Dagur - 01.02.1983, Blaðsíða 12
msm 8 Pakkningaefni ,ín| 96-2270«, W! I
Akureyri, þriðjudagur 1. febrúar 1983 korkur og skinn |
-Rannsóknarlögregla
ríkisins með
yfirheyrslur
á Akureyri
Komist hefur upp um fjármála-
misferli sem talið er að teygi
anga sína til Akureyrar. Vegna
þessa máls komu menn frá
Rannsóknarlögreglu ríkisins
með leiguflugi til Akureyrar
um helgina og yfirheyrðu hér
mann sem talinn er tengjast
málinu.
Ég get ekki greint efnislega frá
málinu á þessu stigi, að öðru leyti
en því að hér er um alvarlegt fjár-
málamisferli að ræða og að því
tengjast nokkrir menn, sagði
Hallvarður Einarsson, Rann-
sóknarlögreglustjóri ríkisins í
samtali við Dag.
Fjár-
mála-
misferli
Langt gengin í tólf.
Mynd: H.Sv.
Menning blómstrar
í Aðaldal
Hallvarður sagði að nýlega
hefði komist upp um þetta fjár-
málamisferli og hefði verið unnið
að gagnasöfnun og rannsókn
málsins síðustu daga. Hefði Ak-
ureyrarferðin verið liður í þeirri
gagnasöfnun. Var búist við því að
rannsóknarlögreglumennirnir
sneru aftur til Reykavíkur í dag.
Nýja bíó
er hætt
Sagt var frá því í Degi fyrir
nokkru síðan að til stæði að
hætta starfsemi Nýja bíós á Ak-
ureyri.
Nú er þetta orðið staðreynd,
því í gærkvöldi voru síðustu sýn-
ingar í bíóinu og það er nú hætt
starfsemi sinni. Ekki tókst í gær
að ná í Odd Thorarensen einn af
eigendum bíósins til að fá fréttir
af því hvaða starfsemi yrði í hús-
næði bíósins þegar það er hætt.
Indriði Ketilsson á Ytra-Fjalli í
Aðaidal sagði í samtali við
blaðið að menn hefðu verið
heppnir þar með veður í vetur.
Snjólétt væri nú í dalnum þó að
tíðarfarið hefði að undanförnu
verið risjótt.
Aðaldælir héldu sitt þorrablót á
laugardagskvöld í hinu glæsilega
félagsheimili sínu að ídölum. 370
sóttu blótið, en nokkuð á fimmta
hundrað hafi boðað komu sína,
en sökum leiðinlegs veðurs seinni
part dags, höfðu allmargir þeirra
sem um lengri veg þurftu að fara
ekki komist. Þá héldu nemendur
Hafralækjarskóla þorrablót í síð-
ustu viku þar sem foreldrum
barna var boðið.
Menningarlíf í Aðaldal er með
, miklum ágætum. Verið er að æfa
leikritið Saklausi Svallarinn um
þessar mundir, en allnokkur ár
eru nú liðin síðan leikrit hefur
verið fært þar upp. Pað er Einar
Þorbergsson frá Húsavík sem
leikstýrir, en með helstu hlutverk
fara Hanna Guðnadóttir, Heiðar-
garði, Halldór Skarphéðinsson,
Garði og Vilhjálmur Jónasson,
Sílaíæk. Frumsýning er ráðgerð 3.
febrúar.
Karlakórinn Hreimur gaf út
hljómplötu á síðasta ári sem þótti
takast mjög vel, enda mun hún
nánast uppseld. Enskunámskeið
var haldið í Hafralækjarskóla í
vetur. Atli Vigfússon, kennari við
skólann leiðbeindi fólki. Þetta var
tíu kvölda námskeið sem var vel
sótt.
Eini kratinn
r
i
Sauðaneshreppi:
„Pólitískur
munaðarleysingi“
Þá er þorri genginn í garð og tími
árshátíða og þorrablóta runn-
inn upp. Dagur hafði samband
við fréttaritara blaðsins í N-
Þingeyjasýslu í gær og voru
þeir Jón Jóhannsson á Þórs-
höfn og Óli Halldórsson á
Gunnarsstöðum, hressir mjög
enda nýkomnir af fjölmennu
þorrablóti. Blótið var haldið í
félagsheimili Þórshafnar og
sótti það um 370 manns.
