Dagur - 18.03.1983, Blaðsíða 3

Það kostar þig 10-40 þúsund
krónur að láta ferma bamið þitt!
/ i iv>rmíist í át mun íermingin og
Ef þú átt barn sema að ferm^ fermingarveisla k?sta
þar me,],tatnnf öruÍu þúsund krónur. Meðalferm.ng-
þig um t.u tltff™t,tUberðfyrir„I„40manns,fermmg-
arveisla, þ.e.a.s.k fermingarmyndataka og
arföt fyrir fermmgarbarmð fermmga^ ^ ^ ^
þóknun til prests.ns, kosta ’ bá er sjalf ferm-
f.mmtán til tuttugu þusund kronur og p
Samkvæmt þeim upplýsíngum
sem Dagur hefur aflað sér hjá
Vöruhúsi KEA og versluninni
Cesar þá lætur nærri að ferming-
arfötin kosti á bilinu fjórtán
hundruð til fimm þúsund
krónur. Stakur jakki, stakar
buxur, skyrta og slaufa kosta
tæpar þrjú þúsund krónur hjá
Vöruhúsi KEA en buxur og
vesti sem einnig er mikið keypt
fyrir fermingarnar kosta um
fimmtán hundruð krónur. Áætl-
að verð á leðurjökkum er um tvö
þúsund og fimm hundruð
krónur. í Cesar kosta buxur og
vesti fyrir drengi um sautján
hundruð og fimmtíu krónur en
algeng fermingarföt fyrir stúlkur
kosta frá þrettán hundruð upp í
tvö þúsund og fimm hundruð
krónur. Ómögulegt er að áætla
með nokkurri nákvæmni hvað
foreldrar eyða að jafnaði í ferm-
ingarföt fyrir börn sín en hóflega
áætlað gæti það verið um tvö
þúsund og fimm hundruð
krónur.
Meðalfermingar-
veisla á níu
þúsund krónur
Þá er það fermingarveislan.
Fæstir ráðast í það í dag að sjá
sjálfir um fermingarveisluna að
öllu leyti og flestir notfæra sér
líklega þá þjónustu sem veit-
ingahúsin og fleiri bjóða í sam-
bandi við fermingarveislurnar.
Samkvæmt upplýsingum
Hallgríms Arasonar í Bautanum
tekur fyrirtækið að sér að sjá um
mat í fermingarveislur og vin-
sælust í því sambandi eru köldu
borðin sem samanstanda af
fimm kjötréttum, laxi, salötum,
heitum og köldum sósum og
heitum kartöflum. Verð slíks
kalds borðs sagði Hallgrímur
vera tvö hundruð og fimmtíu
krónur á mann ef gestir væru
færri en þrjátíu en ef þeir væru
hins vegar fleiri þá kostaði mat-
urinn tuttugu krónum minna á
hvern mann. Bautinn er einnig
með svokölluð kabarettborð
sem eru svipuð köldu borðunum
en minni. Verðið á þeim er tvö
hundruð og fjörutíu og tvö
hundruð og þrjátíu fyrir þrjátíu
gesti eða fleiri.
Að sögn Hallgríms Arasonar
mun Bautinn sjá um mat fyrir
fermingarveislur af stærðar-
gráðunni tuttugu til áttatíu
manns. Mjög algeng stærð væri
um fjörutíu manns en sam-
kvæmt fyrrgreindum upplýsing-
um þá mun slík veisla kosta rúm-
ar níu þúsund krónur. Þá er ekki
gert ráð fyrir ýmiss konar með-
læti öðru og drykkjarvörum sem
geta hækkað verðið verulega.
Þær upplýsingar sem við feng-
um í Sjallanum hjá Valmundi
Árnasyni, yfirmatreiðslumanni
voru á svipaða lund. Sjallinn
býður m.a. upp á kalt borð með
fimm til sex köldum kjötréttum,
þrem sjávarréttum og að auki
þrem síldarréttum. Þá er einn
heitur pottréttur og með þessu
fylgir eftirréttur og ýmiss konar
sósur og salöt. Valmundur sagði
að mikið væri búið að panta og
algengustu veislurnar væru þetta
fjörutíu til fimmtíu manna.
