Dagur - 18.01.1983, Blaðsíða 12

LiMliM BORÐA
RENNUM SKALAR
Þingmenn Framsóknarflokksins í Norðurlandskjördæmi eystra sátu fyrir svörum á fundi á laugardag. Milli 60 og 70
spumingar bárust á fundinn, sumar áður en fundur hófst og einnig á fundinum sjálfum. Voru menn á einu máli um að
fundurinn hefði tekist vel, verið málefnalegur og upplýst fjölmargt varðandi stjórnmálin, efnahagsmálin og margt
fleira sem fólki er ofarlega í huga um þessar mundir. Meðfylgjandi mynd tók ESE á fundinum sem haldinn var á Hótel
Varðborg.
Ekki ákveðið hvort
Nýja-bíó hættir
Myndhandaleiya kvikmyndahúsanna í Reykjavík ógnar
rekstri kvikmyndahúsanna á Akureyri
„Það hafa verið brögð að því að
Myndbandaleiga kvikmynda-
húsanna í Reykjavík væri búin
að senda þær myndir sem við
eigum von á til sýninga norður
á vídeóspólum áður en við höf-
um fengið þær,“ sagði Oddur
C. Thorarensen, eigandi Nýja
bíós á Akureyri, er Dagur
ræddi við hann.
Rekstrarerfiðleikar kvik-
myndahúsanna á Akureyri hafa
verið til umræðu í fjölmiðlum af
og til á síðasta ári. Nú bendir ým-
islegt til þess að Nýja bíó hætti og
sagði Oddur að það væri ýmislegt
sem ylli því.
„Við þurfum t.d. að greiða
16% í skemmtanaskatt af hverj-
um seldum aðgöngumiða fyrir
utan aðra skatta og skyldur. En
það alvarlegasta er vídeóið sem
ógnar okkar rekstri. Ég get nefnt
sem dæmi að jólamyndin í Borg-
arbíó hafði verið sýnd í vídeó hér
í bænum og þetta hefur oft komið
fyrir.“
Oddur sagði að Myndbanda-
leiga kvikmyndahúsanna væri
með þessu beinlínis að vinna gegn
hagsmunum kvikmyndahúsanna
úti á landi. Hann sagði að þeir
teldu sig geta stjórnað þessu en
það væri illmögulegt.
Oddur ítrekaði það sem fram
kom í Degi í sl. viku að ekki væri
endanlega ákveðið hvort rekstri
Nýja bíós yrði hætt, en hann taldi
það þó fremur líklegt. Hann sagði
aðspurður að margir hefðu spurst
fyrir um húsnæði það sem Nýja bíó
er í, en að sjálfsögðu verður ekki
tekin ákvörðun um hvað þar verð-
ur fyrr en ákveðið hefur verið
hvort bíóið hættir.
„Fransman":
Framleiðslan
gengur vel
Sigurður
bætti
metið
Sigurður Matthíasson sem
keppir fyrir UMSE bætti um
helgina nokkurra daga gamalt
íslandsmet sitt í hástökki án at-
rennu innanhúss, og státar að
sögn fróðra manna nú að næst
besta árangri í þessari íþrótta-
grein í heiminum.
Sigurður stökk 1.80 metra og
bætti eldra met sitt um 2 cm.
Hann hefur að undanförnu verið
að reyna að stökkva 1.86 metra og
verið svo nærri því að fara þá hæð
að menn telja mjög mikla mögu-
leika á því að hann geri það innan
tíðar.
„Framleiðslan á „Fransman“
kartöflunum hefur gengið al-
veg skínandi vel,“ sagði Sævar
Hallgrímsson, framleiðslu-
stjóri, í samtali við Dag fyrir
helgina. „Við framleiddum 650
tonn á síðasta ári, en það var
fyrsta heila árið í þessari fram-
leiðslu okkar á frönskum kart-
öflum og er miklu meira en
reiknað var með.“
„Það lítur hinsvegar ekkert vel
út varðandi hráefnið. Við erum
farnir að flytja kartöflur að
sunnan, um 16 tonn í hverri viku.
Það er hinsvegar ekki nóg og það
sem við fáum frá bændum og get-
um notað við þessa framleiðslu
verður búið um miðjan mars. Við
viljum endilega reyna allt sem
hægt er áður en við förum að
flytja inn kartöflur. Það er hins-
vegar fyrirsjáanlegt að við verð-
um að fara í innflutninginn, ein-
ungis spurning hvenær það
verður.“
Sögusagnir hafa verið á kreiki
um það að meira væri til af kart-
öflum hjá bændum en margir
halda. Maður sem þekkir vel til
þessa máls sagði að bændur hefðu
beðið eftir hækkun 1. desember
sem ekki kom, og þeir sem hefðu
góðar geymslur hyggðust bíða
eftir verðhækkun á kartöflum sem
verður 1. mars.
Dalvík:
Atvinnu-
hjólin
snúast
— atvinnulausum
fækkað um þriðjung
Dalvík
Eins og sagt var frá í Degi ný-
lega voru komnir um 100 á
atvinnuleysisskrá hér á Dalvík.
