Dagur - 24.03.1983, Blaðsíða 3

Valgerður Sverrisdóttir:
KONUR OG
STJÓRNMÁL
Viö getum flest verið sam-
mála um þaö, að mjög æski-
legt og allt að því nauðsynlegt
sé að konum fjölgi á Alþingi
íslendinga. Lítum nú aðeins á
ástæður þess að staðan er sú
sem raun ber vitni.
í fyrsta lagi verðum við að
hafa það í huga, að fyrir svo
sem 20 árum voru konur
ennþá aðeins í litlum mæli
komnar út á vinnumarkaðinn
og aðeins í algjörum undan-
tekningartilfellum í æðri
stöðum. Margt hefur breyst á
20 árum konum í hag þótt
ekki sé það nóg.
Staðreyndin er sú að konur
hafa ekki viljað gerast
þingmenn. Þær óskapast yfir
ástandinu og grípa svo til þess
ráðs að kenna körlum um allt
saman. (Þeir eru svo sem ekki
alsaklausir.) Ef aðalástæða
þess að Kvennaframboðið
varð til á að heita sú, að konur
fái ekki möguleika innan
stjórnmálaflokkanna, þá tel
ég að ekki hafi reynt á það
ennþá. Þær konur sem hafa
starfað þær eru svo fáar að
það segir enga sögu.
Við megum ekki gleyma því
að það er ekkert hlaupið að
því fyrir gifta konu úti á landi,
ég tala nú ekki um með lítil
börn, að setjast inn á Alþingi.
Hún þarf þá að eiga svo skiln-
ingsríkan og fórnfúsan eigin-
mann að hann hiki ekki við að
yfirgefa sitt ævistarf og flytja
Valgerður Srerrisdóttir.
með henni til Reykjavíkur og
gerist e.t.v. húsmóðir.
Þarna erum við komin að
félagslegri stöðu kvenna ann-
ars vegar og hins vegar að því
misrétti sem ríkir á milli
landsbyggðarinnar og höfuð-
borgarsvæðisins. Það er ekki
lítill kostur að hafa Alþingi
starfandi í sveitarfélaginu
sínu.
En hvað er til úrbóta? í
fyrsta lagi verða konur að
viðurkenna það fyrir sjálfum
sér og öðrum að þær eru póli-
tískar. Síðan þurfa þær að
flykkja sér um stjórnmála-
flokkana og aðlaga þá betur
að þörfum og hugmyndum
kvenna. Ef vel tekst til geta
þær kannski eflt álit stjórn-
málamanna meðal almenn-
ings, ekki mun af veita. Á
þennan hátt munu konur setj-
ast inn á Alþingi, þ.e.a.s. ef
þær vilja það sjálfar.
Sumar konur segja að
flokkarnir séu leiðinlegir og
henti ekki konum, m.a. vegna
þess að karlar hafi samið þau
orð sem séu notuð innan
þeirra. Síðan stofna þær nýjan
flokk sem væntanlega á aðal-
lega að vera skemmtilegur og
eru nú teknar til við nýyrða-
smíðina. Fólki gefst nú kostur
á að kjósa ANGA og getur þá
væntanlega haldið áfram að
telja sjálfum sér og öðrum trú
um að það sé ópólitískt.
Valgerður Sverrisdóttir
Ragnheiður tekur við verðlaunum sínum úr hendi Stefáns Gunnlaugssonar,
eins af cigendum Bautans og Smiðjunnar.
BAUTINN:
Milljónasti
gesturinn
Ragnheiður Skúladóttir hlaut
Kaupmannahafnarferð í vinn-
ing hjá veitingahúsinu Bautan-
um á Akureyri þar sem hún
taldist vera milljónasti gestur-
inn sem sótt hefur Bautann
heim síðan staðurinn var opn-
aður fyrir um 12 árum.
