Dagur - 17.02.1983, Blaðsíða 8
Akureyri, fimmtudagur 17. febrúar 1983
RAFGEYMAR
f BfLINN, BÁTINN, VINNUVÉUNA
Rauðinúpur:
Viðgerðin tafðist um sex
— miklir erfiðleikar hjá Jökli hf. af þessum sökum
„Rekstrarfjárstaðan er mjög
slæm og t.d. var ekki hægt að
greiða út laun fyrir síðustu helgi
og það gerðist einnig tvisvar í
síðasta mánuði. Ástæðan fyrir
þessu er einkum sú að Rauði-
núpur hefur verið frá veiðum
síðan um mánaðamótin októ-
ber-nóvember vegna viðgerðar
hjá Slippstöðinni á Akureyri.
Upphaflega átti viðgerðinni að
vera lokið fyrir jól, en verkinu
seinkaði af ýmsum ástæðum og
við fengum ekki skipið fyrr en í
lok síðustu viku“, sagði Valdi-
mar Þorvarðarson, fram-
kvæmdastjóri Jökuls h.f. á
Raufarhöfn í viðtali við Dag.
Viðgerðin átti að taka 6 vikur
en tók samtals 13 vikur.
Valdimar sagði að í stað
Rauðanúps hafi þeir fengið tvo
báta í viðskipti og leigt sjálfir einn
bát. Þá hafi helmingur af afla
Stakfells farið til Raufarhafnar,
en sem kunnugt er á Jökull h.f.
40% í Stakfellinu á móti Þórs-
hafnarbúum. Venjulega fær
Raufarhöfn fjórðung af afla Stak-
fellsins, en ákveðið var að fram að
jólum fengi frystihúsið á Raufar-
höfn helming aflans, eða þangað
til ætlað var að Rauðinúpur kæmi
úr slipp. Þessi ákvörðum gilti ekki
nema til áramóta og sagði Valdi-
mar að það hefði verið slæmt að
halda ekki áfram að landa helm-
ingi aflans úr Stakfelli á Raufar-
höfn allt þar til Rauðinúpur kom
úr viðgerð. Það hefði bjargað
mjög miklu.
Eins og fram hefur komið í
fjölmiðlum beitti Slippstöðin á
Akureyri haldsrétti til að knýja á
um greiðslur fyrir við-
gerðarkostnaðinum. Forsvars-
menn Jökuls h.f. hafa gert
athugasemdir við reikningana og
einnig vegna vaxtaútreikninga
Slippstöðvarinnar. Valdimar vildi
ekki tjá sig um málið og sagði að
það væri á viðkvæmu stigi, en nú
er verið að reyna að ná samkomu-
lagi um að fella dráttarvexti niður
og lækka reikningana, sem mönn-
um finnst vera athugunarverðir
að ýmsu leyti.
Viðgerðin mun hafa kostað 6,8
milljónir króna með vöxtum og
verðbótaþáttum. Þar af eru vextir
um 200 þúsund krónur og verð-
bætur 260 þúsund krónur. Upp-
haflega mun Slippstöðin hafa tek-
ið einhliða ákvörðun um að draga
úr verkhraða vegna óvissu með
vikur
fjármögnun og tafði það verkið
um einar tvær vikur. Þá hefur
heyrst að undirverktaki Slipp-
stöðvarinnar hafi ekki skilað sín-
um verkáfanga í tíma vegna ein-
hvers ósamkomulags við Slipp-
stöðina um greiðslur.
Jökull h.f. mun hafa verið bú-
inn að greiða 4,9 milljónir inn á
verkið fyrir áramót, þó það hafi
þá ekki verið komið í nema 4,6
milljónir. Áður en Slippstöðin
sleppti skipinu var búið að greiða
alla reikninga. sem þýðir að um
staðgreiðsluviðskipti hafi nánast
verið að ræða.
