Dagur - 12.04.1983, Blaðsíða 6

Það eru til konursem beittar eru ofbeldi afmönnum
sínum og þora ekki að leita sér aðstoðar af ótta við
að einungis verra taki við. Sumar hafa reynt að leita
aðstoðar en ekki verið trúað af því svona aðstæður
eru svo ótrúlegar. Sumum finnst þær geti ekki sagt
þetta nokkrum manni af því það séu svik, af því
þær eru farnar að efast um að þær séu með réttu
ráði.
Það eru e.t.v. konur á Akureyri eða nálægt Akur-
eyri sem svo er ástatt um. Sért þú ein þeirra og viljir
þú ráðfæra þig við konu sem sjálf bjó við þetta til
margra ára en á þessa reynslu nú að baki svarar hún
ísíma24779kl. 18.00-19.00alladagafrá 14. apríltil
28. apríl.
Þú getur látið sitja við símtalið eitt ef þú vilt. Þú
þarft ekki að segja til nafns ef þú vilt það ekki. Þú
getur mælt þér mót við þessa konu á tíma sem þér
hentar efþú vilt.
Ef til vill getur reynsla hennar komið þér að ein-
hverju gagni. Ráðgjöf hennar er þér að kostnaðar-
lausu og algjörs trúnaðar mun gætt um hvaðeina
sem ykkur fer í milli.
AKUREYRARBÆR
Viðtalstímar
bæjarfulltrúa
Miðvikudaginn 13. apríl kl. 20-22 verða bæjarfull-
trúarnir Freyr Ófeigsson og Valgerður Bjarnadóttir
til viðtals í fundastofu bæjarráðs, Geislagötu 9, 2.
hæð.
Bæjarstjóri.
AKUREYRARBÆR U
Byggingalánasjóður Akureyrar
Lánsumsóknir
Auglýst er eftir umsóknum um lán úr Bygg-
ingalánasjóði Akureyrar. Samkvæmt reglu-
gerð sjóðsins er megintilgangur hans að
veita lán til kaupa, viðhalds og endurbóta á
gömlum húsum á Akureyri. Að jafnaði skal
ekki lána til yngri húsa en 35 ára.
Skilyrði fyrir lánveitingu eru:
a) Að lánbeiðandi hafi verið búsettur í
bænum síðastliðin þrjú ár.
b) Að uppdráttur að íbúð eða húsi hans
hafi verið samþykktur af byggingá-
nefnd.
c) Að lánbeiðandi geti veðsett viðkom-
andi eign fyrir láninu.
d) Að fyrir liggi umsögn byggingafull-
trúa um ástand hússins.
Sé um að ræða umsókn til viðhalds eða endurbóta
á gömlu húsi skal umsækjandi gera grein fyrir 1)
að hvaða endurbótum skal vinna, 2) hver áætlaður
kostnaður við endurbæturnar er og 3) hve langan
tíma áætlað er að endurbæturnar taki. Þegar
endurbótum á fasteigninni er lokið skal lántaki til-
kynna um það til byggingafulltrúa.
Lán úr sjóðnum eru verðtryggð en bæjarráð
ákveður lánsupphæð og lánskjör að öðru leyti.
Umsóknareyðublöð fást á bæjarskrifstofunni og
skal skila umsóknum þangað fyrir 1. maí.
Akureyri, 11. apríl 1983.
Bæjarstjóri.
Stefán Valgeirsson, alþingismaður:
Niðurtalningin
sannaði gildi sitt
Andstæðingar okkar framsókn-
armanna hamra nú stöðugt á því
að niðurtalningin hafi mistekist.
Þeim er sýnilega mikið í mun að
koma því inn hjá þjóðinni að
þessi leið, að telja verðbólguna
niður í áföngum, hafi nú þegar
verið fullreynd. Ekki hafa þeir
fyrir því að rökstyðja þessa full-
yrðingu sína. Þeir benda aðeins
á verðbólgustigið nú og segja:
Þarna sjáið þið hver árangurinn
er af þessari stefnu.
