Dagur - 26.11.1958, Blaðsíða 7
Miðvikudaginn 26. nóv. 1958
D A G U R
7
UM DAGINN
OG VEGINN
FRÉTTIR í STUTTU MÁLI
Dúfur og minkar.
Líklega ætti ekki að nefna
dúfur og minka í sömu andránni,
svo ólík dýr eru þetta að öllu
eðli. Bæði eiga þau þó sama
óvininn, að minnsta kosti nú í
haust, og er herferð farin gegn
báðum.
Minkurinn er nú orðinn „land-
lægur“ í nágrannasveitunum,
allt frá sjó og fram til dala.
Nokkur dýr hafa verið unnin
með góðum minkahundum. —
Kunnugir telja að þessi skað-
valdur sé nú orðinn Akureyring-
ur og mun þá mörgum finnast
hann vera farinn að færa sig upp
á skaftið. Ekki hefur hann þó
sézt á götunum, en hins vegar
hafa slóðir eftir hann sézt ó
öskuhaugunum hér ofan við. Sé
hann þangað kominn, sem lítill
vafi mun leika á, er hann kom-
inn þar í góðan félagsskap.
Dúfunum hafði fjölgað mjög
hér í bænum og var orðin
„plága“ að þeim vegna óþrifnað-
ar, þar sem þær héldu mest til.
Bæjaryfirvöldin tóku rögg á sig
og létu fækka þeim um 6—700.
Sumum þykir eftirsjá að dúfun-
um, og ekki er laust við að mað-
ur sakni þeirra. Nægilegur stofn
er þó eftir og ætti það ekki að
henda, að þessir íögru og sak-
lausu fuglar svelti í vetur
Konur seldar.
Enn er talið, að hvít þrælasala
eigi sér stað í allstórum stíl. í
Frakklandi hafa um það bil eitt
þúsund stúlkur horfið með dul-
arfullum hætti. — Yfirmaður
frönsku lögreglunnar staðfesti
ummæli frú Lefebre, er hún
sagði á þinginu, að um 30 þús-
und glæpamenn — veitingahúsa-
eigendur, umboðsmenn listafólks
og leiguelskhugar, — lifi á hvítri
þrælasölu í Frakklandi og þeim
löndum, sem Frakkar hafa eink-
um aðsetur í.
Þrælar þessir eru af hinu
i,veika kyna“ og talið vandalaust
að selja fallega stúlku fyrir 200
þús. krónur í Norður-Afríku eða
Suður-Ameríku.
Þessum stúlkum er ekki rænt
í venjulegum skilningi, heldur
eru þær ginntar með ýmsu móti.
Síðan eru þær leigðar út til kyn-
maka og eiga sjaldnast aftur-
kvæmt. Venjuleg aðferð til að ná
stúlkunum á vald sitt, er að gefa
þeim súkkulaði eða annað góð-
gæti með svæfilyfi. Viðkunnan-
legir menn koma óðar til aðstoð-
ar og bjóðast til að aka ung-
frúnni þegar heim af skemmti-
staðnum. Síðan hverfa þær með
öllu, en vakna í einhverju
pútnahúsinu.
Frönsk yfirvöld segja þó, að
flestar stúlknanna gangi út
í þetta af frjálsum vilja, taki
til dæmis fögrum tilboðum urri
starf sem dansmeyjrr, söngkonur
eða leikkonur. Sérstök lögregla
hefur verið stofnuð til að ráðast
gegn þessu ófremdarástandi.
Kjarnorkuknúið flutningaskip.
Þegar hafa verið byggðir
kjarnorkuknúnir kafbátar. Nú er
smíði fyrsta kjarnorkuknúna
flutningaskipsins vel á veg kom-
ið. Menn hafa þegar verið ráðnir
á það, og er verið að þjálfa þá í
starfinu, sérstaklega að fara með
hinn kjarnorkuknúna hreyfil. —
Kjölur skipsins var lagður í vor
og hleypur skipið væntanlega af
stokkunum næsta vor Að bygg-
ingu þessa skips standa mörg fé-
lög í New York og New Jersey.
Skipið á að geta siglt 300 þús.
sjómílur, án þess að taka elds-
neyti. Áhöfnin verður!25 manns.
Nafn skipsins verður Sávavvah
og stærðin tæpl. 22 þús. brúttó-
lestir.
Árshátíð Framsóknarmanna.
Framsóknarmenn á Akureyri
héldu árshátíð sína í Alþýðuhús-
inu á laugardaginn var. Þar var
giatt á hjalla. Skemmtiatriði voru
ágæt og undu menn sér hið
bezta. Ræðu Halldórs Sigurðs-
sonar alþingismanns er annars
staðar getið. Söngur Jóhanns
Konráðssonar gefur vissulega til-
efni íil nokkurra hugleiðinga. Þó
að það verði ekki gert að þessu
sinni, má þó vekja athygli á því,
að þessum vinsæla söngvara er
enn að fara fram. Þá vöktu gam-
anþættir Hjálmars Gíslasonar
mikla kátínu og Bingóið, sem er
nýr samkvæmisleikur tókst
ágætlega. Hér ber að þakka öll-
um, sem hlut áttu að máli. En
einnig má minna á, að óstundvísi
á samkomum eins og þessari og
þarna gerði vart við sig, er
móðgun við hina stundvísu, og
einnig við þá menn, sem fengnir
eru til að skemmta. Slíkt má ekki
henda. Þá hefði og mátt vænta
þess að íleiri Framsóknarmenn
heiðruðu samkomuna með nær-
veru sinni, en raun bar vitni.
