Alþýðublaðið - 01.05.1968, Blaðsíða 4

Jóhannes Geir
sýnir í Umiinjsi
JÓHANNES GEIH, listmál-
ari, opnar málverkasýningu í dag
kl. 16,00 í Unuhúsi við Veghúsa-
stíg. Verður sýningin opin frá
1.—12. maí daglega frá' kl. 14
—22 og verða alls til sýnis og
sölú um 23 málverk.
Það er þreytandi að halda
málverkasýiningu og rriaður
missir áhugann um stund eftir
að maður hefur haldið sýningu,
sagðj Jóhannes Geir, er frétta-
maður Alþýðublaðsins skoðaði
málverk hans í gær. Flestum
málurum er illa við þetta. enda
finnst mér málverk eiginlega
aldrei fullklárað og hægt er að
gera experiment með sama mál-
verkið allt lífið og sé ég á viss-
an hátt eftir að selja tþau.
. Ég verð fyrir áhrifum af nátt-
lirunni og geri uppkast og kom-
pcsitionir vegna áhrifa frá
henni, sem smám saman síast
inn í mann. Margir hafa sagt, að
í málverkum mínum gæti mest
áhrifa frá heimabyggð minni,
Sauðárkróki og Skagafirðí. Enda
þótt ég máli ekki abstrakt er
náttúrlega öll teorían í málara-
list abstrakt og skiptir í sjálfu
sér ekki máli, hvort menn mála
abstrakt myndir eða fígúra-
tívar.
Ég geri mörg uppköst af
sama mótívi og geta þau oft
gjörbreytt um svip. Ég geymi
öll uppköst, sem ég geri; það
er aldrei að vita, hvenær not er
fyrir þau, sel þau aldrei, — gef
þau í hæsta lagi vinum mínum.
Jóhannes Geir hefur ekki
haldið margar sjálfstæðar sýn-
ingar; eina hélt hann 1954 og
sýndi þá' pastelmyndir og 1957
hélt hann einnig sýningu á past-
elmyndum, en hefur átt verk á
mörgum samsýningum. Þá er
í bígerð h.yá Jóhanr-esi að sýna
í nýbyggingu Menntaskólans í
Reykjavík í haust og er sýn-
ingaraðstaða á málverkum
einna skárst þar í Reykjavík.
Vietnamfundur a5 Hótel
kl. 16 í dag
HIN íslenzka Vietnamnefnd
gengst fyrir almennum fundi að
Hóiel Borg í dag klukkan 16.
Hefst hann strax að loknum úti-
| fundi verkalýðsfélaganna á
í Lækjartorgi.
!
I Ræðumenn á Vietnamfundin-
| um verða: Sigurður A. Magnús-
son, Ólafur Ragnar Grímsson,
Ásmundur Sigurjónsson. Edda
Þórarinsdóttir, leikkona, syngur
nokkur lög við undirleik Kjart-
ans Ragnarssonar og Atla Heim-
is Sveinssonar. — Kynnir verð-
ur Jóhanna Axelsdóttir.
Allir velkomnir á fundinn
meðan húsrúm leyfir.
1. maí 1968
ALÞÝÐUBLAÐIÐ
1. maí
Framhald af bls. 1
í einstökum starfsgreinum geti
komið til greina. Við neitum
ójafnri rekstraraðstöðu inn-
lendra og erlendra aðila hér ó
landi, þeim síðarnefndu til
hags. Við neitum ofdýrkun er-
lendrar vejrkmenningar og á-
sókn í sífjölgandi ráðningu út-
lendinga með sérfræðititla í
verklegri kunnáttu að yíir
varpi og undirstrikum þá skoð
un okkar, að sé uppbygging
íslenzks atvinnulífs mikilvæg
fyrir afkomu og sjálfstæði, þá
sé áframhaldandi efling á
starfshæfni og verkmennt hjá
íslenzku vinnuafli það engu
síður.
í dag er því fagnað, að ís-
lenzkri verkalýðshreyf ing'u
auðnaðist víðtækur sameigin-
legur skilningur og samstaða
í nýafstöðnum átökum til varn
ar árásum á vísitölubundið
kaup. Mótsnúin öfl urðu að
hörfa fyrir sameinuðu afli
verkalýðsstéttarinnar. Vitund
hennar um mátt sinn óx. Hreyf
ingin lítur á það sem aðalskil-
yrði fyrir friði á vinnumark-
aði, að laun séu verðtryggð,
verðlagsákvæði ströng og
verðlagseftirlit virkt. Hún vís-
ar á bug þeim einhliða skiln-
ingi, að laun séu kostnaður og
byrði og aukning þeirra veiti
rétt til hækkunar verðlags og
afurðaverðs. Þrýstinði til Iauna
hækkunar samfara aukinni
hlutdeild í vaxandi þjóðarauð
Iegð undanfarinna ára — verð
ur að fylgja alhliða aðhald að
öllum rekstri, svo knúið sé á
um hagræðingu og skipulagn-
ingu atvinnugreina til þess, að
launahækkanir leiði á þann
hátt skilmerkilega til hækkun-
ar rauntekna.
