Dagur - 14.01.1983, Blaðsíða 4

ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
RITSTJÓRNARSlMAR: 24166 OG 24167
SÍMI AUGLÝSINGADEILDAR OG AFGREIÐSLU: 24222
RITSTJÓRI OG ÁBYRGÐARM.: HERMANN SVEINBJÖRNSSON
BLAÐAMENN: EIRlKUR ST. EIRlKSSON, GYLFI KRISTJÁNSSON
OG ÞORKELL BJÖRNSSON
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
aukning a
höfuðborgarsvæðinu
Samkvæmt bráðabirgðatölum um mannfjölda
á landinu 1. desember sl. hefur íslendingum
fjölgað um 3.372 eða 1,46% milli áranna 1981
og 1982. Þetta er mesta hlutfallslega mann-
fjölgun síðan 1967, ef frá eru talin árin 1972 og
1974, en þá var mikið um heimflutning íslend-
inga frá útlöndum. í skýrslu Hagstofunnar seg-
ir að tölur um fólksflutninga milli íslands og
útlanda liggi ekki fyrir, en svo virðist sem tala
aðfluttra til landsins umfram tölu brottfluttra
hafi verið með því hæsta sem gerst hefur, ef
ekki hæst. Þetta eru góðar fréttir og segja tölu-
vert, þó ekki sé annað en það að fólksflótti er
ekki frá landinu, nema síður sé.
Annað árið í röð varð fjölgun meiri á höfuð-
borgarsvæðinu en utan þess og í Reykjavík
fjölgaði meira en nokkru sinni síðan 1963. í
skýrslu Hagstofunnar segir að fjölgunin á höf-
uðborgarsvæðinu ráðist ekki nema að hluta af
flutningi fólks milli landssvæða, því milli-
landaflutningar snerti höfuðborgarsvæðið
miklu meira en önnur landssvæði. Þetta er að
sjálfsögðu ekki að öllu leyti rétt, því gera verð-
ur ráð fyrir að fólkið sem flutti til landsins á síð-
asta ári hafi að einhverju leyti verið búsett
utan Reykjavíkur áður en það flutti til útlanda,
þó það flytji ekki á heimaslóðirnar eftir kom-
una til íslands á ný.
Af þessum tölum Hagstofu íslands má
greinilega ráða að hlutur höfuðborgarsvæðis-
ins er betri en annarra landshluta hvað fólks-
fjölgun varðar. Landsbyggðin heldur ekki sín-
um hlut. Þannig er hækkunin á höfuðborgar-
svæðinu rúmlega 2% milli áranna 1981 og
1982 og lang mest í nágrannabæjum Reykja-
víkur eða 3,17%. í Reykjavík nemur fjölgunin
milli ára 1,55% en á árunum 1972-1982 fjölg-
aði Reykvíkingum að jafnaði um 0,2% á ári.
Dæmið er ef til vill gleggra ef notast er við
fólksfjölgunartölurnar sjálfar í stað hlutfalls-
talna. Þá kemur í ljós að íbúum á suðvestur-
horni landsins hefur fjölgað um 2789, þ.e. á
höfuðborgarsvæðinu og Suðurnesjum, en að-
eins um 583 í öllum öðrum hlutum landsins
samanlagt. Því lætur nærri að 83 % af íbúafjölg-
uninni fari á suðvesturhorn landsins, en að-
eins 17% í aðra landshluta. Ef aðeins er tekinn
hlutur höfuðborgarsvæðisins kemur í ljós, að
75% fjölgunarinnar verður þar, en 25% utan
höfuðborgars væðisins.
Þetta eru athyglisverðar staðreyndir. Slag-
síðan sem tekist hafði að stöðva fer nú vax-
andi á nýjan leik. Nær öll aukning íbúafjöldans
fer á suðvesturhornið. Vilji menn að sú þróun
haldi áfram eru þeir á réttri leið, en fyrir hina,
sem telja að jafnvægi sé æskilegt milli höfuð-
borgarsvæðisins annars vegar og lands-
byggðarinnar hins vegar, er nauðsynlegt að
leita leiða til að snúa þessari þróun við á nýjan
leik.
ÓVEÐURA
• •
HOLTAVORÐU-
HEIÐI
Óveðrið sem skall yfir landið í
fyrri viku er enn öllum í fersku
minni. Á Suðurlandi skall veðr-
ið fyrirvaralaust á að morgni
þriðjudags og þvert ofan í allar
spár skall annar hvellur á laust
fyrir hádegi á miðvikudag. Því
veðri hafði reyndar verið spáð
en einhverra hluta vegna var það
tæpum hálfum sólarhring fyrr á
ferðinni en ráð hafði verið fyrir
gert.
Mikil ófærð, einkum á Suður-
landi og Vestfjörðum, fylgdi í
kjölfar óveðursins og í sunnan-
verðri Holtavörðuheiði varð
ófærðin slík að elstu menn verða
að leita þó nokkuð langt aftur í
tíma til að finna réttan saman-
burð.
Blaðamaður Dags var á
ferð á Holtavörðuheiði um-
ræddan miðvikudagsmorgun og
kom það í hlut starfsmanna
Vegagerðarinnar að bjarga hon-
um og öðrum ferðalöngum ofan
af heiðinni. Húsaskjól fékkst hjá
sæmdarhjónunum í Sveina-
tungu, efsta bæ í Norðurárdal,
en hér á eftir fara viðtöl við
nokkra þeirra sem bjargað var af
heiðinni, m.a. báða þá sem náð
var í á snjóbfl björgunarsveitar-
innar í Borgarfirði aðfaranótt
fimmtudags.