Litlar líkur
á fríhöfn
í sumar
Eins og skýrt hefur verið frá i
Degi er mikill áhugi á því að
opna fríhöfn á Akureyrarflug-
velli í tengslum við beint flug
til og frá Evrópu í sumar. Ein-
hver Ijón virðast hinsvegar vera
í veginum ef marka má síðustu
fregnir.
„Við snerum okkur til Fjár-
málaráðuneytisins vegna þessa
máls en þá var okkur tilkynnt að
lagabreyting þyrfti að koma til ef
af þessu ætti að geta orðið. Þetta
eru lög frá 1960 og þar er skýrt
tekið fram að fríhafnir skuli vera á
Keflavíkurflugvelli og í Reykja-
vík og ekki annarsstaðar.“, sagði
Sveinn Kristinsson, umdæmiss-
tjóri Flugleiða á Akureyri, er
Dagur ræddi við hann í fyrradag.
- Eru þá ekki litiar lýkur á að
af þessu geti orðið í sumar?
„Ég hef ekki trú á því að það
náist að koma þessu máli í gegn
fyrir sumarið, því miður er ég
ekki svo bjartsýnn. Við héldum
að þetta væri reglugerðarákvæði
sem hægt væri að breyta en svo er
ekki," sagði Sveinn.
Þeir voru ofáir hópamir sem komu á ritstjómarskrifstofur Dags og sungu
fyrir sætindi á öskudaginn. Líklega hafa hóparnir verið eitthvað á þriðja
tuginn en í opnu blaðsins í dag eru birtar myndir af ellefu þcirra. Sökum
plássleysis reyndist ekki unnt að birta fleiri myndir. Drengurinn á með-
fylgjandi mynd heitir Friðrik Þorbergsson og eins og sjá má er búningur
hans hinn athyglisverðasti. Á búningnum stóð Dagur og Nótt og þótti okk-
ur því vel við hæfi að birta þessa mynd. IVIynd: ESE
Skólanefnd Akureyrar:
Vilja að Síðuskóli byrji
í haust í leiguhúsnæði
Skólancfnd Akureyrar hefur
óskað eftir því við bæjaryfír-
völd að stofnaður verði skóli í
Síðuhverfí og rekstur hans haf-
inn í leiguhúsnæði haustið
1983, þar sem Ijóst er að fyrsti
byggingaráfangi verður ekki
tilbúinn.
Þetta var ákveðið á fundi
nefndarinnar 31. janúar s.l. og
þar kom einnig fram að vegna
þess hve hönnun Síðuskóla hafi
gengið hægt, telji skólanefndin að
í náinni framtíð verði að taka af-
stöðu til þeirra tillagna sem nú er
unnið að.
„Þetta er orðið hreint vand-
ræðaástand. Næsta skólaár er gert
ráð fyrir að börn í hverfinu verði
talsvert yfir þrjú hundruð og þau
þurfa að sækja skóla um eins til
þriggja kílómetra langa leið. Þau
dreifast í fjóra skóla og til er í
dæminu að fólk eigi börn sín í
þremur skólum,“ sagði Sigfríður
Angantýsdóttir, formaður skóla-
nefndarinnar í viðtali við Dag.
„Við höfum látið okkur detta í
hug að leigja húsnæði til bráða-
birgða og hefja kennslu 6, 7 og 8
ára barna í haust, en þau gætu
orðið samtals um 120. Hugsanlegt
er að notast við stórt einbýlishús
og ef við finnum húsnæði mun
verða farið fram á það við
menntamálráðuneytið að heimild
fáist til að ráða skólastjóra fyrir
haustið.
Því miður hefur hönnun Síðu-
skóla gengið allt of hægt. Fyrstu
tillögurnar komu fram í endaðan
nóvember á síðasta ári og tillögur
eru væntanlegar aftur næstu daga.
En það er ljóst að við verðum að
ná einhverjum áfanga í sumar,
koma einhverju upp úr jörðinni,
þannig að hægt verði að ljúka 1.
áfanga skólans fyrir skólaárið
1984-5. Þetta er orðinn það mikill
fjöldi barna og óhagræðið mikið.
