fyrir
frelsi einstaklinga og gegn hvers konar opinberri for-
sjá þeim til 'handa. Nú vill blaðið, að ríkisvaldið hefti
'eina af stofnunum sínum til að draga úr valfrelsi
fólksins. Af hverju mega landsmenn ekki sjáKir velja
um, hvort þeir vilja horfa á sjónvarp, fara á Varðar-
fund eða í Tónabíó?
Vonandi beitir aðalmálgagn Sjálfstæðisflokksins
hinni nýfundnu „íhalds-raunsæi“ á fleiri sviðum.
Spyrja mætti, hvort þjóðin hafi ráð á Morgunblaðinu,
sem er álíka fyrirtæki og sjónvarpið í dag. Væri ekki
rétt, að Morgunblaðið kæmi aðeins út 4 daga í viku?
Og hvað um kvikmyndahúsin? Er ekki óþarfi, að
þau sýni hinar menningaraukandi myndir sínar sjö
daga í viku? Væri ekki nóg að þau væru opin 4 daga
1 viku?
Hvernig stendur á því, að Morgunblaðið hefur í
jneira en áratug ekki séð ástæðu til að berjast fyrir
styttingu ameríska sjónvarpsins en hefur nú upp
raust sína til að hefta og takmarka íslenzka sjónvarp-
ið?
Morgunblaðið heldur því hvað eftir annað fram, að
sú dagskrá, sem í mörg ár hefur verið undirbúin,
dragi úr dreifingu sjónvarpsins um landið. Þetta er
fjarstæða, eins og margoft hefur verið bent á. Aðflutn
ingsgjöld af sjónvarpstækjum, stærsti tekjustofn sjón
varpsins, renna öll til dreifingar þess um landið. Dag-
skráin fær ekki eyri af því fé.
Það þarf álíka stóra áhöfn til að fljúga flugvél,
hvort sem vélin er hálf eða full af farþegum. Það
hefði þurft að bæta við starfsliði til að geta annað
fjögurra daga dagskrá á eðlilegan hátt til frambúðar,
en 'þetta starfslið á að geta afkastað sex daga dagskrá,
eins og hún er fyrirhuguð.
íslenzkt sjónvarp hefur frá upphafi átt marga and-
stæðinga og úrtölumenn í landinu. Eftir að séð var,
hve vel fólk tók sjónvarpinu, virðast þessir aðilar nú
ætla að magnast á nýjan leik til að reyna að hefta
starfsemi sjónvarpsins og halda því niðri. Þetta er í-
háldsmennska, en hún er ekki raunsæ.
Breytingin í hægriakstur mun örugglega kosta meira
fé en þegar hefur verið varið til íslenzks sjónvarps.
Það þykir Morgunblaðinu sjálfsagt á sömu síðu og það
vill hefta sjónvarpið. Þar er ekki ástæða til að beita
„íhalds-raunsæi“!
4 17. ágúst 1967 —
u kjörbúð
Örskammt fré Miklubraut
Kynnizt vörum, verði og þjónustu.
Góð bílastæði.
KRON Stakkahlíð 17.
Alþýðublaðið vantar böm til blaðburðar í
Austurbæ og Vesturbæ.
Upplýsingar hjá afgreiðslu blaðsins í Kópa-
vogi í síma 40753.
ALÞÝÐUBLAÐIÐ
BÍLAMÁLUN -
RÉTTINGAR
BREMSUVIÐGERÐIR O. FL.
BIFREIÐAVERKSTÆÐIÐ
VESTURÁS HF.
Súðavogi 30 — Síml 35740.
krossgötum
★ MJÓLKURSAMSALAN.
Það er langt síðan rætt hefur
verið um mjólkursamsöluna hér í þessu horni, en
nú teljum við á krossgötunum ástæðu til að leggja
orð í belg.
Undanfarið hefur mjög verið
kvar.tað yfir því í dagblöðum, að mjólfein, sem nú
er seld í mjólkurbúðum geymist illa. Þetta er
rétt og engar ýkjur. Það hefur komið fyrir á
heimili þess, sem þetta ritar, að mjólk keypt að
kvöldi og geymd í ísskáp yfir nótt. hefur . verið
súr og ódfekkandi að morgni. Svona lagað geta
(íéytendur 'auðvitað ekki látið bjóða' sér, þótt' ís-
lenzkum neytendum sé annars hægt að bjóða næst
um því !hvað sem er.
Undarlegt er að Neytendasamtök
in skuli §kki hafa látið þetta mál til sín taka.
Til hvers eru þau eiginlega, ef ekki einmitt til
að grípa á svona kaunum? Vera má, að Mjólkur-
samsalan í Reykjavík sé svo voldugt fyrrtæki, að
fíeytendasamtökin vilji hugsa sig tvisvar um, áður
en þau leggja til atlögu. En eitt er þó víst, ef
þau létu til skarar skríða gegn mjólkursamsölunni
mundu samtökin hafa óskiptan stuðning almenn-
ings.
★ EFTIRLIT MEÐ EINOKUN.
Það tíðkast hvarvetna um hinn
siðmenntaða heim, að eftirlit er haft með því að
einokunarfyrirtæki misnoti ekki aðstöðu sína,
Þetta eftirlit hefur ekki verið til hér á landi, en
nú mun sem betur fer í athugun að koma því á
fór. Verður vonandi ekki löng bið á að það komist
á lággimar.
Mjólkursamsalan I Reykjavík
hefur einokun á sölu og dreifingu mjólkur og ým-
issa mjólkurafurða á þéttbýlasta svæði landsins.
Það er merkilegt rannsóknarefni hvernig þetta
fyrirtæki hefur komizt upp með að daufheyrast
við óskum neytenda um betri þjónustu um langt
árabil. '
Oft hefur hér verið minnzt á heimsendingu
mjólkur, en aldrei neitt verið gert í því máli.
Ekki einu sinni tilraun í þá átt. Oft hefur verið
minnzt á nauösyn þess að fá mjólk í stærri um-
búðum en eins lítra. Ekkert heyrist enn um bót
og betran í þeim efnum.
Mjólkursamsalan í Reykjavík á vél til að pakka
mjólk í tíu lítra kassa. Sú vél er ekki notuð til að
pakka mjólk fyrir neytendur á Reykjavíkursvæðinu
heldur fyrir Varnarliðið á Keflavíkurflugvelli.
Engu er líkara, en Reykvíkingar og grannar þeirra
séu einhvers konar annars flokks neytendur að
mati samsölumanna, skör lægra settir, ,en Banda-
ríkjamennirnir á KeflavíkurflugvellL Svona á-
stand er auðvitað ekki hægt að þola, Við skorum á
Neytendasamtökin að gæta hagsmuna neytenda i
mjólkursölumálum, Það er kominn tími til að
endurskoða allt fyrirkomulag á þeim vettvangi, og
athuga hvort ekki er rétt að leyfa margumtalaðri
samkeppni að njóta sín þar. — KARL.
ALÞÝÐUBLAÐIÐ