Dagur - 19.04.1983, Blaðsíða 10
Söngskemmtun
Samkórinn Þristur heldur sína árlegu söng-
skemmtun aö Freyvangi síðasta vetrardag, 20.
apríl kl. 21.00. Söngstjóri Guðmundur Þorsteins-
son, undirleikari Kristinn örn Kristinsson. Hljóm-
sveit Ingimars Eydal leikur fyrir dansi á eftir.
Þristur.
stereótæki í bíla hljómtæki
Technico vasatölvur
Loewe opta sjónvarpstæki
HuáflMiiieR
Slm* (96)23626 vZ^/GWwirgotu 32 Akureyri
Loewe opi
vfdeótæki
Folaldakjöt
nýtt og saltað.
Kjörstaður
á Akureyri við alþingiskosning-
arnar sem fram eiga að fara laug-
ardaginn 23. þ.m. verður í Odd-
eyrarskólanum.
Bænum hefur verið skipt
í kjördeildir sem hér segir:
1. kjördeild:
Aðalstræti - Byggðavegur.
2. kjördeild:
Birkilundur - Engimýri.
3. kjördeild:
Espilundur - Hafnarstræti.
4. kjördeild.
Háhlíð - Hrísalundur.
5. kjördeild:
Hríseyjargata - Lerkilundur.
6. kjördeild:
Lyngholt - Ráðhústorg.
7. kjördeild:
Ránargata - Smárahlíð 7.
8. kjördeild:
Smárahlíð 8 - Tjarnarlundur.
9. kjördeild:
Tungusíða - Býlin.
Skipting í kjördeildir verður auglýst nánar á
kjörstað.
Kjörfundur hefst kl. 9 og
lýkur kl. 23.
Akureyri, 18. apríl 1983.
Kjörstjórn Akureyrar.
Stefan Valgeirsson:
Framfarir á
landinu öllu
Hlutverk stjórnmálaflokks í nú-
tímaþjóðfélagi er að móta stefnu í
þjóðfélagsmálum. Þessi stefnu-
mótun er tvíþætt: Annars vegar
hvernig við viljum byggja upp
þjóðfélagið þegar til langs tíma er
litið, þ.e.a.s. hvers konar samfé-
lagi við viljum stefna að. Þetta er
sjálfur hugsjónagrundvöllurinn.
Hinn þátturinn er stefnumótun til
skamms tíma, leiðirnar að því
marki sem við stefnum að.
Enginn þarf að vera í vafa um
stefnu Framsóknarflokksins.
Markmiðið er hið fullkomna sam-
félag þar sem daglegt brauðstrit er
ekki lengur höfuðviðfangsefnið,
svo halda megi uppi efnahagslegri
velsæld þar sem vinnuálagið
sundrar ekki lengur fjölskyldunni
og spillir ekki þroska- og menn-
ingarviðleitni einstaklingsins, þar
sem félagslegt öryggi ríkir og þar
sem launa- og aðstöðumunur
þegnanna er í lágmarki.
Við viljum framför landsins
alls, þ.e.a.s. að atvinnuuppbygg-
ingin sé miðuð við að byggðin
haldist í landinu með líkum hætti
og nú er. Séum við sammála um
þetta þarf að vinna að allri upp-
byggingu samkvæmt því.
Fyrstu sporin sem nú þarf að
stíga er að gera ráðstafanir til að
full atvinna haldist í landinu en
það markmið næst ekki nema
atvinnurekstrinum sé búinn
sómasamlegur rekstrargrundvöll-
ur og samstaða náist um að telja
verðbólguna niður í áföngum.
Framsóknarflokkurinn hefur sér-
stöðu ílandsbyggðarmálum. Ekki
vantar það að við ýmis tækifæri
eru hinir flokkarnir landsbyggð-
arflokkar í orði, en reynslan er
alltaf ólygnust.
Það ætti ekki að falla neinum
Norðlendingi úr minni hvað gerð-
ist á Alþingi íslendinga 1978 þeg-
ar mest vantaði upp á að bændur
næðu verðlagsgrundvallarverði,
þar sem mjög vantaði þá á að út-
flutningstryggingin dygði. Þegar
til atkvæðagreiðslu kom gengu
sjálfstæðismenn og alþýðuflokks-
menn út úr þingsalnum og komu
með því móti í veg fyrir að málið
næði fram að ganga.
í ágúst sl. settu alþýðubanda-
lagsmenn okkur framsóknar-
mönnum þá úrslitakosti, að ef
þeir ættu að standa að aðgerðum
til að draga úr verðbólguhraðan-
um, þá yrðum við að fallast á að
draga verulega úr útflutnings-
greiðslum til landbúnaðarins.
