Dagur - 21.06.1934, Blaðsíða 2
194
DAGUR
70. tbl.
Astandið
í Kommúnistaflokknum.
Qunnar Jóhannsson gagnrýnir sjálfan sig.
í Verklýösblaöinu, sem er aðal-
málgagn Kommúnistaflokksins,
birtist 7. þ. m. grein eftir Gunn-
ar Jóhannsson á Siglufirði, sem
er frambjóðandi Kommúnista-
fíokksins í Eyjafjarðarsýslu við
kosningarnar 24. þ. m.
Af því að grein þessi bregður
skýru ljósi yfir ástandið í flokki
kommúnista,. skal hér nokkuð frá
henni skýrt og birtir úr henni
nokkrir kaflar.
Greinin hefst á þessa leið:
»Á öðru flokksþingi K. F. f.
gerðist Stefán Pétursson aðalleið-
togi þeirrar röngu skoðunar, að
sósíaldemokratíið væri ekki þjóð-
félagsleg höfuðstoð og stytta
borgarastéttarinnar á fslandi..—
Flytjendur þessarar verklýðs-
fjandsamlegu skoðunar voru, á-
samt fleirum, ég og fél. Einar 01-
geirsson. Á landsfundi miðstjórn-
arinnar í vetur var þetta mál tek-
ið fyrir á ný og ég gagnrýndi mig
þá fyrir þessa skoðun, ásamt
mörgum öðrum villum,sem ég
hafði gert«.
Síðan spyr G. J.:
»Hefi ég nú, síðan á landsfund-
inum, breytt um til batnaðar?
Hefi ég barizt ötullega á móti
tækifærisstefnunni í flokksdeild-
inni hér og annarsstaðar ? Hefi
ég gert mér far um að tileinka
mér stefnu K. F. 1. á þessu tíma-
bili? Þessu hlýt ég að svara neit-
andi«.
Þetta er fyrsti kapítulinn í
gagnrýni Gunnars Jóhannssonar
á sjálfan sig. Hann segist hafa
verið fjandsamlegur verkalýön-
um, ásamt Einari Olgeirssyni og
fléirum. En svo gagnrýndi hann
sig á landsfundi miðstjórnar
Kommúnistaflokksins í vetur, lof-
aði bót og betrun og sveik síðan
alltsaman.
Síðan gerir G. J. í alllöngu máli
grein fyrir þvi,'hvernig hann hafi
farið að því að svíkja loforð sín.
Hann segist hafa komið fram
»sem sættandi aðili« gegn tæki-
færissinnum, eins og Einari 01-
geirssyni, í stað þess að berjast
með festu gegn skoðunum þessara
manna, sem hefðu leitt til þess,
»ef þær hefðu fengið að þróast ó-
hindraðar í flokknum«, að for-
ystulið verkalýðsins hefði orðið
að »svikaflokki«. G. J. segist hafa
»veitt klíkusinnunum beinan og ó-
beinan stuðning«. Til sönnunar
máli sínu færir hann eftirfarandi
dæmi:
»Afstaða mín gagnvart villum
fél. Steinþóru Einarsdóttur, í
sambandi við kvennahreyfinguna,
hefir verið þannig, að ég hefi, í
hvert skifti sem átt hefir að
koma fram opinberri gagnrýni á
þenna félaga, sett hnefann í borð-
ið við stjórn flokksdeildarinnar
og útþynnt gagnrýnina t. d. með
gagnásökunum gefen fél. Aðal-
þirni Péturssyni.k... Þegar fram-
kvæmdanefndin ræddi um brott-
vikningu Stefáns Péturssonar úr
flokknum, snerist ég á sveif með
fél. Einari Olgeirssyni og neitaði
að taka afstöðu, þrátt fyrir það,
að fullsannað var, að St. P. hafði
margsinnis verðskuldað brott-
reksturinn«. — »Fyrir skömmu,
þegar rætt var um ályktunarupp-
kast, þar sem ég var gagnrýndur,
lagði ég til að stæði í ályktuninni,
að ég væri »aðalskipuleggjari
tækifærisstefnunnar« innan
flokksdeildarinnar, í staðinn fyr-
ir »aðalþröskuldur« fyrir því, að
árangur næðist í baráttunni fyrir
línu flokksins gegn tækifæris-
stefnunni«....