Þess má geta að áætlað er að 1990
verði börn sem sækja skóla í
hverfinu orðin 700 talsins," sagði
Sigfríður Angantýsdóttir að
lokum.
Hellusteypan sf.:
Steypa 40 þús.
steina í göngugötu
Bæjarráð Akureyrar hefur
samþykkt að heimila bæjar-
verkfræðingi að semja við
Hellusteypuna sf. um fram-
leiðslu á þúsund fermetrum af
götusteini vegna göngugötunn-
ar í Hafnarstræti.
Að sögn Arngríms Kristjáns-
sonar, hjáHellusteypunni sf., eru
þessir þúsund fermetrar þriðjung-
ur af því magni sem þarf í göngu-
götuna alla. Steinarnir eru mjög
litlir og fara 40 í hvern fermetra
þannig að alls eru það 40 þúsund
steinar sem um er að ræða í þess-
um áfanga. Sagði Arngrímur að
hann reiknaði með að ljúka
steypu þessarra steina í lok næsta
mánaðar.
# Naumast
þeim liggur á
Útvarpshlustendur hafa tekið
eftir því þegar dagskrárliðir
frá RUVAK (Ríkisútvarpið Ak-
ureyri) eru á dagskrá að lítið
stef er leikið bæði á undan og
á eftir kynningu viðkomandi
dagskrárliðar. - Þeir hinir
sömu hafa eflaust tekið eftir
því hversu gífurlega þulunum
fyrir sunnan liggur á að kom-
ast að eftir að þessum dag-
skrárliðum líkur. Oft og iðu-
lega byrja þeir að kynna
næsta dagskrárlið ofan í stef
RÚVAK og jafnvel hefur kom-
ið fyrir að þeir gefa þul á Akur-
eyri ekki tækifæri til að af-
kynna. Ekki veit skrifari þess-
ara lína hvað veldur þessum
hamagangi þulanna í Reykja-
vík. Þeir ættu hinsvegar að
reyna að venja sig af þessu
enda er þetta ákaflega hvim-
leitt.
# Ekkijókst
virðingin
Beina sjónvarpsútsendingin
frá Alþingi sl. mánudags-
kvöld sýndi sjónvarpsáhorf-
endum ýmislegt sem kom á
óvart. Furðulegt andrúmsloft
virtist ríkja í þingsalnum þeg-
ar að atkvæðagreiðslu um
bráðabirgðalög ríkisstjórnar-
innar kom. Þannig var furðu-
legt að sjá til kratanna í öft-
ustu sætaröð en þeir sátu þar
flissandi mest allan tímann.
Var ekki hægt að merkja að at-
kvæðagreiðsla um mjög
mikilvægt mál ætti sér stað og
sennilega hefur virðing al-
mennings gagnvart þessari
stofnun aukist mjög.
# Körfubolta-
menn eru
sárir
Einn er sá hópur íþrótta-
manna í höfuðstað Norður-
lands sem enn hefur ekki get-
að nýtt sér hina glæsilegu að-
stöðu sem nýja íþróttahöllin i
heimabæ þeirra bíður upp á
en þetta eru körfuboltamenn.
Körfurnar sem nota á í höll-
inni komu til landsins fyrir
stuttu þrátt fyrir að höllin hafi
verið opnuð til æfinga í byrjun
desember. En það er ekki nóg
að körfurnar séu komnar til
landsins og til Akureyrar því
ekki eru til peningar til að
leysa þær út. Körfuboltamenn
bæjarins sem eiga fjóra leiki
eftir á heimavelli sínum eru
því farnir að gera þv( skóna
að þeir eigi ekki að komast inn
( höllina til að spila þessa
leiki. Þetta þýðir tekjutap fyrir
þá fyrir utan sárindin að vera
sá hópur sem hafður er utan-
veltu þegar loksins hefur
skapast glæsileg aðstaða til
knattleikja innanhúss í
bænum. Það er víst engu log-
ið þótt sagt sé að körfubolta-
menn á Akureyri séu þeir
íþróttamenn bæjarins sem
daprastir eru í skapinu þessa
dagana.