Dagur - 04.03.1967, Blaðsíða 2

2
- Skátarnir og amtsmannshúsið
(Framhald aE blaðsíðu 8).
í munnlegri greinargerð, sem
fulltrúi skáta flutti ráðinu, þeg-
ar bréfið var lagt fram, var það
undirstrikað að skátar telja það
ekki æskilegt að tengja starf-
semi sína eingöngu við þetta
hús, en miða að því að eiga
bækistöðvar í hinum ýmsu bæj
arhverfum, þótt þetta hús verði
aðalstöð þeirra í framtíðinni.
Bent var á, að í húsinu má
hafa margs konar æskulýðsstarf
semi, sem ekki er beint skáta-
starf s. s. aðstöðu fyrir ljós-
myndaklúbba, módelsmíði o. s.
frv. auk þess sem hægt er að
hafa þárna námskeið í mörgum
greinum, myndasýningar og „op
ið hús“.
í framkvæmdaáætlun, sem
ráðinu barst varðandi húsið
kemur í ljós, að skátamir gera
ráð fyrir að ljúka fyrst við þá
hæð hússins, sem hægt er að
nota fyrir námskeið og opið
hús. Að öllu þessu athuguðu
virðist æskulýðsstarfsemi í bæn
um mikill fengur að þessu húsi
og ráðið vill fyrir sitt leyti
stuðla að því, að það verði sem
fyrst fullbúið.
í umræddu bréfi og greinar-
gerðinni, sem því fylgdi, kom
sú skoðun fram að stefna beri
að því, að miðstöðvar fyrir
maigháttað æskulýðsstarf verði
til í hinum ýmsu bæjarhverf-
um, og að þær verði eign ein-
hverra félagasamtaka og rekin
af þeim með tilliti til allrar
æskulýðsstarfsemi í hverfinu.
Með þessum hætti notast bezt
það sjálfboðastarf, sem félögin
hafa yfir að ráða. Oft mun hag
kvæmara fyrir bæjarfélagið að
styrkja starfsemi í þessa átt, en
að byggja og reka þessa staði
sjálft. í þessu sambandi má
benda á Pálmholt og Iðavelli.
Ráðið er hlynnt þessum sjón-
ai-miðum og telur að Hafnar-
stræti 49 geti í'.eign skátanna
orðið miðstöð fyrir æskulýðs-
starfsemina í innbænum og fyr-
ir nokkurn hluta suðurbrekk-
unnar.
Æskulýðsráð hefur fyrir sitt
leyti ekkert að athuga við teikn
ingar af húsinu, sem því hafa
borizt, og væntir þess að skát-
arnir fái sem bezta fyrirgreiðslu
í sambandi við þessar fram-
kvæmdir.
Ráðið mun notfæra sér það
húsnæði, sem þarna fæst til
æskulýðsstarfsemi eftir því sem
hægt verður og um semst.
Formaður ráðsins, æskulýðs-
fulltrúi og fulltrúar skáta hafa
rætt þetta mál við settan bæjar
stjóra, Valgarð Baldvinsson, og
mælzt til þess, að það verði
kynnt fyrir bæjarráði og bæjar
stjórn.
Á fundinum með bæjarstjóra
kom í ljós, að skátarnir hafa
þegar reynt að tryggja sér fram
lag úr félagsmálasjóði og standa
vonir til að þeir fái það allt
greitt á næstu fjórum til fimm
árum.
Þar sem það skiptir miklu
máli fyrir skátana í sambandi
við lánsútveganir og annað,
hvernig bæjaryfirvöldin líta á
þessa ráðagerð, sendum við hér
með afrit af bréfum og áætlun,
sem okkur hefur borizt, og ósk-
um þess að bæjarráð segi álit
sitt á þessu máli, og jafnframt
á því, hvort ekki er nú þegar
þörf á að marka stefnuna, varð
andi æskulýðsheimili í bænum
í framtíðinni.“
Þá skýrði æskulýðsfulltrúi
frá að ráðinu hafi verið boðið
á umræðufund um æskulýðs-
mál, sem skólafélagið „Huginn“
gekkst fyrir í Sjálfstæðishús-
inu þ. 14. þ. m. Þar fóru fram
miklar umræður um þessi mál.