Allir munu skilja, hve afar-
mikla þýðingu það hefir fyrir
stjórnmál landsins og velfarnað
þjóðarinnar, hvort Gunnar Jó-
hannsson er nefndur »aðalskipu-
leggjari« eöa »aðalþröskuldur«!!
Er þetta gott dæmi um hina hé-
gómlega hlægilegu orðatogstreitu
kommúnista, sem er nú orðin að
aðalatriði í pólitík þeirra.
Síðan minnist G. J. á Detti-
foss- og Lagarfoss-slaginn og út-
húðar sjálfum sér fyrir fram-
komu sína í því máli, því þar hafi
komið fram »vanmat« hans á for-
ustuhlutverki flokksins. En þetta
var þó smáræði hjá því, sem á
eftir kom. Um það farast G. J.
svo orð:
»Hámark flokksafbrota minna
varð þó eftir Dettifoss-slaginn,
þegar ég á framkvæmjianefndar-
fundi hótaði að segja mig úr
ílokknum, ef öll sjálfsgagnrýni
yrði ekki látin niður falla, og
lýsti því jafnframt yf-ir, að ég
myndi berjast um verkalýðinn á
móti Kommúnistaflokknum, m. ö.
o. gaf fyllilega í skyn, að ég
myndi verða með í að stofna
nýjan fjandaflokk á móti Komm-
únistaflokknum og verkalýðnum.
Vegna þess að ég var veikur
um þessar mundir, mynduðust
tak'markalausar slúðursögur milli
borgaranna um það, að félagarn-
ir hefðu misþyrmt mér á fundi
og að ég af þeim orsökum lægi
veikur. Ég gerði engar tilraunir
til að slá þetta niður, heldur þvert
á móti gaf það í skyn, að hin
flokkslega gagnrýni félaganna
væru persónulegar árásir á mig,
sem heilsu minni stafaði alvar-
leg hætta af, reyndi þannig að
skjóta mér bak við veikindi
mín...«. »Á þessu getur verkalýð-
urinn séð á hvað háu stigi flokks-
fjandskapur minn hefir verið á
þessu augnabliki«.
Enn segir G. J.:
»Hin klíkusinnaða afstaða mín,
með tækifærissinnunum í Komm-
únistaflokknum kom greínilega
fram í því, þegar fél. Aðalbjörn
Pétursson hafði, sem fulltrúi
framkvæmdarnefndar K. F. I.
gefið skýrslu um brottvikningu
St. P. úr flokknum og skýrt or-
sakir þess, — að ég ekki aðeins
tortryggði og vantreysti flokks-
forustunni með því að rengja
skýrslu fél. Aðalbjarnar, heldur
sneri mér til hins tækifærissinn-
aða félaga, Einars Olgeirssonar,
sém ég vissi að hafði í þessu máli
tekið flokksfjandsamlega afstöðu
meö St. P. og leitaði til hans upp-
lýsinga um flokksmák...
Hér kastar fyrst tólfunum. G. J.
telur það hinn versta glæp að
rengja, Aðalbjörn Pétursson, en
leita í þess stað upplýsinga hjá
Einari Olgeirssyni, sem vitanlegt
sé um að sé fjandsamlegur
Kommúnistaflokknum og þá um
leið verkalýðnum. Hvílíkur vitnis-
burður! Allra kátlegast er þó, að
Einar Olgeirsson telur gagnrýni
sem þessa treysta Kommúnista-
flokkinn og gera hann sterkan.
Það sagði hann á framboðsfund-
inum á laugardaginn. Samkv. því
treystir það Kommúnistaflokkinn
að G. J. ber sjálfum sér og E. 0.
á brýn fjandsamlega afstöðu til
verkalýðsins. Samkv. þessu gerir
það flokkinn sterkan að þekktustu
menn hans séu svikarar og lodd-
arar. Þetta hlýtur að vera algert
séreinkenni á Kommúnistaflokkn-
um.
