Dagur - 12.02.1968, Síða 37
getu hans. Eftir að hann hætti
blaðamennsku, gerðist hann skrif-
stofumaður. Þegar ég hætti að
dvelja langdvölum í Reykjavík
missti ég sjóhar á honum og veit
ekki um hann síðán.
Jóhann
Frímann
Um áramótin 1941—42 var
Dagur enn stækkaður og útliti
blaðsins breytt til bóta. Varð blað-
ið þá stærsta blað utan Reykja-
víkur. Þurfti þá að fá aukna starfs-
krafta að blaðinu. Var þá Jóhann
Frímann ráðinn meðritstjóri
blaðsins, en Haukur Snorrason tók
að sér að afla blaðinu útlendra og
innlendra frétta. Verður rætt um
Hauk sérstaklega síðar. Þegar
þetta gerðist var Jóhann Frímann
skólastjóri við Iðnskólann á Akur-
eyri. Hann var fæddur 27. nóv.
1906 í Hvammi í Langadal. Voru
foreldrar hans Guðmundur Frí-
mann bóndi þar og kona hans Val-
gerður Guðmundsdóttir. Hann
geklc ungur í Menntaskólann á
Akureyri, tók þar gagnfræðapróf
1923 og var í 4. bekk skólans vet-
urinn 1924—25, gekk í Lýðhá-
skólann í Askov 1925—27, aflaði
sér enn frekari menntunar utan-
lands með dvöl í öðrum skólum,
námsskeiðum og námsferðum.
Hahn varð skólastjóri Iðnskólans
1928. Hann er skáid gott og rit-
höfundur. Var blaðinu mikill feng-
ur í að fá hann til starfa við það.
Mun hann að miklu leyti hafa
annazt ritstjórnina til 1943 og
fórst það vel úr hendi. Hin síðari
ár hefur hann verið heilsuveill.
Hann hefur þó síðan gegnt ýmsum
störfum: Var um árabil skólastjóri
Gagnfræðaskóla Akureyrar, unnið
að’ ritstörfum, setið í bæjarstjórn
o. fl. Nú orðið mun þó heilsa hans
ekki leifa mikil störf.
Haukur
Snorrason
Sem fyrr greinir gerðist Hauk-
ur Snorrason starfsmaður við Dag
um áramótin 1941—42. Hann
var fæddur 1. júlí 1916 á Flateyri
við Önundarfjörð, sonur Snorra
Sigfússonar þá skólastjóra þar,
síðar á Akureyri og námsstjóra, og
fyrri konu hans Guðrúnar Jó-
hannesdóttur. Hann fluttist hing-
að til Akureyrar með foreldrum
sínum árið 1930, er faðir hans
gerðist skólastjóri við Barnaskól-
ann hér. Haukur gekk í Mennta-
skóia Akureyi'ar og lauk þar gagn-
fræðapróíi. Gerðist eftir það
starfsmaður í Kaupfélagi Eyfirð-
D AGU R
'Jh ára
IWtM - 12. ItbtAu - 1043
Aímælisblað Dags 1943.
inga. Fljótlega varð hann einka-
ritari kaupfélagsstjóra, sem þá var
Vilhjálmur Þór. Ég kynntist
Hauki á meðan hann vann sem
unglingur i kaupfélaginu og gast
óvenju vel að þessum myndarlega
og rösklega pilti. Vilhjálmur Þór
mun líka hafa treyst honum vel,
því þegar hann var ráðinn til að
veita íslandsdeild heimssýningar-
innar í New York forstöðu, tók
hann Hauk með sér sem aðstoðar-
mann. í Ameríku mun Haukur
hafa kynnt sér nokkuð tækni við
blaðámennsku og kom það í góðar
þarfir síðar.
Árið 1938 kvæntist Haukur
Else Friðfinnsson, hinni mestu
myndar- og dugnaðarkonu og
varð hjónaband þeirra hið farsæl-
asta.
Sem fyrr segir hóf Haukur
störf við Dag um áramótin 1941
—42 og þegar Ingimar Eydal
hætti til fulls ritstjórninni 1945,
DAGUR 50 ÁRA 37