Síðustu vikuna í febrúar fengu
allir gestir Bautans númeraðan
miða og að þeirri viku lokinni var
dregið út eitt númer. Ragnheiður
reyndst vera handhafi þess og
varð um leið Kaupmannahafnar-
ferð ríkari. Einningfékk hún 1000
kr. úttekt í Smiðjunni.
Þau mistök urðu á Degi þegar
sagt var fra þvi hvaða
númer hafði verið dregið ut að
birt vnru tvö númer. annað í fyrir-
sögn og hitt í greininni sjálfri.
Handhafar beggja númeranna
gáfu sig fram samdægurs en sá
sem átti númerið í fyrirsögninni
reyndist ekki vera með verð-
launanúmer. En til þess að bjarga
heiðri prentvillupúkans alræmda
brugðust eigendur Bautans og
Smiðjunnar vel við og afhentu
handhafa númersins 1000 kr.
vöruúttekt í Smiðjunni í sárabót.
Fyrir hönd prentvillupúkans er
hér með beðist afsökunar á frum-
hlaupi hans varðandi þetta mál.
Laxárfélagið:
Bann við
laxveiði
r m r
i sjo
Á aðalfundi Laxárfélagsins sem
haldinn var hinn 19. febrúar 1983,
en í félaginu eru félög stangaveiði-
manna á Akureyri, Húsavík og
Reykjavík. Varsamþykkt neðan-
greind ályktun sem send hefur
verið forsætisráðherra:
„Aðalfundur Laxárfélagsins
þ.e. Laxá í Þingeyjarsýslu sam-
þykkir að skora á ríkisstjórnina
að beita sér fyrir alþjóðasam-
þykkt um bann við laxveiði í sjó.
Fundurinn telur orðið augljóst að
laxveiði í sjó byggist nú mest á
ræktun fisksins og því sé eðlilegt
að þeir sem til slíkrar ræktunar
stofna eigi að njóta ávaxta erfiðis
síns og tilkostnaðar.
Sérstaklega vill fundurinn
vekja athygli á hinni stórfelldu
minnkun á laxveiði í ám á norð-
austurhorni íslands sem miklar
líkur benda til að stafi af mjög
auknum laxveiðum Færeyinga í
hafinu milli íslands og Færeyja.
Skorar fundurinn því á stjórnvöld
að fella niður allar veiðiheimildir
Færeyinga innan fiskveiðilögsögu
íslands, þar til laxveiðum þessum
verður hætt.“
Stjórn Laxárfélagsins skipa nú
eftirtaldir menn: Sigurður Sam-
úelsson, Reykjavík, formaður,
Gísli Konráðsson, Akureyri,
Helgi Bjarnason, Húsavík, Jó-
hannes Kristjánsson, Akureyri,
Ólafur Benediktsson, Akureyri
og Önundur Ásgeirsson, Reykja-
vík.
o
Jakkar tvíhnepptir, ullarstakkar, tveir litir
buxur, vesti, leðurbindi og slaufur.
Leðurjakkar, leðurjakkar, leðurjakkar.
Nýkomnir gullfallegir leðurjakkkar á ungu
herrana, þrírlitir, verð kr. 2.595.
Þórsarar 4^14 ára:
Eigum peysur með Þórsmerkinu í stærðum 4-14.
Fyrir fullorðna:
Stakir jakkar og stakar buxur í Ijósum litum.
Ullarpeysur, einlitar og munstraðar, verð frá kr. 375.
íþróttagallar á börn og fullorðna, verð frá kr. 295.
Til fermingargjafa
Ath.: Vorum að fá hina eftirspurðu
sænsku dúnsvefnpoka. Hlýir, léttir og fyrirferðalitlir.
Viðlegubúnaður, tjöld, himnar, bakpokar,
svefnpokar. Veiðihjól og stengur.
Myndavélar, sjónaukar. Skíði, bindingar.
Sportvörudeild.
24. mars 1983 - DAGUR - 3