" %
*v.

'■W
Helgi Bjömsson, frá Búðardal, hreinsar snjóinn fró vélinni á Bronco-jeppanum. Bfllinn hafði þá staðið yfirgefinn ó
heiðinni í u.þ.b. tvo sólarhringa.
• • 'X •
V
hefur líklega bjargað mér
- segir Helgi Björnsson, frá Búðardal
U
- Það hefur vafalaust orðið
mér til bjargar að ég komst í
talstöðina og gat látið vita af
mér, sagði Helgi Björnsson,
frá Búðardal, sem bjargað var
af Holtavörðuheiði í óveðrinu
á dögunum, en komið var
með Helga niður í Sveina-
tungu í Norðurárdal að
morgni fimmtudags eftir að
leitað hafði verið að honum á
snjóbfl í u.þ.b. fjóra klukku-
tíma. Hafði Helgi þá verið
tepptur á heiðinni í tæpan sól-
arhring og var hann orðinn
allkaldur er björgunarsveitin
hafði upp á honum.
Helgi lagði upp í ferðina frá
Dalvík, þar sem unnusta hans
býr, að morgni miðvikudags og
var ferðinni heitið til Búðardals.
Að sögn Helga gekk ferðin vel í
byrjun og reyndi hann fyrst fyrir
sér á Laxárdalsheiði, en þar er
styst yfir til Búðardals. Laxár-
dalsheiði reyndist ófær með öllu
og varð Helgi því fljótlega frá að
hverfa.
- Veðrið var ágætt og ferðin
gekk geiðlega inn allan Hrúta-
fjörð, segir Helgi og bætir því
við að hann hafi hvergi orðið var
við að reynt hafi verið að stöðva
hann þó að þá hafi verið vitað að
mikið óveður og ófærð væri á
Holtavörðuheiði.
Neyðarkall á rás
V egagerðarinnar
Að sögn Helga komst hann
u.þ.b. 20 kílómetra inn fyrir Brú
í Hrútafirði, en þar fór bíllinn út
af veginum.
- Eg hafði séð mannlausan
talstöðvarbíl við veginn
skömmu áður en ég fór út af og
þar sem ekkert heyrðist í litlu
talstöðinni minni þá ákvað ég að
freista þess að komast yfir í bíl-
inn og senda út neyðarkall.
Bíllinn sem Helgi komst í er í
eigu Gunnars Sæmundssonar,
frá Hrútafelli, en Gunnar, sem
er lausráðinn starfsmaður Vega-
gerðarinnar, var þá að berjast
við ófærðina á jarðýtu sinni
sunnan megin í heiðinni. Tal-
stöðin í bílnum var stillt inn á rás
Vegagerðarinnar, sem er lokuð
rás og heyrðist neyðarkallið því í
stjórnstöðvum Vegagerðarinn-
ar. Lengi vel var haldið að um
gabb væri að ræða en þegar það
fékkst staðfest að sá sem hafði
sent út hafi gefið upp farstöðv-
arnúmer sitt, var ljóst að alvara
var á ferðum.
Að sögn Jóns Ólafssonar,
flokkstjóra í Vegagerðinni, þá
getur það hafa skipt sköpum að
Helgi sendi út neyðarkallið með
talstöð Gunnars Sæmunds-
sonar, því ef ekkert neyðarkall
hefði verið sent út, þá hefði
Helga e.t.v. fyrst verið leitað á
Laxárdalsheiði eða í Bröttu-
brekku, þar sem talið var
næsta víst að enginn bíll væri þá
á Holtavörðuheiðinni.
Sem fyrr segir var Helgi orð-
inn allkaldur er komið var með
hann í Sveinatungu, en hann
jafnaði sig fljótlega og var orð-
inn jafngóður er hann hélt ferð-
inni áfram að morgni föstudags.
4 - DAGUR -14. janúar 1983
1 • I M * 'O. » >vL » > ♦