Dagur - 10.05.1983, Blaðsíða 16

Akureyri, þriðjudagur 10. maí 1983
RAFGEYMAR
í BÍLINN, BÁTINN, VINNUVÉLINA
VEUIÐ RÉTT
MERKI
Slys, innbrot og ölvun voru
þau mál sem Iögreglan á
Akureyri þurfti að hafa af-
skipti af um helgina.
Mjög haröur árekstur varð á
laugardagskvöldið á gatnamótum
Höfðahlíðar og Skarðshlíðar.
Tvær fólksbifreiðar rákust saman
og voru þrír farþegar þeirra
fluttir í sjúkrahús, en reyndust
minna slasaðir en áætlað var í
fyrstu. Báðir bílarnir voru óöku-
færir.
Að sögn lögreglumanna er
maímánuður mesti slysamánuður
á Akureyri og er aldrei of
varlega farið. F>ess vegna hefur
lögreglan tekið radarinn góða í
gagnið. Eru ökumenn hvattir til
að fara varlega þvf þeir hjá
lögreglunni vilja hafa afskipti af
sem fæstum, en þó hafa nokkrir
verið teknir fyrir of hraðan
akstur. Kemur það við pyngju
margra því sektir eru allháar.
Svo má minna á að þeir sem
ekki hafa farið með bílinn í
skoðun mega búast við því að
þeir verði stöðvaðir og bílarnir
jafnvel teknir úr umferð því
óvenju mikill dráttur hefur verið
á því að fólk fari eftir settum
reglum í þessu efni.
Þá hefur einhver eða einhverjir
farið inn í gömlu afgreiðslu
Stefnis við Strandgötu. Þar hafa
þeir gert sér lítið fyrir og brotið
og bramlað gömul húsgögn, síma
og fleira. Skemmdir eru miklar.
„Bæjarstjórn hefur
sofið á verðinum“
- segir Guðmundur Ómar Guðmundsson formaður Trésmiðafálags Akureyrar
„Það bendir flest til þess að
um 20 smiðir verði atvinnu-
lausir 1. júní þar sem atvinnu-
rekendur þeirra sjá ekki fram
á verkefni,“ sagði Guðmundur
Ómar Guðmundsson formað-
ur Trésmiðafélags Akureyrar í
samtali við Dag.
„Þetta er í samræmi við þá
þróun sem verið hefur, því á
undanförnum þrem árum hafa
um 25 manns hætt í iðninni
árlega,“ sagði Guðmundur.
„Flestir þerra hafá horfið að
öðrum störfum, en því miður eru
einnig dæmi þess að þeir hafi
flutt í burtu. í september sl. var
56 starfsmönnum í byggingariðn-
aði sagt upp störfum. Þar af hafa
46 hætt. Þar eru verkamenn í
stórum hluta en iðnaðarmenn
hafa gengið inn í þeirra störf.
Það er einnig uggvænleg þróun
að fyrirtækin taka ekki inn
nema. Núna eru á milli 20 og 30
nemar á samningi, en það er
svipaður fjöldi og útskrifaðist
árlega áður. Þar við bætist að
margir þeirra sem horfið hafa úr
iðninni á undanförnum árum eru
nýútskrifaðir sveinar. Þeir ljúka
náminu, taka sveinsprófið, en
hverfa síðan til annarra starfa.“
- Hvað er til ráða til að snúa
þessari þróun við?
„Ég hef enga patentlausn sem
breytir þessu í einni svipan.
Aukning í byggingariðnaði verð-
ur ekki nema sem afleiðing af
uppgangi í öðrum atvinnugrein-
um. Nú er ekki um slíkt að ræða,
þannig að fólk flytur frekar
burtu úr bænum en til hans. Þess
vegna er ekki þörf fyrir fleiri
íbúðir.
Ég tel að bæjarstjórn hafi
sofið á verðinum, því frá henni
hefur enginn hvati komið til að
velta upp nýjum atvinnumögu-
leikum. Á sama tíma eru í
fullum gangi athuganir á steinull-
arverksmiðju á Sauðárkróki og
pappírsverksmiðju á Húsavík
sem bæjarstjórnir þessara staða
hafa haft forgöngu um. Þá finnst
mér það til stórrar vansæmdar
fyrir ríki og bæ að finna megi
dæmi þess að ekki er einu sinni
athugað hvað íslenskur iðnaður
hefur fram að færa þegar keypt
eru húsgögn í skóla og stofnanir.
Þetta sannaðist best varðandi
Verkmenntaskólann," sagði
Guðmundur Ómar Guðmunds-
son í lok samtalsins.
Þessa vænu bleikju veiddi Einar Long í Stokkahlaðahyl í
Eyjafjarðará á sunnudaginn. Hún var 4É2 pund og lengdin
reyndist vera 59 sm. Einar sagði að menn hefðu jafnvel orðið
varir við lax á þessum slóðum svo að von væri á góðri veiði
er veiðitíminn hæfist fyrir alvöru. Mynd: GEJ
Vöruflutningabílstjórar:
Greiða fullan þungaskatt
þrátt fyrir þungatakmarkanir
- og hugleiða nú málsókn á hendur ríkinu
„Okkur fínnst ansi hart að
þurfa að greiða fullan þunga-
skatt á meðan þungatakmark-
anir eru á vegunum, þannig að
við getum ekki nýtt þessi dýru
tæki nema kannski að einum
þriðja hluta. Bílstjórar eru nú
að hugleiða að láta reyna á
þetta mál fyrir dómstólum“,
sagði Sigurður Jónasson, sem
ekur vöruflutningabfl milli Ak-
ureyrar og Reykjavíkur, í
viðtali við Dag.
