Dagur - 29.08.1962, Blaðsíða 3
MAGNUS E. GUÐJONSSON, bæjarstjóri:
er runnin
TJINN 29. ágúst er öld liðin, frá því Akureyri öðlaðist kaupstaðarréttindi.
Á slíkum tímamótum þykir hlýða að staldra við, minnast hins liðna
og skyggnast fram á veginn. Af þessum sökum halda Akureyringar hátíð,
sem ætti að verða aflgjafi á nýrri öld í sögu bæjarins, næstelzta og næst-
stærsta kaupstaðar íslands, höfuðstaðar Norðurlands. — Margt hefur.breytzt
á einni öld. Bæjarbúar hafa rúmlega þrítugfaldazt og kaupstaðurinn vaxið
úr óhrjálegu þorpi í fallegan bæ. Máske liefur hér allt breytzt nema land-
ið. Hið stórbrotna umhverfi er nú Joað sama sem í árdaga. Fjöllin standa
enn vörð um bæinn og veita honum skjól. — Hér verður ekki rakin saga
hins þögula fjölda, sem búið hefur í þessum bæ og byggt hann upp — gert
hann það, sem hann er nú, kynslóðanna, sem hafa komið, lifað hér og kvatt. En Akureyringar í dag minn-
ast forvera sinna og verka þeirra með hlýju og þökk. — Aldarskeiðið er á enda runnið. Enginn stöðvar elfi
tímans. Akureyringar horfa vonglaðir fram til nýrrar aldar og strengja þess heit að vinna bæ sínum allt, að
búa þannig í haginn, að þeir og niðjar þeirra megi hér una vel sínum hag í fögrum bæ með blómlegu at-
vinnulífi. — Megi hollvættir halda vörð um Akureyri á ókomnum öldum.
Loftmynd af nolikrum hluta
Akureyrarkaupstaðar, tekin d
fögrum sumardegi. Hús og
götur skipulega sett. Vaxandi
trjágróður prýðir umhverfi
heimilanna.
DAGUR 1