Dagur - 03.05.1983, Blaðsíða 3

Kirkjukór Lögmannshlíðarsóknar:
FLYTUR
ÞÝSKA
MESSU
Sunnudaginn 8. maí n.k.
klukkan 21.00 heldur Kirkju-
kór Lögmannshlíðarsóknar
tónleika í Akureyrarkirkju.
Það hefur verið árviss viðburð-
ur að kórinn haldi tónleika á
vorin og hafa þessir tónleikar
verið vel sóttir og hlotið lof
áheyrenda.
Að þessu sinni flytur kórinn
ÞÝSKA MESSU eftir Franz
Schubert, þar sem allir hinir föstu
liðir messunnar fá mjög að njóta
sín. Textinn við messuna er eftir
Johann Philipp Neumann og
hefur Sverrir Pálsson skólastjóri
þýtt hann á íslensku. Áður hefur
kórinn flutt messu í G-dúr eftir
Schubert.
Auk messunnar verða á efnis-
skrá þrír kórar úr kantötu Björg-
vins Guðmundssonar, „íslands
þúsund ár“, við texta úr Alþingis-
hátíðarljóðum Davíðs Stefáns-
sonar frá Fagraskógi. Kórarnir
eru: Þú mikli eilífi andi, Brennið
þið vitar og Við börn þín ísland.
Einnig flytur kórinn nokkur
smærri lög m.a. nýtt lag eftir
söngstjórann Áskel Jónsson við
ljóð eftir Jón Jónsson í Fremsta-
felii.
Undirleik við messu Schuberts
annast kennarar úr Tónlistarskól-
anum. Strengjakvartett skipaður
Lilju Hjaltadóttur, Mögnu
Guðmundsdóttur, Hrefnu
Hjaltadóttur og Oliver Kentish,
en Jakob Tryggvason leikur á
orgel. Við flutning á kórum
Björgvins Guðmundssonar leikur
Kristinn Örn Kristinsson, kennari
við Tónlistarskólann undir á
píanó. Einsöngvari með kórnum
er Helga Alfreðsdóttir.
Það ætti ekki að þurfa að'
hvetja fólk til að koma og hlýða á
kórinn og það góða tónlistarfólk
sem komið hefur til liðs við hann.
Kirkjukór Lögmannshlíðarkirkju.
Norðurmynd
Lóan er komin
Lóan er komin, meira að segja
löngu komin því haukfrán augu
Sverris Vilhjálmssonar flugum-
ferðarstjóra sáu til ferða henn-
ar í nágrenni flugturnsins
mánudaginn 25. aprfl. Þegar
Hða fór á vikuna voru lóur í
stórum hópum á flugvallar-
svæðinu og eflaust víðar.
í fyrravor var lóan fjórum
dögum fyrr á ferðinni á flugvallar-
svæðinu, en vorið 1981 var hún
mun fyrr á ferðinni þar, því þá
sást til hennar 5. apríl.
Sverrir og félagar hans í
flugturninum hafa fylgst grannt
með komum farfuglanna á undan-
förnum árum. í vor sáu þeir fyrst
til gæsa 10. apríl og tjaldur,
stelkur og sendlingur létu sjá sig
12. apríl. í fyrra sást tjaldurinn
fyrst 28. mars. Nú, ef við höldum
áfram með árið í ár þá sáu þeir
Sverrir og félagar duggendur og
svani fyrst 20. apríl, skúfendur
27. apríl og daginn eftir sáust
urtendur og rauðhöfðar. En svo
mikið er víst, að farfuglarnir eru
mun seinna á ferðinni til landsins
í ár en venja þeirra er.
Skeifudagurinn
haldinn á Hólum
Skeifudagurinn svokallaði var
haldinn á Bændaskólanum á
Hólum í Hjaltadal á mánudaginn
í blíðskaparveðri og tókst með
ágætum. Skeifudagurinn er til-
kominn vegna þess að Morgun-
blaðið gaf verðlaun, þ.e. silfur-
skeifu fyrir best tamda hestinn í
skólanum og var það 1960. Úrslit
urðu þeu að skeifuna hreppti
Sveinn Orri Vignisson frá As-
mundarstöðum í Rangárvalla-
sýslu á hestinum Jarp sem hann á
sjálfur. Einnig veitir félag tamn-
ingamanna ásetuverðlaun. Hlaut
þau Harpa Baldursdóttir frá
Bjarnarnesi í Hornafirði. Síðan
var veitttur Eiðfaxabikar fyrir
best hirta hrossið. Það eru starfs-
menn og nemendur sem umgang-
ast hesthúsið sem greiða atkvæði
um þetta. Bikarinn hlaut Þor-
varður Friðbjörnsson.
Hestamannafélagið Hreinn, á
staðnum, hélt gæðingakeppni þar
sem einungis máttu keppa hross
sem eru á fyrsta ári í tamningu. í
þeirri keppni sigraði Fluga 5
vetra, eigandi og knapi Sigur-
björn Þórmundsson. Að sögn
Þorvaldar Árnasonar verður
kennslu hætt nú um helgina og
við taka próf í hálfan mánuð og
skólaslit fara fram 14. maí.
Bifreiðaeigendur
Fullkomnasta stillitæki á
íslandi er komið til okkar
Það er tölva og þú færð útskrift um ástand bifreiðarinnar.
Tölvan segir til um ástand mótorsins, hvort rafkerfið er í lagi
og einnig hvernig bifreiðin nýtir eldsneytið.
Hún f innur bilanir á svipstundu og leggur til hvað er til úrbóta.
Það tekur hana um 15 mínútur sem gæti tekið venjulegan
bifvélavirkja marga klukkutíma.
Ef þú ert að kaupa eða selja
notaða bifreið er sjálfsagt
að nota sér þessa sérstæðu
þjónustu.
v/Tryggvabraut,
Akureyri, sími 22700.

Vöíuhúss
. höfst' 9** "
T0ppv0|l|,
mán
udagi"n
2. ma'
'ZSbs

3. maí 1983 - DAGUR - 3