Hinsvegar forðast þeir að
minnast á það að niðurtalningin
var reynd og hún sannaði gildi
sitt. Um þessar reynslu liggur
fyrir dómur sem erfitt verður að
véfengja. Þann 1. mars 1981 var
tekið skref í niðurtalningarátt
með þeim árangri að verðbólgan
lækkaði úr 60% í 40%. Það sem
mest áhrif hafði til lækkunar
verðbólgunnar var það að eftir
voru gefin 7% af verðbótum á
laun.
Kjararannsóknanefnd komst
að þeirri niðurstöðu að kaup-
máttur launa á árinu 1981 hafi
verið heldur meiri, þrátt fyrir að
þessi 7% voru eftir gefin, heldur
en ef full verðtrygging hefði ver-
ið greidd á öll laun í landinu.
Erfitt mun reynast að halda
því fram að unsögn kjararann-
sóknanefndar sé marklítil eða
marklaus hvað þetta snertir,
Aðilar vinnumarkaðarins skipa
þessa nefnd og gera þessa úttekt
og því hlýtur þessi dómur að
vera marktækur. Þetta sýnir
svart á hvítu að það þarf ekki að
fara saman rýrnun kaupmáttar
og niðurtalning verðbólgunnar,
þó andstæðingar okkar grípi nú í
það hálmstrá að halda slíku
fram.
Vegna þeirrar reynslu sem
fékkst af niðurtalningunni á árinu
1981 en því miður varð ekki
samstaða um að framkvæma
áfram með jöfnu millibili, eins
og samið var um, leggjum við nú
óhræddir út í komandi kosning-
ar með þá stefnu að leiðarljósi
að niðurtalningin sé sú leið sem
réttast sé að fara í efnahagsmál-
um og sú sem minnstri röskun
veldur og mestum árangri nær.
Til þess að svo verði þarf hins
vegar að framkvæma niðurtaln-
inguna og til þess þarf festu og
raunsæi.
Við erum reynslunni ríkari frá
síðasta stjórnarsamstarfi, þegar
samkomulag var gert um niður-
talningu verðbólgunnar án þess
að unnið væri eftir því. Þá stóð í
margra mánaða þjarki um að-
gerðir og því miður var ekki tek-
ið nægilega fast á vandamálinu.
Þó ekki sé hægt að kenna nein-
um einum um verður samt ekki
fram hjá því litið að Alþýðu-
bandalagið var sífellt með
undanbrögð á þeirri forsendu að
ekki mætti rýra kaupmáttinn,
jafnvel eftir að reynslan frá 1981
var komin í ljós.
Stefán Valgeirsson.
„Þetta er í samræmi
við skilning þeirra á
þessum málum og það
hvernig þeir rugla
sífellt saman
verðbótahækkunum
á laun og grunn-
kaupshækkunum.
Það er ekkert því til
fyrirstöðu að aðilar
vinnumarkaðarins
semji um grunnkaups-
hækkanir á þessu
tveggja ára
lögbindingartímabili
svo fremi sem at-
vinnuvegirnir geta
borið slíkar hækkanir
án þess að verðbólgan
aukist við það.
Niðurtalningin gerist ekki í einu
vetfangi. Hana þarf að fram-
kvæma í áföngum eftir fyrirfram
skipulagðri áætlun. Það má ef
til vill segja okkur framsókn-
armönnum það til hnjóðs í sam-
bandi við stjórnarsamstarfið á
kjörtímabilinu að ekki hafi verið
gengið nægilega fast eftir því að
niðurtalningarstefnunni væri
framfylgt. Segja má að vænlegra
hefði verið að setja úrslitakosti
strax í upphafi. Það hefði hins
vegar getað leitt til stjórnarslita
og stjórnarkreppu og því var
haldið í vonina að menn sæu að
sér og féllust á að fara að taka á
málunum.
Við viljum að engum undan-
brögðum verði við komið og
niðurtalning verðbólgu verði því
lögfest. Framsóknarflokkurinn
er eina stjómaraflið sem þorir að
segja þann sannleika að ekki
verði tekið á þessum málum
öðru visi en með lögbindingu.
