Dagur - 16.05.1983, Blaðsíða 4
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 110 Á MÁNUÐI - LAUSASÖLUVERÐ 15 KR.
RITSTJÓRI OG ÁBYRGÐARM.: HERMANN SVEINBJÖRNSSON
BLAÐAMENN: EIRIKUR ST. EIRlKSSON, GYLFI KRISTJÁNSSON,
ÓLAFUR JÓHANNSSON (SAUÐÁRKRÓKI) OG
ÞORKELL BJÖRNSSON (HÚSAVlK)
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Stéttastríð og
almenningur
Þegar ljóst var að stjórnarmyndunartilraunir
Geirs Hallgrímssonar tækjust ekki var Stein-
grími Hermannssyni, formanni næststærsta
stjórnmálaflokksins, falið að gera tilraun til
stjórnarmyndunar. Steingrímur taldi sig ekki
þurfa langan tíma til að komast að raun um
hvort samkomulag næðist. Línur hafa að sjálf-
sögðu skýrst í viðræðunum sem Geir stóð
fyrir og koma þær umræður til góða á síðari
stigum. Lítill tími er til stefnu og forseti ís-
lands hefur óskað eftir því að málin liggi ljós
fyrir um hvítasunnu varðandi mögulega
stjórnarmyndun stjórnmálaflokkanna. Ef slík
stjórnarmyndun hefur ekki tekist þá virðist
eðlilegt að leita til valinkunnra manna utan
þingsins um utanþingsstjórn, sem tekið gæti
á þeim brýnu verkefnum sem framundan eru
og nauðsynlegt er að takast á við.
Það mun hafa komið í ljós í stjórnarmynd-
unarviðræðum Geirs Hallgrímssonar, að sjálf-
stæðismenn vilja í meginatriðum fara leiftur-
sóknarleiðina, sem þeir boðuðu forðum. Þeir
vilja afnema vísitöluhækkanir á laun, sleppa
öllu lausu og láta aðila vinnumarkaðarins
bítast um að leysa verðbólguvandann.
Steingrímur Hermannsson hefur bent á að
miðað við tillögur sjálfstæðismanna yrði verð-
bólgustig milli 40 og 50% um næstu áramót
og það væri of mikil verðbólga til að ætla að-
ilum vinnumarkaðarins að leysa þau vanda-
mál sem óhjákvæmilega fylgja því ástandi.
Framsóknarmenn telja að með leiftursókn-
arleið eða eins og sjálfstæðismenn kalla það
nú, að koma verðbólgunni niður fyrir vexti í
einu vetfangi, skapist ófremdarástand á
vinnumarkaði, atvinnuleysi verði og veruleg
kaupmáttarrýrnun hjá launþegum. Fram-
sóknarmenn hafa lagt til að hægar verði farið
í sakirnar til að unnt verði að tryggja atvinnu
og að kaupmáttur þeirra sem minnst mega
sín rýrni ekki. Að fenginni reynslu þýði ekki
annað en ákveða fyrirfram með hvaða hætti
þetta verð gert og lögfesting verðbótahækk-
ana og verðlagshækkana verði ákveðinn.
Menn verða að gera sér grein fyrir því að ef
til mikilla átaka kemur milli aðila vinnumark-
aðarins þá verður með það stríð eins og öll
önnur að óbreyttir borgarar fara verst út úr
því. Slíkum átökum verður að komast hjá í
lengstu lög. Almenningur í landinu kærir sig
ekki um átök og hefur ekki bolmagn til að
standa í slíkum viðskiptum. Þó fyrirtækin séu
illa í stakk búin til að fara út í slíkt stríð þá
hefur reynsla sýnt það á undanförnum árum
að efnahagsaðgerðir stjórnvalda miðast við
afkomu atvinnurekstrarins. Allt tal um að
sleppa öllu lausu og láta aðila vinnumarkað-
arins bítast um kökuna hlýtur að leiða til
skelfilegra hluta sem stjórnvöld verði fyrr en
síðar að grípa inn í á ný.
