Dagur - 15.03.1983, Síða 1

GULLSMIÐIR
SIGTRYGGUR & PÉTUR
AKUREYRI
66. árgangur
Akureyri, þriðjudagur 15. mars 1983
31. tölublað
Þingið rofið
Gunnar Thoroddsen, forsætis-
ráðherra, rauf Alþingi í gær-
kvöldi að loknum útvarps- og
sjónvarpsumræðum í samein-
uðu þingi. Jafnframt boðaði
hann til almennra kosninga til
Alþingis Iaugardaginn 23. apríl
nk.
Eins og við var að búast snerust
umræðurnar í gærkvöldi að mestu
um efnahagsmál og sýndist sitt
hverjum en einnig blönduðust
álviðræðumálin töluvert inn í um-
ræðurnar.
Gunnar Thoroddsen gagnrýndi
harðlega núverandi forystu Sjálf-
stæðisflokksins. Flokkurinn væri
ekki lengur frjálslyndur og um-
burðarlyndur flokkur þar sem
menn gætu fylgt sannfæringu sinni
eins og til hans hefði verið
stofnað. Flokkurinn væri nú
þröngsýnn í stefnumálum og þar
væru uppi hugmyndir um harka-
legt flokksræði og að mönnum
yrði gert að segja sig úr flokknum
ef þeir fylgdu sannfæringu sinni.
Þá væri innan hans vébanda að
finna ódulda aðdáun á efnahags-
stefnu grannríkja okkar þar sem
stór hluti vinnandi fólks væri
atvinnulaus.
Á bls. 4 er ræða Guðmundar
Bjarnasonar sem hann flutti við
umræðurnar birt og grein er eftir
Ingvar Gíslason í opnu blaðsins í
dag.
Allinn afhentur
Félagi aldraðra
Starfsemi Félags aldraðra á
Akureyri hefur verið með mikl-
um blóma í vetur og ekki ætti
að draga úr henni eftir að fé-
lagið eignaðist þak yfir höfuð-
ið, en það gerðist á sunnudag-
inn þegar Hákon Hákonarson,
formaður fulltrúaráðs verka-
lýðsfélaganna á Akureyri, af-
henti félaginu Alþýðuhúsið að
gjöf fyrir hönd verkalýðsfélag-
anna.
Jón Sólnes, formaður félags
aldraðra, þakkaði þessa höfðing-
legu gjöf, en fjöldi aldraðra frá
Akureyri og nærsveitum var í
Sjallanum þegar athöfnin fór
fram. Tilkynnt var að aðalfundur
félagsins yrði haldinn í nýja hús-
næðinu 24. mars nk. og hæfist
klukkan 3 e.h.
Aðdragandi þessa máls hefur
verið nokkur og raunar hefur fé-
lag aldraðra þegar hafið starfsemi
í Alþýðuhúsinu en þar er opið hús
á fimmtudögum frá 15-18 og fé-
lagsmálastofnun er þar með fönd-
ur og aðra starfsemi fyrir aldraða
á þriðjudögum og föstudögum kl.
14-18.
Jón Sólnes tekur við gjafabréfinu úr hendi Hákonar Hákonarsonar.
Mynd: H.Sv.
Auðir stólar í höllinni á laugardagskvöldið.
Mynd: KGA
Ekkert varð úr flutn-
ingnum á Tosca
Ekkert varð úr flutningi Sin-
fóníuhljómsveitar íslands,
Söngsveitar Filharmoníukórs-
ins og einsöngvara á óperunni
Tosca sem vera átti í íþrótta-
höllinni á Akureyri sl. laugar-
dagskvöld og var ástæðan sú að
ekki var flugveður á laugar-
dagseftirmiðdag frá Reykjavík.
Um 1400 miðar höfðu selst
á tónleikana og var áhugi geysi-
legur. Þannig komu t.d. lang-
ferðabílar með fólk úr Skagafirði
og Þingeyjarsýslum og heyrst hef-
ur að öðrum mannfögnuðum hafi
verið aflýst vegna þessa.
Hljóðfærin voru komin norður
og búið að eyða miklum tíma í að
gera höllina tilbúna til að taka við
þessum viðburði en sú vinna var
öll unnin til einskis. Ákveðið hef-
ur verið að hætta ekki við flutning
á Tosca á Akureyri. Er stefnt að
því að flytja óperuna í íþrótta-
höllinni á Ákureyri um mánaða -
mótin maí/júní.
Aðalfundur Einingar
Skipakostur ÚA
Á aöalfundi Verkalýðsfélags-
ins Einingar sem haldinn var sl.
sunnudag kom aðeins fram
einn listi vegna stjórnarkjörs og
varð því sjálfkjörinn.
Stjórn félagsins skipa því Jón
Helgason formaður, Sævar Frí-
mannsson varaformaður, Auður
Guðvinsdóttir ritari, Aðalheiður
Þorvaldsdóttir gjaldkeri, Björn
Snæbjörnsson, Guðrún Skarp-
héðinsdóttir og Ágúst Sigurlaugs-
son meðstjórnendur.
Á fundinum var m.a. samþykkt
að styrkja byggingaframkvæmdir
við endurhæfingarstöð Sjálfs-
bjargar á Akureyri með 50 þús-
und krrona framlagi, Endurhæf-
ingarstöð heyrnarskertra í
Reykjavík með 25 þúsund krón-
um og Sjúkrastöð SÁÁ einnig
aukinn
með sömu upphæð.
Þá samþykkti fundurinn áskor-
un á Útgerðarfélag Akureyringa
hf. og bæjarstjórn um að þessir
aðilar beiti sér fyrir því að skipa-
kostur Ú. A. verði aukinn og einn-
ig samþykkti fundurinn álýktun
um efnahags- og atvinnumál.
Nánar verður sagt frá fundinum
n.k. fimmtudag.
Noröurland eystra: Framboöslisti Framsóknarflokksins
Stjórn og varastjórn KFNE
hefur nú ákveðið röðun á fram-
boðslista Framsóknarmanna í
Norðurlandskjördæmi eystra
fyrir næstu alþingiskosningar
en röð sex efstu manna
var ákveðin á kjördæmisþingi
sl. haust. Listann skipa eftir-
taldir:
1. Ingvar Gíslason, menntamála-
ráðherra, Álfabyggð 18, Akur-
eyri.
2. Stefán Valgeirsson, alþingis-
maður, Auðbrekku Eyjafirði.
3. Guðmundur Bjarnason, al-
þingismaður, Garðarsbraut 79,
Húsavík.
4. Níels Á. Lund, æskulýðsfull-
trúi ríkisins, Grænuhlíð 10,
Reykjavík.
5. Valgerður Sverrisdóttir, hús-
móðir, Lómatjörn, S.Þing.
6. Hákon Hákonarson, vélvirki,
Norðurbyggð 8, Akureyri.
7. Þóra Hjaltadóttir, hagræðing-
ur, Ráðhústorgi 5, Akureyri.
8. Böðvar Jónsson, bóndi, Gaut-
löndum, S. Þing.
9. María Jóhannsdóttir, húsmóð-
ir, Syðra Álandi, N. Þing.
10. Kristján Ólafsson, útibús-
stjóri, Bjarkarbraut 11, Dalvík.
11. Gunnar Hilmarsson, sveita-
stjóri, Miðási 4, Raufarhöfn.
12. Finnur Kristjánsson, frv.
kaupfélagsstjóri, Ketilsbraut 23,
Húsavík.
Ingvar. Stefán.
María. Kristján.
Valgerður. Hákon.
Gunnar. Finnur.