Verðið fyrir hvern mann er tvö
hundruð og tíu til tvö hundruð
og fjörutíu krónur krónur og
lætur því nærri að verðið sé hið
sama í Bautanum og í Sjallanum
ef keyptur er matur fyrir fjörutíu
manna fermingarveislu.
Hótel KEA hættti fyrir nokkr-
um árum slagnum á fermingar-
veislumarkaðnum og að sögn
Gunnars Karlssonar hótelstjóra
var aðalástæðan sú að mikið var
um undirboð þannig að það
svaraði varla kostnaði að bæta
þessu álagi ofan á aðra starfsemi
hótelsins. Hins vegar sagði
Gunnar að Hótel KEA leigði út
sali fyrir fermingarveislur og sæi
þá jafnframt um mat og þjón-
ustu og verðið í slíkum veislum
miðað við kalt borð væri rúmar
þrjú hundruð krónur. Börn
yngri en sex ára fengju matinn
ókeypis og börn á aldrinum sex
til tólf ára fengju belmings
afslátt. Gunnar sagði þetta fyrir-
komulag hafa gefið mikið betri
raun en heimsendingarþjónust-
una og það mætti jafnframt
koma fram að Hótel KEA hefði
haft þann háttinn á að koma til
móts við fólk hvað varðaði verð
á gosdrykkjum í fermingarveisl-
um sem haldnar væru á hótelinu.
Myndatakan
kostar sitt
Fermingarmyndir eru óneitan-
lega einn þáttur ferminganna nú
til dags hvort sem fólki líkar bet-
ur eða verr. Dagur kannaði
verðið á fermingarmyndatökun-
um hjá tveim aðilum hér í bæ,
Ljósmyndastofu Páls og ljós-
myndastofunni Norðurmynd og
er verðið nánast það sama.
Hjá Ljósmyndastofu Páls
kostar myndatakan þrettán
hundruð og sjötíu krónur á
fermingardaginn sjálfan en ell-
efu hundruð áttatíu og fimm
krónur á virkum degi. Innifalið í
þessari myndatöku eru ekki
færri en tíu prufur í stærðinni
8x11 í þar til gerðu veski. Al-
geng stækkun 15x18 kostarfimm
hundruð níutíu og fimm krónur,
fyrsta mynd en ef fleiri stækkan-
ir af sömu mynd eru pantaðar
um leið er verðið fimm hundruð
þrjátíu og fimm krónur fyrir
stykkið af þessum „aukamynd-
um“.
Hjá ljósmyndastofunni
Norðurmynd er verðið fyrir
sambærilega þjónustu sem hér
greinir: Myndataka á ferm-
ingardaginn þrettán hundruð
sextíu og fimm krónur en ellefu
hundruð áttatíu og fimm krónur
á virkum dögum. Tíu til tólf
prufur af stærðinni 9x12 fylgja
en stækkun 18x24 kostar fimm
hundruð níutíu og átta krónur
fyrir fyrstu mynd en fimm
hundruð þrjátíu og átta krónur
fyrir umframmyndir ef stækkun-
in er pöntuð um leið.
Það er því ekki óvarlegt að
ætla að fermingarmyndatakan
með einni stækkun (18x24) kosti
frá tæpum átján hundruð
krónum.
Það sem talið er upp hér að
framan er náttúrulega hvergi
nærri tæmandi um þann kostnað
sem fólk verður að leggja í
vegna fermingar barna sinna.
Ekki er reiknað með ferming-
argjöfum enda eru þær líklega
eins ólíkar innbyrðis og menn-
irnir eru margir. Fimm þúsund
króna fermingargjöf þykir þó
líklega engin goðgá í dag en hitt
ber auðvitað að nefna að heil
fermingarveisla af því tagi sem
talið er upp hér að framan er
engin smávegis fermingargjöf.
