Dagur - 15.06.1983, Blaðsíða 16

ÞJÓNUSTA
FYRIR
HÁÞRÝSTISLÖNGUR
OLÍUSLÖNGUR og BARKA
PRESSUM
TENGIN A
FULLKOMIN TÆKI
VÖNDUÐ VINNA
Tugir
laniba
hafa
króknað
Á bænum Hraunum ■ Fljótum
hafa tugir lamba króknað í síð-
asta norðanáhlaupi, einnig
hafa margar fullorðnar ær
drepist og auk þess ein hryssa.
Enn eru ekki öll kurl komin til
grafar sökum snjóa og ófærð-
ar. Þarna er um gífurlegt tjón
að ræða.
Bændur í Fljótuih eru flestir
orðnir heylausir og lítið sem ekk-
ert hey er að hafa í nágrenninu.
Nokkuð er um að ær hafi geldst í
kuldunum og fóðurkostnaður er
orðinn gífurlegur. Nýfallinn
snjór er á láglendi og var þó nóg-
ur fyrir. Ef ekki rætist úr tíðarfar-
inu á næstu dögum er útlit fyrir
neyðarástand hjá bændum í
Fljótum. RP/KGA
Dregið
hefur úr
Nokkuð hefur dregið úr
atvinnuleysi á Akureyri að
undanförnu og samkvæmt
upplýsingum Hauks Torfa-
sonar hjá Vinnumiðlunarskrif-
stofunni hefur gengið þokka-
Iega að útvega fólki vinnu það
sem af er þessum mánuði.
- Það voru 143 á atvinnuleys-
isskrá um síðustu mánaðamót,
þar af 56 verkamenn en þessi tala
hefur lækkað nokkuð nú í júní,
sagði Haukur.
Að sögn Hauks Torfasonar
voru nokkrir skólapiltar meðal
hinna atvinnulausu en nokkuð
bæri einnig á því að menn sem
hefðu verið á vertíð t.d. fyrir
sunnan, hefðu snúið heim og
vantaði nú vinnu.
Haukur sagði að alls hefðu 410
umsóknir borist um vinnu við
Vinnuskólann í sumar en tals-
verður hluti þessara umsókna
hefði ekki borist fyrr en eftir að
umsóknarfrestur rann út 13. maí
sl.
- Ég veit þó ekki betur en það
hafi átt að útvega öllum þessum
unglingum vinnu, sagði Haukur
Torfason.
Yeðrið
''77m'YX
Á veðurstofunni fengum við þær
fréttir að næstu tvo sólarhringana
yrði sunnan og suðvestanátt.
„Það verður bjart, hlýtt og úr-
komulaust að mestu,“ sagði
Eyjólfur Þorbjörnsson, veður-
fræðingur.
Veiðimannsefnið Tryggvi Þór Guðmundsson og Stefán Om Ingvarsson að
gera sig klára við Laxá.
Lítið líf
í Laxá
„Veiðin er alveg ömurleg
núna. Ætli það séu ekki komnir
7-8 fiskar á land síðan 10.
júní,“ sagði Stefán Örn Ingv-
arsson, en hann var að veiða í
Laxá í Aðaldal ásamt Guð-
mundi Guðjónssyni og
Tryggva Þór Guðmundssyni
„sem er framtíðarveiðimaður
með mikla hæfileika,“ að sögn
Stefáns.
Þeir félagar voru að veiða í
svokölluðum Bakkastreng.
„Þetta er bara upphitun,“ sagði
Stefán. „Við erum að veiða upp i
vinnudagana sem við Húsvíking-
arnir fáum fyrir þá vinnu sem við
framkvæmum á veiðisvæðinu við
málningu á prömmum og bátum
og fleira sem þarf að gera til að
allt sé tilbúið er veiðitíminn hefst
fyrir aivöru 15. júní.
- Hvaða agn notið þið?
„Við notum allt, spún, maðk
og flugu, en það virðist ekkert
hafa að segja. Ætli fiskurinn sé
nokkuð genginn almennilega í
ána,“ segir Stefán og vippaði sér
niður á bakkann til að kasta fyrir
þann stóra.
KEA-skyrið
í plastöskjur
- Jarðaberjaskyr einnig væntanlegt
„Skyrinu frá okkur hefur verið
handpakkað í sellófanpappír
en á morgun erum við að byrja
að dreifa gamla góða KEA-
skyrinu í plastöskjum,“ sagði
Þórarinn Sveinsson, hjá
Mjólkursamlagi Kaupfélags
Eyfírðinga, í samtali við Dag í
gær.
Þórarinn sagði að skyrinu yrði
pakkað í 200 og 500 gramma
plastöskjur og yrði pökkunardag-
ur stimplaður á lokin en geymslu-
þol skyrsins er um vika frá pökk-
unardegi.
„Þá erum við einnig að hefjast
handa um að setja á markaðinn
jarðarberjaskyr, en það er gamla
góða KEA-skyrið okkar bragð-
bætt með jarðarberjabragði,“
sagði Þórarinn.
