Dagur - 11.03.1983, Blaðsíða 4

ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
S(MI: 24222
ÁSKRIFT KR. 100 Á MÁNUÐI - LAUSASÖLUVERÐ 12 KR.
RITSTJÓRI OG ÁBYRGÐARM.: HERMANN SVEINBJÖRNSSON
BLAÐAMENN: EIRÍKUR ST. EIRfKSSON, GYLFI KRISTJÁNSSON,
ÓLAFUR JÓHANNSSON (SAUÐÁRKRÓKI) OG
ÞORKELL BJÖRNSSON (HÚSAVÍK)
AUGLÝSINGASTJÓRI: FRÍMANN FRÍMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Glapræði að fara
í tvennar kosningar
Alþýðubandalagið og stjórnarandstaðan
hafa nú sameinast í nýjum meirihluta á Al-
þingi með tillögu sinni um að þing komi
saman innan 18 daga frá kosningunum í
apríl. ítrekaðar yfirlýsingar liggja fyrir af
hálfu formanna Alþýðubandalagsins og
Sjálfstæðisflokksins um að þeir vilji tvennar
kosningar í sumar og framsóknarmenn líta
þannig á tillöguna um að þing komi saman
um hálfum mánuði eftir kosningarnar í apríl
sem aðeins sé verið að undirbúa jarðveg-
inn. Yfirlýsingar formanns Alþýðuflokksins
um að ekkert liggi fyrir um að þetta þýði
tvennar kosningar eru til þess eins að slá
ryki í augu kjósenda.
Tvennar kosningar með stuttu millibili í
sumar geta haft ógnvekjandi afleiðingar í
för með sér fyrir efnahagsmál þjóðarinnar.
Það er nokkuð ljóst að ekki yrði tekið á efna-
hagsmálunum milli kosninga heldur yrði
þeim tíma varið í að breyta stjórnarskrár- og
kosningalögum. Útlit er fyrir að seinni kosn-
ingarnar gætu orðið í fyrsta lagi um miðjan
júlí og viðbúið að ekki verði búið að mynda
starfhæfa meirihlutastjórn fyrr en í fyrsta
lagi í byrjun september. Alþýðubandalagið
fékkst ekki til að gera nauðsynlegar ráðstaf-
anir 1. mars til að hamla gegn verðbólgu-
þróuninni og ekki eru líkur til að í þeim her-
búðum hafi menn þor til að taka á efnahags-
málunum fyrir kosningarnar í apríl. Því má
með sanni segja að við blasi efnahagslegt
stjórnleysi meirihlutann af árinu. íslending-
ar gætu þá eins átt von á því að standa
frammi fyrir 100% verðbólgu áður en árið er
liðið.
Hugmyndir A-flokkanna og Sjálfstæðis-
flokksins um tvennar kosningar á þessu ári
þýða því ekkert annað en dauðadóm yfir
fjölda fyrirtækja í landinu, algjöra ringulreið
í fjármálum sveitarfélaga og stórfellt
atvinnuleysi. Þegar þetta blasir við er
breyting á stjórnarskrá og kosningalögum
lítilvægt mál sem auk þess er illa undirbúið,
illa kynnt meðal almennings og illa þokkað
meðal vaxandi fjölda landsmanna.
Það er glapræði að fara út í tvennar kosn-
ingar á árinu. Sært stolt fallinna forystu-
manna í prófkjörum, þeirra Geirs Hallgríms-
sonar og Ólafs Ragnars Grímssonar, og ótti
þeirra við að missa þingsæti réttlætir ekki
að þjóðinni sé att út í fen sem ekki verður
komist upp úr á ný nema með óskaplegum
fórnum.
4 - DAGUR -11. mars 1983
„Krakkanur
hafa verið
stórkostiegir“
-segir Viðar
Eggertsson, leikstjóri
- Þetta er mjög litskrúöugt
verk sem ég tel að eigi fullt er-
indi til fólks enn þann dag í dag,
sagði Viðar Eggertsson, leik-
ari, í viötali við Dag en Viðar er
einmitt leikstjóri í rokksöng-
leiknum „Lísa í Undralandi“
sem Leikklúbburinn Saga á
Akureyri frumsýnir nú um
helgina.