„Við gerum okkur að sjálf-
sögðu fulla grein fyrir því að
nauðsynlegt er að setja þunga-
takmarkanir á vegi svo þeir
eyðileggist ekki, meðan ástand
þeirra er eins og það er í dag. í
fyrra voru þungatakmarkanir á
vegum í samtais á elleftu viku og
allan tímann vorum við að
greiða fullan þungaskatt. Ég
kem 12 tonnum af vörum í bílinn
og 7 tonnum í kerru eða samtals
19 tonnum, en riú fæ ég ekki að
fara með nema samtals 6 tonn, 4
í bílnum og 2 í kerrunni og greiði
alltaf mínar 4,16 krónur á
kílómetrann í þungaskatt. Ég
greiði t.d. skatt af kerrunni
miðað við 10 tonna flutningsgetu
en ef kerrur taka undir 6 tonnum
þarf ekki að greiða þungaskatt-
inn. Meðan þungatakmarkanir
eru flyt ég langt undir þessum 6
tonnum og greiði samt fullan
skatt miðað við 10 tonna
flutning. Og við höfum ýmislegt
fleira út á þessar reglugerðir að
setja“, sagði Sigurður Jónasson.
Mjög mikil óánægja hefur
verið meðal bílstjóra um nokk-
urra ára skeið vegna þessa máls
og nú eru líkur á að farið verði í
hart. Lesið var af mælum bílanna
við upphaf takmarkana nú í vor
og afturs verður lesið af þeim við
lok þeirra, þannig að það ætti að
vera á hreinu hvað ekið hefur
verið mikið á hálfum afköstum
eða minna, ef til málshöfðunar
kemur.
HRINGORMUR
í ÝSU OG KARFA
Eins og kunnugt er hefur
hringormur í þorski valdið
miklum spjöllum og ómældum
kostnaði vegna hreinsunar.
Hingað til hefur hringormur
nær eingöngu verið bundinn
við þorsk en nú telja menn sig
sjá þess merki að fleiri fískteg-
undir séu að koma inn í
myndina sem hýslar fyrir
hringorminn.
Að sögn sjómanns á togara,
sem Dagur ræddi við, hefur nú á
síðustu misserum orðið vart
hringorms í holdi ýsu, karfa og
jafnvel lúði, en auk þorsks hefur
ufsi verið hýsill fyrir hringorminn
þó í minna mæli hafi verið.
Hringormurinn klekst út í iðrum
sels og setja menn aukningu
hringorms í beint samband við
mikla fjölgun sela hér við land.
ra
la
HMJ
• Skilið
hækjunum
Endurhæfingarstöðin á
Bjargi hefur til umráða
nokkra tugi setta af armstöf-
um sem líka eru nefndir
hækjur. Þessi hjálpartæki eru
lánuð tii þeirra sem á þurfa
að halda en það vill gleymast
að skila armstöfunum þegar
viðkomandi hefur ekki lengur
not fyrir þá. Þetta verður til
þess að endurhæfingarstöð-
in stendur stundum uppi
armstafalaus, þannig að þeir
sem á þeim þurfa virkilega að
halda geta ekki notið þeirra.
Þannig er ástandið núna.
Þess vegna er hér með skor-
að á trassana að skila arm-
stöfunum strax.
• Viljum
islenskt
Að undanförnu hefur verið
haldið uppi miklum áróðri
fyrir íslenskri framleiðslu,
m.a. hér í Degi. Þetta hefur
borið árangur, a.m.k. getum
við nefnt eitt dæmi því til
staðfestingar. Á dögunum
voru keyptir nýir stólar í fé-
lagsmiðstöðina í Glerár-
skóla. Þegar ungligarnir ætl-
uðu að tylia sér á þessar nýju
mublur ráku þeir augun í
áletrunina „Made in
Denmark" á stólunum. Þar
með fóru krakkarnir ( stræk
og sögðust ekki setjast (
þessa dönsku stóla, þar sem
hægt væri að fá jafngóða, ef
ekki betri stóla frá íslenskum
framleiðendum.
• Krati hér
en íhald þar
Tvær nefndir eru starfandi
vegna Verkmenntaskólans á
Akureyri. Önnur hefur með
byggingarframkvæmdir að
gera og hefur verið starfandi
í nokkur ár. Þar er Bárður
Halldórsson meðal nefndar-
manna sem fulltrúi Alþýðu-
flokksins. Önnur nefnd hefur
verið sett á laggirnar fyrir
skömmu sem sjá skal um
stjórnun skólans. Þar er
Bárður líka meðal nefndar-
manna en sem fulltrúi Sjálf-
stæðisflokksins. Hann hafði
sem sé stokkið frá borði hjá
krötum yfir til íhaldsins á
þeim mánuðum sem liðu milli
þessara nefndaskipana.
Áhuginn
hendi
fyrir
Kylfingar þeir sem sáust ösla
snjó á Jaðarsvelli á Akureyrí
um helgina verða ekki sakað-
ir um áhugaleysi á íþrótt
sinni. Þar þvældust þeir fram
og aftur ( sköflunum í leit að
hvítu kúlunum sfnum og var
spaugilegt að fylgjast með
þeim. Besti útbúnaður tlt
golfieiks á Jaðarsvelli um
þessar mundir eru klofstfgvél
og rauðar eða svartar golf-
kúlur og er þungt í mörgum
kylfingum yfir því hversu
seinn völlurinn ætlar að
verða til að þessu sinni.