I i . : . 'i
í . * ■ - ■ i» (
Miklir gestir.
Þegar þjóðhöfðingjar heim-
sækja landið, flytja blöðin fregn-
- Frá Alþingi
(Framhald af 5. bls.).
okkar á þingskjali 52. Að þessu
sinni sé eg ekki ástæðu til þess
að ræða fleira. En að lokum vil
eg taka undir það, að einhver
bezti mælikvarði á menningu
þjóða, sé sá, hvernig að öldruðu
fólki er búið. íslendingar hafa
sýnt mikinn áhuga á félagsmál-
um og efast eg því ekki um þátt-
töku í þessu máli.
Eg treys.ti háttvirtum alþingis-
mönnum til að taka svo á þessu
máli að það megi ná fram að
ganga.
ir af þeim atburði dag eftir dag
og þykir sumum nóg um. Nú eru
fregnii' fluttar í sunnanblöðum
af því fólki, sem hærra er gert
undir höfði, og það að miklum
mun. Hingað til landsins eru
komin þau Nína og Friðrik. Ekki
veit eg hvernig landsfólkið, utan
Reykjavíkur, getur sætt sið við
það að sjá ekki eða heyra þetta
listafólk, þótt hins vegar sé í því
nokkur raunabót að skoða af
þeim myndir og lesa um þau
greinar, svona hér um bil dag-
lega síðustu vikurnar.
- FOKDREIFAR
(Framhald af 4. síðu.)
greindra manna verði birtar í
frétta stað, sé komið út á hála
braut.
Þetta er hreinn þvættingur, ef
ekki „lævi blandið“ draumarugl
sýslumannsins sjálfs.
Það vill nú svo til, að settur
sýslumaður er í raun og veru
einn af fréttamönnum Dags. Til
hans hefur blaðið oft leitað sem
sýslumanns og vanalega með
góðum árangri. Ekki er þess
minnzt að sýlumaður hafi nokk-
urn tíma kvartað um, að blaðið
hafi hallað réttu máli í fréttum
frá embættinu. Blaðið þakkar
þessa samvinnu. Hir.s vegar er
ekki þar með sagt, að skekkjur
séu með öllu útilokaðar. En
skekkjurnar' eiga ekki rætur í
„lævi blöndnum" draumum. Það.
er ósönn og illgjörn tilgáta. —
Mönnum hættir við að líta á sam
komuhaldið, sem er orsök þess-
ara blaðaskrifa, með þröng-
sýni. — Þeir ganga fram
hjá aðalatriðunum, en einblína á
dyr félagsheimilisins í Freyvangi
á þeirri stund að sýslumann ber
þar að garði. Hvort árekstur
hans við dyraverði var harður
eða ekki, er auðvitað algert
aukaatriði, þar sem báðir voru í
„fullum rétti“ og hvorugan sak-
aði. Dyravarzlan var góð og
komumaður átti gott erindi.
Að síðustu þetta: Hinar al-
mennu samkomur eru svo ríkur
þáttur í félagslífi fólksins yfir-
leitt og hafa auk þess mikil upp-
eldisleg áhrif til ills eða góðs,
eftir því sem til tekst, að ekki
má með neinu móti vanmeta
áhrif þeirra né heldur að van-
rækja nokkrar sjálfsagðar skyld-
ur þeirra, sem fyrir þeim standa.
Þetta skilur sýslumaður, Sigurð-
ur M. Helgason, og hefur auk
þess áhuga á úrbótum. Á þeim
vettvangi liggja leiðir hans og
þessa blaðs saman og ekki ólík-
legt að góð samvinna þessara að-
ila geti einhverju áorkað. Breytir
þar engu um, þótt hér hafi verið
sýnt fram á, að blaðamannaföt
setts sýslumanns séu dálítið við
vöxt.
Rafha hitatúba til sölu
950 watta í Strandgötu 39
(efri hæð).
Auglýsið í DEGI
HULD, 595811307 — IV/V —
Frl. — H. & V.
□ Rún 5958112G7 ~ 2.:
l. O. O. F. Rb. 2 108U268Vz —
II M. T.
I. O. O. F. 140U288V2 S. T. E.
Kirkjan. Messað í Akureyrar-
kirkju næstk. sunnud. kl. 2 e.
h. — Fyrsti sunnudagur í jóla-
föstu. — P. S.
Hjúskapur. Á laugardaginn, 22.
nóv., voru gefin saman í hjóna-
band ungfrú Áslaug María Þor-
steinsdóttir Austmar og Björn
Olsen Jakobsson bifvélavirki. —
Hjónavígslan fór fram í Akur-
eyrai'kirkju. — Heimili brúð-
hjó'nanna er að Fjólugötu 7.
