Dagur - 03.02.1983, Blaðsíða 1

HÁLSFESTAR
8 og14 KARÖT
GULLSMIDIR
SIGTRYGGUR & PÉTUR
AKUREYRI
66.árgangur
kureyrí, fímmtudagur 3. febrúar 1983
14. tölublað
Bráðabirgða-
lögin til
afgreiðslu á
mánudag
- Samþykkt
að mótmæla
ekki hvalveiði-
banni
„Bráðabirgðalögin verða ekki
tekin til afgreiðslu fyrr en á
mánudag. Eg held að allir geri
því skóna að þau nái í gegn um
þingið og að stjórnarandstæð-
ingar muni forða því með ein-
hverjum hætti að þau verði
felld. Svo mikið er í húfl að þeir
þora ekki að taka þá ábyrgð að
fella þau,“ sagði Stefán Val-
geirsson, alþingismaður, í við-
tali við Dag í gærkvöldi.
Sem kunnugt er ventu sjálf-
stæðismenn í stjórnarandstöðu
kvæði sínu í kross þegar þeir, eftir
5 mánaða stanslausa gagnrýni á
bráðabirgðalögin og hótanir um
að fella þau, buðu ríkisstjórninni
að sitja hjá við afgreiðslu þeirra ef
samið yrði um þingrof og kosning-
ar. Þessu hafnaði ríkisstjórnin,
enda um óskyld mál að ræða.
Afgreiðsla útflutningsgjaldsins
kemur fyrir þingið í dag og búist
er við að það verði afgreitt með
aðstoð Vilmundar Gylfasonar.
Stefán Valgeirsson sagði enn-
fremur að margt benti nú til þess
að A-flokkarnir og Sjálfstæðis-
flokkurinn væru að reyna að ná
samkomulagi sín á milli um kjör-
dæma- og kosningamálin. „Það er
auðvitað ljóst að þeir munu reyna
að minnka áhrif Framsóknar-
flokksins og þar með landsbyggð-
arinnar," sagði Stefán.
Mjög tvísýn afgreiðsla um
hvalveiðibannið fór fram á þing-
inu seint í gærkvöldi og var ákveð-
ið með 29 atkvæðum á móti 28 að
mótmæla ekki hvalveiðibanninu
sem tekur gildi 1986.
Undanfama daga hefur verið unnið við að rífa húsin þrjú sem standa við
Geislagötu norðan við Ráðhúsið. Húsin hafa verið óíbúðarhæf um nokkurt
skeið, en í framtíðinni er fyrirhugað að nýta svæðið undir viðbyggingu við
Ráðhúsið. Mynd: ESE
Tveir menn í gæsluvarðhaldi:
„Rannsókn
stendur yfir“
Tveir menn sitja nú í gæslu-
varðhaldi í Reykjavík, vegna
rannsóknar Rannsóknarlög-
reglu ríkisins á ætluðum auðg-
unar- og fjármunabrotum
þeirra. Var annar þeirra úr-
skurðaður í varðhald til 9.
febrúar en hinn til 16. febrúar.
í DV í gær voru birt nöfn þess-
ara manna. Þar sem meginreglur í
íslensku réttarfari gera ráð fyrir
að maður sé saklaus þar til sekt
hans hefur verið sönnuð var Hall-
varður Einarsson, rannsóknar-
lögreglustjóri ríkisins spurður að
þvf í gær hvort játning mannanna
tveggja í þessu máli lægi fyrir.
„Yfirheyrslur standa yfir
núna“, svaraði Hallvarður. Hann
var því næst spurður að því hvort
rannsóknarlögreglan hefði gefið
fjölmiðlum upp nöfn mannanna.
„Það hefur ekki verið að mínu
frumkvæði. Þegar fjölmiðlar leit-
uðu til mín og spurðu hvort hér
væri um tvo menn að ræða sem
voru nafngreindir, staðfesti ég að
svoværi". .
Jöfnun húshitunar-
kostnaðar strandar
á samningum um
hækkun til álversins
„Markmið ríkisstjórnarinnar
er að ná jöfnuði í húshitunar-
kostnaði fyrir 1. maí nk. Niður-
greiðslur á raforku til húshitun-
ar hófust 1. október og þegar er
búið að taka þrjú skref í þessa
átt, en sýnt er að tryggja þarf
sérstaka fjáröflun eigi mark-
miðið að nást,“ . sagði Guð-
mundur Bjarnason, alþingis-
maður, en hann var einn af
nefndarmönnum í nefnd sem
iðnaðarráðuneytið skipaði til
að fjalla um fjáröflun til að
jafna húshitunarkostnað.
Ljóst er að verði raforka til hús-
hitunar ekki greidd niður á þessu
ári má búast við að kostnaður við
rafhitun verði jafnhár kostnaði
við að kynda með óniðurgreiddri
olíu. Markmiðið er að hitunar-
kostnaður með raforku verði 60%
af kyndingarkostnaði með
óniðurgreiddri olíu og að því
verði náð 1. maí eins og áður
sagði.
