Dagur - 25.05.1983, Blaðsíða 4

ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 110 A MÁNUÐI - LAUSASÖLUVERÐ 15 KR.
RITSTJÓRI OG ÁBYRGÐARM.: HERMANN SVEINBJÓRNSSON
FRÉTTASTJÓRI: GlSLI SIGURGEIRSSON
BLAÐAMENN: EIRlKUR ST. EIRlKSSON, GYLFI KRISTJÁNSSON,
ÓLAFUR JÓHANNSSON (SAUÐÁRKRÓKI) OG
ÞORKELL BJÖRNSSON (HÚSAVlK)
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Að skapa borð
fyrir báru
Ríkisstjórn Sjálfstæðisflokksins og Framsóknar-
flokksins er í burðarliðnum. Alþýðflokkurinn taldi
sér ekki fært að ganga inn í samstarf með þessum
flokkum og er það miður, því að með góðan og
ákveðinn málefnasamning að fara eftir hefði stjórn
þessara þriggja flokka getað orðið sterk og líkleg til
að áorka nokkru í efnahagsmálunum. Ekki er þar
með sagt að ríkisstjórn hinna flokkanna tveggja
geti ekki gert nauðsynlegar ráðstafanir, en þar sem
víðtækrar samstöðu allrar þjóðarinnar er þörf hefði
samstaða þriggja áðurnefndra flokka verið æski-
legri til að ná meiri breidd, án þess þó að hún veikti
samstarfið.
Það er alveg ljóst að mjög skiptar skoðanir eru
meðal flokksmanna bæði í Framsóknarflokknum og
Sjálfstæðisflokknum um samstarf þessara tveggja
flokka einna. Menn minnast enn stjórnarsamstarfs-
ins á árunum 1974—1978, auk þess sem ljóst er að
verulegur ágreiningur hefur verið um hvaða leiðir
fara skuli í efnahagsmálum. Framsóknarflokkurinn
getur ekki gengist inn á leiftursóknarleiðir sjálf-
stæðismanna og hinir síðarnefndu telja niðurtaln-
ingarleið Framsóknarflokksins fullreynda. Fram-
sóknarmenn eru hins vegar annarrar skoðunar í
þeim efnum og telja að niðurtalning hafi í raun
aldrei verið framkvæmd eins og til hafi staðið.
Mestu hlýtur þó að skipta þegar upp er staðið að ár-
angur náist í baráttuna við þann alvarlega vágest
íslensks efnahagslífs sem nefnist verðbólga, sem
raunar hefur nánast skapað sér heimilisfesti í efna
hagsmálum þjóðarinnar.
Fyrirfram er ekki hægt að segja hvort ríkisstjórn
framsóknarmanna og sjálfstæðismanna er góð
stjórn eða vond, sterk eða veik. Slíkan dóm verður
aldrei hægt að leggja á neina ríkisstjórn fyrirfram.
Báðir þessir aðilar þekkja hins vegar nauðsyn þess
að grípa alvarlega í taumana og raunar má fullyrða
að allur almenningur sé sömu skoðunar. Framsókn-
armenn hafa ætið lagt höfuðáherslu á að þetta verði
gert með þvi að þeir sem minnst mega sín verði
ekki illa úti og aðalatriðið er þó að viðhalda atvinnu
fyrir allar vinnufúsar hendur. Það verður best gert
með því að tryggja atvinnurekstri landsmanna við-
gang og vöxt.
Það gengur ekki til lengdar að halda atvinnu-
rekstri landsmanna í slíkri klemmu að ekkert borð
skapist fyrir báru, hvað þá að borðstokkana megi
hækka til að auka burðargetuna. Það verður að
koma atvinnurekstrinum af brauðfótunum. Með
því' verður best tryggt að atvinnuöryggi haldist í
landinu. Aðgerðir mega hins vegar ekki verða til
þess að þeir sem nú þegar eiga í erfiðleikum með að
viðhalda þeim lífskjörum sem við höfum vanist á
undangengnum áratug verði enn frekar fyrir barð-
inu á þessu erfiðleikaástandi. Sumir hafa úr miklu
meira en nógu að moða og eitt brýnasta verkefnið
er að jafna tekjuskiptinguna í þjóðfélaginu. Fram-
sóknarflokkurinn á að setja sér það markmið að
verja þá sem hafa lágu og miðlungslaunin. Það er
deginum ljósara að allir verða að herða ólarnar, en
misjafnlega mikið.