Það er meginverkefni hreyf
ingarinnar nú, að aukning
rauntekna náist í aðalatriðum
á þann hátt, að dagvinnutekj
ur nægi til lífsviðurværis. Það
er jafnframt barátta hennar
fyrir likamlegri heilsu, menn-
ingarlífi og möguleikum til fé-.
lagsiðkana. Þetta markmið
hefur verið að fjarlægjast.
Baráttu fyrir því verður nú
að skipuleggja og fylgja eftir.
Það verk vinnur enginn nema
verkalýðshreyfingin sjálf.
islenzkur verkalýður! Sýndu
öreigum og fátækri alþýðu
annarra landa hugarþel þitt á
áþreifanlegan hátt.
Fylgjum eftir á öllum svið-
um kröfunni um stjórnarfars-
legt sjálfstæði undirokaðra og
hungraðra þjóða og árangur í
baráttu þeirra gegn erlendum
herveldum.
Veitum stuðning við eigin
alhafnir þróunarríkja í bar-
áttu þeirra gegn hungri og fyr
ir afnámi nýrra hátta fjár-
magns- og verzlunararðráns.
Sýnum istuðning okkar við
baráttu undirokaðra kynþátta,
um leið og við minnumst
mannréttindaárs Sameinuðu
þjóðanna.
Látum aldrei róast, fyrr en
friður hefur komizt á í Viet-
nam, erlendír herir horfið á
brott og þjóðin hlotið fullt
sjálfstæði.
Styðjum báráttu til aukins
lýðræðis og frjálsari stjórnar-
hátta gegn samþjöppun valds,
herforingjaklíkum og vaxandi
einokun skoðanamyndunar.
Reykvísk alþýða!
Fylkjum liði í dag undir fána
og kröfur verkalýðsfélag-
anna;
Atvinna handa öllum. —
Uppbygging eigin atvinnu-
lífs. -
Dagvinrtulauna til lífsviður-
væris. —
Þjáðum bræðrum brotna
hlekki.
í 1. maínefnd fulltrúaráðs
verkalýðsfélaganna í Reykja-
vík:
Sigfús Bjarnason,
Jón Snorri Þorleifsson,
Helgi Arnlaugsson,
Guðm. J. Guðmundsson,
Jóna Guðjónsdóttir,
Hilmar Guðlaugsson.
Fulltrúaráð
Þann'ig lítur eldhúsið út í húsunum í Breiðholtshverfinu. Þetta er
einföld innrétting en smekkleg. Það er athyglisvert að húsmóðurin
hefur borðrönd fyrir ofan vaskinn þar sem hægt er að sctja ieirtau
cg matarföng. Hlið’in sem snýr að borðkróknum líkist helzt bar
borði.
ÍSLENDINGAR SIGRUÐU
SPÁNVERJA í GÆR 18.17
ÍSLENDINGAR sigruðu Spán-
verja í handknattleik í gærkvöldi,
með 18 mörkum gegn 17. Staðan
í leikhléi var jöfn, 9 mörk gegn
9-
Leikurinn var jafn og harður
frá upphafi, í fyrri hálfleik var
aldrei meira en eins marks mun-
ur. í síðari hálfleik náðu ís-
lendingar strax forystu og Spán-
verjum tókst aðeins einu sinni
að jafna metin, 17 gegn 17. En
Ingólfur Óskarsson skoraði sig-
urmarkið rúmri mínútu fyrir
leikslok. Mikil harka var í leikn-
um og um tíma munaði þremur
mörkum, íslendingum í hag, 16
gegn 13. Dómarinn, sem var sviss
neskur, missti tökin á leiknum
og bitnaði það mjög á íslenzka
liðinu. Einum manni var vísað
af leikvelli. Það var Guðjón
Jónsson. íslenzku leikmennirnir
léku yfirleitt vel, en beztur var
Ingólfur, sem skoraði 7 mörk.
Leikurinn fór fram í glæsilegri
íþróttahöll í Madrid, sem tekur
um 10 þúsund á’horfendur. í gær
kvöldi voru áhorfendur um 2
þúsund, en leiknum var sjón-
sjónvarpað um allan Spán.
Allir íslendingarnir voru við
Sk
beztú heilsu og sigurglaðir og
báðu fyrir kveðjur heim.
INGÓLFUR ÓSKARSSON,
fyrirliði landsliðsins.