„Nefndin telur eðlilegt að raf-
orkuverð til stóriðju verði hækk-
að verulega og að stjórnvöld beiti
öllum tiltækum ráðum í því skyni
að tryggja framgang þeirrar kröfu
hið allra fyrsta. Lagt er til að hluta
þess fjármagns sem þannig yrði
aflað verði varið til að tryggja
lægra raforkuverð til húshitunar,
en til að ná þessum markmiðum
þarf 100 milljónir króna á ári mið-
að við verðlag í janúar 1983, auk 6
milljóna til að greiða niður stofn-
kostnað nokkurra dýrra hita-
veitna. Það má geta þess að heiid-
söluverð á raforku til almennings-
veitna hefur að undanförnu verið
fimm sinnum hærra en til álvers-
ins í Straumsvík, eða 400%
hærra. Eðlilegt hefur verið talið
að munurinn væri 50%.
Það getur hver maður séð að
seinagangur í samningum við
álverið um hækkun raforkuverðs
veldur okkur stórkostlegu tjóni
og því miður er samningsstaðan
mun verri nú en fyrir tveimur
árum, en þá hefði að líkindum
verið hægt að ná viðunandi samn-
ingum. Það má því segja að seina-
gangur í samningum við álverið
um hækkun raforkuverðs standi
nú í veginum fyrir því að hægt sé
að jafna húshitunarkostnað
landsmanna. Meðan svona stend-
ur leggur nefndin til að leitað
verði bráðabirgðaleiða t.d. að
nota orkujöfnunargjald," sagði
Guðmundur Bjarnason að
lokum.
íþróttafélögin á Akureyri:
Ferðakostnaður hátt í 3 milljónir
„Ég tel að ferðakostnaður
knattspyrnudeildar Þórs árið
1983 verði um hálf milljón
króna, og það er örugglega
ekki fjarri lagi að ætla að ferða-
kostnaður félagsins alls verði
alveg um ein milljón króna“
sagði Guðmundur Sigurbjörns-
son formaður Knattspyrnu-
deildar Þórs í samtali við Dag.
Ferðakostnaður íþróttáfélaga
úti á landsbyggðinni er stærsti út-
gjaldaliður þeirra. Þó njóta félög-
in þess að félagar þeirra ferðast á
svokölluðum ÍSÍ afslætti með
flugféiögunum og er sá afsláttur
umtalsverður. En sem dæmi um
ferðalög íþróttafélaganna má
nefna að um næstu heigi verða um
80 íþróttamenn frá Akureyri og
Dalvík við keppni í Reykjavík.
Nær allur tími þeirra sem reka
einstaka deildir íþróttafélaga fer í
það að afla fjár til ferðalaganna og
annars reksturskostnaðar, og
menn gefast yfirleitt fljótlega
upp. „Það er ekki hægt að standa í
þessu betli“ er oftast viðkvæðið
þegar þeir hætta.
Ógjörningur er að segja til um
það með nokkurri vissu hvað
íþróttafélögin á Akureyri eyða í
ferðakostnað á ári hverju. En sé
gengið út frá upplýsingum Guð-
mundar Sigurbjörnssonar sem
réttum er ljóst að hér er ekki um
neina smáupphæð að ræða.
Guðmundur sagði að þessi upp-
hæð væri fundin út á þann hátt að
verðbólgureikna ferðakostnaðinn
frá síðasta ári.
Fullyrða má að ferðakostnaður
KA sé nær sá sami og hjá Þór. Fé-
lögin hafa sömu umsvif í hand-
knattleik og knattspyrnu. Þór er
með körfuknattleik en KA á móti
með blak. En þessi íþróttafélög
eru ekki þau einu í bænum.
Skíðaráð Akureyrar er með gífur-
lega mikla starfsemi og mikil
ferðalög skíðafólksins um allt
land til að taka þátt í mótum eru
mjög dýr. Og ekki má gleyma
kostnaður við að senda afreksfólk
í íþróttum erlendis.
Hér hefur ekkert vérið minnst á
íþróttafélagið Eik, Sundfélagið
Óðinn, júdómenn, karatemenn,
Skautafélag Akureyrar, lyftinga-
menn og fleiri sem nefna mætti.
En sé ferðakostnaður akur-
eyrskra íþróttamanna á árinu
1983 lagður saman, þá er ekki
fjarri lagi að áætla að hann sé hátt
í 3 milljónir króna. Og mestmegn-
is er þessa fjár aflað með „betli“
eins og forráðamennirnir orða
það, eða nánar tiltekið, auglýs-
ingum í leikskrár, götuauglýsing-
um, happdrættismiðasölu og þess
háttar.