Eins og á stóð með framleiðslu-
magn og sölumöguleika t.d. á
kindakjöti þá hefði þetta þýtt
gjaldþrot fyrir fjölda bænda.
Þann 21. ágúst sl. lá við stjórn-
arslitum út af þessu máli.
Annað dæmi um byggðastefnu
Alþýðubandalagsins er varðandi
vanefndir í sambandi við breyt-
ingu sem gerð var á jarðræktar-
lögunum árið 1979. Dregið varúr
jarðræktarframlögum en í staðinn
skyldi upphæðinni varið til efling-
ar nýrra búgreina og hagræðing-
ar. Þrátt fyrir mikla eftirgangs-
muni framsóknarmanna fengust
fjármálaráðherra og formaður
fjárveitinganefndar aldrei til að
fullnægja þessu og höfðu þar með
af bændum 21 milljón króna, sem
þeir eiga skýlausan rétt á að fá.
Pálmi Jónsson landbúnaðarráð-
herra brást einnig í þessu máli,
enda var hann á sínum tíma aðal-
talsmaður Sjálfstæðisflokksins
gegn frumvarpinu.
Það er engin tilviljun að Fram-
sóknarflokkurinn er landsbyggð-
arflokkur. Fjórtán af sautján
þingmönnum hans eru kosnir í
kjördæmum landsbyggðarinnar
en hinir flokkarnir hafa allir sitt
fjöldafylgi á suðvesturhorninu og
afstaða þingflokka þeirra mótast
að mestu leyti af því þegar á reyn-
ir.
Það sýndi sig á viðreisnarárum
Sjálfstæðisflokks og Alþýðu-
I flokks hver byggðastefna þeirra
s flokka er. Á þeim árum fjölgaði
✓ fólki á suðvesturhorninu 40%
umfram landsmeðaltal, enda ár-
visst atvinnuleysi á mörgum stöð-
um úti á landi þ.á.m. á Norður-
landi á þessum árum.
Enn eitt dæmi mætti nefna. Nú
er kosið meðal annars um breyt-
ingu á stjórnskipunarlögum. Það
var einmitt gert 1942 og 1959.
Höfuðtilgangurinn með þessum
breytingum var og er að jafna
vægi atkvæða, þ.e.a.s. að fjölga
þingmönnum Reykjavíkur og
Reykjaneskjördæmis og minnka
á þann hátt áhrif landsbyggðar-
innar á löggjafarsamkomu þjóð-
arinnar. í sambandi við þetta mál
er mikið klifað á orðinu mannrétt-
indi eins og einu mannréttindin
séu vægi atkvæða. Ég hef ekkert á
móti því að leiðrétting sé gerð á
Stefán Valgeirsson.
vægi atkvæða að vissu marki en
því aðeins að samhliða séu gerðar
ráðstafanir til að jafna lífsaðstöðu
þegnanna í landinu eftir því sem
hægt er.
Því flutti ég ásamt Ólafi Þ.
Þórðarsyni svohljóðandi breyt-
ingartillögu við stjórnskipunar-
lögin til að láta reyna á hvort
skilningur væri fyrir því á Alþingi
fslendinga að það misrétti sem
viðgengst í þjóðfélaginu í dag,
t.d. hvað varðar misháan orku-
kostnað, yrði með einhverju móti
jafnað: „Skattamálum skal skipa
með lögum. Við ákvörðun skatta
á tekjur og eignir skal gætt jafn-
ræðis þegnanna þannig að til
lækkunar komi sérstakur kostn-
aður vegna búsetu eftir því sem
nánar verður ákveðið í lögum.“
Um þessa tillögu var nafnakall.
Enginn sjálfstæðismaður eða al-
þýðubandalagsmaður greiddi at-
kvæði með henni og er því ljóst
hver skilningur þessara flokka er
á þessum málum. Vægi atkvæða
er að þeirra dómi mannréttindi en
þó framfærslukostnaðurinn sé 30-
40% meiri á einum stað en öðrum
þá gildir þar allt öðru máli, enda
er þessi hái framfærslukostnaður
ekki á þeim stöðum sem þessir
flokkar bera fyrst og fremst fyrir
brjósti. Á þessu þurfa Norðlend-
ingar að átta sig.
