Dagur - 04.03.1983, Blaðsíða 7

Um þessar mundir stendur yfir Norræn fjölskyldulandskeppni á skíðum.
Fyrirkomulag keppninnar er með svipuðu fyrirkomulagi og tíðkast hefur í
samnorrænu sundkeppnunum og telst sú þjóðin hafa unnið sem á hlutfallslega
flesta þátttakendur í keppninni. Eins og fram kemur hér á síðunni höfum við
íslendingar farið allt annað en vel af stað en þar er auðvitað fyrst og fremst um
að kenna óblíðri veðráttu og snjóleysi um mest allt land. En það þarf ekki svo
mikinn snjó í raun og veru til að hægt sé að ganga eða renna sér á skíðum. Það
komumst við að raun um er við litum upp í Hlíðarfjall í vikunni. Til þess að
vekja athygli á umræddri keppni og almenningsíþróttum yfirleitt fengum við til
liðs við okkur nokkra kunna borgara og héldum upp í fjall. Þeir sem lögðu
okkur lið voru: Ingólfur Árnason, rafveitustjóri, Kristinn J. Jónsson,
framkvæmdastjóri Eimskips á Akureyri, Sigurður Aðalsteinsson,
framkvæmdastjóri Flugfélags Norðurlands, Björg Finnbogadóttir,
útivinnandi húsmóðir, Vilhelm Jónsson, starfsmaður Skíðastaða og
Sigurlaug Magnúsdóttir, húsmóðir. Auk þeirra
sexmenninganna er rætt við Hermann
Sigtryggsson, íþróttafulítrúa og
Þröst Guðjónsson, formann
Skíðaráðs Akureyrar.
Sigurður
Aðalsteinsson
- Ætli það séu ekki svona fjögur
ár síðan ég byrjaði að stunda
skíðagöngu. Ég byrjaði á gamals
aldri, eins og það er kallað, og
eftir að hafa verið í þessu í þessi
fjögur ár þá gæti ég varla hugsað
mér betri almenningsíþrótt.
Þarna fer saman mjög góð hreyf-
ing og holl útivera og ég vil ein-
dregið hvetja fólk til þess að reyna
skíðagönguna, sagði Sigurður,
sem í gærmorgun hélt áleiðis til
Svíþjðar þar sem hann mun taka
þátt í hinni heimsfrægu Vasa-
skíðagöngu ásamt nokkrum öðr-
um Akureyringum.
Kristinn J.
Jónsson
- Ég er alinn upp á skíðum á
Siglufirði og þó svo að ég hafi ekki
stundað skíðaíþróttina af miklu
kappi undanfarin ár þá tel ég mig
hiklaust geta mælt með skíða-
íþróttinni sem almenningsíþrótt.
Þetta er mjög alhliða hreyfing og
ef fólk er með höfuðverk þá veit
ég enga aðra leið betri til að losna
við hann en að fara á skíði, sagði
Kristinn J. Jónsson, en hann hef-
ur stundað sund af miklum krafti
undanfarin 15 ár. Ástæðan fyrir
því að Kristinn fór að stunda sund
var þátttaka í samnorrænu. sund-
keppninni en síðan hefur Kristinn
bætt blakinu við og keppir nú með
félögum sínum úr sundlauginni í
blakkeppni öldunga, 32 ára og
eldri. Hefur liðið hafnað í öðru
sæti á íslandsmótinu undanfarin
tvö ár.
Sigurlaug
Magnúsdóttir
- Það er ekki langt síðan ég byrj-
aði að stunda skíðin. Ætli það séu
ekki svona sex eða sjö ár síðan en
þegar ég byrjaði að fara í fjallið þá
hafði ég aldrei stigið á skíði áður.
En þetta hefur gengið ljómandi
vel og ég veit fátt yndislegra en að
fara á skíði. Ég neita því ekki að
mér finnst skemmtilegra að vera á
svigskíðum en ef það er mikið af
fólki í fjallinu þá skelli ég mér á
gönguskíðin. Það er jú mikið
meiri áreynsla í göngunni en þetta
er frábær hreyfing og í fjallið fer
ég eins oft og veður leyfir, sagði
Sigurlaug Magnúsdóttir, en hún
vildi eindregið hvetja fólk til að
taka þátt í Norrænu fjölskyldu-
landskeppninni. Betri hreyfingu
og útiveru væri ekki hægt að fá.
Ingólfur
Árnason
- Ég byrjaði að stunda skíðin
sem strákurhérá Akureyri en síð-
an lá þetta niðri hjá mér í mörg ár.
