Dagur - 13.01.1983, Blaðsíða 1
HALSFESTAR '
8 og14 KARÖT
GULLSMIÐIR
SIGTRYGGUR & PÉTUR
AKUREYRI
66. árgangur
Akureyri, fímmtudagur 13. janúar 1983
5. tölublað
Skaðabætur
vegna brauð-
málsins?
„Það er ekki búið að taka neina
ákvörðun um það enn hvort
höfðað verður skaðabótamál,“
sagði Björn Jósef Arnviðarson,
Iögfræðingur, sem sat í gerðar-
dómi í brauðmálinu svokallaða
fyrir Brauðgerð Kr. Jónssonar,
sem tapaði málinu sem kunn-
ugt er.
Hugsanlegt er að brauðgerðin
geti átt skaðabótakröfu á hendur
Smáranum sem byggði og seldi
húsið í Sunnuhlíð, á þeirri for-
sendu að meiru hafi verið lofað
varðandir ekstur veiginastofunn-
ar en hægt var að standa við vegna
annarra sem eiga hlut í húsinu,
þ.e. Kaupfélaginu. Málið snerist
um það hvort veitingastofan
mætti selja brauð til neyslu utan
hennar, eins og um bakarí væri að
ræða.
Ólafur Birgir Árnason, sem
flutti málið fyrir gerðardómi fyrir
hönd Kaupfélagsins, sagði í við-
tali við Dag, að hann teldi að
Kaupfélagið hefði átt ótvíræða
skaðabótakröfu á hendur Smár-
anum ef það hefði tapað málinu.
Innbrot og
ávísanafals
upplýst
Innbrotið í Krókeyrarstöðina
sem Dagur sagði frá er nú
upplýst. Rannsóknarlögreglan
á Akureyri hafði upp á tveimur
unglingspiltum sem innbrotið
frömdu. Þeir stálu töluverðu af
tóbaki og sælgæti en mestu af
þýfínu hefur nú verið komið til
skila.
Þá er búið að upplýsa ávísana-
falsið sem upp kom á Akureyri
fyrir jól, en þá keyptu tveir menn
sjónvarp og myndsegulband og
greiddu með fölsuðum ávísunum.
Bundið
slitlag
á þjóð-
vegum:
Tæplega 60% lagt
á sl. þrem árum
Haustið 1982 var búið að leggja
bundið slitlag á rösklega 650
kflómetra af þjóðvegum
landsins. Þar af hafa tæplega
290 kflómetrar verið lagðir síð-
ustu tvö árin, eða yfir 44% af
heildarmagni bundins slitlags á
þjóðvegum. Sé árið 1980 talið
með hefur bundið slitlag verið
lagt á tæplega 390 km, eða yfir
58% af þjóðvegunum sl. þrjú
ár. Því verður vart annað sagt
en verulega hafí áunnist í þess-
um efnum í valdatíð núverandi
samgönguráðherra.
Ofangreindar upplýsingar er að
finna í 3. hefti Fjármálatíðinda
1982, sem gefið er út af hagfærði-
deild Seðlabanka íslands. Þar
kemur einnig fram að búið sé að
leggja bundið slitlag á yfir þriðj-
ung þjóðvegarins frá Reykjavík
til Blönduóss (41%), Sauðár-
króks (40%), Akureyrar (35%),
Dalvíkur (37%) og Húsavíkur
(35%).
Ef litið er til þess hvernig að
þessum málum hefur verið staðið
á rösklega tveimur áratugum
kemur það í ljós að frá 1960-1969
var lagt bundið slitlag á aðeins 43
km, en frá 1970 til haustsins 1982
hefur hins vegar verið lagt bundið
slitlag á tæplega 608 km, eða
93,4% alls bundins slitlags á þjóð-
vegum landsins. Par af hefur lang
mest verið lagt síðustu þrjú árin,
eins og áður sagði, eða á 91 km
árið 1980,143 km árið 1981 og 144
km árið 1982.
Samkvæmt óendur-
skoðaðri vegaáætlun fyrir þetta ár
er gert fyrir að lagt verði svipað
magn núna og síðustu tvö árin,
eða yfir 140 km.
Enn er þó lagt í land að viðun-
andi árangur náist, því þjóðvega-
kerfið er samtals 8400 km, en um-
ferð að vísu ákaflega mismunandi
eftir vegum. í langtímaáætlun um
svokallaða góðvegagerð, sem
mun ná 12 ár fram í tímann, er
gert ráð fyrir að ljúka vegabótum
á um 2800 km, eða þriðjung þjóð-
vegakerfisins. Þar af er helming-
urinn í hringveginum,, eða um
1400 km.
