Dagur - 22.02.1983, Blaðsíða 3

Sauðárkrókur:
Vilja fá
útsölu ÁTVR
Sauðárkróksbúar kusu á
sunnudaginn um hvort opna
ætti áfengisverslun í bænum.
Kosningaþátttaka var mjög
góð og 1020 manns kusu en á
kjörskrá voru 1409. Kosninga-
þátttaka varð því 72,39%. Með
opnun kusu 603 en á móti 403.
Auðir seðlar voru 10 og ógildir
4.
Þetta er í þriðja skipti síðan
1974 sem kosið er um sama efni á
staðnum. í fyrsta skipti var málið
fellt með rúmlega hundrað at-
kvæða mun en aðeins fjórum at-
kvæðum fyrir tveimur árum.
Árni Ragnarsson, formaður
ferðamálanefndar bæjarins, sagði
í viðtaii við blaðið að Sauðár-
króksbúar hefðu nú.talað á mjög
skýran hátt í þessu máli, þar sem
ótvíræður stuðningur meirihluta
bæjarbúa við málið hefði komið í
ljós, án þess að skipulagður
áróður hefði verið hafður í
frammi.
„Ég held að yfirvöld þurfi ekki
að vera í vafa um að áfengisversl-
un eigi að koma í bæinn eftir þessi
úrslit", sagði Árni. Ekki vildi
neinn þeirra manna sem í náðist
og á móti áfengisverslun voru tjá
sig um niðurstöður kosninganna.
Það næsta í málinu mun vera að
það verður sent til fjármálaráðu-
neytis sem tekur endanlega
ákvörðun um hvort verslunin
mun verða sett upp á staðnum.
Ó.J.
Hluti bifreiðastjóranna fyrir utan nýja húsnæðið Óseyri 1. Mynd: ESE
Stefnir í nýtt og
glæsilegt húsnæði
Um síðustu helgi flutti Bif-
reiðastöðin Stefnir og Vöru-
bflstjórafélagið Valur í ný og
glæsileg húsakynni að Óseyri 1.
A þessari nýju stöð verður, auk
flutningaþjónustunnar, boðið
upp á fjölbreytt úrval af bensín-
og olíuvörum og selt verður
tóbak og sælgæti.
Það er Sjúkra- og orlofs-
heimilasjóður Vörubílstjórafé-
lagsins Vals sem hefur fjármagn-
að kaupin á hinu nýja húsnæði en
samkvæmt upplýsingum Stefáns
Árnasonar, framkvæmdastjóra,
þá munu yfirleitt vera starfandi
um 49 bílstjórar hjá Stefni þar af
sex í reglubundnum flutningum á
milli Reykjavíkur og Akureyrar.
í»á hefur Stefnir afgreiðslu fyrir
vöruflutninga á milli Sauðárkróks
og Akureyrar.
Er húsnæðið að Óseyri 1 var
vígt sl. föstudag hélt Gunnar
Árnason, bifreiðastjóri, smá tölu
fyrir hönd byggingarsjóðs og
stöðvarinnar og þakkaði hann
sérstaklega fjórum mönnum
framlag þeirra til þessarar bygg-
ingar. Áð öðrum ólöstuðum
hefðu þeir Pétur Jónsson, Hreið-
ar Gíslason, Sigfús Sigfússon og
Valgeir Ásbjarnarson átt hvað
mestan þátt í að gera nýju stöðina
að veruleika.
Þess má geta að Stefnir hefur
nú yfir um sex hundruð fermetra
húsrými að ráða en fjögur hundr-
uð fermetrar eru leigðir út til ann-
arar starfsemi. Eru þetta óneitan-
lega mikil viðbrigði fyrir bílstjór-
ana og annað starfsfólk því að í
gömlu húsakynnunum sem tekin
voru í notkun 1946 var húsrýmið
aðeins um eitt hundrað og þrjátíu
fermetrar.