Nú og einn er sá kostnaður sem
enginn sleppur við en það er
sjálft fermingargjaldið til
prestsins, fyrir ferminguna og
undirbúninginn. Þetta gjald er í
dag sex hundruð og tíu krónur
Jón Bjamason
VISNAÞATTUR
Nú sýnist rétt að við lítum inn í
frystihúsin en þar fara fram þau
störf sem þjóðarbúið má síst án
vera. Arnbjörg Halldórsdóttir í
Réttarholti grípur oft í verk í
frystihúsinu á Grenivík. Þar var
rætt um deilu útvegsmanna og
ríkisstjórnar. Hélt einn því fram
að aðgerðir stjórnarinnar væru
fálm eitt og fát. Annar fullyrti að
útgerðarmenn hefðu fastráðinn
mann til að gráta fyrir sig í sjón-
varpinu. Þá orti Arnbjörg.
Stjórnarathöfn hver er fálm og fát
og flestir þarna alveg hreinir glópar.
Svo ekki er von að ekka stöðvi oggrát
útvegsbændakröfuþrýstihópar.
í sal einum þar sem konur einar
unnu var útvarpið stillt svo hátt
sem verða mátti. Háreystina
þoldu karlmenn illa er unnu að
móttöku fiskjarins. Kærðu þeir
konurnar og hótuðu að brjóta
útvarpstækið. Sendi þá Arn-
björg karlpeningnum þetta:
Norðurí móttöku biksvartur býr
brjálaður óþjóðarlýður.
Urrar og skrækir svo fólkið burt flýr.
ffylgsnisitt verkstjórinn skríður.
Sonur Arnbjargar, er Haraldur
heitir, orti og var vísan send
konunum:
Efað ég verð ekki stilltur,
orsökina greina skal.
Það eru hljóð sem gamlargyltur
gefa frá sér inni ísal.
Að sjálfsögðu féll konunum
ekki vísan. Var Arnbjörg beðin
að svara:
Ekki lengi leita þarf
að ljóði í hendur mínar.
Tekið hafa ýmsir arf
eftir mæður sínar.
Einn daginn hurfu þrjár ungar
stúlkur frá störfum í frystihús-
inu. Var það engum fagnaðar-
efni. Arnbjörg orti:
Sártégfinn tilsaknaðar,
sem hér veldur trega,
að fallegustu fjaðrirnar
fuku skyndilega.
Aðalsteinn Ólafsson frá Mel-
gerði orti svo : frystihúsi Akur-
eyrar:
Ekki skortir efni í brag
við atvinnuna slíka.
Fiskur í gær og fiskur í dag
og fiskur á morgun líka.
Svo bar við í frystihúsinu að
kona kom að vinnuborði Aðal-
steins. Kvaðst hún ætla að stilla í
honum óróann. Aðalsteinn
kvað:
Ekki binda óróann
áhrif skyndikvinna.
Njóta yndis enn ég kann
orkulinda minna.
Því halda sumir fram að rímaður
kveðskapur hafi þegar. gengið
sér til húðar og slíkt sé aðeins
fyrir kerlingar og afgamla karla
og étur þetta hver eftir öðrum.
Ekki er kenningin einhlít. Rösk-
lega tvítugur háskólanemi, Jón-
as Skagfjörð, sendi þættinum
nokkrar vísur og birtast þrjár
þeirra nú. Að sjálfsögðu er af
þeim ástarilmur:
Þórdís er með Ijósa lokka,
léttlynd kát oghvergi ber.
Angandi afyndisþokka,
ung og fögur leikur sér.
Bogga nefnist bústin mær,
blíðjynd, trygg og dreymin.
Saklaus eins og sumarblær,
sigraðigæti heiminn.
Hjartað berst, íbrjósti mínu
blossar kærleikseldur.
Líð ég áfram laus við pínu
Lindu ofurseldur.
Þannig yrkir Jónas til skóla-
systra sinna. Að lokum skal
birta tvær vísur eftir öldunginn
Arnór Sigmundsson og bendir
hvorug til svartsýni:
Oft þó sjái að muni manna
mættigráum veita lið,
flestirþrá hið fagra, sanna,
fram að ná á hærra svið.
Varla láta vorsins menn
vetra sér í hjarta.
Til eru ráðin tvenn og þrenn
að tendra Ijósið bjarta.
lá. ttiars Í9&3-DÁGUR - 3