„Ég vona að þessi aðdáunarverða tilraun Flugleiða takist en geri mér jafnframt
grein fyrir því að nánast verður um þrekvirki að ræða ef hún tekst. Málið snýst
alfarið um það hvaða undirtektir beina flugið fær meðal Akureyringa og Eyfirð-
inga og raunar meðal annarra Norðlendinga. Ég held að máltækið „Vegir skapa
vegfarendur“ geti sem hægast átt við um þetta beina flug milli Akureyrar og Kaup-
mannahafnar. Þarna skapast ný og greiðfærari leið fyrir Norðlendinga. Menn fara
frekar yfir á þar sem brú er en á vaði. Fólk verður hins vegar að vita af hinu nýja
vegasambandi og ég óttast að meðal útlendinga hafi kynningarstarfið ekki hafist
nógu snemma og ekki verið nægilega hnitmiðað, því útlendingar byrja mun fyrr að
huga að og skipuleggja ferðir sumarsins heldur en við. Að sjálfsögðu er mikilvægt
að selja bæði í ferðirnar til Kaupmannahafnar og þaðan til Akureyrar. Það er frekt
á tíma, fé og fyrirhöfn að kynna nýjar ferðir og þrátt fyrir ötula kynningu Flug-
leiða og annarra þeirra sem annast fyrirgreiðslu við erlenda ferðamenn sem hingað
vilja koma er allsendis óvíst hvort undirtektir verða nægar til að þessi nýja leið
haldist opin. En við höfum þó allavega þær ferðir sem ákveðnar hafa verið í sumar
og framhaldið ræðst af því hvernig til tekst.“
Kolbeinn Sigurbjömsson við eftirmynd af hafmeynni frægu, einkenni Kaupmannahafnar.
Myndir: H.Sv.
Það er Kolbeinn Sigurbjörnsson,
forstöðumaður Ferðaskrifstof-
unnar Útsýn á Akureyri og einn
eigandi hennar, sem hefur orðið
og umræðuefnið er hinn nýi og
spennandi ferðamáti sem beina
flugið milli Akureyrar og Kaup-
mannahafnar er. Það hefur tölu-
vert verið um þetta mál rætt í
Degi og ekki að ástæðulausu, því
hvers konar ný þjónusta hlýtur að
vera Norðlendingum til góða,
Það er hins vegar nokkuð ljóst að
takist þessi tilraun ekki í sumar
þá gæti orðið bið á að aftur yrði
reynt.
Kaupmannahöfn er vel staðsett
til áframhaldandi ferðalaga um
Evrópu. Útsýn er stærsta ferða-
skrifstofan hér á landi með mikil
og gróin tengsl við ferðaaðila út
um allan heim, einkaumboð fyrir
stórar ferðaskrifstofur, m.a.
Tjæreborg og American Express
sem báðar hafa skrifstofur í
Kaupmannahöfn. Kolbeinn var
því inntur eftir þeim möguleikum
sem skapast til ferðalaga vítt og
breytt um hnöttinn eftir að til
Kaupmannahafnar er komið.
„Það má e.t.v. geta þess fyrst
að mér finnst vera geysilegur
áhugi á þessu flugi meðal Norð-
lendinga, ekki aðeins þeirra sem
aðeins eru á ferðinni til Kaup-
mannahafnar heldur ekki síður
hinna sem ferðast vilja út frá
Kaupmannahöfn. Það er að vísu
sá galli á þessu að þeir sem ætla í
framhaldsflug t.d. til Tokyo verða
að gista yfir nótt í Kaupmanna-
höfn, vegna þess hve seint flugið
er. Á móti kemur að sjálfsögðu
að menn spara sér ferðir t>’
Reykjavíkur og gistingu þar.
Þetta skiptir heldur ekki máli ef
menn ætla að stoppa eitthvað í
Kaupannahöfn áður en haldið er
áfram.“
„Hvaða möguleika getur Útsýn
boðið upp á í ferðalögum frá
Kaupmannahöfn til fjarlægari
staða?“
„Þar er um óhemju mikla
möguleika að ræða. Við erum í
nánum tengslum við meiriháttar
ferðaskrifstofur og þessi tengsl
hafa skapast á löngum tíma, eru
rótgróin og vinsamleg og síðast
en ekki síst persónuleg, sem
getur skipt sköpum um það
hvernig tií tekst með samninga.
Ég get nefnt sambönd við Tjære-
borg, Nordisk Ferie, American
Express, flugfélag á borð við
British Airways, sem er eitt hið
4 - DAGUR — 25. maí1983