Dagur - 22.02.1983, Blaðsíða 8
Húsavík:
Fjórir bátar
famir vegna
aflaleysis
Húsavík 21. fcbrúar.
Nú er svo komið að fjórir stórir
bátar frá Húsavík eru farnir
burt og verða gerðir út frá
Snæfellsnesi og Þorlákshöfn á
næstunni. Ástæðan er fyrst og
fremst afla- og gæftaleysi hér
heirna.
í samtali viðTryggva Finnsson,
forstjóra Fiskiðjusamlags Húsa-
víkur kom fram að auðvitað væri
bagalegt að missa þessa báta burt.
Hann kvaðst hins vegar skilja
mæta vel afstöðu útgerðarmanna.
Þetta væri ekkert annað en hrein
sjálfsbjargarviðleitni. Aflabrögð
hefðu verið með eindæmum léleg
og gæftir stirðar. Frá áramótum
hefði vinna hjá Fiskiðjusamlaginu
fallið niður í átta eða níu daga
vegna hráefnisskorts. Tryggvi
kvað alvarlegast í þessum málum,
þá staðreynd að þetta væri annað
árið í röð sem afli hefði brugðist á
þessum hefðbundnu grunnslóð-
um Húsavíkurbáta og þótt það
hefði verið algengt á árum áður að
bátar færu suður á vetrarvertíð þá
þætti það miður fýsilegur kostur í
dag.
Þess má að lokum geta að
bátaaflinn er um helmingur af öll-
um þeim afla sem á land berst hér
á Húsavík.
-ÞB
Umferðar-
öryggisár
Nú er norrænt umferðarörygis-
ár og allir ættu að leggja fram
sinn skerf til að bæta umferð-
armenninguna, á Akureyri sem
annars staðar, en oft hefur ver-
ið haft á orði að umferðar-
menning Akureyringa væri
ekki bcinlínis til fyrirmyndar.
Að einhverju leyti má sjálfsagt
rekja það til þess að skipulag er
ekki alls staðar eins gott og vera
skyldi, t.d. í miðbænum þar sem
bráðabirgðalausnir verða oft að
langtímalausnum í reynd. Með-
fylgjandi myndir tók Páll ljós-
myndari Pálsson í Skipagötunni
þar sem óheimilt er að leggja bíl-
um eftir að tekin var upp tvístefna
til bráðabirgða í fyrra haust. Á
annarri myndinni sést hvar lagt
hefur verið í báðar áttir sömu
megin götunnar og á hinni má sjá
bíl sem lagt hefur verið rétt við
gatnamót, sem af þeirri ástæðu
einni nægir til að gera hann rang-
stæðan, þó ekki kæmi til stöðu-
bann við götuna.
Föstudaginn 18. febrúar var haldinn stofnfund-
ur F.U.F. á Akureyri. Fundurinn var vel sóttur.
Erindi fluttu þeir Finnur Ingólfsson, formaður
S.U.F. og Áskell Þórisson, framkvæmdastjóri
S.U.F. Síðan voru almennar umræður og fyrir-
spurnir. Á meðan á þessum umræðum stóð komu
þeir Guðmundur Bjarnason og Stefán Valgeirs-
son á fundinn. Koma þeirra varð til að lífga um-
ræður enn frekar. Veittu þeir fundarmönnum
ýmsar upplýsingar um stöðu þjóðmála.
Að umræðum loknum var kosin stjóm til að
undirbúa framhaldsstofnfund þar sem lög og
reglur fyrir félagið verða endanlega ákveðin.
Stjómina skipa: Ásgeir Arngrímson, Áslaug
Magnúsdóttir, Björn Snæbjömsson, Bragi Berg-
mann og Fjóla Friðriksdóttir. Framhaldsstofn-
fundur verður auglýstur síðar en þeir sem hann
sitja verða taldir stofnfélagar.
Þessi unga stúlka á myndinni heitir Sólveig Tryggvadóttir og er frá Kópaskeri. Þar sér hún um dreifingu Dags og hefur
staðið sig eins og herforingi þrátt fyrir ungan aldur. Er foreldrar hennar áttu til til Akureyrar notaði Sólveig auðvitað
tækifærið og brá sér með og skoðaði aðstöðuna í Strandgötu 31. Jóhann Karl Sigurðsson, framkvæmdastjóri, gekk
með henni um húsið og sýndi henni hvernig lífið gengur fyrir sig á blaði sem Degi. Einna mest fannst Sólveigu koma til
tölvusetningartækjanna og þvi notaði hún tækifærið og settist þar er staður var valinn fyrir myndatöku. Með henni á
myndinni er Guðjón Heimir Sigurðsson, setjari. Mynd: ESE
Starfsmannakór
stofnaður á
verksmiðjum
Iðnaðardeildar
Félagsstarf starfsmanna í verk-
smiðjum Iðnaðardeildar á Ak-
ureyri stendur nú með miklnm
blóma og það nýjasta er að þar
hefúr verið stofnaður starfs-
mannakór. Þátttakendur í hon-
um eru 37 manns sem æfa nú af
kappi. Stjórnandi er Árni Ingi-
mundarson, landskunnur
hljómlistarmaður sem starfar
hjá Iðnaðardeild en hann hefur
meðal annars stjórnað mörgum
kórum, m.a. karlakórnum
Geysi í fjöldamörg ár.
Starfsmannafélagið hefur einn-
ig tekið upp samstarf við félag
starfsmanna hjá verksmiðjunni
Álafoss. Að sögn Júlíusar Thor-
arensen, formanns félagsins á Ak-
ureyri, er fyrirhuguð heimsókn
þeirra Álafossmanna til Akureyr-
ar nú um hvítasunnuna. Þar munu
ýmsir áhugamannahópar frá
báðum stöðum hittast og leiða
saman hesta sína, svo sem kórfé-
lagar, skákmenn, bridgemenn,
fótboltamenn og fleiri.
(Úr Sambandsfréttum)
Magnús
í Rauða
húsinu
Laugardaginn 26. febrúar opn-
ar Magnús V. Guðlaugsson
sýningu á verkum sínum í
Rauða húsinu.
Magnús lærði til myndlistar í
Reykjavík og Hollandi. Hann
hefur haldið margar sýningar og
sýndi í Rauða húsinu í september
1981. Hann var einn íslensku
þátttakendanna á Parísar-tvíær-
ingnum á liðnu ári.
í Rauða húsinu mun Magnús að
þessu sinni sýna málverk í anda
„nýja málverksins“ svokallaða
sem er ríkjandi stefna meðal
myndlistarmanna um þessar.
mundir, jafnt vestan hafs og aust-
an. Sem fyrr segir hefst sýningin
þann 26. þ.m. klukkan 16 og
stendur til 3. mars. Hún er opin
alla daga milli kl. 16 og 20.