Dagur - 10.09.1921, Blaðsíða 3

36. tbl.
DAGUR
143
og ljós lifir baerir hún lítið á sér. En
þegar menn slökkva ljósið, til þess
að losna við ágang húsflugunnar, eiga
menn hinn óvininn handvísan, sé hann
á annað borð til í húsinu. Þegar
dimt er orðið þyrpast veggjalýsnar út
úr fylgsnum sínum og f rúm til manna.
Má þá heyra óljósan léttan dyn eins
og heyra má í fjarlægð af umferð í
borgum. Brátt gera lýsnar þó vart
við sig á annan hátt. Þaer eru sem
sé ógurlegir bitvargar svo að bæði
þarf mikla stillingu og mikinn vana
til þess að haldast við í rúminu. Að
morgni, þegar birtir eru lýsnár allar
horfnar inn í fylgsni sfn, en til minja
eru rauðir flekkir á líkama manns,
þar sem þær hafa höggvið strand-
högg.
Þess var áður getið að innflytjend-
ur nútímans fengju litla hugmynd um
við hvað írumbýlingarnir áttu að
strfða, þar sem veggjalúsin var. Hún
var einn af þeim örðugleikum sem
þeir þurftu að vinna bug á, ásamt
fátæktinni. Og því betur hefir þeim
tekist það að mjög miklu leyti með
bættum húsakynnum. Þó er veggja-
lúsinni hvergi nærri útrýmt enn og
verður að Ifkindum seint útrýmt til
fulls.
Veggjalúsin er mórauð að lit flat-
vaxin og mjög lágfætt. Fullvaxin er
hún á stærð við járnsmið.
Auk þess sem hér er talið, ónáða
mosquitoes menn líka f húsum inni
þó varla geti talist mjög mikil brögð
að því.
Er nú hér með lokið þessu, að
mörgum kann að finnast, óhugnæma
eíni. Verður nú í næstu köflum vikið
að verklegum myndarskap vestra.
Úr öllum áttum.
Dánardægur: Nýlega eru látnar
þessar fimm húsfreyjur: Margrjet Stef-
ánsdóttir, Syðstabæ í Hrfsey kona
Jóhannesar Davíðssonar í Syðstabæ og
áður gift Jörundi, sem þar bjó til
dauðadags og er víða þektur. Anna
Gísladótlir, systir Þorsteins bónda,
Svínárnesi, gift Jóhanni Magnússyni,
Selárbakka á Árskógsströnd. Sesselía
Porleifsdóttir frá Hóli á Upsaströnd.
Eyvör Timoteusardðttir kona Stefáns
Jónssonar verzlunarstjóra í Dalvfk.
Hróðný jðnsdóttir, kona Flóvents Hall-
grímssonar, Lindargötu 2, Akureyri.
Ennfremur er nýlega látinn Jósef Jó-
hannsson, Naustum, Akureyri.
Síldveiöinni er að verða lokið.
Þegar veiði útlendinga er talin með,
munu hafa fiskast um 130 000 tn. eða
litlu minna en í fyrra. Fyrst framan
af gekk veiðin illa vegna ógæfta, en
hefir gengið afar vel síðari hluta tím-
ans. Sfldin hefir verið bæði mikil og
nærtæk. Eftir því sem meira hefir
veiðst, hafa söluhoríur heldur óvænk-
ast, svo enn er óséð, hvernig útgerð-
inni reiðir af.
Tíöarfarið. Sumárið hefir verið afar
kalt og óþurkasamt á Norð-Austur-
landi. Flestir spáðu að batna mundi
meji Höfuðdegi, en svo hefir ekki reynst.

Gluggagler
Nýkomið til undirritaðs.
Alt að helmings verðlækkun írá i íyrra.
Eggerf Sf. Melsfað.
Vefnaðarvara
er stórmikið Iækkuð í verði.
T. d. kosta nú tvíbreið karlmannatataefni frá kr. 11.50 m.
Frakkatau sérstaklega vandað, kostaði áður kr. 48.00 nú
kr. 33.00 m. og ódýrari tegundir á 17.00 og 28.00 kr.
Molskinn frá kr. 4.80 m.
Kjólatau úr ull, í miklu úrvali, frá kr. 6.20 m. Ennfremur
til fata: fóður, Iasting, millifóður o. m. fl.
Enn eru umhleypingar með úrkomu
við og við en þurkflæsum á milli og
veður hlýrri. Hefir tfðin Vérið ura-
hleypingasöm um alt land sfðustu vik-
urnar.
Heyfengur manna vcrður í ár
mjög misjafn á landinu. Spretta hefir
verið í meðallagi og sumstaðar rúm-
lega það. En nýting hefir verið afar
misjöfn. Á Suður- og Vesturlandi hefir
heyskapur gengið afar vel svo sagt
er að þar hafi heyast óvanalega mik-
íð. Á Norðurlandi alt austur að Eyja-
fjarðarsýslu hefir hann sömuleiðis
gengið þolanlega, en þar austan við
og á Austurlandi er óhætt að segja
að heyskapur hafi gengið mjög erfið-
lega. Töður sínar gátu menn ekki
hirt á því svæði fyr en seinast í ágúst.