Ég byrjaði síðan aftur á þessu á
seinni árum og nú fer ég yfirleitt á
gönguskíði um helgar og reyni að
vera þetta þrjá til fjóra klukku-
tíma í senn. Það er bráðnauðsyn-
legt að reyna vel á sig, fá svitann
til að perla og fá þreytuverki í
vöðva, en ég vil taka það skýrt
fram að það er mjög mikilvægt að
fólk kunni sér hóf og ofgeri sér
ekki. Það hefur verið vel hugsað
um okkur göngumennina hér á
Akureyri og ef það er snjór þá er
aðstaða til skíðagöngu mjög góð
og ég vil eindregið hvetja fólk til
að taka þátt í þessari keppni. Ég
hef greinilega fundið að eftir að ég
byrjaði að stunda almennings-
íþróttir þá hef ég getað haldið lík-
amanum við, sagði Ingólfur
Árnason, en hann stundar jafn-
framt sund og badminton í góðra
vina hóp.
Björg
Finnbogadóttir
- Ég tel að þessi Norræna fjöl-
skyldulandskeppni á skíðum
muni virka ákaflega hvetjandi á
fólk. Það hefur sýnt sig í sambæri-
legum keppnum að við viljum
standa okkur vel og þó að snjó-
leysið hafi háð okkur hér á Akur-
eyri þá er vonandi eftir að lagast
og þá verðum við ekki eftirbát-
ar annarra í þessari keppni. Það
er nú orðið ansi langt síðan ég fór
að stunda skíðin á nýjan leik og
nú læt ég eiginlega ekkert tækifæri
ónotað til að komast upp í fjall.
Öll útivera og allar íþróttir hafa
ótvírætt mjög góð áhrif á fólk
bæði andlega og líkamlega og ég
vil því eindregið benda fólki á að
vera með. Það væri t.d. góð byrj-
un að taka þátt í þessari fjöl-
skyldulandskeppni. Hér á Akur-
eyri erum við það heppin að öll
aðstaða til iðkunar almennings-
íþrótta er mjög góð og allir ættu
því að geta fundið eitthvað við sitt
hæfi, sagði Björg Finnbogadóttir,
en auk skíðaíþróttarinnar stundar
hún sund reglulega og gengur auk
þess daglega til vinnu sinnar um
alllangan veg.

„Við eigum góða mögu-
leika á sigri í keppninni“
- segir Hermann Sigtryggsson, íþrótta- og æskulýðsfuIItrúi Akureyrar

- Við eigum góða möguleika á sigri í þessari keppni miðað við
þær reglur sem gilda en snjóleysið að undanförnu hefur vissu-
lega sett strik í reikninginn. Það þýðir þó ekkert að leggja árar
í bát þó á móti blási. Við verðum að höfða til metnaðar og
þjóðerniskenndar íslendinga og ég er viss um að við munum
hafa sigur þegar upp er staðið, sagði Hermann Sigtryggsson,
íþróttafulltrúi Akureyrar, í samtali við Dag.
Sú keppni sem Hermann ræðir
þarna um er Norræna fjölskyldu-
landskeppnin á skíðum sem nú
stendur yfir e’n keppni þessi hófst
1. janúar sl. og mun standa fram
til 30. apríl nk. Ekki horfir byr-
lega enn sem komið er fyrir ís-
lendingum í keppninni því að 10.
febrúar var landinn ekki kominn á
blað en Finnar höfðu þá forystu
með 3.100 þátttakendur og 147.6
stig. Þess má geta að aðeins hefði
þurft 148 íslendinga til að slá
Finnum þar við og hreppa efsta
sætið því að samkvæmt þeirri
hlutfallsreglu sem gildir þá jafn-
gildir einn íslendingur tuttugu og
einum Finna, þrjátíu og sex og
hálfum Svía, sautján komma níu
Norðmönnum og ellefu komma
tuttugu og fimm Dönum. Sigur-
möguleikar eru því góðir svo
fremi sem einhver fer á skíði en
samkvæmt upplýsingum Her-
manns er þetta allt á uppleið og
samkvæmt nýjustu tölum höfðu
hátt á fjórða hundrað íslendingar
tekið þátt í keppninni á landinu
öllu.
- Ég tel líklegt að það verði
skipulögð innanlandskeppni
samhliða Norrænu fjölskyldu-
landskeppninni og þá tel ég víst
að þátttakan muni aukast til
muna. Reynslan frá Norrænu
sundlandskeppninni bendir til
þess og það er eins og að íslend-
ingar hafi meira gaman af því að
klekkja á keppinautunum innan-
lands en nágrönnunum á Norður-
löndunum, segir Hermann og
brosir. Hann bendir á að auðvelt
sé að ná þessu fimm klukkustunda
marki sem sett hefur verið á einni
góðri skíðahelgi, t.a.m. um pásk-
ana og því sé engin ástæða til að
örvænta enn.
