Alþýðublaðið - 09.11.1968, Blaðsíða 1

ÚTVARPSVIKAN
10. -16.
nóvember
1968
Sjónvarpskvikmynd kvöldsins:
HORFiN
SJÓNARMIÐ
með Roland Colman
í kvöld, laugardagskvöldið 9.
nóvember, klukkan 21.35 flytur
íslenzka sjónvarpið óvenjulega
athyglisverða bandaríska stór-
l mynd, gerða af Frank Capre
árið 1937, og var hann einnig
leikstjóri; nefnist mynd þessi
„Lost Horizon” eða „Horfin
sjónarmið”, er byggð á heims-
frægri skáldsögu eftir James
Hilton og var talin meðal beztu
mynda ársins 1937. Sumir kynnu
að halda, að árið 1937 hafi
yfirleitt ekki verið gerðar merki
legar myndix; það er þó hinn
mesti misskilningur, því að það
var blómaár í kvikmyndagerð
og margar sígildar myndir frá
því ári. Auk „Lost Horizon”
má nefna myndir eins og „The
Life of Emile Zola”, „The Good
Earth” „Dead End”, „Ecstasy”
(sem gerði Hedy Lamarr fræga
og skipar sérstakan sess í sögu
kvikmyndanna), o.sv.frv.
Aðalhlutverkið í„Lost Hor-
izon”llék Ronald Colman, leik-
ari sem allir þeir sem nú eru
komnir á miðjan aldur kann-
ast mætavel við. Af öðrum
leikurum má nefna Jane Wy-
att, Margo Edward, Everett
Horton, Thomas Mitchell, Isab-
el Jewell og John Howard.
„Lost Horizon” er viðburðarík
saga (eins og þeir vita, sem
lesið hafa bókina, en 'hún
hefur m.a. komið út í íslenzkri
þýðingu) og ánægjuefni þeim,
sem gaman hafa af spennandi
og vel gerðum kvikmyndum,
en þessa tvo kosti sameinar
hún með ágætum. Semsagt:
missið ekki af „Horfnum sjónar
miðum” í sjónvarpinu í kvöld
klukkan hálf tíu. Góða skemmt-
un!
/