- Spjallað við Karl Erlendsson, nýsettan skóla-
stjóra við Þelamerkurskóla
„Þessi skóU býður upp á
mikla möguleika til merki-
legs skólahalds. Hér er gott
húsnæði, æskileg stærð á
skóla, aðbúnaður mjög
góður og skólinn getur
verið hin mesta fyrirmynd-
arstofnun. Þetta eru megin-
ástæðurnar fyrir því að ég
sótti um þessa stöðu.“
Það er Karl Erlendsson,
nýsettur skólastjóri við
Þelamerkurskóla, sem hef-
ur orðið í viðtali „Dags-
ins“. Við gefum Karli orðið
áfram:
„Auk þess hefur þessi staður
upp á marga kosti að bjóða.
Hér er maður í sveitakyrrðinni
en þarf svo ekki nema rétt
suður yfir Moldhaugnahálsinn
til að nýta sér kosti þéttbýlisins.
En hvort maður er að sækjast
eftir mannaforráðum með þessu
er svo önnur saga. Ætli það sé
ekki frekar áhugi á skólamálum
almennt, auk þess sem þetta
getur að mörgu leyti verið
þægiiegt starf og það er áhuga-
vert að mínu mati. Annars
stæði maður ekki í þessu. Auk
þess var séð hvert ég stefndi
þegar námsgreinarnar í Háskól-
anum voru valdar, því þá bauð
landa- og jarðfræði upp á lítið
annað en kennslu að námi
loknu. Petta hefur hins vegar
breyst núna því landafræðingar
eru farnir að fá verkefni við
ýmiss konar skipulagsvinnu,
auk þess sem leiðir hafa opnast
til frekara framhaldsnáms í
greininni," sagði Karl.
Karl Erlendsson er fæddur 1.
september 1949 á Kópaskeri,
sonur hjónanna Kristjönu Jóns-
dóttur og Erlendar Konráðs-
sonar læknis.
„Við bjuggum á Kópaskeri
til 1956 en þá fluttum við til
Akureyrar,“ sagði Karl. „Þar
lá leiðin að sjálfsögðu í Barna-
skóla íslands, eins og við
kölluðum Barnaskóla Akureyr-
ar í þá daga, þar sem hann var
eini sanni barnaskólinn að okk-
ar viti. Ég gekk svo þennan
venjulega menntaveg hér á
Akureyri með misjöfnum ár-
angri eins og gengur. Stúdents-
prófi lauk ég frá MA 1970.
Eftir það stundaði ég kennslu
á Dalvík í eitt skólaár en tók
síðan að mér skólastjórn í
Borgarfirði eystra skólaárið þar
á eftir. Eftir það settist ég á
skólabekk á ný og nú til að læra
jarð- og landafræði við Háskóla
íslands. Jafnframt kenndi ég
við skóla í Garðabæ en að
dvölinni á höfuðborgarsvæðinu
lokinni fór ég austur á Jökuldal
og tók að mér skólastjórn á
Skjöldólfsstöðum í tvo vetur.
Þaðan er konan mín, Ragnhild-
ur Skjaldardóttir, og eigum við
einn son. Frá Skjöldólfsstöðum
lá leiðin aftur til Akureyrar þar
sem ég kenndi við Gagnfræða-
skólann þar til ég var settur í
þessa stöðu sem ég hef nú verið
endursettur í.
Samhliða kennslunni hef ég
undanfarin þrjú ár verið við
nám í uppeldis- og kennslu-
fræðum við Kennaraháskóla
íslands. Lýk ég þaðan prófi í
sumar en strangt til tekið hef ég
ekki full réttindi til kennslu fyrr
en að loknu því námi,“ segir
Karl.
- Áhugamál skólastjóra?
„Já, áhugamálin, þau eru
mörg. Fyrir utan að gera upp
gamalt hús sem við eigum á
Akureyri og hefur nú tekið
mestan okkar tíma að undan-
förnu hef ég mjög gaman af
ferðalögum og hef ferðast
talsvert. Ég get nefnt sem dæmi
tjaldferðalög um Evrópu, sem
við höfum farið í fjórum
sinnum, samtals í 18 vikur. En
því miður á maður sjaldan aura
til að leyfa sér slíkan munað,“
sagði Karl Erlendsson í lok
samtalsins.
Þclamerkurskóli.
Karl Erlendsson.
Mynd: GEJ
„Pwí miður á maður
sjaldan aura til að
leyfa sér slíkan munað
4 - DAGUR -:1B. maí 1983