„Þegar kreppir
að vilja allir
allt fyrir
okkur gera“
- segir Árni Steinar Jóhannsson,
garðyrkjustjóri
Þó sumarið sé fyrir löngu
komið, samkvæmt almanak-
inu, þá hefur farið heldur lítið
fyrir því hingað til. Margt
bendir þó til þess að það sé
handan við hornið og meðal
þess sem minnir okkur á
sumarkomuna eru sumarstörf
bæjarvinnumanna. Þá hafa
þægilegir garðbekkir af dönsk-
um uppruna einnig vakið at-
hygli manna.
- Það er rétt að geta þess í
upphafi að það var byrjað að
panta þessa bekki árið 1979 og
hinir síðustu þeirra komu til
landsins í ágúst í fyrra, sagði
Árni Steinar Jóhannsson, garð-
yrkjustjóri, er við slógum á
þráðinn til hans og spurðum um
dönsku bekkina.
Að sögn Árna Steinars voru
bekkirnir á mjög hagstæðu verði
þegar byrjað var að panta þá,
1979, en þá vildu jafnframt fá eða
engin innlend fyrirtæki taka þessa
smáframleiðslu að sér.
- Við pöntuðum því bekkina
milliliðalaust frá Danmörku og
það er meðal annars ástæðan fyrir
hinu góða verði. Síðan þetta
gerðist hefur þróun gengismála
hins vegar verið mjög óhagstæð
og nú er ekki lengur hagstætt að
kaupa þessa bekki erlendis. ís-
lensk fyrirtæki eru orðin sam-
keppnisfær og það sem hefur í
rauninni gerst er það að dregið
hefur úr verkefnum fyrirtækja
hér og því eru þau orðin nógu góð
til að framleiða fyrir okkur. Þetta
er nákvæmlega það sama og t.d.
hjá Vörubílastöðinni Stefni svo
annað dæmi sé tekið. Þegar þeir
eru í stórum verkefnum og allt
leikur í lyndi þá hafa þeir engan
tíma til að sinna okkur en þegar
það kreppir að þá vilja þeir allt
fyrir okkur gera, sagði Árni
Steinar Jóhannsson.
# Afveðri
Það tekur á taugar Norölend-
inga að hírast í kulda og
trekki dag eftir dag þegar líða
fer að lengsta sólargangi.
Margir hafa spáð, en fáír
reynst sannspáir nema þá
Drauma-Jón í Degi. Hann
spáði erfiðu sumri með snjó-
komu f hverjum mánuði sem
stenst enn.
Hrafn Sveinbjarnarson á
Hallormsstað hefur alltaf ver-
ið til með að spá, enda grallari
mikill að eðlisfari. Hann segir
þá nákvæmlega til um veður-
breytingar, oftast upp á mín-
útu. Eitt vorið spáði hann
veðurbreytingum og töldu
flestir að þar væri Hrafn að
spá fyrír um sumarkomu. En
þá brá svo við að það brast á
með norð-austan og snjó-
komu á Héraði á þeim tíma
sem Hrafn hafði spáð veður-
breytingunum. Gárungarnir
höfðu þá orð á þvf við
„Krumma“, að ekki væri hann
mikill spámaður. „Nú“, svar-
aði Krummi, „ég spáði aldrei
sól og blfðu, ég sagði bara að
veðrið myndi breytast“.
• Slófyrir
aksturinn
Bóndi nokkur f Eyjafiröi fékk
fyrir nokkrum árum vörubfl-
stjóra nokkurn til þess að
flytja fyrir sig hross, sem er í
sjálfu sér ekki í frásögur fær-
andi. En þegar kom að því að
greiða fyrir flutninginn bar
bóndi sig illa, kvartaði um
peningaleysi og einnig það
að hann hefði svo mikið að
gera, hann ætti eftir að slá
túnið hjá sér og fleira f fram-
haldi af því. Fór svo að bíl-
stjóranum fór að leiðast
þessi „mæðusöngur“ bónda
og bauð honum að slá fyrir
hann fyrir aksturinn. Bóndi
tók því vel og skildu þeir sátt-
ir að slætt! loknum.
• Hálft
folald...
Nokkru síðar þurfti bóndi
aftur á flutningi á hrossum að
haida og að sjálfsögðu hafði
hann samband við sama bfl-
stjóra. Lofaði bóndi að greiða
honum fyrir flutninginn að
þessu sinni með hálfu svíni.
Hrossin voru flutt og ein-
hverjum mánuðum síðar
hugðist bflstjórinn sækja
hálfa svfnið sitt. En í millltfö-
inni hafði bóndinn hætt með
svfn og gat því ekki staðið
við loforð sitt. Bauð hann
bílstjóranum þess f stað að
láta hann hafa hálft folald og
féllst bflstjórinn á það. Þegar
hann hugðist svo sækja hálfa
folaldlð sitt tók bóndi á móti
honum, en kvaðst þvf miður
ekki vita hvernig hann ætti að
fara að því að slátra hálfu fol-
aldl. Um framhaldið vitum við
ekki en sennilega hefur bóndi
þessi haft sæmilega afkomu.