Stafaði þessi mikla fjölgun
atvinnulausra meðal annars af
uppsögn kauptryggingar í
frystihúsinu vegna hráefnis-
skorts, en ekkert hráefni barst
á land fyrstu vikuna í janúar þar
sem togarafloti Dalvíkinga lá í
höfn yfir jól og áramót eins og
áður.
Togarinn Björgúlfur kom svo
að landi mánudaginn í fyrri viku
með 65 tonn af vænum og falleg-
um þorski, Björgvin, hinn togari
Útgerðarfélags Dalvíkinga, land-
aði á þriðjudag 62 tonnum,
Dalborg, togari Söltunarfélags
Dalvíkinga, landaði á fimmtudag
og Baldur, togari hlutafélagsins
Ufsastrandar, landaði í gær.
Það má því segja að hjól
atvinnulífsins séu farin að snúast á
ný, a.m.k. við sjávarsíðuna. Tala
atvinnulausra hefur fækkað um
þriðjung að sögn Elísabetar Ey-
jólfsdóttur hjá atvinnuleysisskrán-
ingum en nú eru um 50 á atvinnu-
leysisskrá.
Bátaflotinn hefur undirbúið sig
fyrir netavertíð en byrja mátti
að veiða þorsk aftur um helgina.
Flestallir bátarnir munu byrja á
að róa héðan hvað svo sem um
framhaldið verður, en það hefur
oft tíðkast að bátar hafi haldið
suður fyrir land á vertíð þó svo
það hafi verið í mjög litlum mæli
hin síðari ár. Þannig að ef þorsk-
urinn bregst ekki má búast við því
að næg atvinna verði á Dalvík í
vetur. Að lokum má geta þess að
á meðan vinnsla lá niðri í frysti-
húsinu var unnið að undirbúningi
fyrir lausfrystingu og fleira.
A.G.
# ... óheimilt
að gaum-
gæfa...
Frá Siglufirði berast þær
fregnir að bæjarráð hafi sam-
þykkt reglugerð um sorp-
hreinsun í bænum fram til
fyrrí umræðu í bæjarstjórn. Er
um að ræða nákvæma reglu-
gerð um sorphreinsun í bæn-
um fram til fyrri umræðu í
bæjarstjórn. Er um að ræða
nákvæma reglugerð varðandi
sorphreinsunina og hvernig
hún skuli framkvæmd. í 11.
grein reglugerðarinnar segir:
„Sorphreinsunarmönnum er
með öllu óheimilt að slá eign
sinni á nokkuð það sem látið
hefur verið í sorpsekk eða
losað á sorphauga bæjarins.
Þeim er og óheimilt að gaum-
gæfa á nokkurn hátt það sorp
sem kemurfrá hverri íbúð, og
reyna á þann hátt að öðlast
upplýsingar um lífsháttu íbú-
anna...
# ÞávarðJ.R.
reiður
Tímaritið Samúel hefur upp-
lýst lesendur sína um það
hvað á eftir að drífa á daga
helstu söguhetjanna í sjón-
varpsþáttunum „Dallas". Nú
hafa verið framleiddir á
fimmta hundrað þættir og
virðist ekkert lát á vitleysunni
og vandamálunum. Hinn vln-
sæli (?) J.R. hefur ekki látið
deigan síga, hann lætur t.d.
skipa um móðurlíf í mágkonu
sinni, Pamelu, og setja í hana
móðurlíf úr ófrískri blökku-
konu. Þá lætur hann vana
vinnumanninn Ray, þegar
upplýst verður að hann er
launsonur Jock. J.R. opinber-
ar enn frekar kvikindishátt
sinn er hann ákveður að fara
að verða Sue Elien góður og
kærleiksrí kur eiginmaður ein-
ungis til þess að vekja hjá
henni falsvonir. Hann snýr
nefnilega blaðinu við hið
snarasta þegar Sue Ellen er
orðin hamingjusöm með hon-
um á nýjan leik og tekur upp
fyrri lifnaðarhætti. Það fylgir
líka sögunni að J.R. hafi hald-
ið við alla kvenmenn í ætt Sue
Ellen nema ömmu hennar -
hún er líka dáin! Af öðrum at-
burðum má nefna að þau fara
að iðka ástarlíf Cliff Barnes
og frú Ellie, Bobby ætlar að
fyrlrfara sér í olíubrunni en þá
gýs um leið upp olíustrókur
og mestu olíulindir fjölskyld-
unnar eru þar með fundnar.
# Dallas
á vídeó
Nei, ekki hingað til lands,
heldur er þetta fyrirsögn úr
auglýsingu f færeyska blað-
inu, Dimmalætting, og hljóðar
auglýsingin á þessa leið: „Ca.
5. febrúar koma teir fyrstu 10
partarnlr av Dallas. Hetta eru
part£r sum halda fram, har
sjónvarpið endaði. Vegna
tess at ilt er at gita, hvussu
nógv fara at hava áhuga fyri
röðlnl, vllja vit hervið heita á
viðskiftafólk okkara ið hava
áhuga fyri Dallas-röðini,
longu nú at tekna seg fyri
hesum.“