Dagur - 04.05.1978, Blaðsíða 1
TRÚLOFUNAR*
HRINGAR
AFGREIDDIR
SAMDÆGURS
GULLSMIÐIR
SIGTRYGGUR & PÉTUR
AKUREYRI
DAGUR
LX. ARG.
Akureyri, fimmtudagur 4. apríl 1978
26. tölublað
Aðalfundur Búnaðarfélags
Saurbæjarhrepps haklinn að ||j|
Sólgarði 27. apríl 1978 lýsir -
óánægju sinni yfir viðhaldi ■ -'
þjóðvega innan við Akureyri ■' ,,
sem vægast sagt má teljast
mjög lélegt. Ennfremur vill
fundurinn benda á að enn eru
langir vegarkaflar allsendis
ófullnægjandi. enda sums
staðar hálfrar aldar gamlir.
Væntir fundurinn þess að
þingmenn kjördæmisins og
forráðamenn vegamála taki
þetta til vinsamlegrar athug-
unar.
Stjórn Búnaðarfélags Saur-
bæjarhr.
Leifur Ljónsöskur
Sunnudaginn 7. maí n.k.
frumsýnir Leikklúbburinn
Saga á Akureyri barnaleikrit-
ið „Leifur Ijónsöskur" eftir
Torben Jetsmark. Leikritið er
þýtt af Höllu Guðmundsdótt-
ur, en leikstjórar eru Þórir
Steingrímsson og Theódór
Júlíusson. Frumsýningin
verður í Dynheimum og hefst
kl. 14.00 Leikmynd, búningar
og svið er unnið í hópvinnu af
leikurum en umsjón með því
verki hefur verið í höndum
Þráins Karlssonar.
Sextán leikarar taka þátt í
sýningunni, en helztu hlutverk
eru í höndum Helga Más
Barðasonar (Leifur), Jóhönnu
Birgisdóttur (Hnútur), Snjó-
laugar Brjánsdóttur (Toppur)
og Magnúsar Ársælssonar
(Lúlli lampakveikur).
★
Hrossagaukurinn
Hrossagaukurinn og spóinn
eru fyrir nokkru farnir að láta
til sín heyra og fjöldi hverrar
tegundar hefur aukist mjög
síðustu dagana. Þá hafa tveir
starir sést í bænum og ein
silkitoppa.
Orgeltónleikar
Tónlistarskólinn heldur |j
orgeltónleika í Akureyrar-
kirkju á fimmtudaginn klukk-
an 5 e.h. Á laugardaginn
verða svo tónleikar í Borgar-
bíói klukkan 2 e.h.. Leika þar
nemendur á efri stigum á
píanó og fiðlu.
Verkamannabústaðirnir:
Verður tilboði Híbýlis tekið?
Fyrir skömmu voru opnuð tilboð
í byggingu næsta áfanga verka-
mannabústaða sem verða við
Hjallalund 7, 9 og 11. Tvö tilboð
bárust og var hið lægra um 93%
af kostnaðaraætiun. Sameigin-
legt tilboð barst frá eftirtöldum
aðilum: Pan h/f, Berki h/f og
Smára h/f. Tilboð þeirra hljóð-
aði upp á 168. 068.543 krónur,
en tilboð Híbýlis var ögn lægra
eða 164.893.250 krónur. Kostn-
aðaráætlun sem Teiknistofan
Ármúla 6 gerði var 176.180.450
krónur.
Alls er 21 íbúð í fjölbýlishúsinu
og samkvæmt útboði, skal áfang-
anum vera lokið í maí á næsta ári.
Þrjár þriggja herbergja íbúðir eru í
húsinu og átján eru fjögurra her-
bergja. Eftir er að bjóða út eld-
hússinnréttingar, fataskápa og
innihurðir og verður það sennilega
ekki gert fyrr en í byrjun næsta árs.
Kaúpandi íbúðar í verkamanna-
bústöðunum greiðir aðeins 20% af
íbúðarverðinu, en fær síðan venju-
legt húsnæðisstjórnarlán. Það sem
vantar upp á 80% fær hann úr
byggingarsjóði verkamanna til 42
ára, með 2% vöxtum og án vísi-
tölutryggingar. Hins vegar getur
ekki hver sem er notfært sér þessi
hagstæðu kjör. Skuldlaus eign,
miðað við 31. desember 1977, má
eigi vera hærri en 2.906.452 krónur.