En svo kemur afturhvarfið.
Um leið og G. J. býður sig fram
til þings í Eyjafjarðarsýslu fyrir
kommúnista, er hann allt í einu
kominn að þeirri niðurstöðu, að
fél. Þóroddur Guðmundsson og
fél. Aðalbjörn hafi rétt fyrir sér,
en hann og Einar Olgeirsson hafi
verið á herfilegustu villigötum.
Og svo endan G. J. grein sína á
þessa leið:
»Eg mun fúslega beygja mig
undir aga flokksins skilyrðislaust,
og skoða það sem mi'na fyrstu
skyldu, eins og hverjum flokksfé-
laga ber að gera«.
En hver getur trúað þeim
mönnum, sem lýsa yfir með hin-
um sterkustu orðum, að þeir hafi
vitandi vits játað syndir sínar,
lofað bót og betrun, en svikið svo
allt, þar til kom að kosningum,
cg þá langaði til að verða í kjöri.
Þá þykjast þeir hafa öðlast æðri
skilning, segjast vera snúnir frá
villu síns vegar og ætli að beygja
sig undir flokksagann »skilyrðis-
laust«. Þeir, sem einu sinni hafa
svikið, geta svikið aftur. Hvaða
kommúnisti getur treyst þvi, að
afturhvarf þeirra G. J. og E. 0.
vari nema fram að kjördegi.
Það er því ekki að ástæðul^usu
að K. F. í. gerir athugasemd við
grein G. J., þar sem meðal ann-
ars er tekið fram:
»Fél. Gunnar Jóh. hefir áður
komið fram með sj álfgagnrýni á
villum sínum og klíkustarfi, en
ekki starfað í samræmi við
hana«. Og ennfremur: »Mið-
stjórnin álítur þó nauðsynlegt, að
benda méðlimum flokksins og
verkalýðnum á þá veikleika í
grein félaga Gunnars, sem felast
í vöntun á að afhjúpa hiklaust
hina skipulögðu klíkubaráttu lið-
hlaupanna og tækifærissinnanna,
sem starfa æ ákvepnar að því, að
kljúfa það sem unnt er úr K. F. f.
og skapa utan hans, meðal verka-
lýðsins, grundvöll fyrir klofn-
ingi«.
Nú mun margur spyrja:
Iivers vegna er Kommúnista-
flokkurinn að bjóða fram tæki-
færissinna eins og Gunnar Jó-
hannsson í Eyjafirði og Einar 01-
geirsson á Akureyri? Hvers
vegna er flokkurinn að bjóða
fram menn, sem sjálfir játa, að
þeir hafi verið fjandsamlegir
þeim flokki, sem þeir eru í kjöri
f.vrir? Hvers vegna bjóða komm-
únistar ekki fram »réttlinumenn«
eða menn, sem kunna að dansa á
réttum línum?
Svarið liggur beint fyrir. Það
er af því, að Kómmúnistaflokkur-
inn í heild sinni er tækifæris-
sinni. Hann vill nota hagkvæm
tækifæri ekki síður en aðrir.
Af þessu leiðir, að framboð
kommúnista og allar þeirra at-
hafnir, er eintómur skrípaleikur.
Eftir birtingu greinar Gunn-
ars Jóhannssonar í Verklýðsblað*
inu hljóta allir menn með heil-
brigða hugsun að snúa baki við
Kommúnistaflokknum með við-
bjóði á öllu hinu leiðinlega og ó-
skiljanlega þvaðri og þrefi um
réttlínumenn og tækifærissinna.
K. A. fer skemmtiferð sunnudaginn
1 júlí austur að Laugum. Þeir félagar
sem ætla að vera með, skrifi sig á
lista, er liggur frammi í Bræðrabúð-
inni, fyrir fimmtudagskvöld 28. júní
næstkomandi.
gffSlflflifSlflSfSISSfSlg
Rafsuðuplöturnar,
straujárnin
og skaftpottarnir,
komu nú með Brúarfossi.
Kaupfélag Eyfirðinga
Járn- og Qlervörudeild.
iHUUHIilUUHUHIiÍ