Eftir að niðurstöður prófkosn-
inganna lágu fyrir og ljóst var að
þingflokksformenn þriggja
stjórnmálaflokka ásamt Geir
Hallgrímssyni, formanni Sjálf-
stæðisflokksins, höfðu orðið fyrir
verulegum álitshnekki og lent í
sætum sem ólíklegt er að þeir nái
kjöri í margfaldaðist spennan á
Alþingi. Fram kom mikill áhugi
sumra þessara manna á því að
tryggja það með einhverjum hætti
að tvennar kosningar færu fram
með eins skömmu millibili eins og
framast væri unnt. Talað var um
félag fallinna formanna, sem væri
einn illvígasti þrýstihópurinn í
þjóðfélaginu.
Upp úr þessum formannaraun-
um kom þingsályktunartillagan
um að Alþingi skuli koma saman í
síðasta lagi 18 dögum eftir kjör-
dag og fór ekki leynt hvað á bak
við lá. Til þess að þvinga fram
tvennar kosningar verða þessir
flokkar, Sjálfstæðisflokkur, Al-
þýðuflokkur og Alþýðubandalag
að mynda ríkisstjórn. Sumir telja
að þetta sé neyðarleiðin sem Al-
þýðubandalagið hafi verið að
boða. Eitt er víst að formenn
Sjálfstæðisflokks og Alþýðu-
bandalags neita því ekki að til
slíks geti komið.
Sjálfstæðismenn brigsla okkur
um ræfilskap í sambandi við opin-
berar framkvæmdir og þá sérstak-
lega í vegamálum. Þeir segja að
litlar sem engar framkvæmdir hafi
átt sér stað síðustu árin. Þeir hafa
líklega viðreisnarárin sín til sam-
anburðar, þegar bundið slitlag var
lagt á eina fjóra kílómetra á ári að
meðaltali og annað var eftir því.
Hins vegar má geta þess að á síð-
ustu þremur árum var bundið slit-
lag lagt á 378 km, eða 126 km að
meðaltali á ári. Nú er búið að
leggja bundið slitlag á 35% vegar-
ins frá Akureyri til Reykjavíkur,
meirihlutann af veginum til Dal-
víkur og um einn fjórða af vegin-
um milli Akureyrar og Húsavík-
ur. Kjósendur, lítið bara í kring-
um ykkur, verkin tala.
Nú lofa sjálfstæðismenn fram-
kvæmdum alls staðar. Uppbygg-
ingu vega, hafna og hvers konar
mannvirkja. En þeir lofa einnig
að minnka skattheimtu ríkisins.
Þeir ætla sem sagt að byggja upp
vegina og allt annað með skatta-
lækkun á þjóðinni. Þessi flokkur
sem boðaði leiftursókn fyrir síð-
ustu kosningar nefnir hana ekki
nú. Það lítur helst út fyrir að orðið
leiftursókn sé nú bannorð hjá
þeim. í stað þess hrópa þeir nú í
örvæntingu: Frá upplausn til
ábyrgðar. Það er rétt að mikil
upplausn hefur verið og er í Sjálf-
stæðisflokknum og fór það ekki
fram hjá neinum á síðustu misser-
um þegar flokksbrotin voru að
eigast við á Alþingi.
Skoðanakönnun Hagvangs gef-
ur til kynna að Sjálfstæðisflokkur-
inn muni bæta við sig fylgi í kosn-
ingunum, flokkur sem er marg-
klofinn, forystulaus og veit tæpast
sitt rjúkandi ráð, eins og best sást
á öllum hringlandahættinum í
sambandi við bráðabirgðalögin í
vetur. Flokkur sem virðist ætla að
knýja fram tvennar kosningar
með stuttu millibili í samstjórn
með Alþýðubandalaginu til að
reyna að endurheimta fallna for-
ingja sína aftur inn á þing. Þrátt
fyrir þá knýjandi þörf að taka án
tafar á efnahagsmálum þjóðar-
innar. Þessi flokkur ber ekki síður
ábyrgð á verðbólgunni en aðrir
flokkar. Stjórn Geirs Hallgríms-
sonar skilaði af sér yfir 50% verð-
bólgu og minna má á að það eru
sjálfstæðismenn í núverandi ríkis-
stjórn sem einnig bera ábyrgð á
því hvernig farið hefur. Ef þessi
flokkur á skilið fylgisaukningu að
dómi kjósenda þá er illa komið
okkar málum, ekki síst okkar
Norðlendinga.
Fylkið ykkur um Framsóknar-
flokkinn í þessum kosningum,
eina flokkinn sem berst fyrir
framförum á landinu öllu.
Stefán Valgeirsson.
10 - DAGUR -19, apríí 1983