Til viðbótar, fyrir hvert barn yngra
en 16 ára, 112.090 krónur. Við-
komandi þarf að hafa búið á Ak-
ureyri sl. tvö ár. Þá mega meðal-
tekjur sl. þriggja ára ekki fara upp-
fyrir ákveðið hámark.
Nú liggur fyrir uppgjör fyrir
verkamannabústaðina við Hjalla-
(Framhald á bls. 3).
Sakadómsrannsókn er hafin á brunanum (
Breka VE, en eins og kunnugt er kviknaði í tog-
aranum á þriðjudagsmorgun. Búið er að kveða
til þrjá sérfróða skoðunarmenn til að grafast
fyrir um eldsupptök. Einnig hefur rannsóknar-
lögreglan sent fulltrúa sína til Akureyrar. Ásgeir
Pétur Ásgeirsson, fulltrúi bæjarfógeta, stjórnar
rannsókninni og sagði hann, að niðurstöður
ættu að liggja fyrir í dag eða á morgun. Ljóst er
að tjónið mun skipta hundruðum milljóna, en
fbúðir skipverja eru mikið skemmdar, svo og
tæki í brú og aðgerðarpláss er ónýtt. Eldurinn
breiddist út með ótrúlegum hraða og gat
slökkvilið Slippstöðvarinnar við ekkert ráðið og
það tók slökkvilið Akureyrar nokkrar klukku-
stundir að ráða niðurlögum eldsins. Breki átti að
fara út til veiða í næstu viku. Skipið er aðeins
tveggja ára gamalt og var eitt fuiikomnasta
fiskiskip íslenska flotans.
Mynd: áþ.
1.MAÍ
Hátíðahöld verkalýðsfélaganna á
Akureyri 1. maí fóru fram með
hefðbundnum hætti, svo sem
kröfugöngu og lúðrablæstri. Á
útifundinum flutti Jökull Guð-
mundsson ávarp. Aðrir ræðu-
menn voru Jóhanna Sigurðar-
dóttir, Jón Helgason, form. Ein-
ingar og Hákon Hákonarson,
formaður Alþýðusambands
Norðurlands, sem hér birtist
mynd af við það tækifæri.
Framtíð
Hjalteyrar
enn óráðin
Forsvarsmenn Arnarness-
hrepps hafa að undanförnu
átt viðræður við ýmsa aðila
um hugsanlega atvinnustarf-
semi á Hjalteyri. Að sögn
Magnúsar Stefánssonar,
hreppstjóra, hefur m.a. verið
rætt við fulltrúa Kaupfélags
Eyfirðinga, en enn sem kom-
ið er hafa engar ákvarðanir
verið teknar. Magnús sagði
hreppsnefndina hafa áhuga á
léttum iðnaði svo og starf-
semi er tengdist sjávarútvegi.
Innan tíðar má búast við að
lokaákvarðanir verði teknar
og uppbygging hafin á nýjan
ieik á Hjalteyri.
Slippstöðin hf. skilaði
hagnaði á síðastliðnu ári
Starfsemi Slippstöðvarinnar h/f
gekk vel á sl. ári og skilaði fyrir-
tækið 5.2 milljónum króna í
hagnað. Afskriftir numu 38.7
milljónum, niðurfærsla birgða
116.6 milljónum og á sl. ári voru
8.3 milljónir greiddar í arð til
hluthafa. Samkvæmt þessu er
árangur rekstursins 45.5 millj-
ónum króna betri en árið áður. Á
aðalfundi Slippstöðvarinnar h/f,
sem haldinn var 29. apríl var
ákveðið að greiða 10% arð.
Stjórn fyrirtækisins var endur-
kjörin.
í ársskýrslu Slippstöðvarinnar
kemur m.a. fram að vel hafi gengið
að jafna út árstíðarsveiflur við-
gerðann-.-og brúa bil á ntilli verk-
hópa. Sérstaklega góð reynsla
fékkst að þessu leyti við kaupin á
togaraskrokknum frá Noregi.
Fjöldi framleiðslustunda var 460
þúsund á árinu á móti 412 þúsund
árið áður, sem er nær 12% aukning.
Yfirvinna var nú 22% af vinnutím-
anum þrátt fyrir yfirvinnubannið.
Veltuaukning frá árinu áður var
37.4%
Efnahagsstaða fyrirtækisins er
orðin traust og með tilliti til þess, að
nú er búið að ganga frá nýjum
samningi um smíði á 56 m löngu
nótaveiðiskipi er verkefnaleg staða
einnig með betra móti. Að auki er
mikil eftirspurn eftirýmsum breyt-
ingum og viðgétðum og hefur ekki
(Framhald á bls. 3).