- Það verður að játast að við
förum ansi frjálslega með upp-
færsluna á þessu verki en upp-
runalega leikgerðin er eftir Norð-
manninn Klaus Hagerup. Þetta
stykki var reyndar sett upp hjá
Herranótt MR fyrir átta árum en
okkar uppsetning er allt öðru vísi
og með allt annarri tónlist. Þau
hjá Herranótt notuðu tónlist síns
tíma og við förum eins að og not-
um tónlist ársins 1983. Það er
hljómsveitin lk7 sem hefur samið
alla tónlistina í „Lísu í Undra-
landi" að einu lagi lindanskildu en
það er hið gamalkunna „Tea for
two“, segir Viðar og bætir því við
að strákarnir í lk7 hafi staðið sig
frábærlega vel. Hann hafi ná-
kvæmlega ekkert vitað um hljóm-
sveitina þegar hún var fengin til
þessa verks og því ekki búist við
of miklu en strákarnir hafi samið
virkilega góða leikhústónlist og
haldið að auki sínum eigin pers-
ónulega stíl.
Viðar Eggertsson, leikstjórí. Með honum á myndinni eru G. Ómar Pétursson
og Ólafur Hilmarsson (t.h.).
- En um hvað fjallar Leik-
klúbburinn Saga í þessari „Lísu í
„Undralandi“?
- Klaus Hagerup tekur fyrir
skemmtanalífið og tískuna í þess-
ari leikgerð og líkt og Herranótt
fjallaði um tískuna og skemmt-
anabransann fyrir átta árum þá
fjöllum við um tískuna og
skemmtanabransann í dag. Við
notum að vísu sömu söngtexta og
Herranótt og þeir hafa ekkert tap-
að merkingu sinni. Að öðru leyti
verður rokksöngleikurinn „Lísa í
Undralandi" alltaf barn síns tíma,
segir Viðar og hinir ungu leikarar
sem hópast hafa í kringum hann
til að spyrja hinna margvíslegustu
ráða áður en æfing kvöldsins hefst
taka heilshugar undir. Þau standa
þarna máluð í öllum regnbogans
litum og öll eru sammála um að
þetta verði alveg „klikkuð
sýning". Lýsingarorð eins og
„geggjuð" og „vitfirrt“ heyrast
einnig.
Nú leikur undirritaðan forvitni
á að vita hvernig Viðar valdist til
að leikstýra þessu verki og hvern-
ig samstarfið við krakkana hefur
gengið fram að þessu. Og ekki
stendur á svörum.
- Þau klófestu mig strax og ég
réðist hingað norður, segir Viðar.
- Við byrjuðum að ræða samán
um verkið í desembermánuði sl.
en æfingar hófust svo í janúar.
Þetta fór svo sem ósköp hægt af
stað en síðustu vikur og daga höf-
um við unnið í spreng og krakk-
arnir hafa verið stórkostlegir að
mínu viti. Leikklúbburinn Saga er
eina unglingaleikhúsið í landinu,
ef skólarnir eru undanskildir, og
sem slíkur á klúbburinn aðild að
Bandalagi íslenskra leikfélaga.
Það leika um 20 krakkar í þessari
sýningu en þegar hljómsveitin og
allir þeir sem leggja hönd á plóg-
inn á einhvern hátt eru taldir með
þá er þetta um 40 manna hópur.
Krakkarnir eru á aldrinum 13 ára
til 22 ára og mörg þeirra hafa
aldrei áður á leiksvið komið. En
eftir það sem ég hef orðið vitni að
hér þá er ég sannfærður um að
mörg þeirra eiga eftir að leika
mikið í framtíðinni, sagði Viðar
Eggertsson.