Vinnukraftar notuðust illa vegna
óveðra og kulda. Inflúenzan hefir líka
tafið fyrir mönnum til og frá um alt
land. Heyfengur yfirleitt á landinu
verður þó líklega um eða yfir meðal-
lag. Aftur eru slæmar horfur með
kartöflu-uppskeru norðanlands, vegna
sífeldra kulda og næturfrosta.
Grænlandsfar kom inn tii Akur-
eyrar á miðvikudagskvöldið með veikan
mann, sem fluttur var í sjúkrahús.
Skipið heitir Teddy (skipstj. Thostrup,
stýrimaður N. Seeih).
Ferðasaga þessa skips er all merki-
leg. Blaðið haíði tal af stýrimanui og
segist honum svo frá: „Teddyu fór
frá Kaupmannahöfn 19. júní s. 1. til
þess að leyta að skipinu „Dagny",
sem fór f júnf f fyrra norður til Græn-
landsóbygða, til þess að færa veiði-
mönnum, sem dvelja á austurströnd
Grænland3 norðarlega, vistir, flytja
þangað menn og taka aðra, sem ráðn-
ir væru til heimferðar. »Dagny< kom
aldrei fram. Hún fórst f fsnum f ágúst
s. 1. sumar, 30 mflur norðaustur af
Shannon-eyju. Skipverjar tóku með
sér nokkur matvæli og einn bát, sem
þeir drógu yfir ísinn og náðu til eyj-
arinnar. þar var eitthvert skýli, sem
veiðimenn höfðu bygt og dvöldu þeir
þar um tíma, en lögðu síðan af stað
aftur og náðu til Bass Rock, þar sem
þeir hittu norðurfarastöð, sem amerísk-
ir norðurfarar höfðu reist 1901. Þarna
dvöldu þeir s. 1. vetur, og höfðu þar
nóg til að bfta og brenna þvf vistir
voru þar fyrir. Það var stór hepni að
► Teddy« fann þessa menn, þvf ekki
höfðu menn hugmynd um hvort þeir
voru lífs eða liðnir eða hvar þeirra
væri helzt að leita. Eftir að »Teddy«
hafði bjargað skipbrotsmönnunum fór
skipið til grænlenzku stöðvanna með
vistir og farþega. Mun þeim 4 mönn-
um, sem þar dvöldu, hafa verið mál
á heimsókninni. Alls létu þeir eítir
8 menn við veiðiskap þarna norður
frá. »Tcddy« hafði meðferðis fsbjörq,
ref, hreysikött, og tvo máva, sem
eiga að fá vist f dýragarðinum f
Kaupmannahöfn. Er ferð skips þessa
orðin gæfusamleg og frægileg. ísinn
sögðu skipverjar vera um 200 — 300
mílur undan Snæfellsnesi
Gullfoss kom í gærmorgun. Með
skipinu komu meðal annara þrír menn
til þess að rannsaka íslandsbanka,
samkvæmt lögum frá sfðasta þingi.
Þessir menn eru þeir Eggert Claessen,
bankastjóri, Björn KrÍ3tjánsson, alþm.
og Ágúst Flygenring, kaupm. Enn-
fremur kom með skipinu' Steingrímur
Jónsson bæjarfógeti.
JÓI) Þorleifsson, liatamálari, soh-
ur Þorleifs Jónssonar, Hólum f Iiorna-
firði, er nýlega kominn til bæjarins.
Hann auglýsir á öðrum stað f blað-
inu málverkasýningu í hátíðasal Gagn-
íræðaskólans á morgun og mánudag-
inn kl, 10—7.
öimskeyti.
Reykjavík, 9. september.
Rússneska bjargráðanefndin
hefir verið Ieyst uppeog sumum
nefndarmönnunum varpað í fang-
elsi. Eru þeir af stjórninni sakað-
ir um undirróður gegn bolché-
vismanum.
Norska stjórnin eykur tollland-
helgina, til þess að hindra vín-
smyglun.
írar hafna sáttaboði Breta.
Vilja láta hlutlausan oddamann
úrskurða. Segjast aldrei munu
af frjálsum vilja viðurkenna sam-
band við Breta. Hótanir um of-
beldi verði að hætta, svo full-
trúar geti samið óháðir. Ulster-
búar hervæðast.
Afstaða Morgunblaðsins Spán-
verja megin í tollmálinu ekki
jafn ákveðin og verið hefir.
Landsstjórnin gefur engar upp-
lýsingar um lánskjörin.
Fréttaritari Dags.
Fjármark
undirritaðs er: Stýft hægra, sneitt
framan vinstra.
Baldvin Jóhannssoij,
Dalvík.
Síldarnetja-,trossa‘
með tilheyrandi, ómerkt fanst ca. 3
mílur norður af Gjögri. Réttur eig-
andi gefi sig fram hið fyrsta við
Sueinbjörn Jóhannsson,
Dalvík.
Málverkasýning
|óns Þorleifssonar
verður opin í hátíðasal Gagnfræða-
skólans sunnudag og mánudag frá
kí!* 10 árd. til kl. 7 síðdegis.
Inngangseyrir 1 króna.
Kýr,
ung, góð og snemmbær, óskast til
kaups. Upplýsingar hjá Stefáni
Stefánssyni, járnsmið.
Grænmefi
svo sem:
Grænkál, Kryddkál,
Blómkál, Hreðkur og
Majnæpur fæst í
Ketbúðinni.