Skekkja í skrúfu-
öxli Örvars HU 21
„Ég veit ekki nákvæmlega
hvernig útgerð Örvars hefur
gengið. Það eina sem hægt er
að hafa eftir mér í því sambandi
er að ég tel að þetta komi betur
út en að gera út á ís,“ sagði
Sveinn Ingólfsson fram-
kvæmdastjóri Skagstrendings
h.f. á Skagaströnd en það fyrir-
tæki gerir út togarann Örvar.
Þar um borð er aflinn fullunn-
inn og frystur.
„Við byrjuðum útgerð á Örvari
24. apríl á sl. ári þannig að það er
ekki komið að ársuppgjöri. Þá ber
þess að geta að viðhaldskostnaður
er ekki farinn að segja til sín enn á
þessum tækjum sem við erum
með um borð. Því get ég ekkert
sagt um þetta annað en þetta virð-
ist hagkvæmara en að gera út á ís
en hversu mikið hagstæðara get
ég ekki sagt.“
- NúhefurÖrvarveriðíslippá
Akureyri að undanförnu.
„Hann er í svokallaðri 6 mán-
aða ábyrgðarskoðun. Það virtist
ekkert vera að, en ég held að það
hafi komið í ljós einhver skekkja
í skrúfuöxli." En ég veit ekki ná-
kvæmlega hvers eðlis þetta er.“
Fjöldi manns heiðraður
fyrir öruggan akstur
Laugardaginn 19. febr. s.l. var
aðalfundur klúbbsins Öruggur
akstur haldinn að Hótel KEA.
Fundinn sóttu um 80 manns.
Framsöguerindi fluttu Björn
Mikaelsson, lögreglumaður á
Akureyri og Baldvin Ottósson,
lögregluvarðstjóri í Reykjavík
og er hann einnig formaður
Landssamtaka klúbbanna. Á
fundinum heiðruðu Samvinnu-
tryggingar 164 ökumenn fyrir
5,10 og 20 ára tjónlausan
akstur. Að lokum þáðu fundar-
menn veitingar í boði
klúbbsins.
Ein tillaga barst um skipan
stjórnar og var hún samþykkt.
Formaður Björn Mikaelsson Ak-
ureyri. Aðrir í stjórn Gísli Magn-
ússon og Heiðrún Steingrímsdótt-
ir Akureyri. Varastjórn Hákon
Hákonarson Akureyri og Árni
Arnsteinsson Dunhaga.
í tilefni af Norrænu umferðar-
öryggisári 1983 vill klúbburinn
hvetja alla vegfarendur til að sýna
varúð og tillitssemi í umferðinni.
Sautján ár eru nú frá stofnun
fyrsta klúbbsins. 1 samþykkt
klúbbanna segir m.a. að hlutverk
þeirra sé að stuðla að bættu um-
ferðaröryggi, hver á sínum stað.
Verkefnið virðist endalaust en
með sameiginlegu átaki allra
landsmanna mætti fá miklu áork-
að.
Dagana 24. og 25. febr. n.k.
verður haldinn í Reykjavík 9.
fulltrúafundur klúbbanna. Verk-
efni fundarins verður meðal ann-
ars umræður um áherslu á aukna
umferðarfræðslu almennings og
aukna samvinnu við lögreglu og
umferðarnefndir á hverjum stað.
í Eyfjörð fást eingöngu gagnlegar vörur.
Verðið er gott fyrir og enn batnar það.
10% afmæl isafsláttur
af öllutn vörum verslunarinnar frá 1.-11. mars.
Áður Nú
Kuldaúlpur 1.780 1.600
Kuldaúlpur 800 720
Stakkar 580 520
Vélsleðagallar 2.897 2.600
Dúnvesti 550 495
Dúnstakkar 950 855
Gallabuxurkarlmanna 360 320
Stretch gallabuxur 550 495
Barnagallabuxur 193 173
Barnaflauelsbuxur ... 195 175
Dömuflauelsbuxur .... 235 210
Bruno tvíhleypa ..... 15.357 13.800
Eyfjörö
Hjalteyrargötu 4,
sími25222
22.; febrúar 1983 - DAGUR - 3