/ - Við vinnum ótrauðir þrátt
fyrir veðráttuna en veðrið er nokk-
uð sem við verðum bara að læra
„Við biðjum
■ f
um snjo
á hverju kvöldi“
- segir Þröstur Guðjónsson,
formaður Skíðaráðs Akureyrar
- Þaö eru enn góðar aðstæður til skíðaiðkana þrátt fyrir snjó-
leysið að undanförnu og ég vil eindregið hvetja fólk til þess að
koma upp í fjall og nota þann snjó sem fyrir hendi er, sagði
Þröstur Guðjónsson, formaður Skíðaráðs Akureyrar, er hann
var inntur eftir möguleikum til skíðaiðkana í Hlíðarfjalli.
Þröstur sagði að fyrir ofan
Strýtu væri sæmilegasta aðstaða
til iðkunar alpagreina skíða-
íþróttarinnar en göngumönnun-
um væri bent á svæðið fyrir ofan
Stórholt. í báðum tilfellum væri
hægt að komast að þessum skíða-
svæðum með stólalyftunni en auk
þess væri hægur vandi fyrir göngu-
fólkið að ganga á skíðum frá
Skíðastöðum upp á svæðið. Að
sögn Þrastar hefur borið nokkuð á
því að fólk héldi að Norræna fjöl-
skyldulandskeppnin á skíðum
væri aðeins fyrir göngufólkið en
svo væri alls ekki. Fólk gæti ekki
síður tekið þátt í keppninni á
svigskíðum, stökkskíðum ogjafn-
vel hjólaskíðum og það eina sem
þyrfti að gera væri að fara fimm
sinnum á skíði, klukkutíma í
senn. Búið væri að dreifa þátt-
tökulistum í hvert hús í bænum og
það eina sem þyrfti að gera væri
að fylla listann út að lokinni
keppni og koma honum til réttra
aðila. Tekið væri á móti listunum í
Skíðahótelinu og á skrifstofu
íþrótta- og æskulýðsráðs, Ráð-
hústorgi 3, þar sem komið hefði
verið fyrir sérstökum póstköss-
um og eins væri hægt að senda
þátttökulistana í pósthólf Skíða-
ráðs Akureyrar en númerið væri
706.
- Því er ekki að leyna, sagði
Þröstur, - að við biðjum um snjó á
hverju kvöldi áður en við förum
að sofa og það er mikið í húfi ef
ekki rætist úr þessu snjóleysi.
Páskatrimm Flugleiða verður um
páskana og síðan þurfum við að
hafa áhyggjur af Únglingameist-
aramóti Islands og Andrésar
Andar leikjunum. En ég trúi ekki
öðru en það snjói, sagði Þröstur
Guðjónsson.
Þátttökuhlutfall
í keppninni
í Norrænu fjölskyldulands-
keppninni á skíðum sem nú
stendur yfir er þátttökuhlutfall
hinna einstöku Norðurlanda
sem hér segir:
.... 11.25
.... 21.00
Danmörk
Finnland
ísland ...
Noregur
Svíþjóð
1.00
17.90
36.50
Þetta hlutfall er einfaldlega
reiknað út frá íbúafjölda og
sýnir t.a.m. að íbúafjöldi Finn-
lands er tuttugu og einu sinni
meiri en íbúafjöldi fslands.
/
Island
ekki komið á blað
Samkvæmt upplýsingum
sænska skíðasambandsins þá
höfðu Finnar forystu í Nor-
rænu fjölskyldulandskeppn-
inni 10. febrúar sl. en þá leit
þátttökutaflan svona út:
1. Finnland 3.100 kepp. - 147.6 stig.
2. Noregur 2.342 kepp. - 130.8 stig.
3. Svíþjóð 3.975 kepp. - 108.9 stig.
4. Danmörk 312 kepp. - 27.7 stig.
5. íslandOkepp. -O.Ostig.
Það er ljóst að betur má ef
duga skal en það er rétt að geta
þess að ef 148 íslendingar
hefðu verið komnir á blað 10.
febrúar þá hefði ísland verið í
efsta sæti.
Merki keppninnar
Allir geta fest kaup á merki
Norrænu fjölskyldulands-
keppninnar á skíðum. Merkin
eru tvenns konar, úr málmi og
úr taui og kosta þau aðeins 50
krónur. Þessi merki eru eins að
uppbyggingu á öllum Norður-
löndunum og eru þjóðfánar
allra landanna í lit á merkjun-
um.
að lifa með. íslensk veðrátta getur
verið óblíð en ég hef samt trú á
því að við fáum nægan snjó og
næga þátttöku til að sigra í þessari
keppni. Veturinn 1963 var mjög
svipaður þessum hvað veðurfar
áhrærir og það var svo til snjólaust
fram í miðjan mars. Þá byrjaði að
snjóa og það var mikill snjór það
sem eftir var vetrar og ég hef trú á
að raunin verði sú sama að þessu
sinni, sagði Hermann Sigtryggs-
son.
i . .'i *.
t •**ij«**
»»

Hermann Sigtryggsson og Þröstur Guðjónsson.
6 - DAGUR - 4. mars 1983
4. mars 1983 - DAGUR - 7