Dagur - 05.05.1983, Blaðsíða 5

„Húsavík er mjög miðsvæðis við marga fallega staði.“
. . . auðvitað er ekki alltaf sumar og sól . . .
„Þetta er barátta, en skemmtileg barátta.“
rétta orðið. Það sé beinlínis
villandi og höfði miklu meira til
fólks sem er lasburða og þurfi að
endurheimta heiisuna, líkt og á
sér stað í leirböðunum í Hvera-
gerði. Eitt er það enn sem virðist
eiga sinn þátt í því að aðsóknin er
ekki betri en það er það að fólk
virðist hrætt við að teppast hér
vegna snjóa og ófærðar. En
sannleikurinn er sá að samgöngur
til og frá Húsavíkur eru orðnar
það góðar að sú hætta er í raun og
veru ákaflega lítil."
- Hvað með alþjóðlegar ráð-
stefnur og ráðstefnur almennt, er
möguleiki á svoleiðis hér?
„Já, hótelið er ágætlega í stakk
búið til ráðstefnuhalds, það er að
segja ef ekki er um of mikinn
fjölda að ræða. Við getum boðið
upp á 68 gistirúm. Við erum með
á leigu skemmtilega sali sem
Félagsheimilið á og hvað fundar-
aðstöðu varðar getum við tekið á
móti 250-300 manns. Við höfum
haldið margar norrænar ráðstefn-
ur og þátttakendur hafa verið
ákaflega ánægðir með allan að-
búnað hér. Þá má nefna að það er
talsvert um það að fyrirtæki og
ýmiskonar félög haldi sína aðal-
fundi hér. Forráðamenn slíkra
funda hafa verið mjög ánægðir
með hve vel hefur tekist „að
halda utan um hópinn“. Einnig
hefur verið töluvert um allskonar
námskeiðahald. Sömu söguna er
að segja af þeim. Þátttakendur
eru allir á einum stað og þar af
leiðandi fljótlegt að kalla þá
saman. Þá hefur verið bent á að
fólk kynnist miklu betur hvert
öðru þegar þessi háttur er hafður
á.“
- Er mikið um það að útlend-
ingar sem pantað hafa gistingu á
hótelinu, afpanti?
„Það var töluvert um það sl.
sumar og til þess liggja sjálfsagt
margar ástæður. M.a. hefur
kreppan sem gengið hefur yfir
Evrópu sagt verulega til sín.
Þjóðverjar hafa komið mikið til
okkar undanfarin ár en það er
dýrt að heimsækja ísland og
þegar kreppir að fara þeir einfald-
lega til ódýrari landa. Hinsvegar
bætti það nokkuð úr skák að fleiri
íslendingar komu hér í fyrra-
sumar en oft áður. En það er
ástæða til að minna þá á að panta
gistingu í tíma því það kemur oft
fyrir að þeir koma hér að yfirfullu
hóteli á sumrin.“
- En kemur það fyrir að fólk
sem hefur pantað gistingu kemur
ekki og hirðir ekki um að
afpanta?
„Já, því miður eru brögð að
því. Fyrir stuttu var hótelið
fullbókað og fleiri vildu koma en
eðlilega gátum við ekki tekið á
móti þeim. Hinsvegar komu ekki
allir þeir sem áttu pantað þannig
að við hefðum getað tekið á móti
hópnum sem við þurftum því
miður að vísa frá.“
- Hefur hótelið tekið á móti
einhverjum þekktum einstakling-
um, t.d. þjóðhöfðingjum?
„Já, mikil ósköp. Fyrst vildi ég
nefna okkar ágæta forseta, Vig-
dísi Finnbogadóttur. Þá man ég
eftir þáverandi forsætisráðherra
Danmerkur, Anker Jörgensen og
Faisal prins af Saudi Arabíu.“
- Er mikið bókað hjá þér í
sumar?
„Það er allmikið pantað, svip-
að og undanfarin ár. Ef þessar
pantanir standast má segja að
sumarið leggist bærilega í mig.
Spurningin er bara hvort hótelið
ætti ekki að fara að höfða meira
til íslendinga sjálfra. Það er
staðreynd að utanlandsferðir eru
mjög dýrar. Lífskjör í landinu
eru hinsvegar ekki þau sömu og
þau voru fyrir nokkrum árum.
Fólk hefur hreinlega ekki efni á
því að fara í þessar utanlands-
ferðir. Þrátt fýrir að ferðaskrif-
stofurnar bjóði allskyns greiðslu-
kjör er það samt sem áður óum-
flýjanleg staðreynd að það kemur
að skuldadögunum og þeir geta
reynst mörgum um megn. Nú í
sumar ætlar hótelið að bjóða upp
á a.m.k. 3ja nátta „pakka“. Ef
fólk vill getur það tekið bílaleigu-
bíl á staðnum eða farið í skipu-
lagðar hópferðir og séð þær perl-
ur náttúrufegurðar sem Þingeyj-
arsýslur hafa upp á að bjóða. Þá
verður hægt að komast á sjó-
stangaveiði á Skjálfanda eða í sil-
ungsveiði í ám og vötnum í ná-
grenni Húsavíkur. Þá má benda
áhugamönnum um golfíþrótt á
að hér er mjög góður völlur rétt
sunnan við bæinn. Ef einhver
hópur óskar eftir því að komast
á hestbak mun hótelið útvega
þeim hesta.“
- Að lokum Auður, á Húsavík
framtíð fyrir sér sem ferða-
mannabær?
„Alveg tvímælalaust. Húsavík
er mjög miðsvæðis við marga fal-
lega staði. Bærinn er fallegur og
þrifalegur, ummæli fjölmargra
erlendra ferðamanna staðfesta
það. Þegar talað er um að gera
einhvern stað að ferðamanna-
stað, verður fyrst og síðast að
vera aðstaða til þess að taka á
móti ferðamönnum. Aðstaðan
hér er mjög góð. Menn verða
mjög hissa á því að sjá svo glæsi-
....... ...........
legt hótel úti á landi. Að lokum
vil ég hvetja fólk til að koma og
heimsækja okkur, t.d. á Heilsu-
vikuna, eða þá að dvelja hér í
annan tíma. Hér getur það notið
þingeyskrar náttúrufegurðar og
borið svo saman við utanlands-
ferðirnar, þeir sem þær þekkja.
Við eigum heima á íslandi, auð-
vitað er ekki alltaf sumar og sól
hjá okkur en það er hægt að
njóta lífsins þótt sólina vanti. Við
verðum bara að. læra að lifa með
veðráttu þess lands sem við erum
svo dásamlega hamingjusöm að
eiga sem föðurland."
>^2VAKUREYRI
^TKAUPMANNAHÖFN
BEINT ÞOTUFlUe ALLA FIMHTU0A6A
FRÁ16JÚ NÍ-01.SEPTE MBER
OANMÖRK DANMÖRK DANMÖRK DANMÖRK
VIKUFERÐIR
TIL
KAUPMANNAHAFNAR
FLUC OG GISTING Á
HÓTEL WEST END MEÐ
MORGUNMAT
FERÐASKRIFSTOFA
AKUREYRAR h.f.
SÍMI 25000
fe. maí 1983 - DAGÚR - 5