Dagur - 16.05.1983, Side 1
GULLSMIÐIR
SIGTRYGGUR & PÉTUR
AKUREYRI
Akureyri, mánudagur 16. maí 1983
Drullugir en ánægðir Sjá bls. 13
,Okkur er stillt
upp við vegg“
- Stjórnarmyndunarviðræðurnar komnar í tímapressu
„Ég met stöðuna þannig að
Framsóknarflokkur og Sjálf-
stæðisflokkur geti náð sam-
komulagi um myndun ríkis-
stjómar fái þeir tU þess tíma,“
sagði Stefán Valgeirsson al-
þingismaður í samtali við Dag
í morgun. Lárus Jónsson al-
þingismaður svaraði sömu
spurningu þannig: „Ég vona
að það náist samstaða um
þingræðisstjórn næstu daga.“
Þingflokkar Framsóknarflokks
og Sjálfstæðisflokks hittast í dag
og ræða áframhald stjórnar-
myndunarviðræðna. Að þeim
fundum loknum ætti að verða
ljóst hvort flokkarnir halda við-
ræðum áfram eða Steingrímur
Hermannsson skilar umboði sínu
til forseta.
„Það er ekki þægilegt að
standa í stjórnarmyndunarvið-
ræðum við þessar aðstæður. Fyrir
það fyrsta hefur flokkum á Al-
þingi fjölgað, vandamálin í þjóð-
félaginu eru stærri og erfiðari en
nokkru sinni áður og í þriðja lagi
erum við settir í tímapressu.
Okkur hefur verið sagt að ef við
verðum ekki búnir að mynda
þingræðisstjórn fyrir hvítasunnu
grípi forseti til sinna ráða. Það
þýðir utanþingsstjórn og það er
versti kosturinn að okkar mati,“
sagði einn heimildarmanna Dags
sem hefur tekið þátt í stjórnar-
myndunarviðræðunum.
Aðrir heimildarmenn blaðsins
tóku í sama streng í morgun.
Flestir þeirra voru sammála um
að einkum væru bundnar vonir
við að ríkisstjóm Sjálfstæðis-
flokks og Framsóknarflokks yrði
að vemleika um miðja vikuna.
Eins og málin stóðu í morgun var
reiknað með Steingrími Her-
mannssyni sem forsætisráðherra
en Geir Hallgrímssyni sem utan-
ríkisráðherra. Um helgina hafa
einnig staðið yfir óformlegar við-
ræður um stjórnarsamstarf Sjálf-
stæðisflokks, Alþýðuflokks og
Bandalags jafnaðarmanna.
Frumkvæðið að þeim viðræðum
mun komið frá Alþýðuflokknum.
Ekki mun forystuliði Sjálfstæðis-
flokksins þykja sá kostur vænleg-
ur, þar sem meirihlutinn yrði
naumur og liðið sundurleitt. Auk
þess mun slíkt stjórnarmunstur
mæta andstöðu innan Alþýðu-
flokksins vegna sárinda út í Vil-
mundarliðið. Alþýðubandalagið
hefur ekki verið til viðræðu um
annað en skammtímastjórn fram
að kosningum í haust. Minni-
hlutastjórn hefur hins vegar ekki
verið rædd í neinni alvöru enn.
„Það er hins vegar alveg Ijóst að
við reynum alla möguleika til
þrautar áður en við köllum yfir
okkur utanþingsstjórn,“ sagði
einn heimildarmanna Dags úr
röðum sjálfstæðismanna.
66. árgangur
Vorsýningu
Myndlistar-
skólans
iýkur í
kvöld
Vorsýningu Myndlistarskólans á
Akureyri lýkur í kvöld, en mikil
aðsókn var að sýningunni yfir
helgina. Það eru nemendur úr
öllum deildum skólans, allt frá
fjögurra ára aldri til áttræðs, sem
sýna verk sín á þessari sýningu,
sem er sú stærsta er skólinn hefur
haldið. Nemendur í Myndlistar-
skólanum á Akureyri voru í vetur
230 í dagdeildum og á námskeið-
um. Kennarar voru 13.
- Svo langt sem við sjáum
fram í tímann eða fram að
næstu helgi, þá sjáum við
ekkert nema áframhaldandi
norðaustan átt og svipað veð-
ur á norðanverðu landinu,
sagði Eyjólfur Þorbjörnsson,
veðurfræðingur á Veðurstofu
íslands í samtali við Dag í
morgun.
Að sögn Eyjólfs er spáð norð-
austlægri átt um mest allt land
næstu daga, með þoku, súld og
jafnvel slyddu á Norður- og
Norðausturlandi.
- Sjórinn úti fyrir er mjög
kaldur, sagði Eyjólfur - en það
gerir að verkum að hitastigið
verður mjög lágt, þetta eitt til
þrjú stig. Það verður vafalaust
skömminni skárra í innsveitum,
sagði Eyjólfur Þorbjörnsson,
veðurfræðingur.
’
53. tölublað
Hundur
réðist
ábíl
- Hundeigandinn var tryggður
í gær gerðist það við útibú
KEA í Höfðahlíð á Akureyri
að hundur réðist á bifreið
manns sem var að versla þar.
Hundurinn stökk á bílinn og
rispaði hurð á honum og einnig
afturbretti. Eigandi hundsins var
þarna nærstaddur og tjáði hann
lögreglu sem kom á vettvang að
hundurinn væri tryggður og
tryggingafélagið myndi greiða
skaða bifreiðaeigandans vegna
þessa.
Bifreið
stolið frá
Hótel KEA
- Bílstjórinn gmnaður
um ölvun
Bifreið var stolið frá Hótel
KEA á laugardagskvöld. Sást til
þjófsins þar sem hann ók frá
hótelinu og hafði lögreglan fljót-
lega upp á honum. Maðurinn
hafði þá yfirgefið bifreiðina sem
var óskemmd, en hann var grun-
aður um að hafa ekið ölvaður.
Stálu
bréfum úr
póstkassa
Pósthússins
- Höfðu ávísun upp úr krafsinu
Fjórir unglingspiltar voru
handteknir á Akureyri í
gærkvöld. Hafði þeim tekist að
ná bréfum úr póstkassa við póst-
húsið í Hafnarstræti. í einu bréf-
anna var ávísun að upphæð 250
krónur og tókst piltunum að selja
hana þótt hún væri útgefin á
ákveðið fyrirtæki.
Viðtal við
Gunnar Egilsson
- Sjá bls. 5
HNM