Dagur - 29.08.1962, Blaðsíða 34
Togarabryggjan, frystihus og fiskverkunarstöö Útgerðarfélags Akureyringa, Slippstöðin og smábátahöfnin.
Um togaraútgerð Akureyringa hefur svo margt
verið rætt og ritað, að ég fjölyrði ekki um hana hér.
Akureyringar hafa séð sér hag í því, að halda henni
við með dyggilegum, fjárhagslegum stuðningi þegar
verst hefur gengið og ég hygg, að sú stefna hafi ver-
ið bæjarbúum til góðs. Þegar lidð er aftur yfir það
tímabil, sem togaraútgerð hefur verið stunduð héð-
an, blandast manni ekki hugur um það, að bærinn
væri nú verr kominn ef togaranna hefði ekki notið
við.
Mótorskip:
Um 10 stórir bátar frá Akureyri stunda veiðar
meiri hluta ársins, — þorskveiðar eða síldveiðar eftir
árstíðum. — Til skamms tíma var útgerð stærri báta
héðan nær eingöngu bundin við síldveiðar á sumrin
en á síðari árum hafa þeir einnig lagt stund á þorsk-
veiðar með botnvörpu, línu eða netum, ýmist norð-
an- eða sunnanlands. — Nú færist óðum í það horf,
að síldveiðar verði stundaðar meira en verið hefur,
en þorskveiðar minna, eftir að tekizt hefur að fylgja
síldinni eftir svo að segja á hvaða árstíma, sem er,
með hjálp fullkominna leitartækja, og með tilkomu
kraftblakkar-aðferðarinnar, sem gefið hefur góða
raun.
Þorskafla sinn leggja skipin yfirleitt ekki á land
hér á Akureyri, sem stafar fyrst og fremst af því að
flest þeirra stunda Suðurlandsvertíð og leggja þar
upp. Þau, sem stundað hafa botnvörpuveiðar hér
nyrðra eru: „Snæfell“, sem landar að jafnaði í Hrís-
ey eða Dalvík og „Sigurður Bjarnason", sem að
mestu leyti hefur losað afla sinn sér á Akureyri, en
þó nokkuð á Siglufirði og víðar.
Á sumarsíldveiðum fyrir Norðurlandi hafa Akur-
eyrarskip venjulega verið fengsæl. Sumarið 1961 var
afli 9 skipa héðan 35719 mældar tunnur og 55.551
mál, að verðmæd ca. 14 millj. króna. Samsvarar það
meðalveiði pr. skip 9347 málum, en meðalveiði alls
síldveðiiflotans var þá 7296 mál. Geta má þess að
aflahæsta skipið þá var Akureyrarskipið „Ólafur
Magnússon". — Á yfirstandandi vertíð er veiði þess-
ara sömu skipa þegar þetta er skrifað orðin alls
78875 mál og tunnur, eða til jafnaðar 8764 pr. skip.
Sl. vetur stunduðu 3 Akureyrarskipanna síldveið-
32 DAGUR