Jón kvað atvinnuástandið frek-
ar gott sem stafaði fyrst og fremst
af afla togarans Stakfells sem bú-
inn er að landa um tvö hundruð
tonnum það sem af er þessu ári og
er að koma úr þriðju veiðiferð
ársins nú eftir helgina. Taldi Jón
að hlutur togarans í atvinnumál-
um staðarins yrði seint ofmetinn
nokkuð sem reikningsspekúlant-
ar og aðrir tölfræðingar sem alltaf
væru að reikna út tap gerðu sér
ekki grein fyrir eða gætu skilið.
Frá Þórshöfn eru gerðir út einn
áttatíu tonna bátur og nokkrir
smærri bátar, tíu til tuttugu
tonna. Fáir eru byrjaðir veiðar af
alvöru á þessu nýbyrjaða ári enda
hefur gæftaleysið verið mikið frá
áramótum og afli tregur þegar
gefið hefur á sjó.
Óli Halldórsson sagðist hafa
skynjað það vel á þorrablótinu
kvöldið áður hve forfeður okkar
voru forsjálir á sínum tíma þegar
þeir tóku upp á því að salta, súrsa
og ýlda matinn og sagði að
sannarlega myndum við tapa
miklu af okkar þjóðarmenningu
ef við glötuðum niður þeim
geymsluaðferðum.
Um pólitíkina vildi hann litlu
spá á þessu stigi málsins. Kvaðst
þó ekki búast við miklum breyt-
ingum frá því sem nú er. Þó sagði
hann að það hefði komið fram á
þorrablótinu að það fyndist að-
eins einn krati í Sauðaneshreppi
og væri hann því pólftískur
munaðarleysingi þó hann ætti
e.t.v. skoðanabræður annars
staðar.
Hugur í mönnum
vegna milli-
landaflugsins
Töluverðar vonir eru bundnar
við beina áætlunarflugið milli
Akureyrar og Kaupmanna-
hafnar, sem ákveðið er að hefj-
ist í sumar. Til dæmis hefur
komið til tals að bjóða út gerð
matarpakka í flugvélarnar hér á
Akureyri og gæti orðið um að
ræða 3 þúsund matarskammta í
sumar. Þá skapast nokkur
vinna við lestun og losun vél-
anna og reiknað er með að til
tollgæslustarfa þurfí sex
manns. Áfengisverslun ríkisins
á Akureyri gæti annast fríhafn-
arverslunina með áfenga
drykki, ef af því verður, en of
snemmt er að fullyrða nokkuð
á þessu stigi. Leitað hefur verið
hófanna við fjármálaráðuneyt-
ið og í fyrstu fékk málið ekki
góðar undirtektir
Þetta kom fram á fundi með
fréttamönnum sem Flugleiðir
skíðaráð og ferðamálaaðilar
héldu á Hótel KEA s.l. föstudag.
Fram kom einnig að aðilar utan
Norðurlands hefðu sýnt beinu
flugi frá Akureyri til Kaupmanna-
hafnar áhuga, t.d. Austfirðingar.
Til tals hefur komið að gefa út sér-
stök fyrstadagsumslög í tilefni
þessara tímamóta í íslenskum
flugmálum.
Eins og gefur að skilja er mjög
mikilvægt að þoturnar komi ekki
tómar frá Kaupmannahöfn til Ak-
ureyrar þegar þær koma til að
sækja íslensku farþegana. Því
verður lögð áhersla á að kynna
þennnan möguleika í Danmörku
og Suður-Svíðþjóð. Mikill áhugi
er á málinu hjá starfsfólki sölu-
skrifstofu Flugleiða í
Kaupmannahöfn. Þá er Ferða-
skrifstofa Akureyrar með í undir-
búningi bækling á dönsku til
kynningar á málinu og fulltrúar
frá fyrirtækinu munu væntanlega
geta boðið íslensku farþegunum
upp á ódýra sumardvöl og jafnvel
skipulagðar ferðir í Danmörku.
