Dagur - 10.05.1983, Blaðsíða 5

r.
m m i WMM
„Eini
maðurinn
álandinu
... sem fæst við þessa tónlist“
Hallbjöm Hjartarson kántrý
söngvari frá Skagaströnd sem
stundum hefur verið nefndur
„nyrsti cowboy veraldar“ hefur
sent frá sér 2. kúreka-
söngvaplötu sína og ber hún
heitið „Kántrý 2“. A plötunni
era 12 lög, 10. þeirra eftir
Hallbjöm og tvö eftir Jóhann
G. Jóhannson. Textar era eftir
Jóhann G. Jóhannsson, Rúnar
Kristjánsson, Jón Sigurðsson,
Hallbjöm sjálfan og fleiri.
„Þær eru alveg eins og svart
og hvítt þessi plata og „Kántrý
1“ sem kom út fyrir tveimur
árum,“ sagði Hallbjörn er við
spjölluðum við hann í tilefni af
nýju plötunni. „Þetta er miklu
vandaðri plata og mun meira
borið í hana á öllum sviðum en
hina fyrri. Ég sagði það einu
sinni í viðtali við ykkur að næsta
plata yrði í miklu meira kántrýi
en „Kántrý 1“ og sú er raunin.
Ég vil taka það fram að þetta
er íslenskt kántrý sem ér er að
framleiða á báðum plötunum.
Fyrri platan var svona þreifing
en „Kántrý 2“ er meira í áttina
að vera þetta íslenska kántrý
sem ég er að þróa. Ég er eini
maðurinn á landinu sem fæst
við þessa tónlist.“
- Hvernig verður þessi ís-
lenski kántrýstíll til?
„Ég reyni að blanda saman
íslenskri alþýðutónlist og amer-
ísku kántrý, reyni að finna
þarna leiðir á milli, nota þessi
hefðbundnu hljóðfæri og einnig
fleiri. í laginu „Ég vitja þín“
notum við t.d. pikkalóflautu og
horn sem ekki er vaninn að nota
á plötum. Þá reyni ég að skapa
fjallastemmnigu og hef þá í
huga íslenska dreifbýlið því
smákeimur af dreifbýlinu á vel
við í þessari dreifbýlistónlist.“
- Nú sýnir þú á þér nýja hlið
á þessari plötu og jóðlar af
miklum krafti.
„Ég gerði dálítið af því sem
strákur að jóðla og kom þá fram
á skemmtunum í ungmennafé-
laginu. Síðan hætti ég þessu en
hugsaði mér að taka þetta
upp aftur á „Kántrý 2“ til til-
breytingar og til að undirstrika
kántrýstemmninguna. Ég tók
mig til í haust og byrjaði að æfa
mig á þessu.“
- Eitt lagið ber nafnið
„Kántrýbær“, væntanlega þá í
höfuðið á veitingastað þínum á
Skagaströnd?
„Já, mér fannst ágætt að
tengja þetta svona saman því
nafnið á „Kántrýbæ“ kom til
vegna „Kántrý 1“ plötunnar."
Við grípum hér niður í text-
ann við lagið „Kántrýbær“.
Út við ysta sæ
er óskastaður þinn.
Komdu í Kántrýbæ,
komdu og líttu inn.
- Ætlar þú að fylgja plötunni
eftir t.d. með því að ferðast um
landið og koma fram?
„Ég hef verið í Reykjavík að
undanförnu og komið fram á
Broadway og í Hollywood. Mig
langar til þess að fara með þetta
um landið og skemmta en það
er ýmsum vandkvæðum bundið.
En það er áhugi fyrir því og
hver veit nema svo verði.
Undirtektir hér fyrir sunnan
hafa verið frábærar, og t.d. í
Broadway voru þær alveg guð-
dómlegar."
- Þú gefur plötuna út sjálfur,
er það ekki mikið fyrirtæki?
„Já, ég ber allan kostnaðinn
og ég tek mikla áhættu.
„Kántrý 2“ kostaði mig t.d.
mikinn hjartslátt því hún er
komin langt fram úr kostnaðar-
áætlun. Ég vona bara að fólkið
taki þessu vel og hjálpi mér að
komast yfir þennan bagga með
því að kaupa plötuna."
Framburður Glerár
kemur í góðar þarfir
i,Þetta hefur verið gert af og
tfl í mörg ár,“ sagði Stefán
Stefánsson verkfræðingur Ak-
ureyrarbæjar er hann var
spurður um efnistöku í svo-
kölluðum „rafveitudammi“,
lóninu ofan við gömlu stífluna
í Glerá.
Þar voru starfsmenn Akureyr-
arbæjar að ýta upp efni og keyra
burt til uppfyllingar vegna fram-
kvæmda við höfnina og víðar í
bænum. „Þetta er mjög gott
efni,“ sagði Stefán, „möl og
sandur kemur ofan af Glerárdal
og aðskilur sig er það kemur í
„damminn" þannig að fínna efn-
ið sest neðst og grófa efnið er
ofar, svo þetta er mjög þægilegt."
Það á að endurnýja stífluna í
lítið breyttri mynd en það er
óvíst hvenær framkvæmdir
hefjast.
„Stíflan kemur að mjög góðum
notum. Hún stöðvar framrennsli
jarðefna sem við svo aftur notum
auk þess kemur hún í veg fyrir
klakastíflur sem annars mynduð-
ust neðar í ánni, sem svo breytti
farvegi árinnar og gæti það
valdið verulegum skaða auk þess
sem stíflan hefur sögulegt gildi
sem fyrsta rafstöð Akureyringa,"
sagði Stefán Stefánsson að
lokum.
Starfsmenn Akureyrarbæjar notuðu stórvirkar vinnuvélar við efnistöku úr rafveitudamminum.
♦
... fc* i* ** w
íslensk lambalifur er einhver hollasti matur sem völ er á:
- Hún er bætiefnaríkari en flestar ef ekki allar matvörur aðrar.
- Hún er ein besta A vítamínuppspretta sem þekkt er.
- Hún er einkar fitulítil og því fyrirtaks megrunarfæði-ekki síst
tilliti til þess hve auðug hún er af nauðsynlegum bætiefnum og
- hún er að auki rík af járni, kopar, fólasíni og B12 vítamíni.
FRAMLEIÐENDUR
10. ma( 1983- DAGUR- 5