Nú er sem sagt lokið við
tæplega fjórðunginn samkvæmt
þessari áætlun.
Segja má að þessi mynd sé lýsandi fyrir það ástand sem ríkt hefur að undanförnu. Hvarvetna hafa bifreiðaeigendur lent
í vandræðum af völdum veðurhamsins og þó að Norðlendingar hafi e.t.v. sloppið betur en aðrir landsmenn hafa þeir
ekki síður en aðrir þurft að moka snjó frá bifreiðum sínum. Mynd ESE
Mikið tjón
í Hrísey
Tjónið sem varð í Hrísey í
óveðrinu þann 16. nóvember s.l.
hefur nú verið kannað að mestu.
Um mikið tjón var að ræða, eink-
um á svonefndu Sandhorni þar
sem eru ýmis verkstæði og hús
fiskvinnslu KEA.
Sjórinn braut stór skörð í hlífð-
argarða og þar sem mjög hásjávað
var gekk sjór á land upp og flæddi
kringum húsin á Sandhorninu,
þar á meðal frystihúsið. Náði
sjór hæst um hálfan metra upp á
austurgafl þess og urðu björgun-
armenn að nota báta við störf sín.
Taka varð rafmagn af húsinu í
fimm og hálfan tíma en þó tókst
að forða stórskemmdum. Kom
sér vel að vélar og mótorar standa
á háum undirstöðum.Enginn sjór
komst inn í salthús og beinaverk-
smiðju og ekkert tjón varð í frysti-
klefum frystihússins.
Þess má að lokuni geta að inni í
hinni nýju fiskmóttökuTrystihúss-
ins fundust sprikiandi fiskseiði og
finnst mörgufh Hríseyingum það
góðs viti.
Beiðni um opnun hafnað
- en rekstur Las Vegas látinn afskiptalaus til 1. mars
Um miðjan s.l. mánuð var sótt
til bæjaryfirvalda um það að
opna leiktækjasal í gamla Eim-
skipafélagshúsinu við Kaup-
angsstræti 2. Byggingarnefnd
tók málið síðan fyrir á fundi 17.
desember og hafnaði erindinu
fyrir sitt leyti.
Hinsvegar sagði í afgreiðslu
nefndarinnar að hún myndi ekki
gera athugasemd við að umbeðin
starfsemi fari fram í húsinu til 1.
mars 1983 enda uppfylli umsækj-
andi þau skilyrði sem eldvarnar-
og heilbrigðisnefnd kunni að
setja.
Bæjarstjórn staðfesti síðan
samþykkt byggingarnefndar og
leiktækjasalurinn sem hlaut nafn-
ið „Las Vegas“ tók til starfa og
hefur verið starfræktur síðan.
Dagur fékk upplýsingar um af-
greiðslu málsins hjá Valgarði
Baldvinssyni bæjarritara sem
sagði einnig: „Það verður bara
hver og einn að túlka þetta eins og
hann skilur það, en ég skil það
ekki“.
Sigurður Óli Brynjólfsson
bæjarfulltrúi Framsóknarflokks-
ins bar upp breytingartillögu þeg-
ar bæjarstjórn afgreiddi málið og
lagði til að erindinu yrði alfarið
hafnað og leyfi til 1. mars yrði
ekki veitt.
„Ég tel að starfsleyfi frá bæjar-
stjórn þurfi til þessa reksturs
vegna ákvæða í lögreglusam-
þykkt. Um það eru skiptar skoð-
anir og þá tel ég að það þurfi að
breyta lögreglusamþykktinni
þannig að ótvírætt sé að leyfi
bæjarstjórnar þurfi fyrir rekstri á
billiardstofum og öðrum leik-
tækjastofum. Auk þess var ég
andvígur því að þetta væri látið
afskiptalaust sem þýddi það að
það var verið að gefa leyfið í þrjá
mánuði“, sagði Sigurður Óli í
samtali við Dag.
„Það hefur ekkert verið leitað
til Æskulýðsráðs varðandi þetta
mál og álits ráðsins var ekki
óskað“, sagði Hermann Sigryggs-
son æskulýðsfulltrúi. Við höfðum
hinsvegar af því fregnir að þessu
erindi hefði verið hafnað og töld-
um það úr sögunni.
Eftir að staðurinn var opnaður
hafa starfsmenn Æskulýðsráðs
skoðað staðinn og starfsemina og
í framhaldi af því átt viðræður við
fógeta um ýmis atriði sem tengjast
málinu. Því er ekki að leyna að
okkur hafa borist kvartanir vegna
opnunar þessa staðar" sagði
Hermann.