Dagur - 27.09.1958, Blaðsíða 1

Dagur - 27.09.1958, Blaðsíða 1
Fylgist með því, sem gerist hér í kringum okkur. Kaupið Dag. — Sími 1166. Dague DAGUR kemur næst út miðviku- daginn 1. október. XLI. árg. Akureyri, laugardaginn 27. september 1958 47. tbl. F jölmennasta samkoma Akureyringa ao Glerárrétt Ufanríkisráðherra lýsir Bretum á þingi S.Þ. Krafðist þess að hernaðaraðgerðum yrði hætt Guðmundur í. Guðmundsson utanríkisráðherra ílutti ræðu á allsherjarþingi SÞ í fyrradag og bar fram þá kröfu, að öllum hernaðaraðgerðum á skipaleiðum við ísland yrði hætt þegar í stað. Hann kvað slíkar aðferðir sem þær, er Bretar beita nú við ís- land, aldrei hafa verið hafðar í frammi við nokkurt ríki, sem fært hefði út fiskveiðitakmörkin með einhhða yfirlýsingu og á sama hátt og hér væri gert. „Geti hvorki laganefndin eða alls- herjarþingið fundið lausn, er heldur ekki líklegt að sérnefnd eða ráðstefna geti það." Ráðherrann vísaði til þess að eitt stórveldið, Sovétríkin, hefði fyrir löngu tekið sér 12 mílna landhelgi, „þó hafa Bretar ekki talið það nauðsynlegt að senda herskip inn á skipaleiðir við Sovétríkin til að vernda hin svo- kölluðu réttindi samkv. alþjóða- lögum. Þetta er sönnun þess, að með aðgerðum sínum við ísland styðja Bretar ekki alþjóðalög, heldur reyna öllu fremur að halda lífi í eldgamalli pólitík, með því að gera kröfu til nátt- úruauðæfa, sem með réttu er eign hinnar íslerizku þjóðar." Ennfremur sagði hann: „Þessi afstaða Breta mun ekki knésetja hina íslenzku þjóð. Þvert á móti. íslendingar standa sameinaðir og einhuga um 12 mílna fiskveiði- lögsöguna." Selwyn Lloyd utanríkisráð- herra Breta ræddi um deiluna á miðunum við ísland. Hann lagði til að málinu yrði skotið til al- þjóðadómstólsins í Haag. TOGARARNIR Kaldbakur er á heimleið með fullfermi af karfa af Nýfundna- landsmiður og er á þriðja degi heimsiglingar. * Harðbakur hóf veiðar á sömu miðum í gær. Sléttbakur kemur á mánu- dagsmorguninn, einnig frá hin- um nýju miðum við Nýfundna- land. Svalbakur er á veiðum. Karfaveiðin hefur gengið vel og batnandi síðustu daga og fisk- urinn vænni. 235 rhanns vinna nú hjá Ú. A. á sjó og landi. Hætt er við að hörgull verði á vinnu- karfti þegar skólarnir byrja. Ragnar Guðmundsson réttarstjóri. Söngafmæli Einars Kristjánssonar Á miðvikudaginn átti Einar Kristjánsson óperusöngvari 25 ára söngafmæli. Hann hefur sungið 100 óperuhlutverk, þar af 25 hjá Konunglegu óperunni í Höfn. Á níunda þúsund f jár á fjalli. - Réttardagurinn er enn þá ævintýri Hér norðanlands hafa menn notið góðviðris í göngum og rétt- um og ekkert slys hent, svo að frétzt hafi. Á nokkrum stöðum hefur þó þoka tafið fyrir og lík- legt að nokkrum fjallafálum hafi tekizt að láta hana skýla sér á meðan gangnamenn fóru hjá. — Hausthtirnir eru fremur seint á ferð að þessu sinni, sérstaklega hið efra. Frammi í daladrögum virðist jafnvel nokkur grózka þessa daga. Lambagrasið og blóðbergið blómstra þar sem ákafast og grasið vex. Lyng og víðigróður hafa aftur á móti skipt litum. Gulvíðitopparnir lýsa upp hinn dökka flöt, sem lyngbreiðurnar mynda. Lita- brigðin eru óendanlega mörg og hvert öðru fegurra í skyni haust- sólarinnar. Lagðhvítt féð, sem unað hefur við kjarngróður og fullt næði sumarlangt, lítur upp og hlustar. í fjarska heyrist hundgá. Ærnar vita af gamalli reynslu, að þá er ekki til setunnar boðið og halda af stað til byggða eftir krókótt- um götuslóðum. Fjárgöturnar liggja jafnan tæpt á klettabrún- um og framan í bröttum ski'iðum og er þessi vegagerð mjög í sam- ræmi við eðli sauðkindarinnar, sem er fjalladýr að upplagi og velur sér jafnan leiðir á tæpustu nöf. Göngur og réttir eru ennþá eitt sérstæðasta ævintýri ársins og ®hefur alltaf á sér hinn sama blæ, þótt flest annað breytist í búnað- arháttum. Akureyringar eiga ekki stór afréttarlönd fyrir sauð- fé. Glerárdalur, Súlumýrar og fjallið ofan kaupstaðarins eru sumarlönd sauðfjárins og er ærið þröngt í haga. Bæjarbúar munu hafa átt á níunda þúsund fjár á fjalli í sumar, en aðeins nokkur hundruð kindur hafa haft sum- ^arhaga annars staðar. (Fr. á 7. s.) Suniir hafa gaman af mislitu. Ungir og gamlir eiga erindi í Glerárrétt. Ferhyrnt fé er sjaldgæft, en þó er það til. Hefurðu séð Móru Hún færir bónda sinum kaffisopa í réttirnar.

x

Dagur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagur
https://timarit.is/publication/256

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.