(Úr fundargerðum bæjar-
stjórnar).
SÖGUR UR SKARÐSBÓK
FLESTIR kannast af orðspori
við þá bók, sem keypt hefur
verið dýrust til íslands, og marg
ir hafa leitt hana augum eftir
að hún fluttist heim úr langri
útlegð. Aftur á móti hefur al-
menningur átt þess lítinn kost
að kynna sér efni hennar af eig-
in lestri, þar til nú, að út eru
komnar Sögur úr Skarðsbók,
en það er þriðja ritið í Bóka-
safni AB, hinum nýja flokki ís-
Ienzkra merkisrita frá fomum
tíma og nýjum, sem hófst fyrir
skemmstu með Kristrúnu frá
Hamravík, eftir Guðmund G.
Hagalín og Lífi og Dauða, eftir
Sigurð Nordal.
Það er Ólafur Halldórsson
cánd. mag. sem séð hefur um
samantekt og útgáfu þessarar
forvitnilegu bókar, en hann
stendur flestum íslendingum
framar að kunnáttu í þeim efn-
um, er lúta að íslenzkri rit-
mennsku og bókagerð til forna.
Ritar hann skilmerkilegan inn-
gang að sögunum, þar sem sam-
an er komið mikið af skemmti-
legum fróðleik — og sumpart
allnýstárlegum. Svo er t. d. um
þá upphafskafla, sem greina frá
tæknilegri hlið fornrar bóka-
gerðar, allt frá fyrstu verkun
þeirra skinna, sem ætluð voru
til bókfells og þar til bókin var
fullskráð og bundin, en um alla
þá merkilegu hluti, sem þar til
heyrðu, hafa íslenzk fræðirit og
kennslubækur látið sér furðu-
lega hljótt. Eða hvað eru þeir
margir, sem vita, að blekið var
búið t'il úr sortulyngi?
Sögur úr Skarðsbók eru að
sjálfsögðu misjafnar að lista-
gildi, en þar sem bezt lætur nær
stíll þeirra og frásögn slíkum
hreinleika, að helzt minnir á
itiginn einfaldleik fornrar helgi-
listar. Og sennilega er það
hvergi ofmælt, sem útgefand-
inn segir í lok hinnar merku
ritgerðar sinnar, að „þeir sem
gerðu þýðingar helgar hafa
sumir hverjir verið mestu stíl-
snillingar allra alda á voru máli.
Vér höfum ekki’efhl'á«að setja
ljós þeirra undir mæliker“.
Þór sigursæll í körfulaiattleik
Á FIMMTUDAGINN voru lið
Þórs sigursæl í körfuknattyeik
um í íþróttaskemmunni nýju.
En þar kepptu þá sex lið. Þau
voru þessi: Eitt frá Mennta-
skólavíkur, annað frá Mennta-
skólanum á Akureyri, tvö frá
KA og tvö frá Þór.
Keppnin var útsláttarkeppni.
Fyrsti leikurinn var milli b-
liðs KA og b-liðs Þórs og sigr-
aði Þór með 14 stigum gegn 11,
eftir framleigndan leik. Næst
léku IMR og IMA og sigraði
IMA með 17 stigum gegn 13.
Þriðji leikurinn var milli a-liðs
KA og a-liðs Þórs og sigraði
Þór með 15:12. JTjórði leikur
var milli IMA og b-liðs Þórs
og sigraði Þór með 17:10.
Fimmta .leik milli a- og b-liða
Þórs lauk með sigri a-liðs, sem
skoraði 24:18.
Stigahæsti maður mótsins var
Bjarni Jónasson með 21 stig.
Næstir og jafnir voru Pétur Sig
urðsson og Ævar Jónson með
11 stig.