Alþýðubandalagið talar um í
þessu sambandi að framsókn-
armenn vilji svipta launþega
samningsréttinum í tvö ár. Þetta
er í samræmi við skilning þeirra
á þessum málum og það hvernig
þeir rugla sífellt saman verð-
bótahækkunum á laun og grunn-
kaupshækkunum. Það er ekkert
því til fyrirstöðu að aðilar vinnu-
markaðarins semji um grunn-
kaupshækkanir á þessu tveggja
ára lögbindingartímabili svo
fremi sem atvinnuvegirnir geta
borið slíkar hækkanir án þess að
verðbólgan aukist við það.
Meginatriði lögfestingar-
stefnu framsóknarmanna er að
sett verði lögbundið þak á allar
hækkanir næstu tvö árin og
þannig tryggð undanbragðalaus
niðurtalning verðbólgunnar.
Þak verði sett á hækkun
verðlags, opinberrar þjónustu,
vaxta, launa, búvöruverðs og
fiskverðs. Verðbólgan er komin
á það stig að hún ógnar mjög
atvinnuöryggi í landinu. Okkar
áhersluatriði eru fyrst og fremst
full atvinna, hjöðnun verðbólgu
og jafnari tekjuskipting. Til þess
að ná því marki þarf að taka fast
og ákveðið á málum. Hinsvegar
höfnum við neyðaráætlun og
leiftursókn og teljum vænlegra
að líta á málin af raunsæi og
bregðast við vandamálunum
samkvæmt því.
Stefán Valgeirsson.
Styrktarfélag vangefinna
Aðalfundur Styrktarfélags van-
gefinna á Norðurlandi var hald-
inn 9. mars sl. í skýrslu for-
manns kom fram að SVN hafði
að mörgu að hyggja á árinu. Má
þar nefna ýmsan frágang við
verndaða vinnustaðinn að
Hrísalundi 1, undirbúning að
byggingu sumarbúðastaðs í
Botni í Eyjafirði, en þar hafa
aðildarfélög Þroskahjálpar
fengið úthlutað 10 ha. svæði til
bygginga sumarbúða ennfrem-
ur skemmtanir og skógarferð
fyrir skjólstæðinga SVN.
Fundir voru haldnir mánaðar-
lega yfir vetrarmánuðina. Reynt
var að leggja áherslu á að kynna
það sem var á döfinni í málefnum
vangefinna og ræða hvað mætti
betur fara. Þá voru föndurkvöld
þar sem félagar unnu að undir-
búningi basars en tveir slíkir voru
haldnir á árinu.
Stjórn SVN skipa nú: Formað-
ur Svanfríður Larsen, aðrir í
stjórn Guðríður Friðfinnsdóttir,
Rósa Jónsdóttir, Helga Gunnars-
dóttir og Kolbrún Guðveigsdótt-
ir. Til vara: Níels Erlingsson,
Guðrún Antonsdóttir, Elsa Ax-
elsdóttir, Ragna Aðalsteinsdóttir
og Sigrún Jónsdóttir.
Vistheimilið Sólborg hefur
ákveðið að byggja 4x8 m æfinga-
laug við Sólborg. Laugin er ætluð
þeim sem verst eru settir og eiga
þess ekki kost að njóta æfingar í
vatni bæði vegna flutningsörðug-
leika og af hreinlætisástæðum.
Sunnudaginn 17. apríl nk.
verður félagið með kaffisölu að
Hrísalundi 1 til ágóða fyrir sund-
laugarbyggingu á Sólborg. Er það
von SVN að sem flestir sjái sér
fært að líta inn og fá sér gott kaffi
og styðja um leið þá sem ekki geta
staðið óstuddir.
Sameiginlegir
framboðsfundir
verða haldnir á eftirtöldum stöðum:
Tjarnarborg, Ólafsfirði, þriðjudaginn 12. apríl kl. 20.30.
Víkurröst, Dalvík, miðvikudaginn 13. apríl kl. 20.30.
Sjallanum, Akureyri, þriðjudaginn 19. apríl kl. 20.30.
Framboðslistarnir.
6 — DÁtíÚR -12.aþr/í 'f9831