Dagur - 28.01.1983, Blaðsíða 12
Afgreiðum þorramat
í trogum eða öskjum alla daga, allan daginn.
Bestað panta með fyrirvara, minnst 1-2ja tíma.
áríð 1951
Keðjubréfa-ófögnuður
26. september. Keðjubréfa-ófögnuður er á ferðinni um
bæinn og víðar um landið. Bréf þessi eru útlend að upp-
runa, rituð á ensku, og innihalda hótun um persónulega
ógæfu ef viðtakandi sendir þau ekki áfram til margra
manna. Það er furðulegt hvað márgir gegnir borgarar láta
hafa sig í það að skaprauna vinum sínum með því að
beygja sig fyrir hótuninni. Þessar keðjubréfa-sendingar
eru andstyggð. Ef allir láta þau beint í ruslakörfuna deyr
ófögnuðurinn út.
Hvernig skyldi standa á því. . .
17. október. Hvernig skyldi standa á þvi að minna er í
fréttum á sunnudögum en á öðrum dögum, ef dæmt er
eftir fréttaþjónustu útvarpsins? Einkum þó hér innan-
lands. Það skyldi þó aldrei vera ástæðan að fréttamenn-
irnir séu værukærari á sunnudögum en aðra daga?
Ávextir fyrir bátagjaldeyri
7. nóvember. í gær mun flugvél hafa flutt hingað um
tvær smálestir af ávöxtum frá Reykjavík til verslana í
bænum. Er hér um að ræða ýmsa ávexti sem keyptir eru
fyrir bátagjaldeyri og því dýrir. Flugfrakt mun dýrasta
frakt sem til er, sem vonlegt er, og sýnist lítil ástæða til að
hækka enn verð þessarar vöru sem kalla má æskilega en
ekki nauðsynlega, með slíkum flutningum. Verð þessara
ávaxta var í gær mun hærra hér en í Reykjavík. Von mun á
ávaxtasendingum hingað innan skamms með bifreiðum.
Óþokkaverk
21. nóvember. Nýlega bar svo við í húsi einu er stendur
neðarlega við Oddeyrargötu hér í bæ að hnefastórum
steini var skyndilega varpað inn um glugga á svefnher-
bergi húsráðenda. Hjónin voru gengin til náða en bam
þeirra, fárra vikna gamallt, svaf þar í vöggu skammt frá
rúmi foreldra sinna. Svo heppilega vildi til að hvorki barn-
ið né foreldrana sakaði. - En því er þessa fúlmennsku-
verks getið hér m.a. að gjarnan mætti óþokkinn sem var
þarna að verki hugleiða það að ekki er það honum að
þakka að ekki hlaust stórslys af þessu tiltækihans, heldur
er það guðsmildi að ekki fór verr í þetta sinn.
Útvarp Keflavík
21. nóvember. Síðastliðinn fimmtudag tók til starfa á
Keflavíkurflugvelli lítil útvarpsstöð á vegum vamarliðs-
ins. Hófst útvarpið kl. 6 með þvi að R.J. McGaw hershöfð-
ingi ávarpaði sína menn en síðan var útvarpað fréttum,
hljómlist og þar fram eftir götunum. Útvarpað verður
framvegis - nema sunnudag -kl. 6-12. Er útvarpað á 1484
kc, eða 20 m.
Fjórir slasast
21. nóvember. Svo slysalega vildi til þegar bfll frá
Norðurleiðum hf. var á leið hingað til bæjarins sl. föstu
dagskvöld með kirkjukór Siglufjarðar og fáeina aðra far-
þega á vegum kórsins, alls rúmlega 30 manns, að bifreið-
inni hvolfdi í árekstri við aðra bifreið með þeim afleiðing-
um, að fjórir Siglfirðingar slösuðust, en margir hinna hlutu
meiri eða minni skrámur eða aðra áverka. Kórfólkið frá
Siglufirði lét þetta óhapp þó ekki hindra þátttöku sína í
kóramótinu á sunnudaginn, en söng þar með mikilli prýði
og við óskipta samúð áheyrenda.
Sankti Pétur vísaði veginn
29. nóvember. Tvíþekjan TF-KAM með Viktor Aðal-
steinsson og Stefán Sigurðsson innanborðs lenti í hrakn-
ingum á leiðinni norður í síðustu viku. Nauðlentu þeir í
skafli skammt fyrir norðan Urðarvötn, létu fyrirberast um
nóttina eftir stranga göngu og héldu svo áfram morgun-
inn eftir. Þeir hittu svo leitarflokk við vörðu þá sem kölluð
er Sankti Pétur og er í Hafursárdal, sæmilega hressir.
Verslunarmennirnir í Hlíða-Sport, Einar Gunnarsson t.v. og Þorsteinn Ingólfsson.
Mynd: - gk.
„Þessa þjónustu
vantaði hingað“
„ Við Ginar vorum sammála um
að það væri grundvöllur fyrir
verslun sem þessari til viðbótar
þeim sem fyrir eru og þess
vegna helltum við okkur út í
þetta,“ sagði Þorsteinn Ingólfs-
son, en hann er annar eigandi
verslunarinnar Híða-Sport í
nýju verslunarmiðstöðinni
Sunnuhlíð í Glerárhverfi.
Þorsteinn hafði sáralítið komið
nálægt verslunarstörfum áður en
þeir opnuðu Hlíða-Sport. „Ég
vann hjá byggingavörudeild KEA
sem unglingur, en fór síðan til
sjós og kom ekki í land fyrr en rétt
áður en við opnuðum verslunina.
Ég hef stundað sjó frá Akureyri,
Siglufirði, Þórshöfn og Vest-
mannaeyjum og hefði sennilega
haldið áfram á sjónum ef við hefð-
um ekki farið út í það að opna
þessa verslun.“
Félagi Þorsteins, Einar Gunn-
arsson, er ekki alveg óvanur
verslunarstörfum. Hann starfaði í
11-12 ár í versluninni Sport og
hljóð og síðan í eitt ár hjá Cesar.
Ekki var aðdragandinn að opnun
verslunarinar Hlíða-Sport langur,
þeir ákváðu um miðjan nóvember
að hella sér út í þetta og opnuðu
síðan 2. desember.
„Við fórum tvívegis til Reykja-
víkur til þess að kaupa inn og ná
okkur í sambönd við ýmis fyrir-
tæki sem flytja inn íþróttavörur,“
sagði Þorsteinn. „Við erum hér
með allar almennar íþróttavörur
og t.d. allt til skíðaiðkana.
Jú, ég kann betur við þetta
heldur en sjóinn enn sem komið
er að minnsta kosti, á meðan vel
gengur. Þótt ekki sé komin löng
reynsla á rekstur þessarar versl-
unar þá sjáum við ekki annað en
að dæmið gangi upp. Við erum
hér í stóru hverfi og fjölmennu og
það vantaði alveg þjónustu af
þessu tagi hingað,“ sagði Þor-
steinn.
Utsala
á dömufatnaði
hefst á mánudaginn.
%
Mikill
afsláttur.