ÁRSÞING íþróttabandalags Ak
ureyrar, hið 23. í röðinni, verð-
Ur háð miðvikudaginn 8. marz
n.k. kl. 20.20 í. fundarsal banda-
lagsins í íþróttahúsi Akureyrar,
og er það fyrri þingdagur.
Fulltrúar, sem eiga setu á
þinginu, eru 36 talsins, auk full
trúa með málfrelsi og tillögu-
rétti.
Dagskrá fyrri þingdagsins er
sem hér segir:
1. Fundarsetning og í'annsókn
kjörbréfa.
Til gamans má geta þess, að í
liði ÍMR voru a. m. k. tveir
landsliðsmenn í körfuknatt-
leik.
(Aðsent.
2. Kosning fundarstjóra og rit-
ara.
3. Skýrslur stjórnar ÍBA og sér
ráða.
4. Reikningar ÍBA og sérráða.
5. íþróttamannvirki (íþrótta-
fulltrúi).
6. Fjárhagsáætlun ÍBA.
7. Erindi félaga og sérráða.
8. Tilnefndir fulltrúar félaga í
sérráð ÍBA.
9. Nefndakosningar.
(Fréttatilkynning).
Arsþing Iþróttabandalagsins
SMÁTT OG STÓRT
(Framhald af blaðsíðu 8)
sagt, að útgerðarmenn í Ný-
fundnalandi hyggi á mikla upp
byggingu togaraflota síns, þrátt
fyrir markaðstregðu á fiski.
Togarafloti þeirra er nú 47 tals-
ins eða álíka mikill og hann var
mestur hér á landi. En ákveðið
er að smíða 142 togara næstu
árin, einkum í nýrri skipasmíða
stöð á Nýfundnalandi, sem inn-
an skamms tekur til starfa og
á að skila einum togara á mán-
uði. Jafnframt þessari áætlun
verður fjöldi sjómanna og
tæknimanna þjálfaðir til starfa
á þessum nýja togaraflota
Kanadamanna.
JAFNVÆGISRÁÐSTÖFUN
EÐA HVAÐ?
Húsnæðismálastjórn fær orð í
eyra um þessar mundir, og
mjög að vonurn, þar sem hús-
byggjendur þykjast eiga rétt
annarrar og betri fyrirgreiðslu
en þar er veitt. Óstaðfestar
fregnir herma, að húsnæðis-
málastjóm hafi afgreitt 62%
byrjunarlána til húsbyggjenda í
Reykjavík og Kópavogi, enn
meira í Vestmannaeyjum, en að
eins 33.8% til Akureyringa. Sé
þetta réjtt, eiga AkureyringaT
ýmislegt vantalað við þessa
stofnun. Og ekki mun þetta
þykja rétt spor í þá átt, að við-
halda jafnvægi í byggð lands-
ins eða rétta hlut Norðlendinga.
BLAÐAÚTGÁFAN
Blaðaútgáfa stjómmálaflokk-
anna var í vikunni á dagskrá á
Alþingi vegna fyrirspumar. Þar
upplýsti forsætisráðherrann, að
í athugun væri að létta á ein-
hvern hátt rekstur dagblað-
anna, svo sem með greiðslum
frá opinberum aðilum fyrir
veitta fréttaþjónustu. En hagur
dagblaðánna í Reykjavík’ gð
einu undanteknu, er bágborinn.
Sú hætta er fyrir hendi, að
stjórnmálablöð gefist upp, en
þá fái önnur eins konar einok-
unaraðstöðu um skoðanamynd-
anir almennings og er það mjög
hættulegt í Iýðræðisþjóðfélagi.
HEFUR MARGT AF DEGI
LÆRT
I íslendingi 23. febrúar birtist
viðtal um byggðajafnvægismál
við Lárus Jónsson bæjargjald-
kera í Ólafsfirði, sem er í 5.
sæti á lista Sjálfstæðismanna.
