Dagur - 03.05.1983, Blaðsíða 1

Dagur - 03.05.1983, Blaðsíða 1
FLORA DANICA SKARTGRIPIRNIR KOMNIR. MIKIÐ ÚRV GULLSMiÐIR j SIGTRYGGUR 1 AKUREYRI & PÉTUR 66. árgangur Akureyri, þriðjudagur 3. maí 1983 48. tölublað Veruleg framleiösluaukning á fullunnum mokkaskinnum og ullarfatnaði hjá Iðnaðardeild Sambandsins „Staöan hjá lönaöardeildinni er mismunandi eftir greinum. í ullariðnaðinum teljum við að staðan sé þokkaleg. Það hefur orðið veruleg aukning í sölu á vestrænum mörkuðum og markaðurinn í Sovétríkjunum er svipaður og árið áður, þannig að við áætlum að það verði allveruleg framleiðslu- aukning ■ ár, um það bil 15-18% magnaukning, sem er mjög verulegt ekki síst miðað við að árið í fyrra var ekki slæmt,“ sagði Hjörtur Eiríks- son, framkvæmdastjóri Iðnað- ardeildar Sambandsins í viðtali við Dag. „Þessi aukning hefur orðið til þess að við höfum fjölgað starfs- mönnum í ullariðnaði all veru- lega, en í heild vorum við um síðustu áramót með um 80 fleiri starfsmenn en á sama tíma árið áður. Varðandi skinnaiðnað má segja að erfiðleikar hafa verið í sölu á hálfunnum skinnum og það er stórt vandamál og ekki útséð með hvernig það leysist. Póllands- markaðurinn hefur alveg þurrkast út en þeir hafa keypt sl. 30 ár um þriðjung íslensku skinnanna, þannig að það var stórt áfall að missa slíkan markað á einu bretti. Hitt er aftur annað mál varðandi skinnaiðnaðinn, sem er mjög jákvætt, að sala á fullunnum mokkaskinnum hefur stóraukist og þar er áætlað að auka framleiðsluna urri allt að 50 af hundraði þ.e.a.s. hvað varðar magn. Atvinnulega séð þýðir þetta fjölgun starfsmanna, en við leggjum höfuðáherslu á að ná þessari aukningu. Mestu skiptir sala á 10 þúsund mokkaflíkum til Sovétríkjanna sem þýðir 80 þús- und fullsútuð skinn og skiptir höfuðmáli fyrir þessa aukningu. Þó flíkurnar séu saumaðar annars staðar er þessi samningur mjög atvinnuskapandi vegna aukningar á sölu fullunninna skinna. í fataiðnaðinum fyrir heima- markað eigum við í miklum erfiðleikum og þeir stafa af verðbólgunni hér heima, en við erum í mjög verulegri samkeppni við fyrst og fremst framleiðendur í Asíu og Norðuriöndunum. Hingað flæðir mjög mikið af umframframleiðslu frá þessum löndum á mjög lágu verði. Hvað varðar reksturinn í heild þá vantar miklu meira rekstrarfé og fjármagnskostnaðurinn er gíf- urlegur og okkar aðalvandamál. Það er erfitt að halda þessu gangandi í 80% verðbólgu, vantar miklu meira rekstrarfé," sagði Hjörtur Eiríksson að lokum. Mikill áhugi á lóð- unum við Hrafnabjörg — en umsækjendur verða að greiða sérstakt 50 þúsund króna aukagjald fyrir þessar eftirsóttu lóðir „Þessar lóðir eru taldar eftir- sóknarverðar vegna útsýnis og vegna þess að talið er að grunnar verði ódýrir, þannig að ég tel ekki óeðlilegt að þeir sem fá þama lóðir greiði fyrir þær hærra verð,“ sagði Sigurður ÓIi Brynjólfsson bæjarfulltrúi í samtali við Ðag. Lóðirnar sem Sigurður á við eru við Hrafnabjörg ásamt sitt hvorri lóðinni við Drangshlíð og Hvammshlíð en að tillögu Sig- urðar var samþykkt að leggja á þær sérstakt aukagjald að upp- hæð 50 þúsund krónur. Upphaf- lega bar Sigurður þessa tillögu upp í bæjarráði, en hann fékk ekki stuðning þar. Annað var hins vegar uppi á teningnum þeg- ar í bæjarstjórn kom. Þar fékk Sigurður stuðning flokkssystkina sinna, auk bæjarfulltrúa Kvenna- framboðsins, Freys Ófeigssonar og Jóns G. Sólness. Aukagjaldið var því samþykkt með 7 atkvæð- um gegn 6. „Það virðist vera mikill áhugi fyrir þessum lóðum, því umsókn- ir eru þegar farnar að berast og hátt í 100 umsóknareyðublöð eru farin út,“ sagði Erling Aðal- steinsson fulltrúi byggingarfull- trúa í samtali við Dag aðspurður um eftirspurn eftir lóðunum við Hrafnabjörg en umsóknarfrestur rennur út 5. maí. Húsin við Hrafnabjörg verða flest um og yfir 200 fermetrar samkvæmt upplýsingum Erlings. Byggingargjöld af 200 fermetra húsi, að aukagjaldinu meðtöldu, verða rúmlega 180 þús. kr. 1. maí var hátíðlegur haldinn á Akureyri í góðu veðri. Farin var kröfuganga og síðan var útifundur á Ráðhústorgi. Kröfur dagsins hljóðuðu m.a. upp á: Atvinnu handa öllum, bætt vísitöiukerfi, réttláta skiptingu þjóðartekna, 100% álag á aila yfirvinnu og lífvænleg dagvinnulaun. Einnig sáust slagorð eins og: Vopniausa veröld og Landið er ekki einnota. Mynd: KGA. Frá 1. maí kostar mánað- aráskrift á Dcgi kr. 110,00 og í lausasöiu kr. 15,00 eintakið. Grunn- verð augiýsinga verður frá og með sama tíma kr. 110,00 pr. dálksenti- metra.

x

Dagur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagur
https://timarit.is/publication/256

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.