ÆFAK. Aðaldeild annað kvöld
kl. 8.30 síðdegis.
Kristniboðshúsið ,,Zíon“. —
Sunnudaginn 30. nóv.: Almenn
samkoma kl. 8.30 e. h. Gunnar
Sigurjónsson og Reynir Hörgdal
tala. Allir hjartanlega velkomn-
ir! — Sunnudagaskóii kl. 11 f. h.
Bazar kvenskátanna verður
næstk. sunnudag kl. 3 e.h. í Tún-
götu 2. Margir munir hentugir til
jólagjafa.
AÐVÖRUN! — Elliheimilið í
Skjaldarvík óskar vinsanilega
að þeir, sem eru undir misl-
ingum, komi ckki í hcimsókn
meðan mislingar ganga hér í
nágrcnninu. —Stefán Jónsson.
Stúkan Ísafokl-Fjallkonan nr. 1
heldur fund fimmtudaginn 27. þ.
m. kl. 8.30 e. h. í Landsbanka-
salnum. Fundarefni: Vígsla ný-
liða. —- Hagnefnd skemmtir. —
Bögglauppboð. — Afhentir frí-
miðai'. — Mætið stundvíslega. —
Æðstitemplar.
SJÁLFSBJÖRG. Munið fönd-
urkvöldin á föstudögum kl. 8
í Túngötu 2.
Nýjar kvöldvökur
Júlí—Sept.hefti þessa órs er
komið út.
Björn R. Árnason skrifar um
Jóhann á Ytra-Hvarfi, Þormóður
Sveinsson grein, sem hann nefnir
Gleymd villa, og var áður flutt í
Ríkisútvarpið, þá er grein um
Sölva Helgason eftir Jónas Jón-
asson frá Hofdölum, Snorri Sig-
fússon ritar um brautryðjandann
Þorstein Jónsson á Dalvík,
Klaustrið í Sendomir þýða þeir
Gísli Jónss. og Friðrik Þorvalds-
son. Þá er þarna smásagan Sögu-
leg nótt og Helför Roald Amund-
sens, Leiðin til þroskans eftir Ol-
af Tryggvason, framhaldssagan
o. m. fl.
Grammofónn,
sem nýr, og 20 plötur til
sölu.
Uppl. i sima 2242.
Strandarkirkja. Áheit og gjaf-
ir. S. J. kr. 50. — Þ. J. og M. M.
kr. 100. — K. G. kr. 50. — Áheit
frá Þ. J. kr. 205. — K. J. (gamalt
áheit) kr. 10. — K. J. (nýtt) kr.
20. — J. G. (óheit) kr. 50. —
Ónefnd kr. 100. — X. kr. 200. —
K. R. kr. 100. — Áheit frá gam-
alli konu kr. 50. —r N. N. kr. 50.
Húnvetningafél. hefur skemmti-
kvöld í Landsbankasalnum n.k.
laugardag kl. 8.30 e. h. — Félags-
vist og dans. — Félagsfólk hvatt
til að fjölmenna og taka með sér
gesti.
Slysavarnakonur, Akureyri. —
Jólafundurinn verðui' í Alþýðu-
húsinu miðvikud. 3. desember kl.
4.30 fyrir telpurnar og kl. 9 fyrir
konurnar. Mætið allar og takið
með kaffi.
KveníéJagið Hlíf heldur jóla-
fund miðvikud. 3. des. kl. 9 e. h.
í Pálmholíi. Konur taki með sér
kaffi. Skemmtiatriði. — Farið frá
Ferðaskrifstofunni kl. 8.30 e. h.
Viðkomustaðir: Hafnarstræti 20
(Höpfner) og við Sundlaugina.
Stjórnin.
Trjám plantað
Á laugardaginn var unnu tveir
menn að trjáplöntun í Fnjóskadal
og gróðursettu 100 greni- og
furuplöntur. Er þetta til marks
um hina ágætu og óvenjulegu
veðráttu. Jörð er alveg þíð enn-
þá, þótt senn séu nóvemberlok.
Samkvæmt kröfu verður vöru-
flutningabifreiðin A—1218 af
tegundinni G.M.C., ár 1942,
seld á nauðungaruppboði,
sem liefst við lögregíuvarð-
stofuna á Akureyri þriðjudag-
inn 2. des. 1958 kl. 13.00.
BÆJ ARFÓGETI.
Skellinaðra - Görike
í göðu lagi til söíu nn
þegar.
IJppl. á afgr. blaðsins.
Barnaúfigallar
(fóðraðir)
Verð kr. 150.00
FILMIA FILMIA
Sýningar hefjast í Filrniu n. k. laugardag kl. 3 í Nýja-
Bíó. Sýnd verður bre/.ka myndin „KONA HVERFUR“
eftir Allred Hitchock. — Afhending skírteina fer frani
í Nýja-Bíó n. k. föstudag kl. 5—7 og á laugardag frá
kl. 1. — Enn er liægt að bæta við nýjum félögum.
FILMIA.