Ráða má af viðtalinu, að Lárus
sé áhugamaður á þessu sviði og
hafi lesið margt af því, sem
birzt hefur í Degi undanfarin
ár um ofvöxt höfuðborgarinnar,
hættuna, sem yfir landsbyggð-
inni vofir og forystuhlutverk
Akureyrar á Norðurlandi.
EN ÞYKIR VÆNNA UM
FLOKKINN SINN
Vill nú svo vel til, að sögn Lár-
usar, að „brezka utanríkisráðu-
neytið“ liefur komið auga á
þennan áhugamann okkar á
norðurhjara og boðið honum
lieim og lxefur hann nú í huga
að kynna sér byggðajafnvægis-
mál í Bretlandi. Ymislegt er vel
mælt og réttilega í spjalli Lár-
usar við íslending og óskar Dag
ur honum góðrar ferðar. Hitt
kemur þó glöggt fram að enda
þótt honum þyki vænt um norð
lenzkar byggðir og vilji hlynna
að þeim, þykir honum þó enn
vænna um flokkinn sinn og
sæti sitt á framboðslistanum.
Þess vegna getur hann ekki lát
ið þá menn úr öðrum flokki
njóta sannmælis, sem verið liafa
lærifeður hans í þessum mál-
um, og hreytir að þeim ónotuni
í stað þess að rétta þeim hlýja
hönd. Vonandi lærist honum í
London, að Atvinnubótasjóður-
inn er takmörkuð meinabót og
forysta fjármálaráðherrans ekki
einhlýt í öllum málum.
INGÓLFUR VILLTUR Á NÝ
Ingólfur Árnason sendir Degi
kveðju sína í Verkamanninum
í gær. Hann álpaðist dyravillt-
ur héma um daginn, en var
leiðbeint. Þetta hefur hann sýni
lega tekið til greina, þótt hann
liafi gleymt að þakka fyrir sig.
Nú er það erindi hans að ráð-
leggja Framsóknarmönnum hér
í kjördæminu um skipan fram-
boðslista. Þessar ráðleggingar
hans koma heldur í seinna lagi,
því að listinn var birtur fyrir
nokkru síðan, og leiðinlegt fyrir
hann í sama blaði að „eta ofan
í sig“ ummæli um einn af fram-
bjóðendum Framsóknarmanna.
Ingólfur fer aftur dyravillt
eða öllu heldur listavillt, því að
enn hefur flokksmönnum hans
ekki tekizt að hnoða saman
lista, og ætti sá listi þó að vera
honum meira áhugaefni. Um a£
rekslista einstakra flokka í her-
stöðvarmálum, sem um er rætt
í sömu grein, verður fjallað þeg
ar Degi finnst ástæða til. Ing-
ólfur þarf ekki að óttast, að
flokki hans verði þá gleymt.
LÖGLEG GIFTING EÐ A
ÓLÖGLEG
í næsta mánuði mun Hæstirétt
ur taka fyrir mál um það, hvort
gifting manns og konu, sem pró
fessor í guðfræði við Háskól-
ann gaf saman og entist ekki
nema átta mánuði, hafi verið
löglegt eða ólöglegt. Konan ósk
aði búskipta, en þá hélt maður-
inn því fram, að gifting þeirra
væri ólögleg. Þetta gerðist á
Eskifirði. Nú verður væntan-
lega úr því skorið hvort gifting
sé lögleg, ef aðrir aðilar en við-
komandi sóknarprestur eða
sýslumannsembætti á hverjum
stað gefa brúðhjón saman. □
NLU PRESTAKÖLL
AUGLÝST
MEÐ auglýsingu dags. 14. febr.
hefur biskupinn auglýst 9 presta
kll laus til umsóknar.
Þessi prestakll eru auglýst:
Eskifjörður, Mosfell í Árnes-
prófastsdæmi, Saurbær, Staf-
holt, Sauðlauksdalur, Bíldudal-
ur, Möðruvellir í Hörgárdal,
Skinnastaður og Sauðanes. —
Umsóknarfrestur er til 31. marz.