Sem kunnugt er hafa hótel- og
gistimál á Akureyri verið mörgum
sem að þessum málum vinna
nokkur þyrnir í augum. Hug-
myndir eru uppi innan Ferða-
málafélags Akureyrar að reyna að
fá Skíðahótelið inn í þessa mynd
um sex vikna skeið á mesta ferða-
mannatímanum. Þá hefur heyrst
að hugsanlegt sé að Hrafnagils-
skóli verði rekinn sem einhvers
konar hótel í sumar, en þar hafa
húsmæðraorlofin verið og gæti
orðið einhver tilflutningur á
þeim. Ætlað er að um hundrað
rúm sé að fá í heimahúsum hjá
þeim sem veita „rúm- og morgun-
verðarþjónustu“ (bed and break-
fast service). Munar þar mikið um
Skólastíg 5, sem talið er að geti
hýst 35-40 gesti. Raunar sækjast
sumar erlendar ferðaskrifstofur
beinlínis eftir slikri þjónustu fyrir
ferðamenn sína.
• Að-
Bandalagið
Að ... Vilmundur Gylfason
hélt kynnfngarfund á fimmtu-
dagskvöld á ... að ... Hótel
KEA. Talið er að ... hátt í
300 manns hafi sótt fund-
inn ... að ... og varðhundar
valdsins hafi veriið þar í
meiri... að ... hluta. Flestir
hafi nefnilega ... að ... kom-
ið á fundinn til að ... að ...
að... sjá hverjfr mættu.
Menn hafa það nú f flimting-
umaðbandalagiðhansVil...
að ... mundar... að ... ætti
helst að heita „Að-Bandalag-
íð“. Það var... að.... nú það.
• III meðferð
á hænum
Okkur hafa borist til eyrna
tvær Ijótar sögur sem tengj-
ast illri meðferð á dýrum. Fyrir
skömmu kom vöruflutninga-
bifreið frá Sauðárkrókí til Ak-
ureyrar og meðal farmsíns
voru þrfr kassar, troðfullir af
hænum. Fylgdu þau fyrirmæli
með að kössunum skyldi
staflað fyrir utan vöruflutn-
ingastöðina en Jónas bóndi
Halldórsson, í Sveinbjarnar-
gerði II, átti svo víst að ná í
hænurnar. Hörkufrost var úti
en hænunum var samt sem
áður fundinn staður á gang-
stéttinni. Leið nú og beið og
áhyggjuf ullir starfsmenn
vöruflutningastöðvarinnar
fóru að óttast um heilbrigði
hænanna. Loks tók einn
þeirra af skarið og labbaði
upp í bæ til að sjá hvort hann
fyndi ekki Jónas í Svein-
bjarnargerði. Það tókst, en
Jónas mun hafa komið af fjöll-
um hvað varðaði hænurnar.
Hann hefði ekki átt von á
neinni slíkri sendíngu en hins
vegar mun ekki hafa verið
óalgengt að honum væru
sendar hænur á þennan hátt
til slátrunar. Þess má svo að
lokum geta að Jónas mun
hafa brugðið skjótt við og náð
strax f hænurnar en þá munu
a.m.k. tvær þeirra hafa verið
frosnar í hel.
# Hænurnar
á haugana
önnur hænusaga er úr Önguls-
staðahreppi, en þar mun sá
sem ekur á milli bæja og fjar-
lægir sorpið hafa fundið
plastpoka með óvæntu inni-
haldi. Var maðurinn að
hreinsa ruslið við einn bæinn
er hann tók eftir þvf að einn
pokinn hreyfðist. Er betur var
að gáð kom í Ijós að f pokan-
um voru hænur sem grelni-
lega átti að farga á þennan
hátt. Varð maðurinn að von-
um undrandf, þvf að bændur
hafa hingað til haft önnur og
„mannúðlegri" ráð til að farga
skepnum sínum en að láta
þær kafna á öskuhaugunum.