Dagur - 25.01.1983, Blaðsíða 1
HÁLSFESTAR
8 og14 KARÖT
GULLSMIÐIR
SIGTRYGGUR & PÉTUR
AKUREYRI
66. árgangur
Akureyri, þriðjudagur 25. janúar 1983
10. tölublað
Um 50 grísir drukknuðu
í stíum í vatnsflóðinu
- tryggingarnar
bæta ekki slíkt tjón
Um klukkan 10 á laugardagsmorgun kom
hlaup í Lónslækinn á norðanverðum
bæjarmörkum Akureyrar með þeim af-
leiðingum að vatnselgur flæddi inn í Svína-
búið Lón og drap um 50 grísi. Viðbúið er
að fleiri drepist úr lungnabólgu, fangið
drepist í gyltunum og starfsemin raskist
meira og minna í upp undir ár. Tjónið er
gífurlegt og ekki er hægt að tryggja fyrir
slíkum skaða. Búast má við að beint tjón
sé ekki undir 500 þúsund krónum. Óvíst er
um skemmdir á húsum og vélum.
Gífurlegar leysingar voru búnar að vera
þegar óhappið varð. Að sögn Benny Jensen,
eiganda svínabúsins, og konu hans, Jónínu
Guðjónsdóttur, var allt í lagi um klukan hálf
nfu um morguninn, en klukkan 10 var allt
komið í kaf. Þá flæddi yfir brú ofan búsins,
grundir og tún fóru undir vatn, enda var læk-
urinn sem rennur á bæjarmörkunum og með-
fram búinu eins og skaðræðisfljót, upp undir
4 metrar á dýpt þar sem dýptin er venjulega
um hálfur metri.
Grísirnir sem drukknuðu voru frá viku upp
í fimm mánaða gamlir. Auk sona þeirra hjóna
sem unnu með þeim að björgunarstarfinu
komu nágrannarnir til hjálpar. Óðu menn
upp í mitti í svínahúsinu þegar reynt var að
bjarga grísunum. Ekki tókst að fá hjálp frá
lögreglu, slökkviliði né bæjarstarfsmönnum.
Að endingu tókst að fá gröfu frá Norður-
verki, til að hleypa læknum fram.
Alls voru rúmlega 150 svín í búinu. Hætt er
við að þau veikist og tjónið eigi eftir að auk-
ast. Fyrir um 10 árum síðan drápust yfir 30
grísir í búinu af svipuðum orsökum. Þá mun
Bjargráðasjóður hafa hlaupið undir bagga.
Ljótt var um að litast f svínastíunum þegar vatnið sjatnaði. Dauðir grísir lágu í tugatali í básum sinum
Á myndinni er Erik Jensen, sonur eigendanna. Ljósm: H.í
Dalvík:
Vilja
fa
sinn
fógeta
Bæjarstjóm Dalvíkur hefur
samþykkt aö unnið skuli að því
að stofnsett verið sjálfstætt
embætti Bæjarfógeta á Dalvík
með aðsetur þar í bænum.
Gerir bæjarstjórnin ráð fyrir að
aðskilnaður embættisins frá em-
bætti Bæjarfógeta Akureyrar og
Dalvíkur og sýslumanns Eyja-
fjarðarsýslu verði framkvæmdur í
tveimur áföngum. Á yfirstand-
andi ári verði ráðinn til starfa lög-
lærður fulltrúi með fullu umboði
er hafi aðsetur á Dalvík og að
eftirtalin þjónusta verði flutt
þangað: „Veðmálabækur Dalvík-
ur ásamt þinglýsingum, afgreiðsla
tollskjala, útgáfa ökuskírteina og
vegabréfa, dagleg stjórn löggæslu
og öll önnur almenn þjónusta sem
nú verður að sækja til Akureyr-
ar.“
Á næsta ári verði síðan stofnað
embætti Bæjarfógeta með aðsetri
á Dalvík og Bæjarþing Dalvíkur
svo og sakadómur verði með að-
setri á Dalvík.
í greinargerð með samþykkt
bæjarstjórnarinnar segir meðal
annars:
Þegar Dalvík fékk kaupstað-
arréttindi árið 1974 var það skil-
yrði sett að ekki yrði stofnað sér-
stakt embætti bæjarfógeta. Ýmsar
aðstæður hafa breyst verulega
síðan þá. íbúum Dalvíkur hefur
fjölgað verulega og eru nú liðlega
1300. Þá hefur embættið eignast
gott húsnæði í Ráðhúsi Dalvíkur.
Umsvif fyrirtækja á staðnum
hafa aukist og um leið sú þjónusta
sem þau þurfa að sækja til em-
bættisins á Akureyri. Þá má einn-
ig benda á að íbúar Svarfaðardals-
hrepps sækja alla daglega þjón-
ustu til Dalvíkur.
VERÐUR FRIHOFN OPNUÐ A
AKUREYRI í SUMAR?
„Eins og kunnugt er ætla Flug-
leiðir að hefja beint flug á milli
Akureyrar og Kaupmanna-
hafnar í sumar, og okkur hjá
Flugleiðum fínnst eðlilegt að
þeir farþegar sem velja þessar
ferðir njóti sömu þjónustu og
aðrir flugfarþegar sem fara til
eða frá landinu. Til þess að svo
megi verða þarf að koma hér
upp vísi að frfltöfn,“ sagði um-
dæmisstjóri Flugleiða á Akur-
eyri í samtali við Dag fyrir helg-
ina.
„Mér hefur verið falið að kanna
hug ýmissa aðila til þessa máls, og
þær undirtektir sem ég hef fengið
hjá flugvallaryfirvöldum, tollyfir-
völdum, bæjaryfirvöldum og
þeim þingmönnum sem ég hef
nefnt þetta við hafa verið mjög
góðar. Mönnum ber saman um að
það sé sjálfsagt að þessi aðstaða
komi hér á Akureyri og það sem
fyrst’ Málið heyrir hinsvegar
undir Fjármálaráðuneytið og hef-
ur ekki verið kynnt þar enn sem
komið er.
Aðstaða á Akureyrarflugvelli
er ekki góð til þess að mæta þessu
eins og er, og þetta yrði fremur
smátt í sniðum til að byrja með.
Flugleiðir hafa hinsvegar falið
ákveðnum aðilum að taka þetta
mál upp við ráðuneytið og ef þetta
mál fær þá afgreiðslu sem við
vonum, þá verður það
framkvæmt."
- Fyrsta beina flug Flugleiða til
Kaupmannahafnar verður
fimmtudaginn 16. júní, og verður
flogið vikulega á fimmtudögum
fram til l.september. Komutími
til Akureyrar verður kl. 16.50 og
farið utan aftur klukkustund
síðar.
Sveinn Kristinsson sagði að
þessi nýja ferðaáætlun hefði verið
kynnt á Norðurlöndunum og
áhugi væri mikill á þessum ferðum
þar. Ef vel tekst til er líklegt að
þessar ferðir verði tvær strax á
næsta ári í viku hverri.
„Beinar ferðir“ frá Akureyri til
borga erlendis hafa til þessa verið
með viðkomu á Keflavíkurflug-
velli, bæði vegna eldsneytistöku
og eins hefur farþegum verið gef-
inn kostur á því að versla þar í
Fríhöfninni. Nú eftir malbikun
lengingu flugbrautarinnar geta
þotur Flugleiða farið beint frá
Akureyri til Evrópu, og eins og
fram kemur hér að framan bendir
allt til þess að farþegar á þessari
flugleið geti verslað tollfrjálsan
varning á ferðum sínum til og frá
landinu á Akureyri.